مستجدات : وصل منها رساله واتساب .. انه (( بنات مين صاحي !! تفطر معايا في أي هوب .. مشتهيته مره ))

- وش رايكم اقولها - انا عازمكم وبعدها نتناقش في الموضوع !!

ما راح تخسر شي أخوي ..

لعل و عسى .. تكون فكرت مع نفسها ؟
دامها مشتهيته مرة ،. و أسلوبها نوعا ما لطيف .. و مو مثل بالبداية تهديد و وعيد ..

برأيي الشخصي ..
أنا معاك ..

الرساله باين انها مقصوده .. لأن ماعمري جاتني رسالها منها بهاذي الطريقه !!!

عموما - رسلت لها بس ماردت .. !!

الرسالة موجهة لك ياخوي .. نحن نساء و فاهمين الحركات هذه ^_^

الأسلوب اللي ترفضه ( تجاهلها ) <-- تجاهلها هي ، مو تتجاهل الأسلوب و التصرف ..

الأسلوب اللي ترغب باستمراره ( رد عليه ) .. حتى هي تطور من نفسها في الجانب هذا ..

واضح انها ذكية لكن تجهل أمور الحياة الزوجية و تنظر للزوج بنظرة - ندية - ..
و دورك الآن ( تقويم حياتكم ) ..

شاكه فيني تقول كمل كلامك مع صاحبتك ولا اعزمها هي علي الفطور

الأسلوب اللي ترفضه ( تجاهلها )
<-- تجاهلها هي ، مو تتجاهل الأسلوب و التصرف ..

.
.

خلاص تجاهلها ، و لا ترد عليها ..
حتى تحسن من أسلوبها بالكلام معاك ، و ترد عليك باحترام ..

هي اللي خسرت ( عرضك ) لها ..
و خليها تشعر بغلطتها ، و ما تكرر الأسلوب هذا من جديد ..

.
.

تحاول تستفزك ، و تتغلى عليك ..
بأسلوب ( منفر ) ..

والله اني ضحكت ..

كلمتها الحين .. واتفقنا نتقابل

طيب كويس

كنت حابة أوضح لك شي أخوي ..

كمل كلامك مع صاحبتك ولا اعزمها هي علي الفطور
^
^

لو قرأت ما بين السطور و حاولت تفهم ليه قالت كذا ..

لإنها بدأت تخاف و تستغرب عن سبب تغيرك عليها ..
و خافت تخسرك ، و تبغى تطمن إنه مافي أحد في حياتك غيرها ..

بدأت الشيطان يوسوس لها ، إنه أكيد ما يحبك و لا لقي وحدة غيرك ..

.
.

نصيحة ..
لا تعطيها الثقة التامة إنها ( الوحيدة ) بحياتك ..
خليها تخاف من خسارتها لك .. لو كررت الأفعال المسيئة لك ..

هي تدري إنك زوج ما راح تلاقي مثله ..
و بدأت تشعر بذلك فعليا ..

.
.

و زوجتك تغار عليك من أهلك ، و تبغى تحس انها عندك رقم 1
بس لازم توضح لها ، إنه أهلك - خط احمر - ..

و انك لو ما احترمت اهلك من خلف ظهرهم ،. فإنت ما راح تحترمها من خلف ظهرها ..

الحمد لله فهمها وكلمها قولها انا انسان بعيش باقي عمري بسعاده وبسعدك واسعد بنتا معانا

ولا تفتح موضوع الاهل رجااااااء اول شيء حبو بعض وافهموا بعض وخلي مواضيع الاهل

قولها جيبي ورقه وقلم وحطي ايجابيتي وسلبياتي وانا كمان لازم تعطى الايجابيات ونصلح السلبيات

انا اخترتك من بين البنات زوجه وانت رضيتي فينى زوج الحياه ماتمشي بالمكابر ولاينبي بيت

باختصار اتركوا المكابر وخلوا الاهل على جنب وسوى الى عليك بحب حتى لو سار شيء تكون ريحت ضميرك وماتركت باب الا طرقته

وياليت تصارحها بالي بنفسك وانها ممكن تخسرك خليها تخااااف شوي لو بينها وبين نفسها قولها انا وصلت لمرحله فكرت بالنفصال ماحس انى متزوج اصلا وانتي كل شوي خارجه من البيت مايسير هالكلام

انا رجل البيت ياليت يكون فيه شويه احترام لكلامي

__________________
ان لم تستطع التفاؤل ،،
فلا تخبر أحدآ أنك متشائم .

كلام جميل ..

الحين كلمتها وقالت لي لاتوقف عبد الباب وقف قدام شوي عشان ماتبي خالها يشووف !!! لا يكون مدخله خالها بالموضوع !!! وانه يبيني اكلمه !!؟