ياروح واضح التعب الأخير في ردج
الله يكون بعونج اختي..بس علشان المركب يمشي لازم يكون فيه تنازلات من الطرفين

سيدة الموقف

قرأت ردك ، و إذا فيه شي ممكن ترسليه عالخاص ..

.
.

بيني و بينك ( ماني حاطة - أي أمل - )

.
.

و السفر ، راح أسافر بإذن الله ..
بس يمكن مو دحين ،، خلي ولدي الصغير يكبر شوي ..

عشان ماني ناوية أخد شغالة معاي و لا عندي استعداد أروح أدرس
و أربي ( 3 أطفال ) ..

.
.

أنا باللحظة هذه ، حاسة إني ماني واثقة بكلامه بخصوص ( التغيير ) ..

أبغى ( ضمانات ) ..

.
.

و كلام فاكهة الشتاء ، هو اللي يدور ببالي بالفعل ..

.
.

و الكل يقول لي ، أكيد بيتمسك فيك ( لإنه هو الخسران الوحيد من انفصالكم ) ..
و أنا باقية على العهد ..

بس لما أفتكر ( القذارة ) اللي عملها ،، و الفترة هذيك كيف كان ( متغيّر ) معاي ..
الصراحة ( ما أضمنه ) ..

.
.

أنا مازلت ( ما بين و بين ) ..

و الأسبوع هذا كله ، راح أقوم ادعي و استخير آخر الليل ..
و بعد أسبوع ، راح أشوف لو أقدر أتحمل أو لأ ( بعده ) ..

روح انا كلامي نفس كلام اختي فاكهة الشتاء...

و لكن راح ازيد شي واااحد بس..

انتي قلتي انج راح تعيشينه ملك... السؤال اللي يدور في راسي... ليش هو كيف كان عايش قبل؟؟؟ تراه ملك من زماااااااااااااااااااااان بس انتي مب حاسه باللي قاعده تسوينه معاه...

اشوف نبرة لوم مخفيه في ردودج... و نبرة عتاب للنفس...

روح اختي... انتي ما لج ذنب في اللي صار... و لا تعاتبين نفسج...

كلام فاكهة الشتاء دقيق

و ما شاء الله عليها كتبت كل شي ابي اقوله...

في جملة قلتيها استغربت منها وااايد... و اللي هي "من اليوم ، شغل البيت ما راح أمسكه أبدا إيش ما صار ..
راح أجيب شغالة تمسك الأولاد ..
أي شي تقوله ، راح أقول لك ( طيب ) ..
ما راح أزعلك أبدا ..
و لا راح أجرحك أبدا ..
و لا راح أعاندك أبدا .. "

و قلتي بعدين انج بتعيشين عيشه سي السيد...

ما اعرف اذا الاخوان و الاخوات راح يوافقوني الرأي او لا...

بس انا حسيت كأنج تكافئينه على اللي سواه... مب تعاقبينه...

احنا مب هدفنا تشتيت العايله... و لكن انه يحس بالغلط اللي صار و انه كان ممكن يخسر عائلته بتهوره...

وجهة نظري ...
اني خرجتي من المشكلة و لكن مشكلتك الحالية .. انك خرجتي دون رغبة في الخروج و في حالة ذهول لماذا خرجتي و كيف خرجتي و نسيتي أن ما اخرجك هو سنة كونية فالإنسان نساي و هذه نعمه كبيرة من الله و الا لأنتهت الحياة و توقفت ان لم يكن النسيان ممكناً و الا كثير لا يتخيلون العيش دون والديهم و ان توفاهم الله يوماً عن يوم يتأقلمون على حياتهم الجديدة و إن تذكروهم ترحموا عليهم ...
و لكي اقرب لكي الصورة أكثر كالذي يتنازل عن دم مقتوله لوجه الله تعالى .. و لكن يفكر كل الأوقات ليه قتله ... ليه مجرم ما يخاف الله ومتناسياً انه عفى لوجه الله فمثل هذا بأي لحظه قد يتصادف مع القاتل و الأسئلة الدائرة في رأسة قد تتطاير شرراً و يصبح المتنازل قاتلاً ..
خرجتي من المشكلة خلاص لا تدوري حولها ... افتحي صفحة جديدة بالأمل بغد مشرق .. و بدل التفكير فيما حصل بعد تجاوزه .. يجب ان يزداد التقارب و أفضل شي الخروج من المدينة الى أي مدينة ثانية للسياحه و تغيير الجو و أولادكم معكم حتى و إن كانت ليوم واحد و حتى ان كانت على حسابك و اعتبري ماتدفعيه ثمن عمار بيتكم و سعادتكم و مستقبلكم و ستجدي ان الثمن في النهاية بخس .*

معاك حق ..

أنا الكلام هذا ( كافئته ) على مصارحته ( فقط ) ..

.
.

يعني بينت له ، لإنك كنت ( صادق و صريح ) مثل ما كنت أطلب منك زمان ..
فراح أكون بالمقابل ( كذا ) ..

.
.

و أنا كنت بلحظة الصراحة ( شبه انهيار ) ،، لإني شفت أولادي كيف ( تشتتوا )
واحد يبكي و التاني نايم بالسيارة ..

ولدي لحد دحين و لحد أمس ..
يقول لي ( ماما ، إنت ما تحبينا .. عشان تركتينا في السيارة لوحدنا )

.
.

أنا بأعامله بأحسن معاملة من هذاك اليوم ..
عشانن أشوف بس ، خلال الأسبوع هذا ..

هو إيش راح ( يقدّم ) ..

.
.

تاركة ( الكورة ) في مرماه ..

.
.

عشان لو ( قررت ) قرار نهائي .. بإني ما أرجع له ..
أكون خلاص ( بريت ذمتي ) ..

.
.

قبل يومين ، حقق لي أول شرط ..
و اعتذر لي أمام ( عمي ) ..

بكرة رايحين لبيت أهله إن شاء الله ..
بأشوف كيف ..

.
.

غيّر جواله ، لإني قلت تغير جوالك و ما أبغى أشوفه ..
غير جواله ،،

وعدني اليوم يغير الرقم ،.

شال كلمة السرّ ..

أي اتصال يجيه ، يرد عليه .. و ما يحطه عالصامت ..

.
.

هو يقول لي ( ما أعرف إيش أقدم اثباتات و ضمانات )

.
.

قلت له :

( تكتب لي ورقة .. موثقة و موقعة بالشهود .. إنك أخدت مني - مليـــــــــــــــــون ريال - .. و راح أخليها معاي )
في حالة إنك خنت ، لا سمح الله .. أو طعنتني بظهري ..

راح استخدم الورقة هذه ..

قال لي ( موافق ، لإني قبل لا أعاهدك .. عاهدت ربنا .. و أنا مقتنع بكلامي .. لإني شفت الطريق هذا كيف و نتايجه )

.
.

قلت له ، يهتم بالأولاد مثل ما أهتم بهم ..
من حق الأولاد إنهم يجلسوا مع أبوهم و يشوفوه ..

.
.

قلت له ، مو شرط تجلس بالبيت كل يوم .. لإني أعرفه يكره جلسة البيت ..
أبوه كان يمنعه من الخروج من البيت ..

قلت له ، نخرج أنا و إنت مرات ..
( قال لي .. عزّ الطلب .. لو نخرج كل يوم مع بعض من غير القردين هذول )

.
.

إيش باقي ؟؟؟

بس كله إلى الآن ( كلام ) ..

.
.

:*

روح الطير

ردي إلي طلبت منهم يحذفوه
هل تبغي أنزله ثاني هنا.....؟!



:*

__________________

قريته ..

و أنا جداً ( محبطة ) ..

حاسة إني عايشة مع ( قذارة ) الله يكرمكم ..

.
.

خلاص ، عيشته ( أمير زمانه ) خلال اليومين هذه ..
شفت إني أنا اللي جالسة أقدم و أقدم ..

.
.

و دحين ( خلاص ) ما عندي شي أقدمه ..

.
.

عشان أبغاه ( يشوف الفرق ) ..

.
.

أفكر إني ( أتجنبه تماماً ) لمدة شهرين ..

عشان يشوف ( الفرق ) ..

.
.

أخوي ولهاااااان

هو إيش قدم ؟؟؟؟؟؟؟

يومين شفته بيقدم نفس اللي كان يقدمه قبل ،،

بس إنه الصراحة ، يتكلم صار معاي و يحكي لي ..
يحاول يقدم شي ، بس مو عارف ..

حتى كان يفكر يجي هنا ، و يسألكم ..
( يقول ما أعرف ) ..

يا روح يا حبيبتي و كأني أرى نفسي في تلك الفترة .. احاول تمشية الحياة ثم اعود فانهار من جديد
وكان الحل المثالي هو أنك تدعي الوقت يمر، عالجي مشكلتكم بالوقت .
لا تقسي على نفسك و تعودي طبيعية ظاهريا تخدمينه و تددلينه وداخلك مجروح، هذا سيزيد الوضع سوءاً !
خذي وقت كافي للحزن والتفكير، المهم امام اولادك هو عدم الصراخ، لكن ابتعادك لا اعتقد سيشكل مشكلة ..
ما حبيت انك رجعتيه للغرفة، كان من الافضل برأيي ان تنامي اسبوع لوحدك تحزني وتبكي وتفكري وهو خارج الصورة -نسبيا -
بعدها مشاعرك تبرأ قليلا وتكونين اقدر على العودة للقيام بمهامك ..

نصيحتي هي خذي وقتك .. هذا سيجعلك افضل للتفكير وافضل للعطاء ولتتغيير

انا قمت بما قمتي به، استعجلت العودة حتى اعدل اخطاءنا واصلح الحال ، يومين تقريبا ثم عدت للانهيار ..
تحتاجين للوقت ،