عذرا أخ ياسر
كونك لا تراه سببا للطلاق شيء وهذا رأيك الشخصي و كونك تهون من مخاطره وأضراره على الأسرة والمجتمع شيء آخر ..
الرسول صلى الله عليه وسلم قال :"الخمر أم الخبائث "
هل تعرف ماذا يعني أنها أم الخبائث ؟
نحن مجتمع مسلم وديننا حرم الخمر و قال أنها أم الخبائث
و الخمر عليها تقاس بقية المخدرات و المسكرات
والحشيش الذي تهون من أمره
إن كان مثل ماتقول لماذا صاحبه دائما سلوكياته سيئة و يتضرر منه من حوله وحياته مضطربة و يشتكي دائما من حوله منه؟
كمثال انظر لسولوكيات زوج صاحب الموضوع وكيف يضربها ويتصرف بشكل مضطرب وقل لنا لماذا هو كذلك وانت ترى الحشيش للمزاج وتأثيره ومفعوله على الشخص والاسرة اخف بكثيير ولا يقارن بباقي المخدرات والاشياء الي تصير منها.؟؟؟؟؟؟؟؟؟

على فكرة في امريكا قبل فترة أباحوا زواج المثليين ورأوه حرية شخصية
عذرا لا تأتي لنا بكلام من لا دين لهم و لا ملة
الذين يتبعون أهوائهم وشهواتهم ولا هم لهم في الدنيا سواها
وتقنعنا بشيء مرفوض وخطأ ومحرم في ديننا

قست الخمر على مجتمعهم هناك ولم اقس الخمر على مجتمعنا.. وان كان هناك اشياء فاسدة كثيير بمجتمعهم. هذا لا يعني ان لا يوجد أسر ناجحة واشخاص جيدون وازواج صالحين. ولو كانو كلهم فاسدين لما وصولو الى التطور الحالي..

ولم اقول ان عادي يشربو الخمر والوضع عادي، انا قلت ليس من الصحيح طلب الطلاق وهدم الاسرة وتشتيت الابناء عشان تعاطي المسكر او الحشيش..

بالنسبة لسلوكيات متعاطي الحشيش فالاخت قالت عن سلوكيات زوجها الآتي:


اما بالنسبة لسلوكيات واخلاق متعاطي الحشيش عندنا، فهذا لا يعود الى تعاطي الحشيش نفسه..
لكن يعود الى ما يتعلق بتعاطي الحشيش من رفقة سيئة في الغالب وتعاطي المسكر وايضا قد يصل الامر الى تعاطي حبوب الكبتاجون ...

بشكل عام لاتتحدث عن مجتمعهم لأنه مختلف تماما عنا
و إذا كان شرب الخمر و الحشيش ليس سببا للطلاق ,, إذن نزوج أصحابهم عادي ؟؟
هل سمعت سابقا عن حوادث قتل واغتصاب وسرقة بسبب أن صاحبها سكران أو محشش او مدمن مخدرات؟؟ ولا ؟؟
بالنسبة لسلوكيات زوجها معها خذ لفة على مواضيعها

يا جماعة الخير

احترم فيكم نقاشكم الهادي ولكن نرجو التركيز على مشكلة اختنا ليتني لم افعل

وعدم الخروج عن الموضوع والحديث الجانبي

وشكرا لكم..

__________________
ما يكتبه الله لنا ألطف مما نُحب ..وأعظم مما نطلب ..وألطف مما نشاء ..


[IMG]http://im67.***********/mg87DX.gif[/IMG]

ليتني لم افعل

صباحك ورد ورضا الرحمن

حبيبتي انا علقت بناء على ماذكرتيه وتقلباته المفاجئه نحوك وانتى المتضرر
شخص يقولك بلسانه اذهبي بيت اهلك لاتروحين بيديني (يعنى انفذي بجلدك )
هوا يعرف تمام المعرفه انه غير طبيعي

ولما ذكرت الكبتاجون انا نبهتك فقط

والله ياختى قالها لى الشايب
الآفه وانا ابوووك تجر آفه وراها فلا تستغربين ولاتنصدمين من شيء ابدا

غالبا الي يدخنون هم الاكثر عرضه انهم يحششون وشيء يجر شيء

انا لا انكر صفات زوجك الطيبه من حب لك ولبنته وصارفكم ولله الحمد ولكن هل تتوقعين الحب سينمو بهذه الظروف او يستمر فكري بواقعيه ...انا والله افكر ببنتك حبيبتي ومااتصور انها تكبر على منظر الضرب والشيء الغير طبيعي الي يمر به زوجك حتتأثر

لازم وقفه جاده منك ومن ابوك ،،، دامك تبغين تعطينه فرصه

وبعدين تقولين لي انه مرتب وكشخه ولبق والناس تحبه هذا شيء حلو بس وش مستفيده من ذا كله دامه يفقد عقله بين الحين والاخر

بالاخير انصحك بشيئين :

وقفه تامل مع نفسك ويكون عندك هدف لرجعتك له ،،،ولازم تحلين الموضوع مع ابوك السكوت مايحل شيء بس ماحد يدري الا انتى وابوك وحتى لو تفاهمتوا معاه تفهمينه ان هالموضوع محد درا فيه الا انتى وابوك ،،،،عشان مايحس انه انفضح بين الناس ويزيد الطين بله

ثاني شيء ،،، عليك بالدعاء اخر الليل ان الله يبعده عن هالبلاء وعن رفقاء السوء (لانه من وين يجيبه بالله ومن معرفه فيه اصلا الا رفيق سوء )

دعواتي لك الله يفك كربك ويشرح صدرك ويحفظ لكم بنتكم

__________________
ان لم تستطع التفاؤل ،،
فلا تخبر أحدآ أنك متشائم .

كان الله في عونك إختي.

إنت قلتي أن زوجك يحبك وإنت مبين أنك تحبينه، ولكن ابتلاه الله بالحشيش، وهذه لا تعتبر نهاية الحياة بل قد تكون مفتاح لحياة جديدة أفضل، وقد تكون اختبار لصدق محبة زوجك لك ولطفلكما.

والإنسان ليس معصوم من الخطأ، فأنت أكثر شخص بإذن الله يمكن أن يساعده لقربك له وحبك له وهو كذلك أنت أقرب له من غيره.

رأي كالآتي :

أولاً لا تخبري أحداً.

ثانياً ارسلي له بكل ود واحترام أنك تحبينه وما تودي الفراق-لولا اسلوبة الغير مرغوب - بس تبيني له أنك عرفتي اللي يظهر عليه كثيراً من علامات استخدام الحشيش -لا تأكدي له أنك عارفه- وعطيه وعد أنه سر بينكم ولن تخبري أحد. وقولي له بما أنه يحبك فلن يخفي عنك شئ.

ثالثًا قولي له أنك وطفلك بحاجة له وما تستغنوا عنه، ولكن إن كنتم تعزوا عليه فليتعالج من الحشيش إدمانه، حتى يشهد له الأطباء بأنه طبيعي وأن تأثير الحشيش انتهى، وتخبريه أنكم سوف تنتظرون أفضل زوج وأب حنون.

وإن شاء الله تعالى تتيسر أموركم.

طيب قولي له انك عرفتي انه يحشش يمكن يستحي ويبطل ويعرف ان زوجته مو غبية

بس اول شي لمحي ولمحي ولمحي
قولي زوج صاحبتي يحشش أو مدمن ولما عرفت اأصدمت وراحت لأهلها وأشتكت وصارت تخاف منه وماعاد تقدر تعيش معاه وتطلقوا وخبرت الكل إنه محشش وطاح من عيون الناس وكثري أكشن😉

صدقيني بتجيه نغصة بقلبه وإذا حسيتي إنه يتأثر زودي عليه جرعة الأحداث اللي صارت في مخيلتك كل كم يوم كذا جيبي طاريها وفهميه إنه خسر ربه وحياته وعياله وبرضو سمعته خربت ماعاد يقدر يبدأ من جديد

بعد هذا كله إذا ماتعدل قولي له أنا لما عرفت عن زوج صاحبتي انتبهت لعلامات المحشش وكذا وعرفت إنك مثله بينخرش ويخاف والباقي عليك بس كلميه بلطافة وانتي ماسكة يده قولي ما أبغى أخسرك وأخاف نتتهي زيها وصدقيني بتنزل دموعك لاشعوريا

كان زوجي على غلط ومصر عليه ومشيت معاه بنفس الأسلوب والتلميحات كان يتأثر تأثر وقتي بس مابطل ومرة خبرته إني كاشفته انفجع وعصب وقال تتجسسين علي ومن هذا الكلام خفت انا بس قلبت الموجة وقلت أنا أحبك وما ابي أخسرك وبكيت ورحمني وكان نقاش طويييييل وأنتهى بخير بفضل الله ومنته والحمدلله لحد الآن ماعاد رجع له ودايم أدعي له بالثبات

إذا أعجبك كلامي خذيه ما أعجبك أتركيه

والله يعيينك ويفرج همك

السلام عليكم
احسكم بوادي وانا بوادي
ماليا نفس حتى أكتب بس شفت بعض الاخوان والاخوات يعطوني حلول فعليه وهذا المطلوب لكن ردودهم متأخره
قلت لكم حصلت مستجدات
رجاءا حياتي انتهت تقريبا
حاسه اني ابغى استسلم وانسحب بهدوء
ابغى ردود حكيمه وفاهمه ولها خبره في الحياه
ردود الرجال تهمني بموضوعي لانهم افهم في نوعية هذي المشاكل (مخدرات) من النساء ولا استغني عن حلول النساء طبعا
لكن حل اني اقول لابويا عنه مستحيل واشوفه تصرف غير حكيم ابدا
انتم ماتعرفون عيلتي
عيلتنا مافيها ضرب النساء
وانا قايلة لكم سنتين وانا اتلطش كفوف واخر مره صار ضرب مبرح
ورايحه جايه على اهلي بشنطتي وعفشي اتشرشحت وعذبتهم معايا
واهلي مو من النوع اللي يغصبوني على زوجي بالعكس خاصة امي اذا شافته مو كويس تبغاني عندها واتطلق
الضرب وحده سبب للطلاق ولو قلت لهم يحشش تصير مصيبه
اصلا بعد الضرب والرجوع المتكرر اشوف نظراتهم ليا تغيرت زي اللي طحت من عينهم وماصرت بنتهم اللي يعرفونها
يعني الضرب شوه صورة زوجي قدام اهلي وهوا يخدمهم كثير ويتقرب منهم كثير يمكن لانه حاس ويبغى يعدل الصوره وفعلا يعدلها لين رجع الضرب من جديد وطاح من عينهم هذي المره خاصة انه باين على وجهي
المستجدات
بعد خروجي من البيت
ثاني يوم كلمت ابويا احتاج اغراض كثير لاني موظفه
كلمني ابويا وقالي زوجك راح ياخذك تاخذين اغراضك استغربت لانه زوجي غلط عليه
قالي زوجك كلمني اليوم واعتذر ويبغاك ترجعين البيت الين فرح اختك وبعدها اتفقو على اللي تبغون
قلت له كييف لااا مراح ارجع له اخذ اغراضي وبس
قالي اللي تشوفينه هذي حياتك يا بنتي
جا المغرب ومنظري زي ......... وماتحممت عن قصد وشلت باقي الكحل ولا نقطة مكياج ولبست عبايتي
اخويا كان نايم وماجا معايا صحيت امي وانفجعت لما قلت لها رايحه مع زوجي قالت لي محد معاك قلت مافي احد تعالي معايا رفضت
جا زوجي متكشخ ومتعطر وسالني فين بنتي
قلت له ماجبتها معايا قالي مشتاقلها قلت له تشوفها واحنا راجعين قالي ابغى بنتي قلت له ابغى اتكلم معاك بمواضيع مهمه كمان قالي طيب
وانا من جوايا عارفه انه يبغى بنته عشان ينومني عنده بالغصب ونتصالح ياما سواها في مشاكلنا بس خلااااص لحد هنااا انا زهقت من مشاكلي
ركبت السياره وانا ماسكه نفسي ابغى انفجر
قالي عجبتيني لما رديتي الضرب والله انك بنت رجال
(ولا مره بحياتي رديت له ضربه بس انصحكم تدافعو عن انفسكم يابنات لا تستكينو
لانه في السياره لما ضربني دافعت عن نفسي و ضربته وحسيته انفجع واستوعب انه قاعد يضرب بنت ووقف ضرب وانا كملت وكلها جات على كتفه كان نفسي اعطيه على وجهه بس هوا طويل ووانا نقطه)
قلت له اعرف ليش ضربتني
قالي اسف بس انتي ما تحترميني
قلت له انا مااستاهل الضرب
قالي اوعديني تتعدلين واوعدك اتعدل
قلت له خلاااص يافلااان
الى متى الكذب
انا كفشتك
انتا تحشش بالمجلس
قالي لا ماحشش
قلت له كذااااب خلاااص كل شي انكشف لا تكذب بوجهي اعرفك كويس اعرفك من عيونك
انتا مدمن حشيش انا شايفتك
تقطع السجاير وتخلطها مع الحشيش
قالي هذا شايفته بالنت وتتهميني
صرت اصرخ عليه انا مو غبيه وقف كذب مو انا احبيبتك ؟ لا تجنني وصرت اصيح من قلبي
قالي انتي زوجتي واختي وحبيبتي وصديقتي وكل حاجه
بقولك الحقيقه بس ماتستخدمينها ضدي
(وعدته)
قالي ايه أحشش
اول ما قالها هدييييت وحسيت بفراااااغ احساس غريب والله
بلاااااده تفسر تصرفاتي بعد السياره
قلت له ادري
قال وماني مدمن اقسم بالله العظيم مالها ثلاث شهور
قلت له وفين تحط الحشيش (لاني ماديا ماشفت حشيش )
قالي لا ادري انك ذكيه وتفتشين وراي وصرتي الفتره الاخيره تتركين المجلس على حاله عشان اخذ وضع الامان واجيب الحشيش معايا
(ضحكت بنفسي )
انا اسويلي سيجاره واحده برا البيت وادخنها بالمجلس عشان ارتاح لما اكون مضغوط
وصلنا البيت
دخلت لقيت البيت مرتب ويفتح النفس
عكس العاده لما ارجع واحنا متضاربين القاه حايس
قلت له ماشاءالله مرتب قالي ايوا انا رتبته
بيتك حلو لا تتركينه
قلت له جايه اخذ اغراضي قالي ابوك ماقالك
قلت له ايش
منتي خارجه خلاص استسمحت من ابوكي
صارخت علييييه استسمحت من ابويا وانا ايييييش
والله ماارجع لك اجل تحشش خلاص انا فقدت ثقتي فيك
قالي لا تقولين كذا الله يخليك
ورما الدخان تحت رجولي
وقالي اقسم بالله العظيم ما تدخل فمي حتى الدخان العادي لو رجعت له انتي حرام عليا
من اليوم حتى الدخان ما تشمينه في جسمي وانتي ذكيه وتكتشفين
انا احبك لا تخليني وانتي طيبه والله ظلمتك دايما اقول لاهلي ظلمتها
انا كاني داخله دور الباااااايعه يمكن بعته صح ماادري
قلت له انا تغيرت انتا غيرتني
قالي لا قلت الا شوف وجهي كيف رحت الدوام وانا اخبيه بكريم الاساس واضحك مع زميلاتي انا لابسه قناع صرت
انا مو انا
انا واحده ثانيه
قالي تحبيني
قلت له طحت من عيني
انتا مو نوعية الرجال اللي ابغاه
دمعت عيونه
وبكي لاول مره ابو بنتي يبكي وقالي الله يخليكي لا تتركيني انا احبك انتي كل شي بحياتي
انا اسف
انا بكيت وقلت له مابغى اشوف دموعك الغاليه عليا والله ماني مصدقه اني اشوفه يبكي حسيتها النهايه قلت له انتا سويت كذا انتا خسرتنا بعتنا انا وبنتي
وتملكتني القساوه والغضب مره ثانيه
قالي لا والله انا شاريكي
انا ضعفت وانا بازمه ماديه انتي عارفتها وضغوطك عليا حتى بالجنس تطرديني وتحرميني والبنات حتى بالاسواق وانا معاكي ينادوني
قلت له كمان تحطها عليا وتلومني
قالي لا ماالومك بس افضفض لاني تعبااان ومكسور واحبك
انا وهوا متنا بكا
وانا ماخليت وبقيت مقهوره منه
وقلت له مااحبك ولا حبيتك
وامي دقت عليا وهزاتنيييي وقالت لي ارجعي يلا قلت لها الاغراض كثير وهزاتني كمان
وقمنا وقلت لازم الم اغراضي قالي طيب عشان عمتي
وصرت الم اغراضي وجاب شنطته وساعدني ويلم معايا ويقول انتي تحبيني انا اعرف
وانا الم اصغر الاشياء وقالي ايش فيكي تاخذين كل شي
قلت ماني راجعه
ماخليت شي كله اخذته
وصار يقولي ماني مصدق اني قاعد اساعدك تروحين عني وتخليني
والله البيت ماادخله طول يومي الف لف بالشوارع وريحة عطرك بالغرفه كل ماشميتها ابكي
(لانه لما قطع عبايتي رمى شنطتي عالجدر وانكسر عطري )
وانا الم اغراضي لقيت صورتي مقلوبه اخذها مني قالي ماقدرت اطالع بوجهك لاني ظلمتك انا حاس بذنب عظيم
قلت له اصلا اعرف انك شريف بتردها ليا
طالع فيا وقالي انتي من جدك
لاحظت كمان انه مفسخ الدبله لاول مره من سنتين
انا دايما افسخها
وماكنا لابسينها احنا الاثنين
صار موقف كمان انه كان حايطيح واحنا نتكلم وانا انفجعت حسبته يبغى يضربني وقالي صرتي تخافين مني قلت له ايوا ودمعت عيونه للاسف الثقه انعدمت بيننا
طبعا جلسنا ثلاث ساعات نتكلم
كلام كثييير كله بكا وندم واحباط و يأس
وقالي الله يخليكي ترا ذليتيني وانا لسى احبك والجرح تردينه جروح لا تطلبين الطلاق
قلت له طلبته وخلصت قالي انا مراح اطلقك انا اموت من دونك راح اسويي كل شي عشان ترجعين
قالي لا لا تطلبينه من ابوكي
لانه اذا وصلت للرجال وجلسو قدام بعض وقالي ابويا طلق مااقدر اكسر كلمته وراح اطلق
رجعنا البيت
سلم على بنته وراح
اليوم الثاني لما رجعت من الدوام قالت لي امي راح نطلقك خلاص احنا قررنا عنك مانتي راجعة له اعتبري نفسك مطلقه
قلت لها انا اللي قررت اتطلق مو انتم قالت لي ايوا وراح تتطلقين ولا تكلمينه ولا تراسلينه بعصبيه
وبعد فرح اختك راح تروحين المحكمه
انقهرت لاني ماني بزر هذي حياتي وانا اللي اقرر
بس ما تكلمت اكثر لانه امي من النوع اللي يغضب ويزعل و تطول وماتنسى
رجع كلمني ابويا قلت له ايوا ابغى الطلاق وقالي اللي تشوفينه
هذا اللي صار
لحد يكلمني عن مشاعري ترا ماادري ايش ابغى
احبه راح اشتاق له صح
بس هل صح اعيش معه
كل ماشفت وجهي بالمرايه احقد اكثر ماني مصدقه انه صارلي كذا ولسى احبه كاني .............حظرته واتس واتصال وقالي لما رحت البيت فكي الحظر ورفضت
قررت استسلم وادعي ربي يكتب اللي فيه الخير
شوركم

__________________
لا اله الا انت سبحانك اني كنت من الظالمين