المشاركة الأصلية كتبت بواسطة قلب الماما

السلام عليكم ورحمة الله
من زمان ماكتبت لكن بصراحة تصرفاتك رفعت ضغطي جدا، لو تعطس زوجتك بترسل وتقول عطست وش أسوي؟! مو معنى كلامي لاتكتب مستجدات موضوعك لكن وش الفايدة لما الكل يجمع انك تطنشها وفي الاخير طنشت كل الردود ورايح ترد عليها وتعزمها فطور!! والمشكلة البرودكاست مو لك خصيصا، مرسول لصديقاتها بس هي لذكاءها مخليتك في اللسته علشان تبين لك انها عايشة حياتها بدونك، وانت اكلت الطعم وعزمتها فطور وبعد كل هذا ماتبيها تملي عليك شروطها!! وبعد ماطلعت معها وحسيت بغلطتك وأنك المفروض ماااخذت وعطيت معها والمفروض انك كنت حاسم معها وبطلت حركة اتقضى للبيبي وأمسك يد زوجتي ومدري ايش .... عقب ماعرفت ان كل اللي سويته غلط وقالوا لك ارجع وطنشها ثاني لكن برضو قاعد تأخذ وتعطي معها في الواتس!!
المشكلة ياخي فيك مو فيها لازم تحط فوقها مليووون خط

الحين الخطوط والملامح الاساسية للمشكلة ضاعت وشروطك معاد لها اي معنى والزعل صار بايخ لان مافيه احد يزعل على زوجته شهر كامل لانها اهانت أمه وبعدها يروح يفطر معها ويتقضى للبيبي !!😂😂 ههههههه بجد احس كنها فاصل ونواصل
يعني تخانقتوا ثمن وسعتوا صدركم شوي ثمن تروح تقلب عليهاوتتخانق من جديد ماتجي يااخي !!!
😅😅😅
انت لازم تجلس بينك وبين نفسك وتغير من شخصيتك في التعامل معها خلي نفسك طويييييييل اعتبر نفسك منفصل عنها وتعامل معها على هالاساس واذا ولدت حط عليها المصروف للبيبي وقول لها البنت أمانة في يدك لو صار شي بيننا وانا بفكر في وضعنا لاني مااتوقع راح نكمل مع بعض ومستحيل أخليك في مقارنة مع اهلي بس دامك تبين كذا تحملي اللي يصير واذا غيرتي رايك البيت مفتوح لك مثل ماطلعتي بنفسك ترجعين بنفسك ومع السلامة ولاااااترد عليها ابد الا فيما يتعلق بينتك وسافر وغير جو ولاتفكر ولا واحد في المية ترفع السماعه على خالها او اهلها هي اللي المفروض تحاول تتواصل معك وتدور حل للمشكلة لانها هي اللي اوقعت نفسها فيها

مشكلتكم مو حلها الطلاق قد ماتبي رجل حااااازم وهالخصلة مو موجودة فيك للأسف

متاكدة كلامي كله راح تقرأه ولا راح تطبقه بس ارتفع ضغطي منك الله يهديك وقلت لازم افضص شوي 😂😂😂

المشاركة الأصلية كتبت بواسطة Zainab123

المشكلة فيك انت يااخي خلك حازم معها وخل شخصيتك قويية لاترد عليها طننشها تعبنا واحنا نقولك ولكنك تتأثر من اي جملة او كلمة ترسلها لك! سافر وصور صورة سفرتك في السناب شات عشان تعرف انك عايش حياتك ولاعليك منها..وخلها في بيت اهلها لمن تعرف انك مستحيل تتنازل عن اهلك واهلك خط أحمر والى ان تبادر هي واهلها ويبحثون عنك لحل المشكلة ....بعد تجاوبك معها وعدم تطنيشك أثرت عليك قلبت الموضوع عليك وخلتك انت الغلطان!!..

المشاركة الأصلية كتبت بواسطة روح الطير

بيدك كل شي

على فكرة .. انا ممكن حالة خاصة ..
لانه زوجي كان عاطل و انا اصرف و اتحمل كل شي
و امه تزعجني و تبغاني كمان فوق ماني متحملة ولدها و البلاوي الي ماكنت اعرفها
اتحملها هي

يعني المفترض انه مالها وجه تاذيني و تحمد ربها اني مستحملة و ساكتة
و فاتحة بيت ولدها و متحملة ايجار و سيارة و غيره

لكن بعدين تحسنت الحمدلله اوضاعنا انا و زوجي

.
.

لكن اذا كنت انت مو مقصر مع زوجتك و تعطيها مصروفها و فاتح بيتك
فمالها حق زوجتك .. انها تمنعهم من دخول بيتك

عالعموم ..
كله يعتمد عليك ..

و اتفق مع الأخت الفلوجة ..
زوجتك ذكية و فاهمة لك مضبوط .. و انت الي مو فاهمها و لا تعرف هي ايش تفكر

المشاركة الأصلية كتبت بواسطة وكيلي الله

والله زوجتك قلنا لك من اول عطها المختصر المفيد ولا تناقشها امر قطيعه الرحم مرفوض تعالها من جانب ديني


وبعدين يوم تجاهلتها قليلا حست على نفسها

المطلوب حسسها انها راح تفقدك

يوم ادخل عالواتساب واخليه شغال لمده طويله .. تحس اني اكلم وحده لاسمح الله .. وتبداء تحس بالغيره لاحظتها يوم اتكلمت معاها اول .. اشوف ان هاذي طريقه لآشعال نار الغيره عندها ،والشعور بآنها غير مرغوبه وراح تخسرني .. والله اعلم


لا قابلتها امسك نفسك شوي ولاتبين انك ملهوف لها بالعكس بين لها انك انتى ابتعدتي والبعيد عن العين بعيد عن القلب ولكن بالافعال خلك بنظراتك بحركاتك رسمي معها ولا كانها تهز شعره فيك بانوثتها

صدقني هنا حتخااااااف وتفكر انها قربت تخسرك

كل هذا لمصلحتك ومصلحتها

بين لها ان الرجل يشتري المرأه لاخر لحظه ولكن لاشافها مامنها رجا تركها بلا عوده ولا خط رجعه وشاف حياته مع اخرى انثى والانوثه مو بالعناد وهالحركات

زوجتك صغيره بتفكيرها تبي تملك كل شيء بس بنفس الوقت فيها قوه على غير سنع انتظر بعد الولاده وكلمها مره اخيره

بعدها اعذرني بس بجد حوووول الموضوع والاتصال برجالها

الله يسخركم لبعض

المشاركة الأصلية كتبت بواسطة xmxm

اخر الحلول .. راح أتكلم مع أهلها

المشاركة الأصلية كتبت بواسطة xmxm

اعتقد والله العالم .. ان زوجتي فيها مرض نفسي .. مو معقول الحوامل كذا تصرفاتهم

قبل فتره كنا مسافرين ببالي .. طبعا كان الرحله كويسه من النواحي .. فجأه اختلافنا علي نقطه وزعلت .. وفي المساء تعبت شوي .. بطنها علي شويه دلع وكذا .. وكنا متزاعلين طبعا انا كنت مطنش شوي .. بعدها هي بدات تلقي اللوم علي .. قلت اوديك المستشفي قالت لا شكرا .. طبعا سكت وقعدت علي الابتوب والنت .. زعلت مررره وتضايقت ومن يومها وهي تذكرني بهاالموقف كيف تهون عليك تسوي فيني كذ1 وكيف تطنشني ..

والحين مرسله لي (( انا تعبانه نفسيا وجسديا .. اخاف رجع الوحام علي .. قلت لها قصه زوجه صاحبي .. ان كان عندها وحام ومتعبها شوي .. بعدها قالت لا ان شاءالله اذا كذا بموووت .. قلت لها لا خير ان شاءالله شده وتزول وتقومي بالسلامه ..

شوي وارسلت حاجه مختلفه تماما (( كيف هونت عليك ذاك اليوم ببالي يوم طنشتني وماعبرتني - وكيف ترضي ان اختك تهينني وماتحرك ساكن .. وكيف تتركني وقت العزاء خلف العماره وماتأخذني وتووديني بيت اهلي )) رغم هي ماادات واجب ولا شي

ي جماعه الخير وش فيها ذي !!!