نسيت اذكر شي ..
ارسلت له ع الواتس اني ما زال لي رغبه فيه وفي العوده لبناتي .. وسوي لي حظر ..
شفته غير متحمس للرجعه .. كلمت محامي عشان الخلع واتفقت معه يحل الموضوع بشكل ودي يعني يطلق ويأخذ حضانة البنات ولي حق شوفتهم او اخلع واطالب بالحضانه .. قال المحامي راح يتصل عليه ويعرض عليه حل الموضوع بدون مشاكل واذا رفض .. يرفع الموضوع للمحكمه ..
طبعا كان رده على رسالتي السابقه بأنه ما عنده مانع ع الطلاق ونكتب ورقه خاصه بحضانة البنات .. شوفوا لأي درجه بايع .. طبعا ارسل رساله بعدها طلب فيها تجهيز المهر .. انقهرت منه .. مو كفايه طلاق ويأخذ البنات وكمان يطلب المهر .. من القهر ثاني يوم ارسلت .. مافي مهرلانه آخل بشروط العقد وراح اخلع وبأخذ البنات ..
اليوم الثاني .. ارسلت له رساله ان المحامي رفع القضيه للمحكمه وذكرت فيها اني ما راح اسامحه ابدا على ظلمه وكذبه علي قدام اهله .. وان اي غرض اشتريته من عندي لازم يرسله لبيت اهلي ولا بحاسبه امام الله يوم القيامه ..

ارسل رساله يدعي علي ويقول الخلع مو بالسهوله اللي اتصورها .. واني غبيه .. واني قليلة خاتمه .. وموعدنا المحكمه .. ارسلها الظهر ..

بعد العشاء ارسل اغراضك اللي في البيت ارسلي احد يأخذها .. الاغراض مثل اجهزه وطقم كنب ..
رديت عليه حتى لو حصل الطلاق ما راح انساه وانه ما زال في قلبي ومن هذا الكلام ..
ثم ارسلت رساله .. اني دموعي نازله على خدي واني مازلت ابغاه وشاريته وابغى بناتي ..
وما تلقيت منه اي رد ..

فعلا انا ما ابغى الطلاق .. لكن لو ،، لا قدر الله وقع .. ما اشعر بتأنيب الضمير .. واكون سويت اللي علي وحاولت الصلح .. وفي الاخير لن يصيبنا الا ما كتب الله لنا .. وهذا قضاء وقدر .. مهما سويت ومهما حاولت ما يحصل في الاخر الا المكتوب

__________________
Hug

الله يعينك ويفرج همك ويجمع شملك مع بناتك
انت ماقصرتي بس اهم شي بناتك لاتتنازلي عنهم وهم اصلا في حضانتك مازالوا صغار

قررت انتظر شهرين .. اذا بقيت الامور بدون تغير .. بطلق الطلاق فعلا ..
وكل يروح في حاله ..وبدعي لي من قلبي بالسعاده
استغرب منه لا تفاهم ولا طلاق ..
احيانا اقول لنفسي .. سكوته يرجع لخوفه اذا وقع الطلاق .. اشكيه عشان يسدد ديونه
بس اكثر شي مقهوره بسببه نسيان افضالي عليه !!
ليتننا ما تزوجنا اصلا .. انسان قلبه قاسي جدا علي ورحيم مع الناس.. دقيق في كل شي ..
عنده حب تملك .. هرجه كثير في النسوان .. مبذر ومسرف .. عصبي .. وقت الزعل يظلم ..
يمدح نفسه كثير .. اناني اهم ماعليه نفسه وسعادته ومصلحته ..
الحسنه الوحيده فيه انه محافظ على الصلاة ..
كيف يرضى قلبه تركي معلقه بهذه الطريقه .. ما يخاف ربي يبلى اخواته بأزواج مثله
يااارب تفرج همي وتصلح حالي وتكتب لي اللي فيه الخير وترضيني به ..
لو تطلقت مستحيل اتزوج ثاني لأنه هذا زوجي الثالث .. اصلا ولا اهلي يوافقوا على زواجي
ههههههه نكبه الله .. الله كريم

__________________
Hug

فرح بحس زوجك فيه كثير من صفات زوجي الاستهتار اللامبالاة عدم الاحساس بالمسؤولية
السفاهه والحماقه الاثنين مجتمعين فيهم
عادة الرجل الايجابي اللي عنده حس المسؤولية بيخاف على بيته وبيحاول يصلح حاله مع زوجته
لكن شو نعمل وكلنا امرنا لله رب العالمين فيهم
حلو قرارك تاجيل الطلاق
انا من راي لا تخلعيه لانه راح يطلب المهر شو بدك تستني من واحد معدوم الرجولة والشهامة يعني يتنازلك عن المهر لا طبعا
علشان هيك انا من راي تعطي حالك سنة في بيت اهلك
تلتزمي فيها على الصلاة بوقتها بخشوع
الصدقة ولو على العاصفير باقي الاكل
الاستغفار الف مرة في اليوم
قيام الليل
اختمي سورة البقرة بالقيام
حاولي تواصلي مع اهله علشان يكون موقفك اقوى ويظغطو عليه
ولا تطلبي لا الطلاق ولا الخلع
ومن هون لسنه اعتبري حالك اجازة
ادخلي دورات
تعلمي لغة
اشتغلي اذا توقفتي عن الوظيفه
او كملي دراسة
حاولي خليه توصلو اخبار انك مشغوله بعالمك الجديد ومبسوطة
وهو طبعا راح يموت قهر وباذن الله يرجعلك
بما انك موظفة روحي استشارية اسرية وهي راح تعطيكي خطة تمشي عليها
موفقة ان شاء الله
وبناتك اطلبي شوفتهم على طول ولو تحاولي تجيبهم عندك هاي السنة بيكون افضل تفاهمي معاه على هالنقطة
الله يفرجها عليك امين

__________________
انا لله وانا اليه راجعون

فرح سامحيني لو باقسى عليك شوية اتركينا من عمايل زوجك وخباله لكن حسيتك انانية شوية خرجت وتركت البنات وجلست اطالع في كل ردودك شيء يين اهتمامك فيهم وهم هناك ولا شيء يدل على هذا اطفال صغار كيف جاك قلب تخرجي وتتركينهم فين أمومتك وحنانك عليهم كل اللي في راسك اللي صرفتيه عليه وهو يعاند وانت تعاندين والبنات ضاعو وتشتتو مابين بيتهم وبيت جدتهم هل تظني انهم راح ينسون لك انانيتك هذي للاسف الشديد هم ضحية لك ولابوهم والمفترض مادام هذا زواجك الثالث انك تكوني تعلمت دروس تخليك أكثر محافظة على بيتك مااقول غير الله يهديك ويصلح أمرك .

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

اشكرك ياقمر على ردك مواساتك لي .. الله يفرج همك يارب ويصلح حالك ويسخر لك زوجك
الرجل دائما اناني يهمه نفسه بالدرجه الاولى
صدقتي المفروض يغير من حاله ويشوف حل للمشاكل اللي بيننا
اختي متفائله زوجي كان طيب وحنون .. مهتم بي وببناتي وبيتي .. لكن تغيره حصل بعد تعرفه على بعد التويتر والفيسوك .. وبسبب اصدقاء السوء اللي متزوجين مسيار .. زوجي الحين حاقد علي وناقم جدا .. استشفيت هذا من خلال رسايله .. لعلمك زوجي تزوج مسيار قبل خروجي من بيتي بشهر .. يعني كان مستغفلني .. حارمني من كل شي لا سوق ولا سفر ولا تمشيه وصريخ علي ونقد مستمر .. يبغى يتونس وينبسط على حسابي وحساب بيته وبناته .. هي للوناسه وانا للكرف والخدمه .. والحرمان من كل شي ..
خروجي من البيت مصيبه وقعت على رأسه .. مش حبا فيا .. لا .. هو اضطر يدخلها بيتي عشان تقوم بخدمته وخدمة بناته .. زوجي يحب ويعشق الحريم .. يعني العشق والحب والرومانسيه اللي كان مخطط يعيشها مع هذه المراه ذهبت بخروجي من بيتي ..

احاول اعيد التفكير في تأجيل موضوع الطلاق الى سنه ..
واحاول اشغل نفسي بحفظ القرآن وافكر آخد دوره مكياج وكمبيوتر ..
انا بصلي الحمدلله واستغفر وادعي الله في كل وقت يكتب لي مافيه الخير

__________________
Hug

اعتذر عن بعض الاخطاء في ردي السابق

__________________
Hug

بالنسبه للتواصل مع اهله صعب جدا لأنهم زعلانيين .. علاقتي بأهله عاديه مافي اي مشاكل معهم .. تواصلي معهم كان قليل .. طبعا بعد المشكله اظهر نفسه انه برئ مظلوم .. وانا الظالمه .. ظلمني واظهرني امامهم اني لا اهتم فيه ولا ببيتي ولا ببناتي .. واني سيئه ولا اعرف من امور الحياة شي .. والله ظلمني ظلم كبير .. نفسي افهم ليش يظلمني ويتبلى علي امامهم .. هو تزوج وانتهى ارسل اغراضي وجاب هذه الحرمه لبيتي .. انتهى كل شي .. ليش يظلمني .. المفروض ينهي الموضوع وهو ساكت .. يذكر عيوبي واخطائي مثل ما ذكرت انا لأهلي مشاكله معي .. لكن لا يكذب ويذكر اشياء انا بريئه منها .. طبعا من ضمن رسائلي السابقه ذكرت فيها اني ما اسامحه وراح احاسبه امام الله بسبب كذبه وتبيليه علي قدام اهله ..

__________________
Hug

هلا أختي بنت طيبه الطيبه ..
أختي انا ما تركت بناتي ..
البنات كانوا عند اهله .. لأن والده كان يعمل خارج السعوديه .. ومعه العائله كلها طبعا .. ولهم سنه ما شافوا البنات .. ولما تقاعد والده واستقر هنا .. اخذ البنات لهم فكان لهم اسبوع تقريبا هناك .. طبعا انا رفضت السفر معه لأن وجودي وقتها صعب لأنهم تعبانين خاصة بعد سفرهم من بلد لبلد حتى وصولهم السعوديه .. للعلم هو ما طلب مني الذهاب معه لزيارة اهله .. ربما كان وقتها متزوج هذه المرأه واخذها معه .. قسط السياره ما زلت ادفعه .. وهو مخليها لزوجات المسيار .. حسبي الله وكفى

__________________
Hug

زوجي كان مطلق .. اتذكر مره حكي موقف حصل مع زوجته السابقه .. يقول بعد الزواج بفتره صارت عصبيه ودائمه الصراخ والبكاء فعرض عليها مراجعه طبيب نفسي وافقت بشرط عدم فتح ملف ..( ذكيه ) .. وحسب كلامه كتب لها الطبيب علاج اخذته وارتاحت بعده ..

حصل معي نفس الموقف بعد سنة من الزواج والسبب وحام .. عرض علي نفس الكلام .. قلت له ما احتاج طبيب نفسي .. هذه فتره وتعدي .. تكلم كثييييييييير ( هو في الأصل كثير الكلام ) وفي الاخير استسلمت وافقت اذهب معه .. تجنبا للمشاكل .. طبعا هو تكلم مع الطبيب بالنيابه عني .. سألني الدكتور وانا اجيب ( نعم ) .. طبعا كنت مخططه اني ما استخدم العلاج .. لأني واثقه من نفسي جدااا .. ما اعاني من اي شي الحمدلله ..
طبعا الطبيب كتب علاج وكان زوجي يوقف على رأسي يوميا عشان استخدمه .. احيانا يطفش او ينسي فيسألني اخذني العلاج اجيب نعمممم
وانا في الاصل اكون تخلصت من الحبه برميها في اي مكان ..

مره حصلت مشكله كبيره بيننا .. وانفجرت .. في وجهه ..بعد تحمل وصبر .. وصرت ابكي واصرخ عليه .. راح صورني فيديو ..

في الآخر يهددني .. اذا حصل الطلاق .. وطالبت بحضانة البنات .. راح يذكر للقاضي بأني غير صالحه للتربيه بسبب الامور اللي ذكرتها فوق !!!!

__________________
Hug