هو لاصار زعلان ما يرسل ولا يتصل .. مع ان المفروض انا اللي ازعل مو هو

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

طيب دقي تطمني عليه

لازم واحد منكم يتنازل

لا تمام الحمدلله دامه متواجد على الواتس من فترة لفترة أكيد تمام إن شاءالله..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

طيب سؤال معليش

مسافر بعد مشكلتكم وحب يغير ويتهرب

وإلا عنده شغل

ما اعرف ليش مسافر .. اخر سفرة سافرها الخميس الماضي .. ورجع سافر هالاربعاء .. مااعرف اذا عنده شغل أو بس بيغير جو بعد المشكلة او نبعد عن بعض شوي .. لانه مرة قبل فترة صار بيننا زعلة وقرر يسافر بس سبحان الله تراضينا بنفس الليلة وكنسله سفره وقالي وقتها انه كان بيسافر عشان نبعد عن بعض شوي وتهدأ الامور..

السفرة الاخيرة رجع متنكد من شغلة مسويها ابوه على الارض اللي عطاها زوجي انه ماخذ جزء منه ومغير معالمها وحنا كنا متفقين انا وزوجي اننا نسورها لان زوجي كان خايف من ابوه يغير معالم الارض .. رجع زوجي من اخر سفرة وهو معصب ويقول لازم اسور الارض ولو كنت قريب من الارض ماكان ابوي يغير معالمها كانت قدام عيني .. وقالي ان البونص الراتب الاضافي اللي بياخذه في رمضان بيحطها في السور وبعض الشغلات في البيت .. هذا الكلام قبل المشكلة وبعد ماجاء من سفره لكن مااعرف اذا سافر عشان موضوع الارض او عشان يبتعد عني..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

احبه انا ضد كلامها الا في شي لاتعلمينه بطبيعة علاقتك بااهلك

اوراق وين كلمة اطلقك وريني يمكن ماشفتها

اختي وقت الغضب لانقيس الشخص بالتمام ونستنتج نواياه

زوجها يبذل لها يحفظها لم يسبها ولا شتمها

حتى اهلها ماطلعت منه المسبه لهم

والله فيه بعضهم تذوق الويل والويلات ضرب سب شتم اهانه
وبعضهم حقران وطلعات واستراحات

وعزايم وكادها كد
احبه خير الامور. الوسط

زوجك فقد شي فيه اشياء تعوضه

ومافي احد كامل

خليها ترسل رسايل حب و شوق
ليه التطنيش من الجهتين !؟

لا ماراح ارسل .. بعد مانزلني عن اهلي ارسلت رسايل وضحت له كل شيء وكتبت له عن حبي له وخلاص .. هو ما رد براحته .. سويت اللي علي ..

بس اتوقع المفروض هو اللي ارسل او اتصل يطمن علي فيني شيء محتاجة شيء بس ما فكر.. عموما براحته إن سأل حياه الله وإن ماسأل الله يستر عليه..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

لا لاترسلين ولا تدقين

تحليلي لشخصيتك حسب الأشكال الهندسية:
أخذت من المربع العناد
من المستطيل الحساسية
من الدائرة التضحية
من المثلث السيطرة
أما المتعرج سمته الإبداع وإنت أبدعت في التنكيد على زوجك..

إنت شخصية عنيدة جدا..وهذا واضح في
اصرارك العجيب لما تسوين اللي براسك،،
أتوقع موضوع الإنجاب هو اللي مزود الحساسية فيك وصاير عندك تخبط في الأفكار واتخاذ القرارات..بالتالي تردد وعدم ثقة بالنفس..
صحيح إنت مضحية لكن بالمقابل عرفت نقاط ضعف زوجك وجالسة تستغلينها بقوة شديدة..أو بمعنى آخر تبين تسيطرين على حياتك تبين تكونين أنت القائد..
بمعنى آخر تبين زوجك طوعك وتحت أمرك ورهن إشارتك...

شوفي يا أحبه أنت بما أنه شخصيتك فيها قدرة عالية في وضع الأهداف والإصرار لتحقيقها..
المطلوب منك تبذلين جهدك وتستنزفين طاقتك بشكل صحيح مثمر..عشان تحافظين على حياتك وماتخربين بيتك..وتنفذين النصايح..

جيبي ورقة اكتبي فيها كل أهدافك ورتبيها حسب أهميتها وأولويتها...وبرأيي الشخصي موضوع الإنجاب يحتل المرتبة الأولى...وأنت أبصر بحياتك..

بالنسبة لموضوع الفلوس:
إنت عندك فوبيا من هالناحية،،يمكن سمعت قصص استغلال الزوج..صاير كل همك لا يضحك علي لا يستغلني هذا حقي هو ماله حق هو المسؤول...الخ

المطلوب منك تخفين على زوجك لأنه واضح عليه الطيب حسب كلامك..
في فترة ما كان زوجك محتاجك وأخذ منك..والآن بيرجعها لك أقساط.. وفوقها قايم فيك وباليت...فلا تقومين الدنيا وينخلع قلبك ويجن جنونك.. إذا تأخر عليك بضعة أيام..ما أعطاني ماجاب القسط وتجلسين تفكرين في الفلوس..
من حسن العشرة ماتمنين عليه..الله قال في القرآن (ولا تبطلوا صدقاتكم بالمن والأذى) على الأقل احفظي حقك عند ربك لا تضيعينه..حتى وإن ضاع في الدنيا..(والآخرة خير وأبقى)

لا تفسري وتحللي وتضخمي كل كلمة من زوجك وكل تصرف منه،ترى مو كل شي يناقش..
في أمور تعالج بالصمت
في مواقف تعدي بالتغافل والتغابي والتطنيش
لا تلتين وتعجنين وتستوضحين الأمور أو تخلينه يعترف ويقر بأمور.. لحد الإختناق..
الزبدة مو كل كلمة نوقف عندها ونضخمها..

أنت جالسة تقتلين حياتك بالتدريج...

احنا مانعرف زوجك ولا نقدر نحكم عليه .. ومالنا عنه غير كلامك...والواضح عليك إنك مو واثقة فيه وخايفة على فلوسك منه ومو حاسة بالأمان معه..رغم إن الرجال حسب كلامك عنه حتى الآن رايته بيضاء..حتى الآن مابدر منه شي يخليك تتعقدي منه بهذا الشكل..

خلك غامضة ولا تكشفي أوراقك له لأن المال السايب يعلم السرقة..أقصد بكلامي معرفته بالصادر والوارد ممكن يخليه يطمع في فلوسك..
أو يجعله يحس هو الأولى بها من غيره..

بالنسبة لتفكيرك تحويل الأقساط بالاقتطاع وفتح حسب آخر تدخري فيه .. أفكار ممتازة باقي تنفذينها..

تعلمي الصبر وأحسني الظن ولا تتسرعي في اتخاذ أي قرار ولا في الحكم على زوجك المسكين..
والأهم
ابتعدي عن العنف والقوة في إثبات حقك ورأيك..

أولا وأخيرا الفلوس ماكانت إلا لنسعد أنفسنا ومن نحب... أنت تحبين زوجك حتى النخاع..لذا ترفقي به..واجعلي هذا المال نعمة على حياتكم..

أذكر في أحد مواضيعك السابقة كنت تقولين إذا بنيت بيت بفلوسي..وأهل زوجي يجون يجلسون بالأيام والبيت بيتك أنت ومو بيت ولدهم..

إذا بتمنعين أهل زوجك ينامون ببيتك فاقرئي على حياتك الزوجية السلام...

ورأيي تفكيرك غلط في غلط...

إذا بتستمرين بهذه الأفكار وبهذه العقليةالمتحجرة..المتصلبة أبشرك بنهاية حياتك الزوجية وأنت من قبرت زوجك بإيدك..

فكري في حلول منطقية..كبناء ملحق للنزلاء سواءا أهلك أو أهله..حتى لا تتكركب حياتك ولا يتخربط نظام بيتك..

فكري بكل الطرق كيف تكسبي زوجك وتحافظي عليه وماتضيعينه من إيدك... بدل ما تتشبثي بفكرة واحدة هذا بيتي ومالهم حق يجون يباتون..هذا مو بيت ولدهم.....الخ

في نفسي الكثير...لكن خلاص تعبت وأنا أكتب..المهم لاتزعلين مني إذا كنت صريحة بزيادة..مابي غير مصلحتك..