اخوي في الله تقبلني وتقبل مروري لعلي ألفتك على شيء إنت مو حاس فيه أو حاس بس تبغا من يوقف بجنبك ويصحح افعالك فقط طيب لو كان بس كذا المطلوب أجل وين الحل

أسلوبك جدآ جاف وفيه نوع من الجلافه أسمح لي تتكلم بصوت عالي وتنفخ وتظن هذا مايجرح الحرمه
طيب والله إن هالأسلوب يخلي الوحده تعاندوتزيد ضغوط عليك
وإنت عاد عصبي وتتنرفز بسرعه
عاملها بشوي لين هي ماتبغا دلال الفلوس وبس لاء
هي تبغا معامله حسنه وتوجيه حسن لمن تقصر بحب بحنان
من أسلوبك وطريقه سردك للمشكله كأنك تتصيد الزله
ياأخي عيش يومك لاتقعد لها عالحبه
انا ماأقول انك غلطان وهي لاء
هي فيها اغلاط بصراحه ماتنحمل وأولها الصلاه
اخوي خبرتك في الحياه الزوجيه يحتاج لها تقويه
آخر نصيحه طول ماأنت قاعد لها بالمجهر صدقني راح تلقى اخطاء كثير
والنتيجه قلبك بيمتلي ماشافته عيونك من زلات وراح تطق وبعدها ........

الله يهدي سركم ويصلح امورك يارب

يا ليتك تخلي العصبيه على جنب ,,, ماراح تحل ولا شئ وانت معصب وشايل بقلبك كثر الجبال ..
والمشكله الكبرى امك ...باسلوبها تكرهك بزوجتك زيادة ..وباسلوبها تشحنك عليها زياده ..
لو امي بتسوي كذا وتدافع عن اختي وعن اخطائها وانا المظلومه , حاجه فعلا تقهر وتحز بالقلب وتخليني اكره اختي زياده ..
وهذا شعور طبيعي لاي انسان ... فما بالك انت وامك ضدك على بنت الناس ..
اكيد بتحس بشعور القهر وتكره زوجتك ...

وغير كــــذا زوجتك مو انسانه ليئمة ولا انسانه شرانيه ..
ما شوفك ذكرت لنا انك قلت لها كلمة حلوه .. على الاقل بوسه

اقسم بالله الجفا عمره ماكان حل إلا للئيم
الجفا مفتاح الطلاق
الجفا أشين أسلوب وكرت رابح لإنسان تبغا تخسره
الجفا فرقى ويلون بعينك كل مايمليه عليك إبليس
يارب من كرهي لهالطبع أحزن لكل متزوج ومتنزوجه من هالأسلوب إذا كان بحياتهم
في بيوت تعج بالمشاكل ولاكن تلقى المركب ماشي لو دورت تلقى بينهم موده يمكن ساعه أو نهايه اليوم ينتهي الزعل اما اللي ماخذ أسلوب الجفا والبعد راح يفقد كثير من معنى الحياه اللي المفروض لازم نعيشها بالموده والرحمه
أختك في الله تتمنى لك كل خير وإدراك لحياتك بالجاي

هل هناك جديد؟

الله يصلح أحوالكم يارب..

ننتظر سماع أخبار حلوة ان شاء الله..

__________________

متابع ولكن بتفكير عميق.. تمر احياناً على الانسان مواقف قوية تجبره على الانحسار نحو داخله..

اخوي متورط.... امك ثم امك
مالك غيرها فهي مربط الفرس
في الموقف اللي تدخل فيه ابوك يوم كانت زوجتك نايمة وامك تدافع عنها وطلعت امك غير صادقة وطيحت وجهها قدام ابوك .. انت اثرت النعرات اكثر واكثر وجعلت منها بركاناً يمكن انفجاره في اي وقت
ويوم حصل موقف خروج زوجتك تأجج صدرها و انفجر البركان الذي يختزنه صدر امك ( وهذا ماسبب لك الصدمة)
ولو حضر ابوك هذا الموقف لصار مالم يحمد عقباه.. فالحمدلله على سلامتك والحمدلله انها وصلت لهنا وبس..

اؤيد كل من ذهب لاخراج امك من حياتك رويداً رويداً ولكن لاتترك برها.. مافي ام في الدنيا تكره ولدها ولكنك تعديت في الموقف السابق حدودها والهبت المناطق الساخنة بين ابوك وامك.. وبالتالي جت الصدمة قوية عليك*

__________________
ان انت اكرمت الكريم ملكته.. وان انت اكرمت اللئيم تمردَ!!

السلام عليكم جميعا.....

بانتظار جديدك

الله يعجل لك بالفرج

__________________
سبحانك اللهم وبحمدك, نشهد أن لا إله إلا أنت, نستغفرك ونتوب إليك.

انتبه يا أخي ..

أخشى بدلاً أن تكون مظلوماً تصبح أنت الظالم ..

الله جل جلاله يقبل توبة عبده ويقربه سريعاً ..وأنت صراحة تكابر ولا تريد أن تصفح عن زوجتك سريعاً ..
صحيح أنها أخطأت لكن اعتذرت وتغيرت ..فسااارع بالكلمة الطيبة والنفس البشوشة ..
وقل لعلي بسرعة عفوي ..يعفو الله عني .

الحمدلله على سلامتك وماتشوف شر ان شاء الله

شوف اخوي اول ماقرأت موضوعك وقبل ماوصل للتطورات لفت انتباهي نقطتين

اولا اسلوبك ياخوي مررررررره ماينفع مع الحريم . فما بالك مع زوجتك ؟؟!!!

اوضح لك اكثر

لمن تطلب منها تتعدل وتشوف منها تغيير المفروض تبدا بالمدح وتلبي لها طلباتها او تعزمها وتهديها مثلا

المهم يكون طريقة تهدي النفوس وتقربكم لبعض لكن لمن تتنازل عن عنادها وتسوي لك اللي تبيه ولا تلقى مقابل بينكسر خاطرها

وتراها لو مابينت لك هي من جوا متضايقه وتبي تعدل من زواجها

اصلا محد يحب حياته تكون كلها مشاكل

المهم ياااخوي رطب لسانك بكلمات حلوه وامدح فيها وعاونها على دراستها وبنفس الوقت خلك حازم بمعنى لاافراط ولاتفريط

يعني لو طلبت منك طلعه وماكان وضعك يسمح قلها بكلمتين حلوات انك تبغى تطلعها وتنبسط لكن فيه ظروف تمنع احسن من انك ترفض وتتركها كذا بتلاحقك وتقول هذا مايحبني ولا يهمه وناستي

فهمت علي

النقطه الثانيه اخوي

زوجتك تراها تحــــــــــــــــــــــــــــبك بس مخرب عليها صغر سنها وعنادها
تحسب ان القوه برفع الصوت وتكسير كلامك

لكن لاحظت شئ واتوقع باذن الله هو مفتاح اللغز

ماتلاحظ تكرر عليك كلمة ( دلعني ’ اهتم فيني ) صح والا لا

الدلع اخوي مو بس سفريات وفلوس لا ركزززززز على الحنان والاهتمام والله يابنات حوا تجيبهم كلمه وتوديهم كلمه

زوجتك هذي على عنادها لو تجرب معها الكلام المعسول تتروض معك

والله من جد حرام مررره البنت فاقده اهتمام

بعذرها تسوي كذا وانت حازم معها كنها خويك

عطها من الكلام الحلو وبنفس الوقت قلها ليش اهملتي هذا

وبعدين ضف كلمات زينه يعني بدل ماتقول مافي طلعه !!!!

قل ياقلبي اليوم مره تعبان راح اعوضك يوم ثاني

بالله ماتشوف الفرق بينهم ؟؟؟ وكيف بيكون تاثريها عليها


واخيرا مشكلتك ماهي كبيره وحلها بيدك بس اهم شئ طلع اهلك من السالفه

لا تخلي خواتك يتدخلون ويسبونها والا تحس زوجتك انهم يدرون باادق التفاصيل وانهم يكرهونها

ولا تتكلم مع ابوك ولا احد

خلها بينكم

يارب يكون تاخيرك خير اخوي متورط

__________________
ياقبر وش ضميت من ذيك الاجســاد
الله ياضمـٓـه أبوي الحنونه