وماشاء الله عليك اخي راشد رغم معاتنك الا انك ماتبغى تظلم زوجتك بالطلاق


الله يكثر من امثالك والله كثر الذكور عندنا وقل الرجال مثل شرواك باذن الله مارح انساك من دعائي في اخر ساعة في هذا اليوم الفضيل

ما شاء الله مبارك .. بدأت بوادر التغير من ناحيتك وأظنها تحبك لذلك هي تخشى أن تتزوج عليها رغم أنها تكابر وتخشى أن تبوح لك بضعفها ورغبتها بك ..



بالنسبة للعمل كنت أخشى من ذلك .. لكن لعل الله يختار لك طريق أفضل و باب رزق أوسع بإذن الله .. أجرًا ومثوبة لك على حفظ قلب هذه المسكينة التي ليس لها الآن في الدنيا سواك ..

جزاك الله كل خير , جزاك الله كل خير , جزاك الله كل خير ..


أكثر من الإستغفار ومن قول ( لا إله إلا أنت سبحانك إني كنت من الظالمين ) ففيها نجاة من الغم بإذن الله ..

وأيضًا أخبرها أنك فصلت وأنك في مشكلة وأنك محتاج إليها وإلى دعمها لعلها بإذن الله تظهر ما تخفي لك من مودة و حب .

راشد الله يعوضك ف عملك
وزوجتك فيها خير

يا اخي انا اشوف طالبات في فصلي اقسم لو نطق الجدار ما نطقوا تخيلت زوجتك مثلهم حتى في الضحك لو اضحكهم ما ضحكوا مع ان البنات يضحكون

متابعه موضوعك من البدايه

انا مثل شخصية زوجك تقريبا وتغيرت للافضل ولله الحمد
سبب تغيري صرت اختلط بالناس لما رحت الجامعه
وبالذات المتزوجات لما اسمع سوالفهم مع ازواجهم تجيني الضيقه ودي اعيش نفس اجواءهم
ومن يومها غييرت في نفسي وشخصيتي والحمدالله حياتي الحين ماششيه للافضل

فـ انا انصحك تحاول تخلي زوجتك تدرس او تخليها تزور حريم اصحابك
بترفض هي بس حاول الين ما تزهق من الحنه وتوافق

السلام عليكم
اولا بالنسبة لآخر الحلول التي طرحت في مشكلتي طبقتها انا وهي لم تطبقها ورفضت تماما
المهم اني اجيبها يمين تروحلي شمال والعكس صحيح وماني داري متى راح تجي نقطة التلاقي مع ذي الانسانة
المهم تركتها وخرجت من البيت لآني لو جلست معاها احس اني بنسجن بسبتها
رحت لاصحابي في استراحتهم وصرت اطول عندهم واتركها لحالها بالبيت
واحيانا اقولها تبي تروحي عند اهلك تقولي لا كالعادة واحيانا اوديها غصبا عنها
واحيانا اوديها عند اهلي واقعد بالبيت ارتاح لحالي
لحد يلومني ويجي يقولي انت وانت انت جربت كل شي وماطلع معي نتيجة هي خربانة خربانة

وفيه شي ثاني دايم تلح علي تقولي تزوج وحده ثانية وقول اني انا مااجيب عيال عقيم وعيش حياتك مع ذيك وانا خليني في ذا البيت طبعا انا وقتها كنت ضايق مسكتها ودفيتها قلت انتي غبية ولا مجنونة وتبين تجننيني معك
انا اذا بتزوج غيرك انتي بترجعي بيت اهلك
اذكر انها تآثرت لآنها ماتبي ترجع بيت اهلها بس خلاص مو مشكلتي

طبعا احب اقول هي حضرتها اقترحت ذا الاقتراح عشان ابوي لانه كلمني الف مره عن موضوع الاطفال
وابوي مو عاجبه وضعي وامي حاسه انه فيه شي
وكل شي حوليني متوتر وموترني واحس اني بنفجر يوم لانه خلاص وصلت معي
ولو سمحتوا مابي احد يتفلسف على راسي انت ماسويت انت غلطان انت انت انت ويستمر شريط اللوم علي

خلاص الى متى ذا الحالة ؟ والله انا اشوف افتك منها وترجع لاهلها يبتلشون فيها احسن
واحب اقول على طاري اهلها امها قبل فترة دقت علي وبس سالتني كيف الوضع بينكم ؟ قلت لها بدون نفس مافي شي خذي بنتك ورميت الجوال لها

وهذا كل شي

شاكر كل اللي تعاوني معي وانا اسف اذا تنرفزت او عصبت

وانا مابي حلول او شي خلاص مشكورين بس حبيت اقولكم بالنتيجة عشان بعض الاعضاء يبون مني ذا الشي

الله يصلحك و يصلحها

__________________

لا تلام ، أنت الآن بحاجة لنفسك قبل كل شيء ، من الصعب الإجتهاد في معالجة الآخرين بينما ذاتك متعبة ومرهقة ، افعل ما بوسعك لتسترد طاقتك وقواك ..

أعانك الله .

فيه ناس يشوفون الموضوع بسييط والحل سهل .. طبعا لو كانوا مكانك كان يمكن ماصبروا سنة او اشهر .. بس الكلام سهل ..
انت بيض الله وجهك صبرت وايد وحاولت معاها كثير .. وانت اصلا مش مطالب تكون لها معالج نفسي.. انت تزوجت تبي السكن والاحتواء مثلك مثل اي زوج ..
اعتقد يا اخي الكريم لو تطلب اغلاق الموضوع.. لان بعض الردود تزيد من عصبيتك ..