أصلح الله أحوالكم ويسر أموركم ، أحياناً يصل المرء لحد التشبع فلا يستطيع أستقبال أي شيء من الطرف الآخر فلا يطالب بشيء ولايرفض شيء فيصبح في حالة حياد مع عواطفه فهو لايكرهه ولكنه لايحبه .. أي سيان عنده وجود هذا الشخص في حياته أو خروجه منها.. يبدو لي إن زوجتك خُيرت بين أمرين أحلاهما مر فاختارت أقلهم مرارة..
ربما ،،، ولكن تبدو لي أربع سنوات عجاف بمبرر أقل مايقال عنه إنه تافهه لايقبله العقل..
سؤال راودني كثيراً منذ بدأت أقرأ قصتكم هل فكرت بأمر الرقية الشرعية ووضعت احتمال اصابتكم بسحر أو عين قلبت حياتكم رأساً على عقب .. ؟!
وفقكم الله

أنا اجذبتني جملتها انك تغلبها وهي ماهي مقتنعه
ممكن وأنت تناقشها يرتفع صوتك وتشتد ملامحك فهي تخاف وتسكت
لأن نفس الشي يحدث معي لما ابي اتناقش مع زوجي في موضوع مو عاجبه
ولما اسأله طيب ليه يرتفع صوتك ينكر
فممكن أنت تشوف نفسك عادي وقت نقاشكم بس في الواقع هي تشوف تغيرت ملامحك وارتفع صوتك فتخاف

تقريبا الخلاصه
ان اللي بينكم ان شاء الله بسيط
جلسه هاديه زي ما وصفها لك اخونا ابو حكيم

وان شاء الله اموركم مسهله
اذا مو منشانكم منشان الاطفال اللي مالهم ذنب بشي

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..

اخوي الوحيد الله يسر امرك ويهنيكم يارب
بيض الله وجهك انشهد ان شايبك الله يرحمه خلف رجال
الرجوله موقف وانت رجل قول وفعل
صدقني انت جبرت ضعف زوجتك بشهامتك وهالشي بيغسل كل التراكمات السابقه
كنت اتمنى اني اطلعت ع الموضوع من بدايته لكن الحمدالله رحمني ربي ماوصلت لاخر الموضوع الا هو حايله شايب الرحمن الله يخليه لكم
لكن فيه نقاط حابه انبه عليها لاهنت
ضروف مرت فيها زوجتك
( طلاق امها وبعدها عنها
-طلاقها هي حتى لو كانت غلطانه له اثره النفسي العميق -
مروركم بضروف ماليه صعبه خلال بناء المنزل منعتكم من السفر( ركز هنا ع نقطة مجتمع المعلمات راح ارجع لهذا الموضوع فهو مرتبط بالسفر نوعا ما)
نتيجة لهذه النقاط زوجتك تحس بعدم الامان وعدم الثقه في نفسها اولاً وعدم الثقه بعلاقتكم مو عدم الثقه فيك لا عدم الثقه بعلاقة الزواج نفسها
الاهم من هذا كله ان الي زاد من حدة المشكله شخصيتك انت بتقولي كيف؟
انت قوي شخصيه عقلاني منطقي جداً( عشان تفهم نقطتي الي راح اوصلها لك ارجع لاغلب ردودك هنا
انا ماعرفك كشخص بس اقدر اعرف شخصيتك من خلال ردوك لاحظ في الردود
تكثر في كلامك بالرد ع الاعضا من كلمة حصل كذا والمفروض كذا
مانتقدتك واقول ان كلامك غلط لا ابداً فقط اوضح لك صورة
لذلك انت عقلاني منطقي قوي شخصيه حاسم في ردودك بصوره واضحه وصريحه ( واعتقد ان مجال عملك ايضاً طور هذه الصفه لديك ) بالمقابل هي معلمه ( رغم شخصيتها فرض عليها مجال عملها الاسترسال واعطا المعلومه وتكون هي مركز القوه في الفصل والحوار والنقاش ) لذلك لما تكون امامك تفقد صفتها الي تعودت عليها وهالشي يطلعها بمضهر الضعيفه شخصياً لذلك تلجى لصمت والتطنيش خصوصاً انها تعاني من تراكمات سابقه وحتى في حوارتكم ونقاشتكم لما تجي تناقشها بالمشكله هي مو فاهمه نفسها لانها تراكمت مو شي واضح ومنطقي بنقط محدده مثل مانت تبيه لذلك تسكت وماترد
انا هنا مابرر لها ولا الومك ابداً بس هذي شي فطري بالمراءه
زاد الامر وجعله يتفاقم ( مجتمع الزميلات) واضح حداً جداً ان لديها صديقات من نوع احكمي زوجك لايضيع من يدك لاتعطينه وجه خوذي منه وهالتخبييب والحكي الفاضي وستغلو ضعفها الداخلي وتشتتها وزاد الامر عدم السفر ( ادري انك بتقول السفر مو ذاك الاهميه او نقطه مش مهمه لوظح نقطه اغلب النساء مش الكل تبي الشفر الي صاير موضه هابين فيها الناس هاليومين مش عشان السفر بحد ذاته لا في مجتمعات النساء مقياسهم لفلانه وعلانه هي زوجها وش سوى لها مثلا بعد الاجازه هاه فلانه سافرتي ؟ لاوالله زوجي مضغوط مادياً هالايام بس ان شالله قريب . وش الرد الي تسمعه؟ يالخبله صدقتيه؟؟ لا الرجال اذا بغى يسافر مايرده شي تلاقينه يجمع فلوس بيعرس عليك يالضعيفه ثم باقي الايام فلانه زوجها سفرها واضح يحبها ماهو مثلك شوفي فلانه سافرت الدوله الفلانيه واضح فلان شاري خاطرها ماهو انتي بكره يطق عليك مره هههه هذا هو الواقع للاسف
لاتقولي المفروض انها عاقله وماتسمع هالكلام نعم هذا المفروض لكن الواقع شي ثاي
من باب انها لديها تراكمات سابقه من طلاق امها وعدم احساسها بالامان وهي طفله زاده موضوع طلاقها ..
وكثرة الدق تفك اللحام ارجع بمشاعرك اخوي لبداية كتابة هذا الموضوع
راح تلاقيك تتاثر ايجابياً مع المشاركات من الاعضاء الي تقولك انت مش غلطان انت ماقصرت زوجتك هي الغلطانه ووو حتى لو عقلك مش مقتنع تلاقي مشاعرك ترتاح ع هذي الردود فطره طبيعيه في البشر
ادري حكيت كثير لدرجة تقول انتي وش بتوصلين له
الي ابوصل له
احتوي زوووووووجتك اجبر كسرها باحتواها ترا المراه ضعيفه لو هايطت
ابوها كسر القناع الي للابسته الي هو البرود وعدم المبالات ْوانت جبرتها بردك وانك شاريها
حاول تحتويها داخلياً وخارجياً امام نفسها امام الناس بتقولي شلون
سفرها سفره بسيطه هديه حلوه دلعها كثرة الرك والاعاده ع بعض النقاط مهمه
كثر من قولة انتي ام عيالي مالي غيرك ومابي غيرك
بس مو من باب هذا الوقع المفروض تعرفينه لا زيد وعيد بهالكلام المراءه انسان سمااااااااعي تقدر تتتحكم بكل تصرفتها من خلال اذنها سمعها الاشياء التي تبي تزرعها فيها
اهتم فيها ودلعها واغدق عليها مشاعرك صافيه وبالمقابل حسسها انها مو مقصره وقلها انتي فيك هللصفه الايجابيه وكثر من مدحها والصفات السلبيه حاول تمدح الصفه الي تبيها
مثلا
انتي حلوه وجميله قل هالكلام عشر مرات ومرتين قلها جسمك روعه لو تلبسين مثلا البدله الفلانيه
حتى لو كانت ماتحب البدل بتزرع بالها الفكره وراح تتعايش معها ثم تبدا تطبقها وتنفذها نفس الشي الاسلوب
انتي ماشالله كلامك واسلوبك بالكلام حلو قلها عشر مرات وفي مره قلها كلامك حلو وحكيك مميز بس ماتحبين النقاش مع ان اسلوبك بالنقاش حلو مع الايام راح تلاقيها فتحت معك مجلادات نقاش وحوار ونطلقت بالكلام

ادري حكيي واجد اسفه
سلامووووعليييم

يممه ياطول مشاركتي هههههههههه والله كتت مقهوره من الموضوع ربي يجمعكم ع خييير

^^^^^^

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..

الله يطول عمرك اختي ذاتي شموخي
وان شاءالله راح اطبق اللي قلتيه
الف الف شكر لك

-استعن بالله، وطبق ما كتب لك أعلاه.
-اسأل الله لك التوفيق.

ذاتي شموخي ماشالله عليتس عيني عليتس بارده كفيتي ووفيتي وماقصرتي والله ،،الله يتممك بعقلك ويخليك لغالينك

تحل الامور باللين ايسر منها تحل بالعنف