زين ابيهااا

زينب وينها شكلها سافرت عند زوجها

__________________
وهل من مصير اخر ؟

الله يبارك فيكم مسك وسنديان وميمو وكوكي ربي يسعدكم ويرضى عليكم

الله يسلمكن من كل شر حبيباتي.

بنتي صغيرة حليلها .. توها سبع سنوات وشوي.

أبداً ما خطرت على بالي سالفة الهرمونات ومقدمات الأنوثة .. حتى الدكتور ما ذكرها.

__________________


اللهم طِيبَ الأثر .. وحُسْنَ الرحيل.

صحيح.

أعتقد بالفعل إن اللي يدخل الجامعة متأخر يستطعمها أكثر .. لأنها عن قناعة وإدراك حقيقي لأهميتها .. مب مجرد تحصيل حاصل ومرحلة دراسية أخرى بعد الانتهاء من الثانوية.

ويا سلام لما يحصل على تقديرات عالية .. إحساس عظيم بالإنجاز.



ربي يوفقج حبيبتي.

__________________


اللهم طِيبَ الأثر .. وحُسْنَ الرحيل.

مهره للحمد لله على السلامة وماعليهااا الا العافية..

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

الله يعافيج فديتج.


الحمدلله رب العالمين.

__________________


اللهم طِيبَ الأثر .. وحُسْنَ الرحيل.

السلام عليكن
مساء النور و البر و الايمان مساء معطر بذكر الرحمن

كيفكن بنات
ما شاء الله مجتمعات اليوم و المقرر طويل
ميرة سلامتها ما تشوف شر
زمان حصلي نفسها و عملت تخطيط قلب و فحوصات ما طلع فيها شي و طلع مجرد برد راح بمرهم وصفه لي الطبيب
و البرد يتنقل من مكانه لذلك اذا نقل على مكان ثاني فتأكدي انه برد احنا نقول هوا
و على فكرة مغلى الشمر و النعناع والكزبرة الناشفة الحب يطلع الهوا و يريح
سلامتها و ما تشوف شر ان شاء
احرصي تلبس ملابس داخلية من فوق مدري شتسموها بس اكيد اسمي ما حتفهميه لذلك ما ذكرته و لا تخليها تجلس مقابلة المكيف
مسك كاني بك مسوية كب كيك شوكولا الصورة مش مبينة معي مليح بالجوال
صحتين انا البارحة كمان سويت كيك شوكولا
مريوم و كوكي يا هلا غيبتو
الله يوفقك مريوم
و بس اذا تجاوز ت شي اعذروني نطيت بالمقرر ما قريت كل شي

__________________

عدلت الشمر مش الينسون دايما عندي خلط بينهم
احنا نسميه بسباس اعتقد انه الشمر عندكم

__________________

هلا بالغالية.

الله يسلم غاليج فديتج.

تبين الصدق قلبي عورني لما خبرتني بالسالفة من يومين .. وتميت أهوجس .. بس الحمدلله رب العالمين طلع الموضوع بسيط.

حتى إن الطبيب ما وصف لها أي شي .. بس طلب مني مراقبتها وسؤالها عن الألم باستمرار.


فعلاً مهرة تحب المكيف يكون بارد .. لما أخليه 23 أو 22 تقول لي: حر !!! .. فأخليه 21 لين تنام وتستغرق في النوم .. وأرجع غرفتهن أرفع الحرارة لين 23.

بخصوص الملابس الداخلية فهي تلبسها (نسميها فانيلة) .. وأصلاً ما ترضى إلا إنها تلبسها.

سبحان الله من يومين تتكلم مع أخوها عن هالسالفة .. بعد ما تسبحت ما لقت فوانيلها في الكبت لأني تأخرت في الكوي وما حطيتهم مكانهم في الوقت المعتاد .. فيتني تسألني ولما سمعنا سلطان قال لها: عادي البسي ثيابج بدون فانيلة.

قالت له: أنا بنت .. لازم ألبس فانيلة.



بخصوص مغلي الينسون والنعناع .. أشك أنها ترضى .. لكن باحاول.

بس سؤال في حال رفضت بسبب الظعم .. هل ينفع النعناع مع الشاي مثلاً .. وإلا لازم يكون بروحه؟

__________________


اللهم طِيبَ الأثر .. وحُسْنَ الرحيل.

الله يخليها لك و يقر عينك بها
٢١ كثير بارد صراحة انا من الناس الي جدا اتحسس من المكيف
رجعت عدلت الرد البسباس هو الشمر و تأكدت منه في النت
باذن الله ينفع النعناع حتى مع الشاي الاخضر و كثريلها نعناع
اصلا النعناع المجفف احنا ندهن فيه السرة بعد تسخينه في زيت زيتون
و لو شربت الشمر و والكزبرة خير على خير كثير نافعين باذن الله
حتى لو تدهني لها المنطقة بالفكس باذن الله ترتاح عندنا فيه نوعية مخففة الاطفال تنباع في الصيدلية
و تراه مؤلم البرد و مزعج جدا

__________________