اثبت على موقفك اخي ولا تقلق

المهم انك تثبت خروجها من المنزل بدون إذنك وبدون ضرر قوي يستدعي قعل ما فعلت

القاضي لا يأخذ بالعواطف عنده قانون وبيطبقة بحذافيره

ودام انها بدأت بالعصيان بدون سبب ومبرر قانوني بيكون الحكم في صفك

لا تقلق هي تستخدم معاك اسلوب لوي الذراع والمطلوب منك طولت بال ونفس

أكيد ابليس فرحان ومسوي حفلة جامع فيها أعوانة الشياطين وجالسين يرقصون

وإنت وزوجتك تبكون وتتحطمون..

شوف يا اخي لو أنا مكانك شسوي كآخر حل:

أتعوذ بالله من ابليس ومن جميع شياطين الإنس والجن

أقوم أصلي ركعتين أستخير الله

وأصلي ركعتين ثانية أدعي وأدعي وأدعي الله بذل وانكسار الله يحل أموري ويحسن عاقبتي

الخطوة التالية

ألبس ثيابي وأقصد زوجتي أفاجئها بالزيارة وأقابلها بإبتسامة..وأوديها على أي مكان مناسب أكون مجهزه للنقاش

وجلسة النقاش الشرط ماتفتحون فيها أي حوار للمشاكل اللي صارت وتقفلون أي بوابة نقاش للماضي

الماضي خلاص صفحة سوداء انطوت وانتهت..........

واليوم إنت بتخطبها وبتتزوجها وبتعقدوا اتفاقية من جديد

الأسلوب والطريقة له دور كبير في الإقناع

الكرامة ارميها في سابع بحر لأنكم مازلتم زوجين

التنازل مطلوب

حياتكم الجديدة تبنونها على أساسكم أنت الإثنين فقط ومايصب في مصلحتكما أنتم الإثنين فقط

بعيدا عن مراعاة الأهل وغيرهم..لأنه بكرة ما ينفعونكم ولا يضرونكم بشي...

اليوم مين انخرب بيته ؟؟ إنتوا الإثنين..صح................

والمشكلة هم الآخرين أيا كانوا ومهما كانت مكانتهم..

كم بيتعاطفوا الآخرين معاك يوم ,,شهر,,سنة,,سنتين,,ثلاث,,,,,,,,,,,,,وبعدين بيجي يوم يزوهقوا منك مهما حبوك

إن أصلحت الحال أصلحته لنفسك وإن ما أصلحته لنفسك ... بكرة محد نافعك لا قريب ولا غريب

ونصيحة حياتكم الجديدة تبنونها واثنينكم متربي وآخذ دروس مماسبق..

حتى لا تكرروا المشاكل والمآسي نفسها

زوجتك فيها مميزات كثيرة وماطلبت شي أكثر من حقها حتى وإن كانت لها أخطاء معك في الأسلوب والطريقة أنت أيضا

مخطئ بجدارة معها في الأسلوب والطريقة.

أمنياتي القلبية بالصلح ((والصلح خير)) وسد باب المحاكم..

والطلاق مو سهل يكسر وكسر الصخر جنبه أهون..

التائه قلبه ؟ يعني تعلمه يكذب عالقاضي ؟

زوجته خرجت من البيت بعد ما زوجها طردها

لا تخلينا ندعي عليك


في الإتحاد قوة ، إنت قلت إنه الحق معاك و إنه الرجال راح يوقفوا معاك و واثق من نفسك

خلاص القاضي رجال ، قول له على كل شئئئئئئئئئئئئئئئئ قلته لنا ، و هو راح يحكم بالعدل

خليك رجال و قول له كل شئ

أختي أصغرهم ، لا تتعبي حالك معاه

هو يبغى الطلاق بدون خساير ، هذه كل الحكاية

الأخ تائه قلبه، هذي مرتي الله يسلمك ينخاف والله منها عندها قدرة غريبة بالكلام وما يطوفها شي ويوم غيرنا مفتاح البيت راحت سوت محضر إثبات بالشرطة‏!‏‏!‏

ويا أصغرهم .. أقولج كلمتها من جم يوم تبي تثبت علي الخطأ بأي طريقة بس أنا ما عطيتها مجال. تقولي نفسي خلاص عايفتك وما بيك بحياتي وناطرة بفااااارغ الصبر اليوم اللي نجتمع فيه مع القاضي وهم ما يااازت تقولي الرجل إللي ما يدافع عن مرته ويتركها بالأشهر ولا يسأل عنها وما تهمه دموعها وما يعترف بخطأه ويعتذر عنها بنظري مهوب رجل‏!‏‏!‏‏!‏‏!‏

يعني حتى طولة لسان ما حرمت‏!‏ اشلون أثق فيها !!!

لا وشوفوا الحقد والوقاحة إلى وين وصلت، تعاملني جني عدوها ولا كني زوجها

تقولي مثل ما دمرتوا إحساسي كأنثى وزوجة وخربتوا بيتي راح أدمرك وأخرب بيتك بإذن ربي !!!

تتحسب علي الإخت‏!‏ وين راح الدلع والدموع‏!‏ ولا عشان ما عرفت توصل حق إللي تبيه‏!‏ طلع كلامي صح كله كان تمثيل في تمثيل

قبل ان تكذبي الناس إقرئي موضوعه جيدا

اقتباس:

المهم قالتلي خلاص راح أخلع. بس أبوها ما رضى واتصل فيني مسح فيني الأرض، وقالها ييبي أغراضك وتعالي بيت أهلك، وراحت سمعت كلام أبوها ومشت من البيت. اضطريت أقول حق والدتي إن الموضوع بيوصل حق الطلاق، بس أمي الله يهداها سوت حركة مو حلوة، جت البيت غيرت مفتاح الباب وما رضت تعطيها أغراض البيت اللي هي كانت شاريتها، بس أنا صراحة لما شفت زوجتي خذت كل هدومها من البيت، تنرفزت وما رضيت أنا بعد أعطيها غراضها لأن هي تركت البيت....

هو لم يطردها هي خرجت بكامل رغبتها

وانا لست كبعض الاعضاء الذي قالوا سابقا انهم سينسحبون بشكل نهائي من الموضوع

ولكنهم كذبوا كالعادة وعادوا لنفس الردود الجدلية

انا اقول محد خسران غيرك ولو مكان زوجتك لاحسوف عليك
وماراح تعرف قدرها غير لاجربت غيرها وتذكر كلامي اذا صار نصيبك مع وحده اردى منها
والغلط بدا منك كل خلافاتك معاها مامعك حق تعترض عليه لكن انت تحب كلامك يمشي ولا تتنازل عن شي تطلب تنازلات منها وفوق كذا معترض انها تقول تصرف على البيت بمزاجها كانه واجب عليها اجل انت وش لازمتك
وشو تتوقع منها بعد ماقالت لك لازلت احبك وانت تكلمها بجفاء كل همك تكسر راسها وكرامتك وخرابيط
بصراااااااااااااااحه زوجتك كثيرة عليك وياريت ماتقدم على خطوة زواج ثانه الى ماتتاكد انك نضجت وهي الله يعوضها اللي احسن منك

أخوي التائه قلبه .. مع احترامي لك .. الأخت ذوح الطير ما قصرت، كان بإيدها تنسحب وما ترد هي مو مجبورة بس ماشاء الله عليها متابعة معاي الموضوع من الأول وودها تساعد بأي طريقة. نيتها الحسنة ورغبتها الصادقة منعتها من الإنسحاب.
فأحلفكم بالله لا تزعلون بعض، ترى كلللللكم على راسي وما قصرتوا.
وحلفتج بالله إختي روح الطير لا تزعلين.

والله النوم مو قاعد أشوفه من موضوعي هذا...أحس بقهر وظلم مو عادي‏!‏
رجولتي وكرامتي ما تسمح لي أتصل فيها مرة ثانية‏!‏*