اخوي ولد الشايب
فاهم قصدك اخوي وادري ان ابقائها صعب
ولكن انا فضلت الخيار الصعب لانه هوالوحيد اللي قدامي عشان احافظ على الاهداف اللي ذكرتها
وهذا شي مرهق ومتعب جداً لي نفسياً وعملياً
فـ انا راح اكون سيكورتي اكثر من اني زوج ان صح التعبير

اما عن الاعفاف اخي انا راح اسوي مثل ماتفضل به الاخ حسن السجايا اذا شفت نفسي تغيرت من ناحيتها بعد كم شهر وصرت ممكن اتقبلها خصوصا بعد توبتها فـ راح تستمر واذا اني ماقدرت هذيك الساعه صح بقائها عندي راح يكون ظلم لها وعلى الاقل يكون مرت فتره وقدرت اني اصحح اخطائها وامسكها الطريق الصحيح من خلال خطوات راح اسويها ان شاءالله فـ حتى لو تم الطلاق وقتها راح تكون بامان

لاحول ولاقوة الا بالله
الله يستر عليها ويهديها اقشعر بدني وانا اقرا القصه واحسست اني في خيال وليس بواقع من هول الصدمه
بارك الله فيك على صبرك وعلى معاملتك لها صراحة انا وانا امراه لو كنت مكانك لما قدرت ان اتحمل ان ارى وجهها الله يهديها سبحان الله الرجل الصالح يطيح باامراءه زي كدا ابتلاء
ماشاءالله تبارك الرحمن عليك

شوف أخوي زوجتك ماكشفت كللل أوراقها عشان ترجع للغلط
وماحطت نفسها بموقف ممكن تنقتل فيه أو أقل شي تتطلق طلاق بائن
مو بس أنت عرفت حتى أخوها
يعني بجد أنكسرت عينها
أي شي تسويه أنت محد بيلومك عليه وفضل منك مخليها عندك وهالشي هي عارفته وعارفه أن محد يسوي سواتك
يعني فضلك عليها كبير يكفي أنك سترتها
زوجتك حاسه بالذنب وعارفه غلطها ورجعت لربها
أنت الحين متخبط مشاعرك مو واضحه وخليط بين الغضب والخيبة والرغبة باﻹنتقام والتعقل
ماأنصحك تتخذ أي قرار الحين ﻻ طلاق وﻻ زواج آخر
أستنى سنة لين تهدى مشاعرك وتخف مشاعر الغضب
وتكون وقتها أنت وياها رحتوا ﻷستشاري نفسي
تجلسون أمام شخص محايد يسمع من الطرفين يسمع منها ويفهم شخصيتها ويعرف اﻷسباب اللي وصلتها لهالشي وينصحك بطريقة للتعامل معها ويخليك تطلع كللل المشاعر اللي بداخلك وصدقني وقتها بترتاح
بعد ماتخف هاذي العاصفة وتستقر مشاعرك وتعرف أنت وش تبي بالضبط
وتوصل مع زوجتك ﻷتفاق يريحك ويريحها وقتها قرر لو باقي لك رغبه بالزواج الثاني
أما موضوع أنك تكون حارس عليها وتراقب كل تصرفاتها ﻷ
"وَمَا جَعَلْنَاكَ عَلَيْهِمْ حَفِيظًا ۖ وَمَا أَنْتَ عَلَيْهِمْ بِوَكِيلٍ "
هي عارفة غلطه بعد كذا راح تكون القاضية إن صلحت صلحت لنفسها
وإن أسائت فعليها
خلك حريص على بيتك لكن مو لدرجة تمنعها من كل شي وتراقبها لكن بنفس الوقت ﻻزم تحس أن اﻷمور مو زي قبل وأن المؤمن ﻻيلدغ من جحر مرتين
وإنه من أمن العقوبة أساء اﻷدب

الله يصلح مابينكم وينزل عليكم السكينة والرحمة ويعفو عنها ويغفر لها

كلامك صحيح
بس اني اثق هذا صعب على الاقل حالياً
الثقه ممكن تجي مع الايام

أخوي أنا من رأيي الوقت هذا تشغلها مع العيال بمدرسه تحفيظ قرآن خاصه حنا الآن في بدايه ترم جديد لمدارس التحفيظ منها

تحفظ ومنها صحبه صالحه

وردد اللهم أجرني في مصيبتي وأخلفني خيراً منها والله يكتب لك مافيه الخير

أخي كيف نفسيتك الآن ؟
هل هناك تحسن ؟
ياليت تشرح لنا وضعك النفسي ..

الله يفرج همك

__________________
الحمدلله الذي بنعمته تتم الصالحات

الحمدلله على كل حال
انا بخير ولله الحمد
بديت افكر بالخطوات الجايه
لاني شفت اني لازم اتحرك عشان اطلع نفسي من اللي انا فيه
وان وضعي لايمكن يتحسن وانا ماسويت شي

عندي شقه فوق اشغلت نفسي فيها وصرت اشتغل فيها واغير واضبط

انا على ثقة ان الله سيعوضك خير العوض
انت انسان نقي ولم تسيء لها رغم فداحة ما فعلت
فثق تمام انها ازمة ايام او شهور وتخرج منها اقوى مما كنت
وستكون مجرد ذكريات تتذكرها وتحمد الله انها مضت وانتهت من حياتك

تفاءل فالحياة امامك والله معك .. ودعواتنا تحفك..

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..

ممتاز أخي خطواتك صحيحة باذن الله تعالى
تفكر تزور أو تراجع مستشار نفسي يساعدك في التخلص من الآثار العالقة ؟
أتمنى ألقى جواب أخي الوحيد

__________________
الحمدلله الذي بنعمته تتم الصالحات

المشكله انا بمدينه صغيره ولا اعتقد ان فيهاستشاري
لكن اذا فيه ولو بالتلفيون ممتاز لانيي بحاجه