السلااام عليكم ورحمة الله وبركاااته
حبيباتي اخواتي في الله ...
اعتذر عن انقطاعي وتقصيري ... وانا خجلانة من كثر ما اكرر الكلمة هذي كل مرة ...
انا انشغلت بظرف عزاء عندنا في العائلة عمة عيالي توفى زوجها .... بعد انشغالنا بمرضه ..رحمه الله ...
بعده انشغلت بقدوم اخي من سفره من الخارج ...فقضيت معه كم يوم لانه رجع سافر للخارج ...
بعده دخل رمضان والحمدلله ..وكل عام وانتو بخير وكل عام وانتو الى الله اقرب ولطاعته اسبق يااارب
وسبحان الله اليوم ال3 من رمضان دخل بيتنا فايروس
وابتدأ شغله على حبيبي ولدي الصغير ومرض حبيبي اسهال واستفراغ الله يكرمكم وانا معاه
..بعده ابوه ..واخوانه ...العائلة الكريمة :14: مرضت هههههه
وحبيبي تعب واخذ 3 ايام بالمستشفى ...كان اكله بالمغذيات والحمدلله عدت ع خيرر ...
انشغلت فيه لليوم لانه الاسهال ما اتوقف الا امس ...ومازال بين مد وجزر وطوال الاسبوع الماضي وانا شغلانه رايحة راجعه عالحمام
طواريء خخخخ بس هانت الحمدلله
الموهم اشغلتكم بنفسي خليني اشوف اخباركم ..
اولا الف الف رجوعك رونا والله فرحت بدخولك علينا ...قولي ءاامين ...
الهي تدخلي علينا تبشرينا بالنصر المؤزر يااارب
على فكرة رونا انا من اشد اشد النتابعين لاخبار ليبيا وامتنا الاسلامية في هذا الوضع الحرج ... الله ينصركم وينصر اهل سوريا وينصر كل كل كل امة محمد ويرفع عنهم وعن اهل الصومااال ياااارب
فلفولة الحلوة
الف مبرووك ويارب يتمم لك ع خير ....وشكرا لكي لانك شاركتينا الفرح
منور
عظم الله اجرك في ميتكم الله يغفر له ويرحمه يااارب
عشوقة حبيبتي انا حاسة بيكي ولما قرأت ردك الي قبل الاخير فهمته عالطاير وعرفت انها ضاقت بك ...
خذي وقتك حبيبتي وراح تلاقينا في انتظارك ع احر من الجمر
هالا حبيبتي
انا حاسة بالاكتئاب الي جاكي هذا هو احيانا بيجي اما من صدمة عصبية او ازمة نفسية قديمة تتكرر او انك اصبتي بعين (مع اني مو من الموسوسين في موضوع العين) بس احتمال برضو
هي الاثار القديمة ترجع من فترة لاخرى
العلاج الدوائي جيد جدا ولا تهمليه ...لكن نصيحة نصيحة من قلب حنصحك بحاجة سهلة واتمنى ما تهمليها
حمّلي الرقية للشيخ الي ترتاحي لصوتو من النت وحطيها بموبايلك وشغليها وقت نومك ان حملت رقية الشيخ السدحان ونص ساعه بس مدتها انا حط عليها تكرار اسمعها مرة والتانية بنصها ادخل بالنوم بس هي بتشتغل وحريصة انو تشتغل وقت نومي لانو الايات القرآنية بتدخل لكل خلايا جسمي ...وافضل بالسماعات ..احطها بأذني علشان تدخل الايات القرانية والادعية لداخل جسمي ويكون المفعول اقوى ...وهذي تجربة اخت ليا في الله استفاادت كثيير وانا طبقتها ..
اسمعيها بتفهم وتأمل وراح تستفيدي باذن الله ...
اتمنى تاخذي موضوعي بجدية ...لانو انا حاسة اش يعني اكتئاب وفي وجود اطفال
ربي معك
مرموسة انا خجلانه منك حبيبتي لاني كنت يوميا انهي اشغالي ابغى ارد عليكي في موضوعك لكن ما انتهي من الاشغال الا وانا انتهيييييييت لاوقت ولا طاقه الحمدلله بس الله يفرج همك يااارب
توحة الدلوعه حبيبتي ..اتمنى ربي يرزقك بعمرة في رمضان وتجي تنوري مكة ياااارب
سلام لكل لكل لكل الحلوين وما تزعلو انو ما ذكرت اسماء لاني سارقه الوقت سرقه
احبكن في الله
رب اني لما انزلت الي من خير فقير