ماشاء الله لاحول ولاقوة الابالله الله يبارك لك
وعسى السعادة دوم

مبتعثه .. ندى .. رغد


اشكركن خواتي ماتقصرن ...

السلام ورحمه الله علينا وعليكم ..


اول شي اطلب السموحه والعذر في حال قلت مابا اتكلم عن مستجداتي كوني كنت في حاله اب سيت او شبه...
طبعن مااقدر اخبي عنكم تفاصيلي بما انكم خوات لي في الله

بس هالمره ان شالله ماراح اسكر موضوعي لاي سبب كان لين مايزفوني ع سالم ربي يحفظه..


سالم الحين في هاللحظه قاعد مع خاله وولد خاله..في بوظبي .بوظبي اليوم نورها زود بنور سالم وانا انتظر الموعد باجر ان شالله .. وكثر ما انا مستانسه قمت اطفطف في البيت .. الريم وام حمدان خواتي باجر بيوني وابوي قالي الجماعه دقوا وباجر عندنا ان شالله انا متواصله مع سالم عشان احس براحه اكثر .. سالم وايد متشوق ووفرحني انه امه وافقت وقالتله الله يوفقك يابني وانا ماابا غير سعادتك وراحتك . وطبعن الام قلبها ع ولدها والاكيد راح تفرح من فرحته.. وسالم قالي انه امه ماراح تتكلم عند زوجته لين مايملج .. بروحه بيخبرها .. طبعن هالفكره كانت فكرتي المتواضعه ..


انا قلتله ثالث ايام العيد .. زوجتك لاتعرف الحين لانه لو درت راح تجلب الدنيا علينا ونحن مانخالف شرع الله.. بس مع الوقت ويوم تنحط جدام الامر الواقع راح ترضى.. ان شالله بترضى ربي مايخيب بظن عبده ..

سالم قالي انا ماغلطت وبخبرها واللي فيها فيها .. قلتله لا ياسالم لين ماتملج علي ساعتها خبرها قالي انا لمحتلها والبنت طفله تضحك وتعتقد اني اتغشمر وتقول ماتقدر تسويها. ووقتها قلت امشي ع كلام حبيبتي روضه واسكت لين مانتزوج واذا درت خلال الفتره ماعندي اي مشكله راح اقولها قلتلك وانتي خذتي الموضوع بالضحك ..


اهم شي امه وافقت وقالت انت الحين راجل وتعرف مصلحتك وانا امك ماراح اوقف بطريق سعادتك..


خلاص اخيرا را تتزوج ان شالله ونعوض الوقت اللي مضى من عمرنا..



همسه. اللي بيدخل وبيغلط علي وعلى سالم بظطر اتجاهلة ومابا اخباري الطيبه تتحول عزى ونكد ع راسي انا اليوم وصلت للهدفي .. ودعوة طيبه لو بظهر الغيب تكفيني نحن نسعى للحلال والحرام جدامنا لو مانبا بعض بنمارس الحرام لكن فطرتنا تمنعنا من هالشي .

خليفه ريم واليازي بنت اختي وعيال اختي فرحاننين لي .. وابويا اولهم وذياب فرحان وموب فرحان .. يقولي من صدقج بتاخذينه قلت بياخذني قصدك ضحك قالي الله يوفقج.. قلتله شو رايك قالي سالم احيده طيب وحشيم و اللي يريحج جدميه..










باجر ان شالله بعد صلاه العصر بيوون .. والله يسهل ..

__________________
أحملُ قلبا بريئاً ك فتاة الرّيف حين تفرح بِحلوى القطنِ الورديّه..
.fg

والله ياساندرا بعد التعب وصلنا .. وايد ياساندرا في الايام اللي مضت مانسيته وكل ماذكره اقول شو يسوي الحين وهو قريب مني بس الضروف وامور كثيره امنعتنا..
اليوم تحقق ياساندرا وامي لو كانت موجوده كان فرحتلي من القلب.

وفرحتج من قلبح لي اشكرج عليها . ياعسى ربي يحقق لج مناج .. وافرح فيج مثل مافرحتي فيني

انا ما اعرف قصتك لكن رايي
الزواج من انسان متزوج ولديه اطفال ان لم يكن بزوجته الاولى عيب شرعي يلزمه بالزواج باخرى
فالزوجه الاولى بتحس بالظلم و الغبن ف الله يعينها و يصبرها
اما اذا كنتوا تجاوزتوا الظروف هذي فالله يبارك لكم
لكن كلامي اوجهه لك مباشرة بغض النظر عن كل ما حدث
تحملي كل ما سيحدث جراء كونك الثانيه و لا تظلميها حتى باصغر المواقف لان الدنيا تدور
ربما تزوج زوجك عليك فالمستقبل! هذا وارد
انا لا اخوفك و لا اعرف ظروفك
لكن اضع بعض من الاحتمالات امامك
و انتي لم تكتبي الموضوع الا لتقبل اراء الاخرين

بوركتي

اشكرج حبوبه ..
وسالم لو تزوج علي في المستقبل طبعن بنفصل بدون ضجه والله يوفقه.. بس انا اللي يهمني الحاضر عزيزتي

الله يوفقك ويسعدك

واهم شي الدعاء والاذكار لاتنسينهن

__________________
سبحان الله وبحمده

حاضر ان شالله والله يوفقج ان شالله

تستاهلين حياتي كل خير
ربي يوفقج ويسر امرج ويرزقج من اوسع ابوابه

__________________
جزيتم خيرا ع المنتدى الرائع واخوة رائعين، فترة جميلة جدا كانت معاكم، دعواتكم