اخواني اخواتي .........مشكلتي عويصه لاادري كيف المخرج منها

باختصار شديد
وبما اني من مناصرين التعدد ..فقد عقدت قراني من فتاة اخري .

ولي الان حوالي اكثر من سنتين وانا منتظرها تكمل دراستها

المشكله ليست هنا ...لاني مرتاح للوضعيه . واحلي ايام ايام الملكه .زي ما يقولوا

كلها غزل وكلام حلو ....فانا مستانس جدا ..

الطامه الكبري ان زوجتي الاولي ..وبمحض الصدفه عرفت السالفه بأني متزوج

رغم اني كنت حريص جدا ..علي كتمان الامر ..حتي يري النور ..ولكن كما قيل لكل جواد كبوه

كنت كالعاده مسافر خارج المملكه بحكم طبيعة عملي ...فانطفي جوالي . وعندما اعدت التشغيل قال الرجاء

ادخال الرقم السري الكبير ..فاتصلت بزوجتي الاولي وقلت لها ادخلي مكتبي وافتحي الخزنه واعطيتها الرقم

السري للخزنه ..واعطيني الرقم السري الكبير للجوال ...فقامت واعطتني مااريد ...

ومن باب الفضول فتحت ظرف فيه فواتير الجوال .. واثناء تقليب الاوراق ...وجدت رقم جوال مكرر في كل

الاوراق ..وايضا رقم منزل ..ومبلغ الفاتوره تعدي الخمسة الاف ريال ..فقالت اكيد في الامر مكر وحيله

وبما ان زوجتي ماعندها فرامل ..قامت بالاتصال علي الرقم المذكور فردت زوجتي الثانيه ..

انتي مين... قالت... انتي اللي مين ..انا فلانه ...انا فلانه ..تعرفي فلان ..ايه اعرفه ..من وين ..زوجي ..امممممممم

بتدت الصوت يرتفع ..ثم بدا السب والشتم والوعيد ..والويل والثبور ....

المهم جاني اتصال علي الفور من زوجتي الاولي ..هلا بابو الفدا ..هلالالالالالالالالالا بالعريس

ضحكت ههههههه أي عريس ..ضحكت بلا سنون ان شاء الله ...تتزوج من وراي ..ويش قاعده تقولي

لاتصرف ..عرفت كل شي ..زوجتك اسمها فلانه ..اه طيب نتفاهم ..اكيد في لخبطه بالمشاعر

اذا جيت نتفاهم ...سكرت ..

الا والثانيه اتصلت ..تبكي ..خير .. شوف زوجتك اتصلت وسبتني وتكلمت علي وهانتني انا واهلي

قلت لها ومين قالك تردي ..وتعلميها باسمك بعد ..تستاهلي اللي يجيك .. خلاص اذا رديت نتفاهم

المهم رجعت وانا خايف جدا من زوجتي الاولي ..كيف ابداء معاها وكيف اسوي ..وتوقعت انها بتكون راحت

لاهلها ...فكثرت من الهدايا ..وتوكلت علي الله ودخلت البيت ..فاذا بأمريم تستقبلني وهي مكشخه ..فقلت اكيد

مسوية لي كمين ..وسلمت علي ..اناضر بيدها رحت وشفت وراها يمكن مخبيه سكين ولا شي .. فقلت لها

اكيد الموضوع طلع كذب ..شفتي انك ظلمتيني .....قالت شوف فوتها لك بمزاجي .. يمكن ربي يهديك وتطلق

بصراحه ..(((كبرت بعيني مررررررررررره))) وخميتها وقلت ان شاء الله يصير خير .تعالي شوفي ويش جبت

لكم ... مشت الايام وام مريم ..مافتحت معاي الموضوع ابدا .. طول وقتها لبس واغراء المهم هلكتني ..

كل يوم اغتصاب .. الحقيقه تعبت جدا وكلمتها انه مايصير كذا لاني بشر مو الرجل الالي ..

قالت شفنا عيونك زايغه ..قلنا يمكن انا مقصيرن معاك .. ...الحقيقه ام مريم ..ذكيه جدا ..

عرفت انه مافي فايده من الكلام معاي ..لاني عنيد وراسي ناشفه ..ولا يمكن اتراجع بقرار اتخذته

فقامت اتصلت علي ام زوجتي الثانيه .. وقالت لها شوفي انا مابخرب بيتي ..ولاني رايحه عند اهلي

وخلي بنتك تتهنا بزوجي لالالالالالالالالالا والله اني اعرف ساحر بمكه والله لسوي لبنتك سحر اخليها

مجنونه بالشوارع .. .........عاد ام زوجتي الثانيه صدقت السالفه ...وطالبه مني اطلق بنتها ..

فقاعد احاول معاها ..........بان الكلام كله كذب وان ام مريم ملتزمه ولايمكن تسوي كذا ...ومستحيل تسوي الشي ذا

لكنها مصره علي الطلاق ...رغم ان بنتها متمسكه فيا مررررررررررره ..

فأنا الان ماادري ويش اسوي ...هل اكلم ام مريم واقولها تبطل تتصل علي ام زوجتي الثانيه ..

ولا اسكت وكاني ماادري عن شي وخليها تتطلع اللي بقلبها ...ولا اطلق الثانيه واسمع كلام امها

صرت بدواااااااااااااامه ....

وانا وللامانه مااقدر استغني عن وحده فيهم ....

لان ام مريم ..زوجتي الاولي ..وكانت وجه خير علي يوم اتزوجتها ...وانسانه ذكيه وعاقله

وماتطلع مشاكل البيت برا ابد ..حتي الي الان اهلها مايدرو اني تزوجت ....

واحس انها الوحيده اللي عرفت تتعامل معاي ... وعمرها الحين 25 سنه ومعاي منها بنتين .


زوجتي الثانيه ...طيبه وفيها اسلوب الاغراء .. اكثر ...والحين عمرها 22 سنه

فايش رايكم اخواني واخواتي بماذا تنصحوني.., ................

كل واحد يحط نفسه مكاني .....ويش بيسوي ؟؟

لاني بصراحه قررت اسمع كلام الاغلبيه منكم ..ارجوالرد بعقلانيه ..........دمتم لي بود