اخيه بعطيها لك نصيحه
الرجل لا يحب عناد الزوجة ولا الندية والله وتالله انها سبب طلاق كثير من الازواج زوجك ليس نداً لك فلا تعامليه بهذا الشكل اسلوب وحدة بوحدة ينرفز الرجال مايصلح للأزواج تقولين الضرب خط احمر لازم الرجال مايمد يده على زوجته كلامك صحيح ماعمرك سألتي نفسك ماهي الخطوط الحمراء عند الزوج طيب ؟؟ والله اني طلقت زوجتي بسبب العناد والندية وكنت غاسل يدي انها تتعدل لأنه خلال 4 سنوات احسست انه طبع وشخصيتها كذا انفصلنا والله لا ابوها ولا ابوي ولا امها ولا امي قدروا يحلوا الموضوع ونرجع بس لما هي بنفسها اتصلت وبدأت تقول هانت عليك العشرة ومن هالكلام حن قلبي لها وكلمتها وشرحت لها ان هالاسلوب ما احبه وشرحت لي ان هالاسلوب هي ماتحبه وعدتني تتغير ووعدتها اتغير الآن والله لو تبغى اي شئ البيه لها وهي الآن مسافرة بالعيد مع اهلها وعيالي يستانسون ورسائل الحب والشوق ماتوقف لكن والله لو قرات كلامها هنا بالمنتدى ان انا بالنسبة لها تحصيل حاصل وماتفرق معاها رجعت او لا واغلب الوقت عادي وقليل تشتاق لي والله ما ارجع لها لو تتصل 100 مره باليوم انتبهي ترا هالمنتدى مشهور وكثير يدخلونه للقراءه فقط وتقع عينه على تطابق بالاحداث ويكتشف انها زوجته او تكتشف انه زوجها وتزيد المشاكل فوق ماهي زايده اذا كتب الله لكم الرجوع انهوا موضوع السيارة وخلوا شركة التامين تستلمها كحادث وتالف او اي شكل من الاشكال اذا بتغيرين زوجك في المستقبل لازم تغيرين نفسك جربي شهر لاتعاندين وشوفي وش يصير واتركي نظام وحدة بوحده تراه مايصلح ببيت الزوجية ![]() |
صحيح أن زوجك مخطئ..
لكنك تقطعين كل باب للتواصل المباشر والتفاهم.. فرق كبير بين موقفك بداية الموضوع وخوفك من الطلاق..وموقفك فيما بعد.. أراه كلما تقدم خطوة.. تأخرت أنت خطوتين.. بلا شك ابليس سيستغل هذا الامر..وسيصور الموضوع لديه أن المسألة مسألة كرامة..وأنك تريدين اذلاله.. حتى لو كنت لاتقصدين ذلك.. أحسبيها صح واعرفي ان بينكم طفل.. واعرفي أن في مرحلة اذا وصل الموضوع لها..ينتهي الأمل بالرجوع.. أسال الله أن يصلح شأنك ويوفقك لما فيه خيرك وصلاحك.. ... .. . |
أرى أن الفارق المادي بينكما له أثر كبير على مسار حياتك مع زوجك
وربما كان سببا مباشرا أو غير مباشر لأكثر المشاكل بينكما.. في الماضي والحاضر وربما المستقبل.. وفي ظني اذا لم تتكيفي مع وضعه وإن قصر فلن تستمر حياتكما.. هذا إن رجعتم.. ... .. . |
آليوم اتصل علي من رقم غريب( على باله اذا اتصل من رقمه ما رح أرد) عيد علي بس كنت مع اخواني رايحين السوق وبننزل من السيارة فاعتذرت منه أني مشغولة رح رجع اتصل وانا اتعشى وما انتبهت للجوال |
اخوي
اولا الله يوفق بينك وبين زوجتك ولا يفرق بينكم ويخليكم لعيالكم.. أنا يوم سألتني روح الطير عن مشاعري ترا كنت دوبي مضروبة والموضوع طازج هذا اولا وانا لو اكرهه فعلا كان ما صدقت على الله طلقني وعلى طول قلت لأبوي يطلب منه يرسل الورقة .. بعدين أنا دوبي حديثة الزواج ومشاعري ما استقرت وماعاشرته زين هذا من جهة من جهة ثانية مع تصرفات زوجي وغيابه شبه الدائم طبيعي مشاعري بتكون محايدة وبهالشكل الا اذا شد حيلة وحاول يعوضني ويتقرب مني ويعاملني بأسلوب حلو أكيد رح احبه وبشده،، بعدين تراه انقطع اكثر من أسبوع وخلالها لا ليلي ليل ولا نهاري نهار وكل شوي افتح الواتس عشان اشوفه متصل ولا لا .. انتظر بس رسالة او أتصال عشان أرد عليه ،، وبطبيعة الحال مارح ابادر أنا بالاتصال طبعا بس مستعدة في اي لحظة يتصل أرد ونتفاهم.. آليوم اتصل علي من رقم غريب( على باله اذا اتصل من رقمه ما رح أرد) عيد علي بس كنت مع اخواني رايحين السوق وبننزل من السيارة فاعتذرت منه أني مشغولة رح رجع اتصل وانا اتعشى وما انتبهت للجوال، ما اخفيكم شعوري لمن سمعت صوته خاصة بعد انقطاع شهر ونص ،، حسّيت هرمون السعادة تدفق في جسمي، يجي ابليس يذكرني باللي مضى ويحاول يخرب علي بس ادحره على طول،، وبالنسبة للمشاكل ، لازم يا اخي اكتب مشكلتي بأدق تفاصيلها عشان الاخوان والأخوات يقدرون يساعدوني ،، وزوجي اعرفه ما هو من مرتادي المنتديات، وان شافها لا سمح الله بيقرا ردي هذا ويطخ ،، سؤال كم أخذت فترة قبل ما ترجع لزوجتك ؟ شكرًا جزيلا ردّك أفادني جزاك الله خير |
سؤال كم أخذت فترة قبل ما ترجع لزوجتك ؟ شكرًا جزيلا ردّك أفادني جزاك الله خير |
حلو هالمره تصرف ايجابي ..
وكنت عارفه انه ناوي يعايدك بس عدم ردك على اتصاله للمره السابقه اغاضه ووهو اللي قهره معالي يبي لك تعرفين اكثر عن طبيعة الرجل اذا عرفتي طبيعته قدرتي تتعاملين معه صح وقدرتي تفهمينه معالي ترا زوجك سهل وتقدرين تاخذين منه اللي تبين بس يبي لك طولة بال وصبر اقل شئ سنه زوجك فيه من طبابع زوجي كثير خصوصا بكثرة طلعاته وعدم جلوسه بالبيت وماديته الصعيفه ومقصر معي كثير هالنوعيه تقدرين تجيبين روسهم بس اشتغلي على نار هادئه .. انا مابعد جبت راس زوجي هه بس هذاي قاعد اشتغل بالبطئ وحطي اعصابك بالثلاجه وخلك ابرد من الثلج لانه لابد تواجهين يوم من الايام استفزاز يرفع الضغط طيب سؤال هل تحسين انك بردتي قلبك من زوجك بعد ما تركتيه وعدم قبولك اعتذاره الا بعد مايجي ابوه ؟ واذا لا وشو التصرف اللي يبرد حرتك منه |
السلام عليكم ورحمة الله وبركاته ...
دخلت من أجلك اﻵن وعلى عجل سعدت جدا يامعالي بأنه اتصل ، الحمدلله فلا تنسي أن تسجدي سجود شكر ،ههه أخيرا اعترفت بأنه السعادة تدفقت لا تكابري على مشاعرك ياطيبة ... خلاص عيدي باقي العيد عنده ويكفي دلال عند بيت أهلك ، نصيحة أخت محبة أرجوك أرجوك تعلمي من أخطائك ،لا تكابرين ولا تبررين بأي خطأ أنت اﻵن تعلمت كثيرا فكوني ناضجة في تعاملك ... ولو لديك أمر اكتبيه هنا نساعدك ،لا تستعجلي في ردات فعلك ، لا تدخلين أهلك يامعالي هذه التدخلات تفعل عدوات مع الوقت وكثرة المشاكل معه .. زوجك سهل التعامل جدا لكنك أنت عنيدة وياويلك لو تعيدي نفس الخطأ سأتيك وأقرصك من أذنك فقريبة جدا أنا منك ههه عندما تقع مشكلة بينكما ، خذي نفس واذهبي توضأي وصلي ركعتين وادعي الله بأن يدلك عالصواب ،، اتركي اﻹنفعال .. اعطي زوجك ليعطيك ، حبيه احترميه ليحترمك .. وحان موعد نومي تصبحين على خير وأحلام سعيدة ... |
اولا : أسأل الله العظيم ان يوفق بينكم
رغم اختلاف مشكلتنا عن مشكلتك انا تركت زوجتي عند اهلها فترة اربع اشهر وكان التواصل رسائل عن اطفالنا احتياجاتهم ومن هالكلام خلال هالاربعة اشهر كانت على ذمتي تصرفت تصرف طائش جعلني اقدم على الطلاق والله يسامح من شار عليها بهذا التصرف الأرعن ( راحت فجاه لبيت اهلي وحطت عيالنا عند امي وقالت العيال مسؤوليتكم تربونهم انا بشوف حياتي ) هذه الشعرة التي قصمت ظهر البعير بعدها قررت الطلاق واحب الفت نظر ان الاصلاح ذات البين بالمحكمة كان الشيخ يقرأ جريده ولما دخلت عليه توقعت انه بينصحني وبيهديني ويحاول يبين لي من المتضرر من هذا الطلاق اطفالنا للأسف عبئ الورقة وقال مصر على الطلاق قلت نعم وقع الورقه وقال رح للقاضي وخلاص ان كان هذا هو الصلح بعذره الطلاق منتشر ولاحول ولا قوة الا بالله طلقتها وبقينا شهرين دون تواصل اخر شهر هي من بدأ بالاتصال والاعتذار وتفاهمنا مدة ساعتين على مدى يومين او 3 ايام لكن الحق كان معي انا وانا لم اخطئ لم اضربها ولم اشتمها ولم اخرجها من المنزل بل خرجت بنفسها يمكن تطنيشها واحنا زعلانين اصابها بمقتل ngt ![]() اجابة لسؤالك : 4 اشهر عند اهلها على ذمتي والتواصل مقطوع وشهرين بعد الطلاق ورجعتها لذمتي قبل نهاية العدة طبعاً عدتك تختلف لأنك حامل فقد يطول الوقت قليلاً والله الموفق |
اولا كل عام وأنتي بخير والجميع
سؤالك في الصميم صراحة أنا ما فكرت اسأل نفسي هالسؤال في يوم من الأيام يمكن احبه او بالأحرى اشتاق له لكن اقتناع أبدا ما فيه |
مواقع النشر |
![]() |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|