لحن الوفاء
لو اقولك قصتي .. كيف عرفت اني حامل بتنصدمين
ههههههههههه تتذكرين يا كوكار؟؟؟؟؟
المهم خليني احكي لك القصه
قبل لا اعرف اني حامل بأسبوع ... كانت اختي رجلها تألمها (كانت حامل) نفس مشكلتي الحين ماتقدر تمشي .. فجابت مراخه .. وبالفعل عملت لها مساج .. واختي قالت لها عني وقالت لها اني ابي احمل بس مايصير معاي حمل
المهم
قالت لها خليها تجي الغرفه وبشوف شموضوعها.. انا ماصدقت .. طيران على الغرفه ... ومسكت بطني .. وقالت اوووووه شوفي صاير لك مثل كتلة لحم صغغغغغغييييييييييره .. هذا رحمك متغير مكانه ( كان هذا مكان تكون البيبي) .. قلت لها يعني مو حمل ؟؟ انا مب حامل ؟؟ قالت لاااااااااااااا انتي اصلا رحمك مقلوب
زعلت وقالت لي خلاص خذي رقمي ... وكلميني اول يوم تجيك الدوره
بعدها بيوم كلمت صديقه لي ... وقلت لها ان الدوره صايره ماتنزل عدل .. وانها قليله .. راحت وعطتني وصفه (حب الرشاد وزيت الزيتون و تمر ) وقالت لي اسخنهم واشربهم مع ماي
(شوفي غبائي )
وقالت لي هالخلطه تشربيها اول يوم تجيك الدوره عشان تنظف رحمك تنظيف
ومر الاسبوع ..واتذكر .. ان قبل موعد الدوره بيوم ...
كان عندي موعد اشوف نتيجة تحليل الالتهاب اللي فيني ..( كانت تنزل علي افرازات ) وكنت مفكرته التهابات
قالت لي الدكتوره .. التحاليل مبينه ان مافيك التهاب ... يمكن هذي الافرازات افرازات حمل .. تعالي معاي السرير واكشف عليك...
اول مارحت على السرير .. شفت بقعة دم صغنونه
قلت لها خلاص يا دكتوره ... شوفي الدم .. الظاهر انا مب حامل ... وقمت وكلي خيبه امل .. والدكتوره تقول لي معليه خيرها في غيرها
وانا ابتسم لها ابتسامه حزينه
رجعت البيت وانا مش عارفه .. ابكي ولا اضرب راسي في الحيط.. من الخيبه اللي انا فيها
وعلى طول كلمت المراخه
قلت لها جاتني الدوره من شوي .. قالت لي خلاص .. موعدنا بعد بكره .. الصبح
المهم رحت على المطبخ .. وعملت خلطتي السحريه .. اللي صديقتي عطتني اياها ... وانتظر ينزل الدم ... مااااااا نزل
ثاني يوم كمان شربت الخلطه .. ومافي فايده الدم مش راضي ينزل ... وانا زعلانه ان حتى الخلطه ماخذت مفعولها ونظفت رحمي ... واقول بقلبي يارب متى ارتب اوضاعي عشان احمل .... الدم مش راضي ينزل
نمت الليل وقلبي مش مرتاح من موعدي مع المراخه بكره الصبح
وقررت بيني وبين نفسي ان الساعه 9 الصبح ... بكون قدام باب المختبر ... لان موعدي مع المراخه 10
وبالفعل ما جات 9 الا وانا في المختبر
عملت التحليل الدم وانا متضايقه .. حتى مابي اعرف النتيجه لاني اعرف انها دوره .. احس بألمها وبقعة الدم ... ونغزات في صدري ... هذي ساعات تكون اعراض الدوره معاي
قلت لهم متى اخذ النتيجة .. قالو بعد ربع ساعه اتصلي فينا وبتاخذي النتيجة
مع الزحمه في الشارع ... جات الساعه 10 والمراخه تنتظر في البيت ... دخلت عليها وقلت لها .. شوفي مابيك تمسكيني لحد ماشوف النتيجة ... وقالت طيب خلاص
انتظرت كمان خمس دقايق ... وانا ماسكه فاتورة التحليل .. وخاااااااايفه اسمع اني حامل وكمان مابي اسمع اني مب حامل ... خايفه من الخلطات اللي هببتها وشربتها .. وخايفه يضيع الامل .. من الكلمه اللي تمنيت اسمعها
قررت اتصل
وبالفعل .. حولوني على المختبر ... عطيتها اسمي ورقم الفاتوره
قالت لي Yes madam fe Hamel
يس مادام في همل ... همل = حمل ... بس تعرفين لغة الفلبين العربيه
قلت لها what????
متاكده ؟؟
ضحكت قالت yes
شكرتها وصكيت التلفون
وانا منصدمه .. احس البلاوي اللي هببتها .. والخلطات اللي شربتها ... كلها صور ترقص قدامي ... ياربي شسويت بالبيبي اكيد باسقطه ومب كامله فرحتي
هااااااا نبدا نمرخ؟؟ قالت لي المراخه ... قلت لها لحظه ... واتصلت مره ثانيه على المختبر .. وسالتها .. عن اسمي .. قالت يس مدام في حمل .. وهي تضحك .. وقالت لي انتي مش مصدقه؟
قلت لها وانا ابكي ... لا
والله ساعتها مش عارفه بكيت من الفرح ولا من الخوف على المصايب اللي هببتها في نفسي
قلت للمراخه
خذي حسابك ومشكوره ... انا حامل
انصدمت وضحكت وباركت .. وقامت تقرا على بطني وتدعي .. وانا اتصلت على امي
اوووووووووه وقصه امي قصه
اتصل على موبايلها .. ماترد .. اتصلت 3 مرات ... محد يرد ...
الاخت تتغلى .. عارفين ليه؟؟ تقول كل ماتصل عليك ماتردي علي .. قلت بسوي لك نفس الحركه
صرخت عليها وانا ابكي .. تعاااااااااااااااااااالي انا حامل
هاااااا؟ شتقولين ؟ .. والله اذكر.. كانت مو قادره تبلع ريقها ... انتي حامل ... لالا اكيد غلط
انا جايتك ... ولا تقولي لزوجك .. بنروح نحلل مره ثانيه ... ونتاكد
رحنا مكان ثاني .. وحللت .. وبعد ساعتين طلعت النتيجه ... حامل
وبس
ان شاء الله عجبتكم قصتي