بس ياسنديان كلن يقول البنات روحو بكل شي ربي فتح لهم وطليقي جاء يعني مافرح ولا استانس والحل بوضعي كون طليقي بيجي ايش اسوي واش أفعل الدبرة كيف....

اطلبي من ربك العون
ولا تطلبي من البشر حاجة

اقرأي سورة البقرة يومياً كاملة
واستغفري ربك باليوم مية مرة ...
وحطي في بالك ان ربي بيكرمك
واتركي التشائم عنك
^^
حطي لك جدول يومي
قومي صلي الوتر وبعدها اقرأي القران
الى اذان الفجر
وبعدها صلي الفجر ونامي
صدقيني ربي بيفرج همك وبيريحك

بالتوفيق مصونات

__________________

الله يقطع ابليسج يا مصونات .. يعني إحنا متزوجات لعب؟

إحنا جزء من الواقع .. وكلامنا لا يختلف عن كلام الناس اللي خارج النت.


محد قال إن الزواج سيء .. ومحد قال إن المتزوجة ماهي مبسوطة بالضرورة.

لكن طبيعي بتلاقين متزوجة مبسوطة .. ومتزوجة مب مبسوطة .. هذه مسألة طبيعية وبديهية .. وكلنا نحمد الله على حالنا.

ومب كل مطلقة أو أرمة أو بنت غير متزوجة جالسة تندب حظها.

صديقة قديمة كانت تخبرني عن جدتها .. كانت من البنات اللي تزوجن صغار .. وتطلقت وهي بعدها صغيرة تحت العشرين أو في بدايته .. كانت ترفض الزواج وترد كل من يتقدم لها وتقول: وش لي بالزواج والمغثة .. ليش أييب لي واحد علة على قلبي يحكرني ويضيّق عليّ؟

وعاشت حياتها بدون زواج .. وربت عيالها أحسن تربية.

آخر عهدي بهالحرمة كان عمرها حوالي سبعين .. الله يبارك في عمرها إن كانت عايشة والله يرحمها برحمته إن كانت مينة .. كانت شعلة نشاط وحيوية تبارك الرحمن .. شفتها في عرس حفيدتها والله يا مصونات تقوم ترقص قبل البنات الصغار والشابات.




ومع هذا محد قال لا تتمنين تتزوجين .. لكن اللي إنتي تسوينه غلط .. ما يصح يكون الزواج هوس بهالشكل .. لأن هالأسلوب يأثر على نظرتج لنفسج بشكل جداً سلبي .. وما يخليج تفكرين بهدوء وتروّي .. ويخليج تختارين غلط.


احلمي بالزواج يا مصونات .. وفي نفس الوقت عيشي حياتج وانبسطي بنعم الله اللي عندج .. ومثل ما إنتي شايفة إن الزواج شي مهم وكبير .. شوفي أيضاً النعم الثانية اللي عندج على إنها أشياء مهمة وكبيرة.

لو قدرتي تحققين هالتوازن نفسيتج بتكون أفضل وحياتج بتكون أجمل.

__________________


اللهم طِيبَ الأثر .. وحُسْنَ الرحيل.

افكر بالزواج ايه عادي
بس مو منغثه ولا اندب حظي
ولا اطالع رزق غيري
يعني مااقول ليه حظي كذا
ليه البنات توفقوا واعرسوا وخلفوا وانا لا
ليه تطلقت ولا انخطبت
وليه وليه
هل تظنون اني بعرس يا بنات
ولا بقعد كذا
ابدا مصونات الحمدلله مريحه راسي
ان جا زواج زين ورزق الحمدلله
وان ماجا بعد الحمدلله
اهم نعيش ونريح راسنا ولا نوقف حياتنا على شي ماصار
اعيش حياتي احفظ قران اروح نادي اقرى كتب احضر مناسبات اكلم صديقاتي اطبخ ارتب غرفتي اسولف مع امي ادخل المنتدى اعتني بنفسي واقرى كتب
اونس عمري بعمري
مصونات ترى محد بالمطلقات يسوي بعمره الا انتي
البنات طفشوا من كثر ما ينصحونك
متى بتتغيرين علميني

ايش رايك فنصايح البنات يا مصونات ؟؟

__________________
أشهد أن لا إله إلا الله و أشهد أن محمدا رسول الله صلى الله عليه و سلم

والله ردودكم يااخواتي الغاليات يثلج الصدر فرحت فية مرة فتحتو مداركي ونظرتي للامور الله يوسع عليكم مثل ماوسعتو علي مشكورين جدا.....

خواتي ضاق صدري وأبكي علي حالي ليش صرت كذا انا ايش سويت كل البنات والله العظيم تزوجو وتوفقو شفت بعيني انا مطلقة ومثلي بنات تزوجو مالهم شهر وانا قعدت لاتقولون انة تحسدين انا ماحسد احد ابدا ........

مصونات

فردك الاول تقولين انش استفدتي بالردود ...
و نقيضه تماما اللي نشوفه فردك الثاني ...
اجل كيف استفدتي بالله عليش يا اختي ؟

__________________
أشهد أن لا إله إلا الله و أشهد أن محمدا رسول الله صلى الله عليه و سلم

خواتي بنت اختي خطبت أمس وينتظرون مادري ايش بيصير تقول ماصار شي لاتعلمون احد.....

الله يوفق بنت اختك
الحمدلله الله يرزق البنات
يله اذا صار ملكتها باركي لها وافرحي لها والبسي
اكيد انتي فرحانه لبنت اختك صح
الف مبروك