هههههههههههه عشت معك القصة ما صحيت الا على صوت الاحم

هههههههههههههه الله يسعدك ضحكتيني

__________________
أشهد أن لا إله إلا الله و أشهد أن محمدا رسول الله صلى الله عليه و سلم

أمااااا
لو مادلين قووووووووية
بس استبعدها

أصبحت صبحي وكنت سعيده جداً اليوم اللقاء مع طفلي حبيب قلبي جهزت الفطور وصحيت معاذ وفهمت جداني انه عندنا مشوار ضروري للمحل وبعد الفطور وحنا بالسياره عَصّب علي معاذ: إلى متى وحنا نكذب ع الكل انت تدرين انه اللي تسوينه هذا غلط وحرام
بضيق : أدرري بس أنا كل اللي أسويه من خوفي إنت شفت فيصل وش مستعد يسوي بس عشان يقهرني لأَنِّي رفضت أرجع له
معاذ : هو طلقك خلاص ماراح يقدر يسوي لك شي .
بضيق : لا يقدر أقلها يأخذ مني ولدي او بنتي
معاذ : لا مايقدر ي ماما حنا بالسعوديه والحضانة للأم ويسمح للأب أخذهم أيام ويرجع للأم طالما غير مشبوهه او متزوجه .
: ماراح أتزوج أبد بعيش لطفلي وبس .
معاذ: الكلام هذا بدري عليه اللحين ، المهم بعد الموعد هذا نخبر الكل بخبر حملك ي بنت الحلال عشان ربك مايغضب عليك .
بخوف : وفيييصل
بحنان : لاتخافين لا من فيصل ولا من طوايف فيصل .
: إن شاءالله
وصلنا المستشفى وعند الدكتوره وبعد الكشف : عاوزه تعرفي نوع الجنين
مازلت متأثرة من صوت نبضه شعووور لا يوصف أبداً : لا مابي أعرفه خليها مفاجئه أجمل
تضحك ع دموعي : طفله بتجيب طفل هههههه
مسحت دموعي : الهرمونات بئه
الدكتوره : كل أم أول مابتسمع صوت دقات ضناها بتعمل زيك كدا بالضبط
إحساس عظيم ورائع ربي يرزق كل محروم .
اللهم آمييين . الجنين صحته تمام وكل حاجه كويسه وانت كذالك الحمدلله ، الممرضة راح تساعدك وبتلحقيني .
طيب
وبعد ماعدلت نفسي طلعت لها وكانت تكتب روشته << مثل مايسموها 😬
ورفعت رأسها : عاوزه أتكلم معك حبيبتي في موضوع برا الحاله
تفضلي .
أنا دكتوره ويهمني كتير الحاله اللي بتراجع عندي فيني قول أنا بتعلق بالمريض وكأنه قريبي وانت بالزات حببتك كتير وربنا يعلم أعتبرتك بنتي ، حكيتي لي ظروفك وقدرت غياب زوجك وعرفت بعدين بأمر الطلاق ده وتضايقك كتير عروسه متلك غبي كتير اللي بيفرط فيها ، وأحترمي رغبتك بأنك تخفي الحمل عنه بس ممكن أعرف وقت الولاده بتتصرفي إزاي .
إبتسمت لها ع إهتمامها : أولاً شكراً ع إهتمامك وأحمد ربي أنه وفقني وصرتي من نصيبي محظوظ طفلي اللي راح يولد ع إيدك ، ثانياً أعترف إنه كان قراري غلط من البدايه ويمكن خذته تحت غضب وخوف لكن فكرت فيها وقررت أخبر أبوه بوجوده
فرحت ونقزت تحضني : هو الكلام الصح كده ربنا يوفقك ويسعدك حبيبتي صدقيني من مصلحة الطفل انه الأب يعرف بيه
: أنا أكيد كنت بخبره بس ماكنت مستعده .
كتبت لك شوية مقويات وفيتامينات ضروري تاخديهم وبالموعد الجاي عاوزه أسمع أخبار تفرح
إبتسمت لها : إن شاءالله .. يعطيك العافيه .. يلا سلام
الله يعافيك .. وعليكم السلام
طلعت وماحصلت معاذ طلعت جوالي بتصل عليه لكن شفت شخص مقبل شخص غاب زوله عن العين إرتبكت وتوترت دقات قلبي سريعه حاولت أصد بس ماقدرت كل حواسي خانتني وظلت عيوني متعلقة فيه ونبضات قلبي تحاكيه ،، مسكت ايده وإبتسم لها قربوا مني وصاب سهمه خوفقي غمضت عيوني وحارت دمعة قهر وألم ليش ي هديل ضعفتي ليش الإحساس رجع لك بعد ماشفتيه إنسية صار ملك غيرك وغيرك أحق فيه منك إنسييييييه هو مو لك ولا كان لك إنتوا ماكنتوش لبعض أبد إنسييييييه خلاص .
هديييل
فتحت عيوني ع الصوت وإلتفت : هلا دكتوره
حبيبتي نسيت أكتب لك ع دوا مهم للطفل من فرحتي هههههه
تشنجت كان واقف ورآها بكم خطوه فيصل : هديييل
الدكتوره إلتفت له : عاوز إيه ومين حضرتك
نشف ريقي وتيبست رجولي من الموقف وفيصل مو أحسن مني مصدوم من اللي سمعه : هديييل
أسماء بعصبيه : وش هديله ذه وقتها
فيصل : أنا سمعت صوتها وأعرفها من عيونها بس اللي مش مصدقه اللي سمعته
الدكتوره بعصبيه : إنت ميين وعاوز إيه
مسك ايدي معصب : إنت هديل بلى !! اي طفل اللي تتكلم عنه وتوصيك ع دواه .
الكلام ماعاد يطّلع معي والدكتوراه تحاول تبعد ايده عني : إتركها ولا بنادي عليك الأمن
أسماء تشده : فيصل لاتفضحنا أترك يدها
بعصبيه : مو بعد ماأعرف تفسير اللي سمعته
الدكتوره : سمعت ايه ودخلك إيه من تكون
بصوت مبحوح : أبو طفلي
صدمه شلت الكل وإرتخت إيده وبهمس : إنت حاااامل
معاذ : خلص<< وماكمل كلمته ، فييصل
فيصل ومازال بصدمته : كييف حامل
معاذ : قلت له
إلتفت له : تعرف إنها حامل
معاذ : فيصل تعال البيت ونتفاهم المكان هذا مش مناسب << مشينا ي الغاليه
الدكتوره : قبل ماتمشوا المرحلة يد حساسه أري حاولوا تبعدوها عن أي توتر وبعصبيه
معاذ : إن شاءالله سلام عليكم
مشيت ونظرة فيصل مافارقتني ذبحتني وجلست أبكي طول الطريق ومعاذ ماتكلم وصلنا البيت ومازلت منهاره وأقلقوا عليّ جداني وأضطر معاذ يخبرهم بالحقيقه كامله ماعاد له داعي نخبي أكثر بعد علم فيصل بالأمر وفرحوا لي كثييييييييير بغض النظر عن اللي صار واللي بيصير فكرة انه أنا حامل وبيجي حفيد أسعدهم مره ..
وماخذنا نص ساعه الا والخبر منتشر وفيصل عندنا وحتى عمي إتصل عليه معاذ وجا لانه كان خايف من ردة فعل فيصل !!
أنا جلست بغرفتي أحاول أهدأ وأبعد عن المواجهه حالياً وصراخه واصل عندي وجدي يحاول معه سمعت أصواتهم كلهم ماعدا عمي وانفتح عليّ الباب : هديل أبوي يقول نزلي وجودك ضروري
: مالي حيل أواجه حد اللحين
جلس جنبي : وأنا أخوك ضروري وجودك والدرب اللي مشيتي عليه لازم تكلمينه وطالماً قرارك خذيته لوحدك من دون ضغط حد او تدخل لازم تواجهين الكل فيه بقوه وثقه وضحك لهم أسبابك وان كان لك الحق بتاخذينه وان طلع معه الحق من حقه ياخذه .
مسحت دموعي : إن شاءالله ..
نزلت معه تحت كان جالس ومحروق وثاير ومقابله عني اللي منزل راْسه وجعني شكله حسيت أني رديت له المعروف بخجل !!
معاذ : هذا هديل موجوده
بإستهزاء: أهلاً بأم ولدي ولا أقول بنتي
جلست جنب عمي اللي صد عني وحركته ضيقت خاطري ، جدي : ي بنتي ليش خبيتي عنا أمر حملك فيصل يقول تكلم مع دكتورتك والحمل صار له أربع شهور وع الحسبه إنت حامل من قبل الطلاق كيف طلبتي الطلاق وانت تعرفين بحملك هذا ماتدرين إنه مايجوز شرعاً
أفرك ايدي وأبكي بصمت ، جدي : تكلمي ي بنتي وردي علينا كيف صار هذا وانت لك علم بالحمل من قبل
بصوت مبحوح : أنا .. << وماعاد طلع الحكي معي >>
ضغط ع يدي معاذ وكأنه بحركته هاذي يعطيني القوه بالصدفة ناظرت فيصل وعيونه ع معاذ ويعض شفاته قهر : أنا عرفت بذاك اليوم يوم اللي صار كل شي << إلتفت لي >> كنت فرحانه بالخبر حيل وجهزت له لكن صار اللي صار وكان فيني أتكلم عنه لأَنِّي كنت خايفه
جدي : من إِيش خايفه ي بنيتي الخبر هذا كان راح يصلح كل شي إنكسر
ناظرت عيون فيصل بعتب : اللي صار مايجبره ولد ولا كلمة غزل ، أنا لما إنهانت كرامتي والقسوه اللي شفتها منه أجبرتني أسكت عن خبر حملي وأطلب الحريه منه أعترف إني فكرت بنفسي وإتعبتها وأعترف إني غلطت بحق شرع الله وبحقكم بس أنا كنت بظلام قهري وخوفي منه << بكيت بصمت >>
فيصل بزعل : ومع هذا مايعطيك الحق إنك تُخبين عني ذَا الشي من أبسط حقوقي
مارديت عليه لأنه معه الحق .
إلتفت لي عمي : ليش ي بنتي لييش
مسكت إيده وانا أبكي : آسفه ي الغالي مو قصدي والله أني أوطي رأسك ي تاج راسي والله كنت خايفه ولا كنت بحاله تعرف تفكر صح
سحب ايده مني وعصب ع معاذ : وانت اذا هي ماتعرف تفكر وخايفه انت وش سببك ولا تقول اختي وماأختي وكأنك انت بس اللي تخاف عليها وحنا لا إذا انت اخوها أنا عممممها تعرف وشو عمها ..
معاذ : سامحني ي الغالي والله ماكنت موافقها وفهمتها انه اللي تسويه غلط بس كل مره أكلمها بالموضوع تتعب وماتهون عليّ .
فيصل وقف وردة فعله بارده : أجل إسمحوا لي كلكم أقول إني شرعاً يحق لي أرد زوجتي ع ذمتي وهذا من حقي
معاذ وعمي : كييف ؟!
جدتي منزله راْسها : فيصل ماطلقها طلاق كامل وهي حامل عدتها لما تضع ولدها ينتهي في الحاله ذي يحق له يرجعها
بصدمه : كيييف ؟!
فيصل وبتحدي : وأنا أبا أردها ع ذمتي والليله قبل بكره
مستحييييل
فيصل : جدتي صارت علي أني أطلقك مره رضاة لأمي يمكن وقتها تهدين وتفكرين صح وترجعين لي والحمدلله طعتها وقبلها حكمة ربك إنك حامل بولدي وأعرف قبل تضيع فرصتي .
بصدمه : جددتي
فيصل كمل : صدقت لما قالت ماراح تسألين او تنتبهين عن طلاقي مجرد ماتعرفين أني طلقت وبس .
جدي معصب : كيف شرتي عليه هالشور .
جدتي بضيق : ماكان عليّ يفترقون وانا أشوف الحب بعيونهم ماهان علي ينتهي زواجهم ويبعدون عنّا .
الصدمة شلت فيني كل شي ، معاذ : بس الرجعه ماتكون ع هواك لازم بموافقتها .
فيصل : ولا هذا !! يحكمه القاضي اذا لها الحق بهذا او لا بعد إخفائها عني حملها .
معاذ أحتج وهو الوحيد اللي على صوته من بين الكل ومستعد يتضارب عشاني ، قطعت عليهم المضارب : أنا موافقه
الكل إلتفت لي ومعاذ : وش قلت
دمعه حاره من تحت الغطا: أنا موافقه أرجع له .
فيصل إبتسم ومعاذ : لييييش ماكان كلامك ذه وش اللي غير رايك اذا خايفه لاتهتمين أنا معك .
ناظرت فيهم كلهم وبالأخير فيصل : لا موافقه برضاي وطيب خاطر شف وش المطلوب وتعال خذني المغرب بعد ماأفهم نفسي .
مبتسم : إن شاءالله ماراح أتأخر عليك .
تركتهم وصعدت غرفتي حطيت إيدي ع بطني : كل شي جميل إنتهى حبيبي وماما معهم إنتهت بس إنت مثل ماإنت راح تجي وتكبر والأجمل إنك بتعيش مع ماما وبابا .
دخل علي معاذ معصب : ليش وافقتي
أرتب أغراضي ومارديت ، خذ الشنطه وحذفها : لييييش ي هديل تكلمي .
دخل علينا عمي : إنت لاتتدخل بأمر مايعنيك الأمر هذا بين الزوج ومرته وحلوها بينهم بتراضي انت وش دخلك اذا وافقت او لا
معاذ بعصبيه : دخلني أني أعرف أختي وأعرف اللي داخلها واللي كلكم ماتبون تسمعونه
بهدوء : غلطان حبيبي أنا عرفت غلطتي وابي أصلحها ويمكن خيره اللي صار ورجوعي له هو الصح ع الأقل للطفل اللي مابعد جا للدنيا .
بعصبيه : كذبي قد ماتقدرين وعلى الكل لكن أنا وعيونك فاضحتك مستحيل أصدق << صفق الباب وراه وطلع >>
عمي جلس جنبي ومسح ع راسي : ماعليك من اللي يقوله معاذ توه صغير ع الأمور هاذي ، وتصرفك عين العقل طالما هناك طفل من الأنسب يكون بين أمه وابوه .
إبتسمت ببروود وأكتفيت فيها وهو باسني ع جبيني ونزل ، من اللحظه اللي وافقت وانا حاسه بشعور غريب ضيقه ومحتاجه لصرخه لكن ماتطلع معي ودموعي اللي اربع وعشرين ساعه ع طريف ماعادت موجوده برووووووووووووووود عجيب .
لما إنتشر خبر موافقتي جوالي ماسكت من الإتصالات حولته صامت وقمت أصلي فرضي وأستخرت وبعد ماخلصت دخل عليّ عمي : حبيبتي الشيخ وفيصل تحت
لبست عباتي : وانا جاهزه ..
وصار كل شي ورجعت زوجته شعوري كان تبلّد تااام والسكون والصمت مالي السياره جدي وجدتي مدري ليش ساكتين وفيصل المفروض يكون فرحان ع إنتصاره مني المفروض يصرخ من الفرحه لكن بعد مدري ليش ساكت وانا الحكي ضاع مني من زمان وأصبح الصمت رفيقي ..
وصلنا البيت ورجولي تثاقلت الخطوات آخر مره طلعت منه منهانه ومضروبه واليوم بأي وضع رجعت مسك ايدي ودخلني وكأنه حماس فيني دخلنا وإستقبلتنا زوجته : ماشاءالله لا وماسك ايدها بعد
سحبت يدي منه ، وضحكت : هههههههههه لا ليش ي عمري مستحيه
فيصل : أسماء صعدي غرفتك ، بجيك ونتفاهم .
أسماء : حبيبي أي غرفه مو الغاليه رجعت أكيد تبي جناحكم مكان ذكرياتكم وغرامياتكم ..
فيصل بعصبيه : أسماء
أسماء : لا لا مايصير تعصب بليلة دخلتك هههههه او نسيت انها مو عروس كامله
فيصل قرب منها وجا بيضربها ومنعه جدي : فييييصل ي ويلك لو مديت يدك أشوف صارت سهله عندك وماتتكلم الا بإيدك .
فيصل : هي اللي جالسه تستفزني وتطلعني من طوري .
الجده : أقول إتركها عنك وخذ بنتي ترتاح بدل وقفتها ومقابلكم .
إلتفت لي : جهزت لك الغرفه اللي كانت للبنات قبل .
طيب دخلت الغرفه ورميت العبايه عني شوي الا داخل علي ّ، وحط الشنطه وجلس ع الصوفايه وكلانا ساكت ، كرهت الجو هذا ي يتكلم او يطّلع أحس بخنقه : البيت مثل ماأنت شايفه صغير وماأقدر أطلع أسماء بعد ماأنت تركت المكان وأرجعك فيه .
إبتسمت له برود : لا كذا أفضل لانه المكان الأولي كرهته وماأتحمل أعيش فيه مره ثانيه صدقني هنا برتاح أكثر .
تبادلنا النظرات وجا بيطلع : فيصل أجلس أباً أتكلم معك
إلتفت لي مبتسم : آمري
صديت عن نظراته : لازم نتفاهم ونتكلم عشان نتفق
عقد حواجبه : وش نتفق عليه
: فيصل أنا رضيت أرجع لك بس تأكد أنك خسرتني من ذاك اليوم ورجوعي أصبح من المستحيل .
ليش وافقتي أجل
قل غباء النساء قل فطرة نساء سمها قل ضعف قل اللي تبيه ، أنا كنت أظن إني تغيرت لكن اليوم تأكدت إني مازلت هديل الضعيفه اللي يهمها أمر الغير قبل أمرها أنا رجعت لك عشان جدي وجدتي اللي فرضوا من البدايه انه نكون مع بعض ولبعض وعشان عمي اللي وطيت له راْسه وماعاد يتحملني رجعت لك لأنه مثل ماقلت قبل ههأ انا مالي حد أنا من بعد أهلي أصبحت وحيده ومن سجن الوحده لسجنك أشكر كرمك لأنك لميتني لك ورجعت عشان طفلك اللي يكبر داخلي ولأني أعرفك وأعرف حبك لذاتك وأنانيتك كنت متأكده إنك راح تستخدم ورقته للربح وانا بكل الحالات خسرانه تماماً وولدي هو الوحيد اللي بقى لي بعد ماالكل تخلى عني هو قوتي وأملي ماابي أعيش بعيده عنه ولا دونه .
فيصل : كرهتيني بالسرعه ذي نسيتي العشق اللي بينا .
لو كان بينا عشق ماكانت فعايلك هاذي معي
بضيق : مغلووووب ع أمري ليش ماتسامحين وتعفين وتنسين ونبدأ من جديد
إبتسمت له : اذا إهانتك لي وضربك مغلوب ع أمرك طيب زواجك بعد طلاقي وش معناه لا ومن البنت اللي رفضتها من أسماء .
نزل راْسه : أنا ..
خلاص فيصل لا تبرر ولا تقول أنا مسامحتك قبل وبعد ومحللتك بعد وراضيه عليك بس طلب تكفى ماتردني .
وشو
أعيش معك أم لطفلي وبس
مصدوم : كيييف
اللي سمعته ومالي حق أرفضك لو بغيت حقك بس تأكد انك بتاخذه عن طيب خاطر .
للدرجه هاذي
صديت عنه ..
طلع وشوي دخلت عليّ جدتي : كيفك يمه ؟
الحمدلله حبيبتي
جلست جنبي وحطت ايدها ع بطني : وشلون حفيدي عساه طيب
حطيت ايدي ع يدها : طيب ويسلم عليك
ناظرتني : يمه إنت زعلانه مني
إبتسمت لها : اللي صار صار وانتهى ماله داعي نتكلم فيه .
الجده : والله من حبي لك مافكرت الا فيك وانا ادري انك تحبينه وتكابرين لأنه جرحك توه طري صدقيني فيصل حتى هو يحبك ومازال
وانت اللي شرتي عليه يتزوج
لا والله ي بنيتي إني ماشرت عليه ماأبدلك بحريم الدنيا ي بنيتي وانا عصبت عليه لما قال انه تزوج .
إبتسمت لها وشديت ع يدها : اييه هذا دليل ع حبه لي ي الغاليه
فهمت قصدي وضمتني وأكتفينا بالصمت بعده طلعت وتركتني أرتاح ، الليله كانت صعبه عليّ حيييل جفاني النوم وماعرفت دربه لذا قمت توضيت وصليت كم ركعه وجلست أقرأ القران بصوت عالي .
وفي صباح اليوم الثاني صحيت ع ألم خفيف نهاية بطني حضنت طفلي وأستودعته الله ،، طلعت من غرفتي أجهز الفطور لجداني وحنا ع طاولة الطعام من دون أسماء ، ألاحظ عيونه وهي تراقبني وتراقب كل تحركاتي لكن ماناظرته وصديت عنه وكأنه مش موجود معنا ..
فيصل : إنت تعبانه وجهك شاحب .
جدتي : صادق ولدي ي بنتي انت حامل مو زين عليك التعب جلسي أشوف وكل واحد يخدم نفسه
جلست جنب جدي وخذت كوب القهوه لكن سحبه مني : أكلي ، قبل ساكتين لأنك روح اللحين أنتم روحين وفي بطنك طفل محتاج تغذيه
إبتسمت له : أبشر ي الغالي .
وبعد الأكل ناديت ع حميده تشكيل السفره ورحت معها المطبخ ولحقني : ومن ضمن شروطك الخصام
إلتفت له : لا
أجل ليش ماتكلميني وتصدين عني .
ببرود : لأنه ماكان فيه حاجه ضروريه ، آمرني بغيت شي يمكن ماأنتبهت لك .
آآمررك ؟!!
ببرود: إييه إنت زوجي وحقك علي الطاعه .
أبيييك
بنفس البرود : أبشر من حقك وماأقدر أمنعك
صر ع أسنانه : هدييييييل
بالبرود نفسه : هلا
شد ع قبضته : ي بنت لاتعصبيني أبيييك انت مو يروح بالك بعيد فهمي عليّ
اهاا ، أعذرني كل شي أقدر أعطيك إياااه الا حاجه وحده اللي تبيها مشينا بعزاها من وقت .
طلعت وتركته في المطبخ وتصادفت بأسماء وهي نازله تناظر فيني وماإلتفت لها وكملت طريقي .
وتجمعنا عند جداني جلست أقهويهم هم بس ، فيصل : صبي لي قهوه
جيت بصب لكن أسماء خذت مني الدله وصبت له وانا رجعت أجلس مكاني جدتي : يمه بنتي مواعيدك كلها زينه .
إبتسمت لها : إييه الحمدلله
جدي بفرح : عرفتي وش اللي ببطنك
: لا ي حبيبي أبيها مفاجئه لي ولكم .
الجد : اللي يجي من الله حياه الله بنت ولا ولد المهم صحتك وصحته .
حطيت إيدي ع بطني وبحنان مسحت عليه وبشوق : صدقت ي الغالي ، بس ودي الغياب الطويل يقصر ويرجع ينور دنيتي .
الجده : من تقصدين ي بنتي .
رفعت راسي مبتسمه وجيت بنطق لكن قال فيصل : جدها فهد
ناظرته بصدمه كيف عرف أكييد قرأ الدفتر !! جدي : والميت يعود ي بنيتي !! الله يجمعنا بجنات الفردوس ، العشير مايتعوض حد .
حطيت ايدي ع ايده لأنه وجعت له قلب : يعود بإذن الله وهذا مطلبي من رب العالمين إن يوزقني فهد الصغير يشابه فهد الكبير .
إبتسم لي وربت ع ايدي : الله كرييم .. الله كريم .
وبعده فيصل إستأذن لداومه وأسماء لحقته بدلع من دون قصد عيوني جلست تراقبهم ولاحظت جدتي : لاتهتمين ولاتضيقين صدرك اللي بالقلب بالقلب .
إبتسمت لها : مو زعلانه ولا شي هي زوجته مثلها مثلي الله يهنيهم ويسعدهم .
جدي : الله يكملك بعقلك ويريح بالك .
ومر الوقت والضحى جات منى الله يجداها خير رفهت عن نفسي شوي والأبله مو مصدقه إني حامل وكل شوي تصرخ بفرحه وجدي يضربها بعصاته ويقول لي : لاتجلسينمع المجنونه ذي لا يطّلع حفيدي مهبول مثلها
منى بصدمه : أنا مهبوله .. الله يسامحك بس
ههههههههههههههههههههه
منى بقهر : تكسرت سنونك
الجده : هو ليش تدعين ع بنتي جعل عظامك الهبد
ضربت ع صدرها : ي قلبي تدعون علي عشانها لا جددد من بنتكم انا ولا هي
جدي : ثنتينكم لكن السؤال المفروض من الأغلى
فطسسسست ع صدمتها الأخييره وضحكوا معي جداني وهي مسويه فيها زعلانه : ههههههههههههههههه
شوي دخلت علينا لطيفه ومعها وسن اللي صارت العلاقه بينا جداً رسسسسميه بعد طردة أمي لي من بيتها .
لطيفه : الا وين الغاليه ماأشوفها معكم
جدتي : وهي من متى تجلس معنا ، الا اذا المهبول كان موجود
وسن : ومن المهبول
الجده : خالك من غيره
منى ووسن : ههههههههههه حلوه
لطيفه : بكلمها تنزل تجلس معنا بدل ماهي جالسه لوحدها .
جدي : ماحد منعها وقال لها تجلس لوحدها
شوي ونزلت وتراحيب وسلام حار أنا عمري مارحبت فيني كذا ، وبعد السلام والتراحيب جلسوا جنب بعض حتى ماباركت لي ع رجعتي ولا ع حملي معقوله كل هذا كرره ي لطيفه الله يسامحك بس ، وفي وسط حديثهم إلتفت لي : ماشاءالله ي هديل خطتك مشت بالحرف
عقدت حواجبي : اي خطه
جدي : لطوووووووف ترا سامحت تجين بيتي بس اذا ماأحترمتي بنتي راح أطردك منه .
انا : وش فيك جدي خلها تقول اللي عندها أخاف تبقى بخاطرها وتموت
هههههههههههههه لا مانيب ميته دام أخوي متهني وسعيد الحمدلله إنت ماتهميني ولاتحركين شعره بقلبي
بثقه : لا جد واضح
حبيبتي أسماء مافكرتي تحملين وتجيبين لنا ولي العهد يفرح قلب أخوي
أسماء بدلع : فديييته قريب إن شاءالله بتسمعون الخبر اللي يسعدكم .
لطيفه : الله كريم ، إنت شدي حيلك وفرحي قلوبنا .
جدي : أبوي هديل تعالي سنديني أحس الجو هنا مكتوم تعالي طلعيني برا شوي
قمت وسندته وانا فاهمه حركته. بس مو الحل هذا دام أسماء صارت زوجته وانا رجعت له راح تكون مشادات ومواجهات أكبر من ذي والهروب مو حل ..
جلست جنبه وانا ضامه يده وحاطه راسي ع كتفه وأفكر كيف راح تكون حياتي : جددي
همم
إذا جا طفلي راح تكون معنا
ههههههه وين بروح يعني
رفعت راسي له وأنا مبتسمه : لأنك أهم شخص بحياتي ومن بعد طفلي أنت كل دنيتي إنت الآمان والوطن أنت أهلي وناسي .
باسني من عيوني : وإنت روحي وأغلى منها .. بس سؤال وابي إجابة
أهمم
ليش سألتيني السؤال هذا ؟
لأنه ماابي أفقدك مثلهم إنت وطفلي لو صار لكم شي أنا ممكن أضيع .
قصدك فيصل من ضمن اللي فقدتيهم .
مارديت عليه وقال : فيصل موجود ي هديل بس فتحي عيونك وقلبك وبتشوفينه
بأسف : اذا هو موجود أنا ويني وين هديل الأولية
رفع راسي : هديل موجوده بقلوبنا وعيونا مكانها أحضانا ، موجوده جنبي ووين ماإلتفت ، إنت هنا << أشر ع قلبه >> وبتظلين هنا
بست متونه: الله لايحرمني منك ي الغالي .
وإرتفعت المآذن وإستأذن للصلاه وانا بعد ماصليت دخلت أتطمن ع الغدا اذا جهز ولا ، جهزت السفره وإستأذنت منهم أريح شوي لأنه أحس بتعب وطبعاً جدتي رفضت لما شافت إصراري ووجهي الشاحب عذبتني بعد ماخذت مني وعد إني آكل بعد ماأرتاح .
دخلت وإنسدحت أريح ظهري ألم بأسفل بطني أشد من الصبح غمضت عيوني إسترخي وبعده خذت جوالي إتصلت عليه مره ومرتين وثلاث ورد : السلام عليكم
بزعل : وعليكم السلام هلا آمريني
حبيبي للحين إنت زعلان
مو مهم زعلي المهم إنك مرتاحه وماأخطيتي بقرارك هذا ولا تندمين عليه
بضيق : كنت مضطره أقدم ع الخطوه هاذي وأوافق أرجع له
عَصّب : وش اللي إضطرك عليه ي خيتي من ضغط عليك وشفتي منه ها تكلمي ، أنا ماقلت إني راح أكون معك وأساندك ليش تراجعتي بنص الطريق .
وأخيراً دمعت عيوني : ليش زعلان انت مو هذا كنت تبيه مو انت كنت تقول حرام الحب بينكم يضيع ويفوز اللي فرقكم مو هذا كان كلامك
بأسف : للأسف ي خذتي فهمتي كلامي غلط ، صدق متحسف ع الحب اللي بينكم بس ماقلت لك رجعي من ورا خاطرك وكأنك منهانه إنت رجعت له وكأنه مالك حد غيره كأننا تبرينا منك ومن واللي في بطنك إنت حتى مافكرتي ع طول وافقتي ، والله لو ادري أو مجرد أحس بأنك رجعتي له لأنك تحبينه وشاريته وودك بالوصل ماكان هذا ردي كنت أول واحد يبارك لكم ، لكن أنا حاس ومتأكد مارجعت له الا بسبب أبوي واللي حولك صح ولا << عضيت ع شفاتي منعت شهقاتي لا تطلع وتفضحني ولما حسيت إني بنهار سكرت منه من دون ماستأذن وضميت ايدي ع كفوفي وبكيت ،
دخل علي فيصل وجلس جنبي : بِسْم الله عليك ، معاذ زعلك قال لك شي ضايقك
رفعت له راسي : وانت وش معرفك إني أكلم معاذ
لما جيت وماشفتك وقالوا انك تعبانه جيت أتطمن عليك ومادخلت لأَنِّي سمعتك تتكلمين
ههههههههه قلت أسمعها وأشوف من تكلم لا يكون الحبيب
نقز من مكانه معصب : وبعدييين
ااااه
جلس جنبي : حبيبتي وش فيك
بألم : بط... ني .. اااااه
دخل جدي وجدتي ومنى : وش فيها
فيصل : مدري فجأه صرخت تقول بطنها ندري وشو
منى : عمي بسرعه خلنا نأخذها المستشفى
فيصل : جيبي عبايتها
لبستني وهو حملني وطول الطريق أبكي ألم وخوف خايفه أفقده ومنى تقرأ علي مره وتهديني مره وحدي حبيبي يخفف عني ..
وصلنا المستشفى ودخلت ع الكشف ع طول وأترجى في الدكتوره إنها تنقذه وبعد الكشف والحمدلله طفلي بخير وخذت تهزيئه منها، ليش متعبه نفسي ومرهقتها حولتني لغرفة الراحه وركبت لي السيروم ومثبتات الحمل لأنه لو ستر ربي كان راح يطيح 😢
بعده دخلوا علي جدي ومنى وفيصل ومسكت فيصل تهزيئ : هو إنت ي باشا عمال قول الولد كان حيروح ليه
فيصل بقهر : خييير
الدكتوره : وهو فيه خير بعد إهمالك لزوجتك هو انت عاوز الطفل ولا مش عايزاه
منى تمسك أيد عمها لايتهور : ليش فيه أحد مايبي ضناه
: ماأنا بقول من الصبح الضنا غالي أوووي ، بس كدا مابينفعش
فيصل بقل صبر : زوجتي وولدي وش فيهم
الدكتوره : كان حيروح منا الطفل لو ماربنا ستر
جدي : عوووذه منك
الدكتور : هديل أنا قلت لك كزا مره المرحلة ذي جداً حساسه إبعادي عن الجهد والتوتر والزعل هدا أزا بيهمك راحتك وراحة الطفل وذنبك ع جنبك .. سلام عليكم حعدي عليها كمان ساعه ..
طلعت ، وفيصل : لا بارك الله في عدوك ذي دكتوره وعصابه
منى : هههههه خبل والله
فيصل : والله ناقص تضربني << يقلدها>> هو إنت ي باشا ، الله يسلط عليك باشا عدواني .
منى : هههههههههههه
الجد : وقص انت واياه ، طلعوا برا لاتزعجون بنتي ، وانت كلامها اللي مو عاجبك ترضاها معاها حق بنتي محتاجه الراحه والهدوء .
فيصل يرفع ايده : بس هالمرة والله ماجيت لمها
أنا : جدي حبيبي تعبانه وابي أنام << فهم علي وطلب منهم يطلعون وهو ظل جنبي يقرأ علي الين نمت وصحيت ع الدكتوره : إزيك ي قمر
بتعب : الحمدلله
حاسه بوجع بدك أكتب تنويم كم يوم ترتاحي فيها
لا تسلمين ، اذا خلص العلاج عطيني خروج
ايوه خلص بس حكتب لك أدوية غير اللي عندك بتاخذيها بوقت وأي ألم خفيف او قوي بتجي ع طول ماتستنيش خالص أوك ي قمر
إنشاءالله
خلصنا أمورنا وطلعنا وأول ماوصلنا جدتي خذتني لحضنها وبكت << فديت قلبها >> عنيده ماتسمعين الكلام قلت لك لاتتعبين نفسك الا تعاندين هاا انا وجدك نعرف ناخذ علاجنا ونعرف متى نأكل والشغاله موجوده ليش تتعبين عمرك
فيصل بحزم : وأسماء موجوده اي شي تحتاجونه هي بتقوم فيه ، وانت ي هديل خلك مرتاحه الين تعدين شهورك
أسماء : لا خيييير إنت وإياها هذا الناقص أقدمها بعد
فيصل بعصبيه : مو بحاجتك هي أنا قصدت جداني والبيت .
: ايه معليش أعذرني أنا ماتعودت أمسك بيت أنا طول عمري لي خدم يخدموني مو ع آخر عمري اطلع من العز وأخدم بعد << طلعت فوق وهو لحقها معصب >>
إلتفت لمنى : حبيبتي خذيني لغرفتي
ودخلنا داخل : منمن طلبتك
منى : آمري
تقدرين تجلسين عندنا كم يوم بس إلين أقوم بالسلامه
افاا عليك .. بس ليش
بضيق : ماودي جداني يحسون إنهم ثقال ولا ابي فيصل يغصب زوجته ع شي ممكن تحسسهم وتضايقهم
منى بكره : بالطقاق عشان يطلقها ونفتك والله إني مو بالعتها كلش
لا حرام عليك ، ترا الحق يقال هي مو ملزومه تخدم حد عليها من زوجها وراحته لكن اذا تكرمت هذا من طيب أصلها وكل شخص حر بنفسه ، أمر مايستدعي بأنه يطلق عشانه .
منى بحب : والله مافيه منك إثنين
إبتسمت لها : لا فيه ولا انت من نوعها
شهقت : هاا بِسْم الله عليّ
هههههههههه
أقول نامي بس بكلم أمي أقول لها وبطلب منها ترسل لي ملابس وأغراضي وكذا
طيب وحسبي حسابك تنامين معي تعرفين مافيه غرف
بس كيف وعمي
أغير السالفه : قومي كلمي أمك وخليني أنام .

ومرت آيام وكيف مرت الله أعلم منى جلست عندنا شهر وبعده ماقدرت وانا صرت أحسن ومواعيدي تمام ، أسماء قد ماأقدر أصد عنها ولو انه أدري إنها تنتظر مني زله حياتي كانت لجداني وبس ، فيصل كان يتسلل لغرفتي طول ماكنت تعبانه ويطلع منها قبل النور هو يظن ماادري كانت خطه بينه وبين منى بس كنت أحس فيه وبوجوده ..
وبعد ماراحت منى ورجعت صحتي أفضل رجعت لعادتي وفتحت موضوعي لفيصل بأنه ابي أرجع للمحل ورفض حاولت معه لكن أصر الين أولد وسمح لي عشان مشروعي مايوقف أطبخ في بيتي وأرسله للمحل مسائي فقط وماقدرت أرفض زين منه وافق ، والحمدلله إنشغالي بالشغل أحس خفف عني وأبعدني عن أجواء المشحونه وفيصل ماقرب مني يمكن بتصرفه هذا يحاول يكسبني من جديد ويمكن مقدر ضعف حملي !!
ومره صارت خناقه كبيره بين أسماء وفيصل وبسببها فيصل نام برا البيت يومين كنّا انا وجداني جالسين العصر نتقهوى في الصاله وهو كان تو راجع من دوامه وع طول صعد لها شوي الا واصل لنا صراخهم شوي الا هو نازل وهي وراه تبكي : وين رايح تعال واجهني ولا لأنه كلامي صدق وماعندي وجه تقابلني فيه
فيصل معصب : ي بنت الناس أقصري الشر وأصعدي غرفتك والله إن شياطين الدنيا قلها تناقز قدامي
أسماء: مو بعد لما تعترف
أعترف بإيش ي المجنونه وش أعترف فيه
أسماء : إنك ماتحبيني وماتبيني أجيب لك الولد تبيه منها هي وبس
بعصبيه : والحمل بيدي أنا ، أنا اللي قلت هي تحمل وانت لا
أسماء : لا بس بيدك تخليني أحمل ، بالله كيف أحمل وانت تقرب مني مره وتبعد مرات كيف تبيني أحمل وانت تشوفها فيني حتى بفراشنا
شهقت من جرأتها والشهقه الثانيه لما قالت : أنا لو ماتحديت رجولتك كنت للحين بنت << كف طيحها الأرض ومن هول الموقف كلنا جمدنا >> إسمعيني زين وأفهما كلامي أنا رجال غصب عن اللي خلفوك وإذا إبعد عنك راجعي نفسك ليش أبعد وإذا مو عاجبتك حياتي الباب ياسع جمل
: ايييه تبي أفكك مني عشان يحلى لكم الجو بس حلمك انت وايها وحقي بأخذه من عيونكم << طلعت غرفتها وهو طلع برا البيت >>
طبعاً حنا مثل الجمهور المسرح تمثيليه غامضه !!! باليومين ذي كنت قلقانه عليه ليش وكيف مدري وماإرتحت الا لما تطمنت انه رجع وبخير وطبعاً الأمر رجع سكون بينه وبين أسماء ورجعوا عسل ولا كأنه صار شي هههههه .
أنا الآن بشهري السابع وكنت أجهز طلبيه لزبونه عندها حفل دخلت علي أسماء من دون سلام وكان واضح عليها تو جالسه من النوم وبدلع : فديت حبيبي كنّا سهرانين أحلى سهره مانمت الا متأخر وجيعانه حدي وشو غدانا
: عندك القدر شوفيه
فتحته : ربي يزيد النعمه ماأشتهيت مدري وش فيني نفسي قالبه ع أغلب الأكل
مارديت عليها لأَنِّي كنت أحاول أخلص الطلب قبل تجي صاحبته
اممم وشو ذه اللي بالكرتون
هذا مو للبيت هذا لزبونه
فتحته : واااااو شييز << مدت ايدها له وإبعدتها >> قلت لك مو للبيت للزبونه
أسماء : بس أنا نفسي فيها
وانا وش خصني ذه للزبونه شوفي لك محل حلويات واطلبي لك
هههههههههههه وليش أطلب والمحل موجود عندنا
جات بتاخد ودفيتها : انت وش سالفتك ماتفهمين بالكلام
عصبت وقربت مني : وكسر بإيدك ي ال ***** دفتني وفقدت توازني وطحت ع ظهري ااااااااه
حميده : ماما شنو فيه
بألم : حمييده بطني حميييده
حميده خايفه حاولت تقومني بس أنا ماساعدتها من الألم ،، أختفت عني وشوي معهم جدتي وجدي : وش فيك يمه ليش انت بالأرض
حميده تحاول تفهمهم ومافهموا عليها
بألم : جدي بطني ألم فضييييييع
الجده : أتصل ع فيصل يجي ياخذها المستشفى
جدي : ع مانتظر ولدك بنتنا بتروح فيها ، حميده جيبي عباتها << يمه ساعديني عليك ماأقدر أشيلك يبه
جدتي وجدتي حاولوا معي ويالله وقفت وثقل يالله وصلت وأول ماوصلنا قالوا ولاده خفت : بس انا تو باقي لي شهرين
الدكتوره : أيوه بس الطيحه مأثره ع ظهرك والطفل ضروري ولاده ولا حنخسرك ولا نخسره
جدي : لا لا ولدوها المهم بنتي ترجع لي بخير
بخوف وبكيت : جدي إتصل ع فيصل وخبره قله يجيني بسرعه
يمسح ع راسي : لا تخافين يبه اللحين أكلمه المهم انت توكلي ع الله وناجيه عسى الله يحفظكم انت والطفل
بعدها دخلوني غرفه ثانيه : لاتولدوني عمليه ماابي
الدكتوره : بس حالتك ماتسمح طبيعي
وانا ابكي : مااابي عمليه تكفين
كلمت اللي معاها وشوي قالت حنولدك طبيعي بس اذا إنزنقنا مابينفعش غير العمليه إسمحيلنا
طيب طيب موافقه .
وبعد جهد نفسي وجسدي ضج المكان بكاه وإمتلئت الغرفه فرح وتبدلت من دموع ألم لفرح مع خروجه طاح معه كل الألم والحزن ومع صرخته أعلنت الفرحه بدخولها لحياتي وأشرقت شمس سعادتها دنيتي وشرف بعد طول الإنتظار والغياب جاء فهد أملي سندي بالحياه حطوه ع صدري وحسيت بالأمان براااااحه عظيمه وبعده خذوه مني يكشفون عليه وينظفونه وانا بعد كم ساعه حولوني لغرفتي وسألت عنه ولأنه جا قبل شهره حطوه بالحضانه هو طيب وصحته زينه بس ضروري وضعه وارتحت ونمت بعد التعب وجلست ع يد تمسح ع راسي فتحت عيوني بتعب وكان يبتسم لي باس جبيني : الحمدلله ع سلامتك ي أم فهد
دمعت عيني غصب من حس إسمه : شفت فهد
مسح دمعتي وبهمس : الألماسات ذي غاليه ع فهد وبو فهد
إبتسمت وسط الدموع : غصب عني
لا لا بعد اليوم مافيه غصب
غمضت عيوني وفتحتها : ي ليييت
لو بنجلس ع كلمه ليت ماتقدمنا نقول يالله وربك يوفق
صديت عنه : صعب اللي إنكسر يجبر
لف وجهي صوبه : عطيني فرصه
كل الفرص معك خلصت ي فيصل الا الخيانه ومدة الإيد
ليتها إنشلت ولا إنمدت عليك ي غرام الفيصل
بِسْم الله عليك
وتسمين عليّ حتى بعد ماضريتك
لأنه ماأحب حد ينضر بسببي .
مسك ايدي وباسها : إنتي عظيمه والعظمه لله سبحانه .
انا خلاص مابي منك شي ولا أنتظر << إبتسمت بحب >> يكفيني فهد بحياتي وذه لوحده يشفع لك واللي خلاني أسامحك ع كل شي جاني منك بس النسيان صعب أعذرني .
فيصل : خلينا نقول الأيام كفيله بالنسيان
إنطق الباب ودخل جدي ومعه جدتي ومنى وفيصل لما دخلوا طلع لمحت دمعته قبل يطّلع وضاق صدري عليه وع حالنا وتحسبت ع اللي كان السبب .
ومر الوقت ومنى توريني صور فهودي حبيب قلبي ورفضت أطلع من دونه جلست معه أسبوعين وبعده طلعوني 😕
وكل يوم أزوره وأرضعه طبيعي وأرجع بيت جدي اللي مارضت جدتي الا أتنفس عندها جعلها الجنه ،، فيصل عرف بالحادثه اللي صارت لي من حميده ومني لما سألني وقلت له انه يتهيأ لها حميده انا ماأنتبهت لرجولي وتفركشت عَصّب مني وحلفني بالله اذا صادقه وقتها ماقدرت وخذها لبيت أهلها تضايقت صدق ضرتني بس ماابي تنضر بسببي !!
فيصل كل ليله ينام عندي عذره لو إحتجت شي وجدتي كبيره ومحتاجه للراحه حتى طلبت من منى تنام عندي وأنقهر مني وصرفها والبايخه سمعت له ..
ومره بليل من الليالي كان سهران عندي وانا كنت حدي فيني النومه بسبب الزواره وروحتي لفهودي : هدييل
بنعس : همم
نومتي ي عمري
لا بعدني ولو سمحت كم مره أقول بلاش غزل ودلع تنرفزني
طيب أنا آسف
انت ليش ماتروح تنام في جناحك وتتركني أنام ع راحتي
لا مايصير أتركك تنامين لو حدك لو قمتي بنص الليل تبين حاجه ومااحد جنبك
آخذه بنفسي ترا أقدر
ولو مافيه ، وإذا أزعجتك خلاص نامي ماراح أتكلم
يكون أحسن
وشوي قال : هدوله
بعدت الغطا وزفرت : اااااااوف خير وش تبي خلصني حرام عليك تعبانه وابي أنام
جا وجلس ع السرير ومسك ايدي : أبي أقول لك عن اللي داخلي يمكن أموت مااحد يضمن عمره
بخوف : وش ذَا الطاري ليش تتفاول ع نفسك
مدري والله يمكن بسبب سعود
عقدت حواجبي : من عود ذه
ذه واحد موظف عندي مو من الشرقيه أصله من الدوادمي وخاطب بعد ثمان سنين حب ملك عليها بعد صراع طويل مع أهله وأهلها هي غنيه وهو ها ع قد حاله هي من عائله معروفه وهو من العوائل الصغيره لكن تعرفين الحب مايعرف الأمور هاذي حبو بعض مع انه شهادته تاخذه أكبرها شركات في الوطن وغير الوطن لكن نصيييب وربك جابه عندنا وصار له قبول بشركتي والله ي هديل انه فلتتتته ماشاءالله تقولي جني أرقام هههههه
أنا بإندماج وطارت النعوسه : ايه كمل
طبعاً صرفت له راتب 10 آلاف مع البدلات والتميز وترقيات وكل ماخذ دوره تفيدنا يزيد الراتب
أنا : حلو ماشاءالله ماتبون موظفات << إبتسمت له عباطه >>
قرص خشمي : خببببله كل الفلوس لك من دون راتب
كتفت ايدي : من دون تعب ماأبيها
طيب ماتبين نكمل
بفضول : الا طبعاً كمل
المهم رجع ديرته وبشرهم وراح خطبها تالي ورفضوه وقتها كتب فيها قصيده وسمعه أمير المنطقه ههههههه وتدخل في موضوعه وصار له جاهه وطبعاً أهل العروس طمعوا جاهته أمير وفلوس ووو ووافقوا عليه وعقد عليه طبعاً رفض من انه الأمير يتكفل لكن طلبه يقدم لهم هديه بسيطه وماتعدي وضعهم يعني مايحس انه تفضل عليه وأهداهم بيت بأسمه وقام ردها له بقصيده
أنا بحماس : ههههههههه زين سمع قصيده الأمير ولا كان يحلم فيها هههههههه
فيصل : اي والله ، المهم بعد ماتملك عليها رجع لنا وامس كانت بداية إجازته وكان فرحان لأنه بعد اسبوع زواجه وعزمني أحضر له يقول لي وأخيراً قرب اليوم اللي راح يجمعنا ببعض من فرحتي مو عارف وش أقولها عن غرام السنين ولا عشقي المستحيل انا مش مصدق إني مملك عليها والله لو جاني ولد لأسميه ع اللي جمعنا ببعض .
طلع من عندنا فرحان لكن ربك ماكتب له يكون عرسه وخذ آمانته
بزعل : لااا
فيصل : إن لله وإن إليه راجعون يومه سبحانه مكتوب له ماتكون له بالدنيا وان حبه مايكتمل .
بزعل : الله يصبر أهله وخطيبته ويرحمه ويغفر له .
فيصل بضيق : عشان كذا أقول لك مااحد منا ضامن عمره وإذا انا عندك اليوم الله اعلم انا بكره وين
حطيت يدي ع فمه : لاتغيب طاري الموت تدري فيني مااحبه ولا أحب سيرته
بعد ايدي : هديل أنا ظلمتك وأبيك تسامحيني وتنسين هديل أنا أحبك ماأقدر أعيش بعيد عنك والله ان حبي لك مجنون الله لايعيد ذاك اليوم والله إني إنعميت ع عيوني وشكيت فيك ومو بيدي والله فكرة انك تُحبين واحد ذي قتلتني وتبينه حتى وانت ع ذمتي دمرتني ، أنا من دون شي أغار عليك بجنون .
بضيق : الغيره شي والشك والظلم شي ثاني ي فيصل لاتجمعهم بكفه
فيصل : لا ماأجمعهم بس أقول لك اللي صار وماأبرر لي بس بقول لك انه هالدنيا فانيه وماحد يدري عن يومه ،، ليش نعيش باقي عمرنا زعلانين من بعض وشايلين بقلوبنا ع بعض أنا أحبك وشاريك وأبيك ولو سويت كل هذا طلاقي وخطتي وغصبك ع الرجوع ألطريقه غلط بس فرصه وجاتني ليش ماأستغلها قولي أنانية قولي اللي تبين بس أنا حبك عمى عيوني وقلبي وماأفكر الا فيك وانا واثق انك تحبيني أقرأه بعيونك مهما حاولتي تظهرين العكس ، ليش نكابر ونضيع من أعمارنا وحنا بعاد عن بعض .
سحبت ايدي عنه : خلصت كلامك << هز راْسه ايه >> طيب ابعد عشان أنام .
جا بيتكلم لكن ماعطيته فرصه ، هو رجع مكانه وانا تغطيت بس مانمت جلست أفكر بكلامه بس انت تزوجت ي فيصل وإذا كل شي عندك له تبرير زواجك هذا وش تسميه ليش قهرتني وذبحتني بزواجك << حاربت مني دمعه ومسحتها >> لا ي هديل لاتخلينه يضعفك وتستسلمين له مايستاهل حبك ولا قلبك اتركيه لأسماء هم يناسبون بعض أكثر ، انت لك فهودي وجدانك وبس خلاص أنسيه ونامي ..
ومرت أيام وشهور وفهودي سمحوا له يطّلع أخيراً أتصل ع فيصل اللي مستغربه من الظهر ما شفته ومارد عليّ أُوف وينه ذه فهودي بيطلعونه العصر من يوديني اللحين ولا فيه احد معي عشان اروح مع السواق جدي لازم مسجد اييه مافيه الا هو إتصلت عليه وبعد السلام : حبيبي وينك فيه
آمري ي الغاليه
قلبي اليوم سمحوا لفهودي يطّلع ومو محصله فيصل شكله مندمج بشغله وماإنتبه ع جواله وماعندي احد عشان اروح أجيبه .
معاذ : طيب جهزي نفسك أصلاً زوجك سبقك وكلمني أطلعه بس اذا تبين تجين معي جهزي نفسك .
إستغربت : فيصل كلمك وليش مايرد علي
معاذ : مدري ، بس طلب مني اطلع فهودي لأنه عنده أمر ضروري ومايتأجل لبكره وعطاني الإثباتات لخروج فهودي لو طلب مني
طيب تعال لاتتأخر عليّ .
وبعد ماصليت فرضي جا معاذ وطلعنا المستشفى وخذنا فهود وخلصنا كل الإجراءات وبعده طلبت منه ياخذني لمحل أطفال بما انه ولدت بالسابع ماجهزت عدل لفهود خذت له كم شغله ورجعنا كذا ع المغرب ومثل ماتركت البيت فاضي رجعت له فاضي دخلت فهودي الغرفه عشان ماأزعج نومته وطلعت أشوف جدتي وينها وحصلتها ع سجادتها تصلي سألت حميده عن جدي وفيصل وقالت انه فيصل من الظهر مايشوف وجدي طلع يصلي ،،
دخلت غرفتي صليت وبعدها رتبت الأغراض ولما سمعت صوت جدي طلعت له : هلا ببنيتي ها وينه ولي العهد
أنا : موجود بس نايم تبيني أجيبه لك
الجد : مايهون علي نومته بس قلبي ولهان عليه
أشرت ع خشمي : يفداك وي حظه يوم ينام بحظنك
طلعت أجيبه ورجعت له ودخلت علينا جدتي وقالوا عاد يدللون فيه الين بكى وأزعجهم خذته منهم أرضعه داخل وأنومه وارجع لهم ..
أذن العشا وطلع جدي للصلاة ورجع وانا ها تو منومته قمت صليت وطلعت المطبخ بعده رجعت الصاله بس مادخلتها سمعته يتكلم ويبكي : ااااااه ي جدي نااااار بصدري تحرقني بمووت منها
جدي : إذكر ربك ي ولدي وأحمده إنك كشفتهم
كشفتهم بعد إِيش بعد مادمروا لي حياتي وهدموا بيتي بعد ماشكيت ببنت الناس وإتهمتها بشرفها جددي هديل كانت راح تضييع مني لو ماحكمة ربك
جدي : قلتها حكمة ربك ، رب العالمين مارضا بفعلتهم المشينه ولا حب انهم يفوزون بنيتهم الخايسه .
يبكي : جدي أنا ماأستاهل هديل صدقت انا مأستاهلها البنت الشريفه شكيت فيها واللي تخوني جبتها ومركزتها بنص بيتي وساويتها بحبيبتي .
جدي : اللي صار صار مكتوب ومامنه مهروب المهم أنه الحق ظهر ولو انه هديل بريئه من كل الإتهامات لكن البرائه حلوه وربك بيتولاهم الظلام .
جدي أنا مو قادر أنسى مو قادر .
جدتي تبكي : حسبي الله عليهم حسبي الله عليهم قهروك وقهروا بنتي عشان إِيش عشان نفوسهم المريضه .
جدي : كيف عرفت بحقيقتهم .
فيصل بعصبيه: ال ***** كلمني الظهر وطلب مني نتقابل ولما رفضت قال انه بيده برائة هديل وانا رحت ابي اعرفه واعرف ليش سوا كذا ومن يكون وكيف يعرف هديل .
وتقابلت معه وقال اسمه جاسم ال..... وقال انا والله مااعرف زوجتك هديل الا من اسمها ولا عمري شفت زولها ولا أعرف من بنته غير انها زوجتك
عصبت عليه وقلت : والرسائل والمكالمات والصوره
قال : انا رسلتهم ايه بس والله ان زوجتك بريئه من كل الظنون والتهم وانا ندمان باللي سويته فيها وخايف أقابل ربي بعد فعلتي عشان كذا قررت أعترف لك بكل شي
فيصل : لييييش سويت كذا دامك ماتعرف زوجتي ولا لك صله فيها
جاسم : أنا ماأعرف هديل بس أعرف أسماء زوجتك الثانيه
إنصدمت منه : اييييش
جاسم : أنا أعرفها من قبل لاتتزوجون وبينا علاقة تلفون حبيتها وتقدمت لها لكن أهلها رفضوا لأنه حنا أقل منهم ومفكرين إني داخل ع طمع خطبتها مره ومرتين وثلاث ونفسه رفض بس ماقطعنا من علاقتنا مثل مافهمتني انها تحبّني وتبيني ومصير أهلها يرفضون .
وبيوم طلبت مني أسوي شي عشان أثبت لها أني أحبها ولا راح تتركني وتقطع علاقتها فيني وانا فكره انها بتتركني تذبحني أحبها بجنون وافقت خصوصاً لما عرفت انك أهنتها وأهنت شرفها وماكنت اعرف من تكون انت خذت رقمك ونفذت اللي طلبته مني والصوره هي رسلتها لي وقالت لي ارسلها اللحين واكتب اللي بقوله لك ونفذت مثل كل مره ..
بعدين إختفت إتصل عليها وماترد أرسل وماترد وفجأة صار مقفل بعدين عرفت انه تزوجت خذتك انت وعرفت انها لعبت عليّ خدعتني وخدعتك وعشان اصحى من حبها كان يبي لي وقت بس الحمدلله ماطولت وقلت لازم أخبرك بالحقيقه .
فيصل : ال ***** جاي يعترف بعد ماتشافى من حب ال ***** بعد ماعطيته اللي فيه النصيب رحت بيت ال **** أواجهه باللي سمعته نكرت لكن بعدين أعترفت بكل شي بكل شي << وجلس يبكي >>
جدي : وهي وش بينها وبين بنتي ليش سوت كل هذا
فيصل بقهر وألم : المقصود أنا مو هديل هي إنهانت كرامتها لما رفضتها وحبت تصفعني وتبعد عني اللي أحبها .
جدي : حسبي الله عليها
فيصل : وأختي بنت أمي وابوي ساعدتها بتدميري وزوجتني إياها
شهقت وحطيت ايدي وجدتي بصدمه : لطيفه لها يد بالموضوع .
فيصل بزعل : اذا مو بالخيانه بالخطه هي ساعدتها زنت ع راسي بالكلام اللي تقوله لها وضغطت ع جرحي بوقت دامي وعمت عيني عشان اتزوج حماتها وصار كل هذا تحت قلوبهم السودا وكرههم الأعمى .
وانا ضيعت نفسي وحياتي ودمرت بيتي << جلس يضرب في نفسه >> ضيعت مني هديل وانت ثقتها فيني وسخر لها ربي من يأخذ حقها بنفس الكأس كنت أهينها لأنه إنهانت كبريائي ودارت الدنيا وكتب لي من يضيع حياتي بسبب أهانتي لكرامته ..
آخر كلمه قالها واعتلى صوت جداني : فيييييييييييصل
دخلت بسرعه وحصلته مرمي ع الأرض قربت منه وضربته ع خفيف : فييييصل فيييصل
جدتي : يمه ولدددددي
بخوف : فيصل حبيبي رد علي فيصل
جدي : طلع من عندنا ورجع : تغطوا السواق بيدخل << ماحد منا رد عليه خذا جلال ورماه علينا ودخل السواق حمل فيصل وطلعوا ..




مرت سنين وإنطوت بكل آلامها وحزنها وفراقها ونسينا كل الألم والذكريات وإبتدينا صفحه جديده وكتبنا فيها فرح وسعاده تعلمنا من اللي صار لنا وطلعنا باللي يفيدنا بحياتنا !! حبنا صار قصة تحكى فيها ..
بعد اللي صار مااحد منا كابر وعاند ع قلبه صرنا نتكلم ونقول ونغني فيه ، التفاهم والإحترام أساس علاقتنا مازلت أواجه بعض العثرات لكن بمساعدته نبعدها ونكمل .. فهودي تمم عمر السنتين ومازال فيصل يرفض طفل آخر بحياتي بسبب غيرته بس من يسمع ههههههههه أنا حامل بشهري الثاني .
جداني شعلة حياتي وسعادتي ربي يمدهم بالصحة والعافيه ويطول بأعمارمهم الحسبه الوحيده اللي كسبها فيصل من وجود فهودي هو إنشغالهم فيه وصار له أكبر نصيب بوقتي 🙈
عمي وأهله زوج عياله الثلاث عبدالرحمن وخالد ومعاذ << معاذ طلبته يسكن في بيتنا هو وزوجته ويعتبرها هدية زواج لكن رفض وقال البيت خليه لحاجتك يمكن تطفشين من زوجك وتلجئين له ههههههههههههههه وفضل يسكن بشقق عمي اللي عند بيته مع أخوانه >>
منى تزوجت من زيد اللي كانت تحبه ومازالت لأحد الشييينه الا بعد ماعقد عليها أعترفت لي الله يسعدهم ويهنيهم ويرزقهم الذرية الصالحه .
لطيفه بعد ماعرفت بخطاها ندمت وجهات اعتذرت لي ومن الكل طبعاً رفضوا يسامحونها الا بعد ماأسامحك انا وفيصل وفيصل رفض بشده وطردها من حياته لكن انا تدخلت وقلت له الدنيا ماتستاهل نزعل من بعض عشانها ونخسر دنيتنا بسبب خصام ولا نسيت كلامك يوم مات موظفك وش قلت ، والحمدلله تم الرضا في البدايه علاقتنا رسميه لكن بعده طاح كل شي وصرنا عاديين حتى صارت هي من ضمن جمهور الدفاع ههههههههههه .
أمي أم فيصل وابوي فهد طبعاً فهود الصغير لحس عقول الكل بس هم خاصه وبشكل عجيييييب .
وسن صارت زوجة الغالي حبيب القلب ند فيصل اللي للحين بينهم شد بسبب غيرتهم من بعض معاذ وفيصل 😂
نوره حياتها جداً هاديه وجميله بين عيالها وزوجها ربي يتمم عليهم .
أسماء لما طلقها فيصل ماعاد نسمع عنها أخبار ولا لطيفه تجيب طاريها ..

وهكذا إنتهت حكايتي عشت معكم بكل لحظاتي المر والحلو الحزن والفرح الألم والألم ومن هنا أقول لكم ..


ومضه :
خيوط الألم تنبعث منها الأمل .. ❤

أحسنوا الظن به وتوكلوا عليه وتيقنوا مابعد الهم الا الفرج ومابعد الألم الا شفا ومابعد الحزن الا فرح والأمل بالله كبيييييييير .. 💞

أعتذر ع تأخيري لكن حدث مالم يكن بالحسبان تعرضت ايدي لحادث أمس ولم أستطع الكتابه 😆
بس إستمتعت بتخميناتكم وخصوصاً اللي دخلت مادلين هههههههه .
أتمنى نهاية تسعد لوفتي و mimi ولا ضاعت رقبتي ودخلوا علي من الشاشه 😂
المنسيه غاليتي أم صفاء أهلاً وسهلاً فيك بصفحتي بين حروفي أتمنى لو بالقليل بعثت بروحك النقيه الأمل 💙
وأرحب بك وبتعليقك لكتابتي وقتما تشائين 💝
وامممم والبقيه مااتذكر وش كتبتوا لكن اللي أعرفه أني سعييييده جداً بتواجدكم وبحروفكم لذا تقبلوا مني باقتي المتواضعة 💐
اما ع سؤال الإستطلاع أحمد ربي حمداً كثيراً ومن ثم أشكر من قال نعم وجعل حرفي أمل لكم وشاهد لي يوم القيامه .. وأثر في نفوسكم النقيه ☺
أما من قال لا ، أعتذر ع خيبة ظنه وشاكره له 🌷

أنتظروني اليوم لأجيب عن أسألتكم كونوا بالقرب 💝

اووه صح نسيت أقول أنا أكتب بنفس اللحظه ولا أراجع اللي كتبته ع طول أعتمد لذا ماأنتبهت بالأخطاء الأملائيه وأحياناً الجمليه 😂 لذا أعذروني تعب علي اكتب وارجع أقرأ خخخ .. المهم يكون المعنى مفهوم لكم 😬

واااااااااااووو
نهاية سعيدة وتستاهل أسماء ماجاها وأكثر

ربي يديم ع كل مسلم ومسلمة السعادة


الان ننتظر الجواب القصة من الواقع ؟؟؟؟؟

سلمت يداك عزيزتي وعد.... كانت رحلة جميلة وممتعة والنهاية جدا سعيدة😍😍

خلنا نطق لك زغروووودة ترج المنتدى رج هههههه

كلللللللللللللللوووووووووووووووش <<<< تخبلت لبنية هههههه



الف سلامة على ايديك يا وعد ...
بس مثل ما قالن الاخوات المتأثرات مثلي شكل القصة من ابداعاتش صح !

__________________
أشهد أن لا إله إلا الله و أشهد أن محمدا رسول الله صلى الله عليه و سلم

النهاية جميلة بصراحة و انا حبيت القصة اكثر من بعد ماطلقها فيصل 😁والنهاية تبرد القلب

الحمدلله على النهاية السعيدة ولا كان بموت من قهري هههههه ..

تسلم اناملك ومخيلاتك وعد الذات ..