فكرة سديدة

__________________

الله يعينك اختي كنافه دعواتي لك
زوجك اخذته العزة بالاثم ومتغطرس جدا عليك
والاسف ليست فقط كلمة انما افعال والندم الشديد وهو موشكله ندمان ابدا
استخيري جديا بالطلاق لعله خير لك واذا ما تم الرجعه اليه فيما بعد ترجعي بشروط موثقه في العقد

في حاجه بس حابه افضفض فيها
لما رديت عليه طلب مني باخر المكالمه اشيل الحظر عنه
لاني حاظرته بالواتس اب.. قال برسل لك شي
وانا شلت الحظر ولقيته مرسل صور ديكورات للبيت
يعني شغلات هو عملها في البيت
شفتها وقلت اوكي حلوين.. بعدين رجعت الحظر

اليوم اللي بعده جاء اخذ بنته
ودق علي بعدها بساعه.. مارديت عليه
بس خفت يكون بنتي فيها شي!!
رفعت الحظر وكتبت له بالواتس اب: البنت فيها شي؟
قال: لا.. بس ليه رجعتي الحظر
سكت ومارديت عليه.. ورجعت الحظر وتركت الجوال
وهو رجع البنت للبيت ولا دق علي بعدها



يعني الرجال يبي يسولف عادي وماخذها سهالات
مادرى عن خاطري ولا زعلي ولا جاب خبري
ولو مشيت معه عالخط والله بكرا لو عصب بيضربني بالجزمه ولايهتم

لكني رجعت للصمت.. وهو رجع للتجاهل


وبما انكم دائما تنصحون قبل الطلاق
اننا نكتب الايجابيات والسلبيات في الطرف الثاني

ابجابياته: كريم ماديا، بيتوتي، يحب بنته، يساعد باعمال البيت
وقف معي باوقات كثيره ودعمني بوقت مرضي وبمشاكل عملي
يحترم اهلي ويقدرهم.. مايقصر علي بأي مشوار اطلبه
معه شفت اماكن ماعمري شفتها مثل باريس وامريكا ودول ثانيه


سلبياته: يفجر بالخصومه، عصبي وبذيء اللسان، منان
عنيييييد، حساس وشكاك، كتوم، يبصبص (هالعاده جديده)
يعتقد ان زوجات اصحابه افضل مني وان كل النساء احسن مني
يتهمني باشياء غريبه ومستفزه يسمعها من اصحابه عن النساء
مايعرف شي اسمه خصوصيه او اسرار بيت
اي شي يخصني لازم يبلغ فيه امه واخواته.. احيانا من باب التفاخر
واسوأ عيب انه نكدي.. احسه يشتاق للنكد والمشاكل
ويستمتع بتضخيم الامور ويحب يعيش دور المظلوم
واذا عصب لازم يكسر شي ويدمر نفسية بنتي من صراخه
اهتمامته تافهه جدا وعقله صغير.. ويحس بالنقص دائما
مايعرف المسجد الا يوم الجمعه.. ويأخر صلاوته غالبا
يكره الدين واهله ويعتقد ان المتدينين ناس معقده وارهابيين
متسلط بلبسي ومظهري ويعتبر هالشي من باب الغيره
جاف عاطفيا جدا جدا.. وناقد لاي تغيير
وبالفتره الاخيره كان فيه فتور بينا (قبل المشكله) من ناحيته هو
اذا عصب يقول كلام مهين جدا.. كلام شوارع
سبق وشفت بجواله صور اباحيه من قروبات اصحابه وهو مايدري
يكره طبخي ولايحب ياكل بالبيت.. مع انو نفسي حلو
ولو اهله عملوا رر ابيض ساده طار من الفرح ومدحه
يغار من صديقاتي ويسبهم احيانا بدون سبب
ينكد علي بأي مشوار دايمااااا

مسحت السلبيات والسبب مااشوفها شي ولا عيوب
لكن الايجابيات ماشاءالله تبارك الله وهذا الي ابيه من زوجي وكل بنت تحلم فيه
مدري وش اقول لك
ولا الاخوات يعبون راسك
و بعضهم قريت مشاكلهم كبيييره جدا ومدري وشلون صابرين ولا اشوفهم طلبو الطلاق ولا تطلقو

انا من اول يوم كتبتي في المنتدى قريت لك
واذا بتستمرين على طريقك هذا بتوصل ورقتك وساعتها ماينفع الندم
والكل راح يخليك تندمين او يشوفك فاشله

الايجابيات اللي كل بنت تتمناها
هي اكثر حاجه يمن علي زوجي فيها
ويشوف انو يحق له يهزئ ويضرب ويهين بسببها
وصدقيني الدلع المادي ماله قيمه اذا غاب الاحترام
وغلبت الاهانات والتحطيم والتحقير عالحياه الزوجيه
انا كل شي سويته معه حتى احمي نفسي من الطلاق
حتى لما رديت عليه من يومين
كل شوي اعطيه فرصه وهو تركبه الشياطين اكثر
ارجوك غاليه لاتحسسيني اني فقدت شخص عظيم
لاني تعبت جدا من حياتي ومو عارفه ارتاح

لو انتي اختي ماقلت لك غير الكلام هذا
اغشك الزوج مو يجي مفصل على مزاجك وكل شي تتمنيه فيه
طيب انا تملكت الان هل زوجي هو الانسان الي اتمناه او كان طموحي لا
بس خلاص وش تسوين الوحده مو كل يوم لها زوج لازم تتعود على طبعه
يعني راح ترتاحين اذا تطلقتي او تتزوجين واحد يفوقه بدرجات !!
الله قادر على كل شي لكن انتي نفسك ماراح تتقبلين بتعيشن صراع
ولو تسألين المطلقات وش اكبر مشكله واجهتك بعد الطلاق بتقولك الاحساس بالفشل

مشاكلك تااافهه مو المشاكل لاتطاق
اسألي اي وحده مطلقه او ارمله بتقول لك يكفي يقضى اشغالك بدون ماتطلبين اخ او اب
لا تكونين انانيه انتي مو تحكمين مصيرك لحالك عندك بنت
وانتي عارفه الوضع ولو تزوجتي راح تعيش بنتك مع زوجه اب او زوج ام مو اسرتها اهي بتكون اسره اهي داخله عليها

والله نصيحه من قلب لك ولو الطلاق فيه خير كان نصحتك فيه
الاستقرار ولو على منغصات نعمه
الطلاق كسر للمرأة وهذا حديث الرسول اللهم صلي وسلم عليه كسرها طلاقها

بالعكس ردك له يخليك تتاكدي أن زوجك لازم له درس وياترجعي بكرامه يابيت أهلك أعز لك ومثل ماقالت مس داني الاحترام اولى من الحب

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

لو أنا منك ارمي كل شي ورى ظهري نهائيا بمعنى الكلمة وأوكل امرئ لله
الله رايد لك خير كبير والدليل توقيت مشكلتك سبحان الله والله أنا أتابع مشكلتك من زمان وهذا الي أنا شايفته
رمضان ليالي فضيلة ربك يملك مقاليد السموات والأرض مايقدر يهدي ويسخرلك زوجك الضعيف !!!!
الحل بهذي الليالي الفضيلة انسي كل شي حتى والدك لا تأملين عليه والزمي سجادتك ادعي وشوفي الفرج وتحري ليلة القدر وبأذن الله راح تشوفين الخيرة بتوقيت المشكلة وراحة وسعادة بقرب زوجك وتكون هذي المشكلة برد وسلام على قلبك
دعواتي كل بتفريج همك وتبديل حالك لأفضل حال يارب

كنافة
خليك مع أبوك على طول الخط

الرجال ما يعرف لهم غير الرجال

توته
هو حسسه انه واقف معه بس انا اللي رافضه
لاني مجروحه ومصدومه منه
لكن انا بغبائي خربت كل شي.. وهو والله مايستاهل


ريم نواف
انا صبرت عليه وتحملته كثير حتى ما اتطلق
لكن اللي ربي كاتبه راح يصير


سهر الشام
كان بينا موده وعواطف بالهبل
لكن هو دمر كل شي



جمانه
جزاك الله خير


مرجانه
كلامك كله صحيح للاسف
فعلا هذا شكل حياتي
وهو الظاهر ماعنده استعداد يتعدل
ولا قادر يحافظ علي انا وبنتي

حسن السجايا
انا من بعد ما رديت عليه كرهته وكرهت نفسي
حسسني اكثر بوقاحته وقبحه
وباقي كلامك انا معه


اشغلتني دنياي
الموضوع صار اكبر من صورتي عند الناس
هو ما ندم ابدا ولا شعر ابدا بغلطته
تخيلوا حتى وانا الومه لقيته يبرر لكل شي
كل حاجه عنده لها تبرير ويكابر فيها