من بيت أهلها طردتني .. - الصفحة 38 - منتدى عالم الأسرة والمجتمع
logo

الملاحظات

المتزوجين مواضيع تهم المتزوجين من الرجال والنساء.

موضوع مغلق
أدوات الموضوع
انواع عرض الموضوع
قديم 10-08-2010, 10:40 PM
  #1
* رزان *
عضو نشيط جدا
تاريخ التسجيل: Mar 2008
المشاركات: 417
* رزان * غير متصل  
أخوي الأخلاق ..

لو بأعطي رأيي في اقتراح الأخت أطياف الرياض ..
فعن نفسي ، أنا وحدة بااااااااااااااااااااااالي و نفسي طوييييييييييييل في الأمور هذه ..
لو أنا مكانك ( و مو شرط يكون رأيي صحيح ) .. اترك النار تهدأ شوي ..
و ما أجيب سيرة الإنفصال ، لإنك ما تدري إيش نيتهم ؟
يمكن بيسعوا للإصلاح فتجي إنت تخربها برسالتك ..؟؟؟

مثل يوم ما إنت كنت مفكر تجيب هدية لزوجتك ، و هي ارسلت رسالة استفزازية و سافرت بدون إذن
فتغير رأيك و كذا ..


أخوانها كانوا ذوق و محترمين معاك و إنت كمان ..
و الغمامة اللي كانت في عينهم عنك ، إن شاء الله تكون انشالت ..
زوجتك بتكابر شوي كمان .. و إن شاء الله ترجع لعقلها قريب .. خاصة يووم إنك تكلمت مع أخوانها ..
خليها على جنب دحين ..


عندي اقتراح و مادري إذا تأيده و لا لأ ..؟؟؟ لو مكانك بأعمله ..

ليه ما تتصل على حماتك بمناسبة رمضان .. و تقول لها :
( كل سنة و إنتوا طيبين .. و بس حبيت أبارك لك برمضان .. و مع السلامة ) ..
و لا تجيب سيرة بنتها و لاااااااااااااااااااااشئ .. بس من باب إنك بتعمل باالأصول فقط ..

راح تكبر في نظر حماتك ، خاصة إنك خلاص تكلمت مع أولادها بخصوص أختهم ..
و كنت حازم في كلامك .. و راح تبين إنك ما زلت محافظ مع أهل زوجتك عالودّ و الإحترام ..


و ترى السر في الشئ هذا ،، إنها راح تخلي زوجتك تشتاق لك أكثر كمان ..


هذا رأيي ..!!!؟

التعديل الأخير تم بواسطة * رزان * ; 10-08-2010 الساعة 10:47 PM
قديم 10-08-2010, 10:45 PM
  #2
الأخلاق
عضو مثالي
تاريخ التسجيل: Dec 2003
المشاركات: 1,423
الأخلاق غير متصل  
اقتباس:
المشاركة الأصلية كتبت بواسطة * رزان * مشاهدة المشاركة

ليه ما تتصل على حماتك بمناسبة رمضان .. و تقول لها :
( كل سنة و إنتوا طيبين .. و بس حبيت أبارك لك برمضان .. و مع السلامة ) ..
و لا تجيب سيرة بنتها و لاااااااااااااااااااااشئ .. بس من باب إنك بتعمل باالأصول فقط ..

راح تكبر في نظر حماتك ، خاصة إنك خلاص تكلمت مع أولادها بخصوص أختهم ..
و كنت حازم في كلامك ..
..

أعتقد والله العالم أن عدم إيقاف بنتها عن الطرده ....وسكوتها إلى حد الآن ...لأنها تريد تصفي حسابات ويا أمي وأهلي ...بالإضافة أن صورتي سيئة جداً بسبب نقل الصور المبتورة عني اللي تقوم بها بنتها ....ولا تنسي كلمتي لبنتها ...." لو يجتمعوا أهلك كلهم ما راح يخربوا علاقة أختي بأخوك " ....شايلين عليها كثير هي وبناتها ..

فبتالي لا أرى ما ترينه .

وهل أولادها بيقولوا لها ؟ ولا كيف بيقولوا لها ؟ وكيف بيكون تجاوبها مع كلامهم ؟؟ >>> فهذه الأسئلة علمها عند الله .

التعديل الأخير تم بواسطة الأخلاق ; 10-08-2010 الساعة 10:50 PM
قديم 10-08-2010, 10:57 PM
  #3
* رزان *
عضو نشيط جدا
تاريخ التسجيل: Mar 2008
المشاركات: 417
* رزان * غير متصل  
اقتباس:
المشاركة الأصلية كتبت بواسطة الأخلاق مشاهدة المشاركة
أعتقد والله العالم أن عدم إيقاف بنتها عن الطرده ....وسكوتها إلى حد الآن ...إنها تريد تصفي حسابات
ويا أمي وأهلي ...بالإضافة أن صورتي سيئة جداً بسبب نقل الصور المبتورة عني اللي تقوم بها بنتها ..
صورتك السيئة اللي انتقلت بسبب بنتها ، ما تظن إنها تكون تغيرت بعد كلامك مع ابنائها ..؟؟؟
مادري هي كيف طبايعها ، إنت تعرفها أكثر مننا ..
( بس انتقادي عليها هو سماحها لبنتها باالسفر من غير اذنك .. فقط )


و أظن إنه أمها لو بتصفي حسابات مع أهلك و أمك ، بتحط حرتها في أختك ..
لإنه أسهل لها من إنها تصفي حساباتها عن طريقك ..


سكوتها ما أظن له علاقة بأهلك و أمك ..
سكوتها لإنها ماخذة فكرة سيئة عنك ، و السبب بنتها .. و معذورة في الشئ هذا ..
أي أم ما راح تتحمل و راح تصدق بنتها .. مجربة أمي


إنت لو دقيت عليها تبارك لها ،،
فمجرد إنك تتصل علشان ( احترام السن ) و علشان ( رمضان ) .. لا غير ..


و هي راح تفكر مع نفسها أتوقع ،، إنك زوج بنت ما يتفرط فيه ..
مجرد اقتراح ..
قديم 11-08-2010, 01:23 AM
  #4
أميرات
كبار شخصيات المنتدى
تاريخ التسجيل: Jul 2007
المشاركات: 5,090
أميرات غير متصل  
اقتباس:
المشاركة الأصلية كتبت بواسطة الأخلاق مشاهدة المشاركة
أعتقد والله العالم أن عدم إيقاف بنتها عن الطرده ....وسكوتها إلى حد الآن ...لأنها تريد تصفي حسابات ويا أمي وأهلي ...بالإضافة أن صورتي سيئة جداً بسبب نقل الصور المبتورة عني اللي تقوم بها بنتها ....ولا تنسي كلمتي لبنتها ...." لو يجتمعوا أهلك كلهم ما راح يخربوا علاقة أختي بأخوك " ....شايلين عليها كثير هي وبناتها ..

فبتالي لا أرى ما ترينه .

وهل أولادها بيقولوا لها ؟ ولا كيف بيقولوا لها ؟ وكيف بيكون تجاوبها مع كلامهم ؟؟ >>> فهذه الأسئلة علمها عند الله .
قالوا في الامثال ..اقلب القدر على فمّها تطلع البنت لامّها ..

قلت لك حريمكم متسلطين عليكم ..
قديم 11-08-2010, 01:38 AM
  #5
الأخلاق
عضو مثالي
تاريخ التسجيل: Dec 2003
المشاركات: 1,423
الأخلاق غير متصل  
اقتباس:
المشاركة الأصلية كتبت بواسطة أميرات مشاهدة المشاركة

قلت لك حريمكم متسلطين عليكم ..

أنا بتكلم عن نفسي وعلى علي من غيري لا أبوي ولا أمي وأهلي.... أنا بالذات والوحيد اللي حياتي كلها ما أحد قدر يتسلط علي ..
قديم 10-08-2010, 10:59 PM
  #6
الأخلاق
عضو مثالي
تاريخ التسجيل: Dec 2003
المشاركات: 1,423
الأخلاق غير متصل  
ولا تنسي كلمتي لبنتها ...." لو يجتمعوا أهلك كلهم ما راح يخربوا علاقة أختي بأخوك " ....شايلين عليها كثير هي وبناتها ..
قديم 10-08-2010, 11:37 PM
  #7
OnlyHuman9
عضو مثالي
تاريخ التسجيل: Aug 2010
المشاركات: 251
OnlyHuman9 غير متصل  
حقيقه استغرررب رغبتك انك تفعل زياده

لاتكلم ولا شي

انت سويت اللي عليك خلاص انتظر

الان خذ وقت لنفسك

والله راح تنمرض من هالموضووووع
اشغل روحك ياخوي بأي شي
قديم 10-08-2010, 11:43 PM
  #8
* رزان *
عضو نشيط جدا
تاريخ التسجيل: Mar 2008
المشاركات: 417
* رزان * غير متصل  
خلاص طيب ..

إذا كذا .. لازم تنسى الموضوع تمااااااااااااااااااااااااااااااااااااااااااما ..
اشغل حالك بأي شئ تاني ..

لا ترسل و لا شئ
من رأي الأخ اونلي هيومن
قديم 11-08-2010, 03:10 AM
  #9
الأخلاق
عضو مثالي
تاريخ التسجيل: Dec 2003
المشاركات: 1,423
الأخلاق غير متصل  
أخواني وأخواتي :

أبوي اتصل فيني وكنت في شقتي قال لي تعال تسحر ....رحت البيت ...

قام يسأل فيني أبوي ...وش سويت في موضوعك ؟ قالت له خير إن شاء الله .

قال إلى متى هالخير : قلت له أنا أبيها تتعدل عدل مو عشان ترجع لي بسرعة وبعدين ترجع مشاكلنا من جديد .

انفعل أبوي اشوي ....قال كلمة فيها جرح لي قالها علي وعلى أخيها اللي كنت أتحرك معه للصلح .

بعدين قال لي : أنت مستصغرني ولا شلون ولا مو من حقي أتدخل إذا ما تبيني أدخل قول ؟

قلت له : أنا مرتاح ولا فيني شيء ....قال لي : مرتاااح وكله جالس في شقتك ومسكر عليك الباب ولا تطلع.

قلت له : والله العظيم مرتاااح وأنا كوني درست برا 3 سنواااات تغيرت يعني ما أحب أطلع برا البيت ( لأن وين أروح كل ربعي القديمين انشغلوا بأمورهم وحياتهم وتفرقوا ) ....وقلت له أنا جالس في البيت ومرتاح أقرأ وأسوي أبحاثي ..

و قلت له : انا ألحين ماشي في الطريق الصحيح إذا تورطت كلمتك .

قال : مافيهم واحد رجال وحتى لو تزعل بقولها ....وقال : خل واحد فيهم يكلمني ( بتهديد يعني ) ...وأنا خايف يتصلوا عليه يباركوا له بالشهر ويبطها ....لأن أبوي انفعالي جداً وعصبي جداً جداً .....بالإضافة إلى أن الأغلاط اللي في حقه وخق أختي اللي صارت ليلة زواج أختي بأخوهم لم تحل بعد ....ولم يعتذروا .....وهي 3 أغلاط كبيرة جداً ....اثنتين منها لو حصلت في مجتمعات أخرى كان صار فيها قتل ....

قلت له : أنا علي من نفسي .

قال بانفعال طيب : فلانه ( بنتي ) أبي أشوفها ....قلت له تبيها ألحين أجيبها لك ......سكت .

بعدين قال لازم أقول أني أبي أشوفها .....طيب وأمك ليش ما تجيبها لها ؟؟ ....قلت لها تقول لي أجيبها ووقت اللي تقولي تجيها بنتي ..

وأنا خائف جداً ...يتدخل أبوي وتتعقد الأمور وتتأزم ...ويعلم بطردة ابنه فيضاف على ما عنده من مواقف على أهل زوجتي .....وكأني أقرأ المستقبل لو علم أبي بطردها لي ستكون هذه القشة التي ستقصم ظهر البعير ...بعدها حتى حياة أختي بزوجها ستكون في خطر ..


والله العظيم أني في مأزق ......أرجوكم فكروا معي ....ما أقدر أسوي شيء في هالنقطة ..ولا في أحد من جماعتي ممن أثق في عقله وحكمته ....عشان يتدخل يهددي أبوي ..ويطمنه ...وحتى لو في أحد ...أبوي ما يسمع لأحد وهو شرس جداً إذا عصب ...ولا يخاف من شيء ولا يعتبر في أحد إذا عصب...


بعد كلامنا مع بعض ....أنا زعلت اشوي ...وهو حس فيني ...وقام يسألني بهدوووء ( يعني يبي يراضيني ) وش سويت على الوظيفة و قام ينكت اشوي عشان يراضيني ويضحكني ...

أبوي في وقت الغضب ما أحد أشرس منه ....وفي وقت الطيبه ما أحد أطيب منه ...



والحل يا أخواني وأخواتي ....أرجوكم فكروا معي ...الله يفرج همي وهمومكم بحق هذا الشهر الفضيل ...

التعديل الأخير تم بواسطة الأخلاق ; 11-08-2010 الساعة 03:18 AM
قديم 11-08-2010, 03:39 AM
  #10
OnlyHuman9
عضو مثالي
تاريخ التسجيل: Aug 2010
المشاركات: 251
OnlyHuman9 غير متصل  
ابــوك الان لازم مايسمع عن سالفة الطررده نهائيا

والطريقه الوحيده الي تخليه ينسى الموضوع هي انه يشوفك مشغــول

يااخوي قلت لك قبل كذا
انت حياتك صارت كلها حول هالمشكله
لو ابووك شافك مثلا طالع لك سفره قريبه تروح تاخذ عمره ولا شي لو شافك تسأل عن الوظيفه لكن هو يشوفك كل يوم تدخل شقتك وتصك الباب عليك كذا مهوب زين
فالنصيحه انك تطلع وتفرفش شووي وخل ابووك يشووف ان الموضوع عندك بسيط لان وضعك يعطي انطباع انك تعاني اغلب وقتك بالشقه لحالك

مواقع النشر


ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 03:37 PM.


images