ميمي عفارم عليكي إنتي نمبر ون
أحس من كلامك إن زوجك مثل زوجي من النوع اللي يبوز يعني إذا أنا غلطت أو زعلته حتى ولو إعتذرت له و قلت له آسفه و ما أدري أيش يقول لي أوكي خلاص الموضوع انتهى بس مع هذا يضل مبوز و ما يعطيني وجه
من فتره كان مسوي لي كذا و قاعد يقرأ في كتاب و مسوي حاله مندمج و مطنشني عاد أنا أيش؟ رحت أستهبل عليه لزقت فيه و قعدت ألعب في شعره و كذا بست خده و مدري أيش كل هذا هو داقني طنش فأنا زدت العيار شوي قلت له: "زعلان مني؟" (بدلع و غنج طبعا) قال لي: "لا" (كل هذا بدون ما يشيل عينه من الكتاب) سألته: "تحبني؟" قال "ايه" قلت: "وش رايك بكره نطلع نتغذى في مطعم؟"..."طيب"...."وين نروح؟"...."على كيفك"...."ممممممم خل نروح مطعم( )"...."أوكي"...."كنت أفكر لو حركنا التلفزيون جبناه هنا و حطينا مكانه هذه الكنبه كان أفضل"...."على راحتك"
أنا عاد شفته كذا مو عاطيني وجه ما حتى يشيل عينه من الكتاب يطالعني و يرد علي من طرف خشمه كأنه يقول لي ضفي وجهك أنا مشغول قلت عاد يا بنت يبيلك تغيير في التكتيك فقلت له: "بأروح أتروش" قال لي: "مممم"فرحت و تروشت و طبعا أنواع الكريمات و العطورات و لبست قميص نوم من اللي بالي بالك و طلعت له الصاله (هو بس رفع راسه و بعدين رجعه في الكتاب يعني حركه طبيعيه أي شخص يسويها لما شخص ثاني يدخل الغرفه اللي هو جالس فيها
) أنا عاد طنشت و رحت جبت النوتات حق الجامعه و جلست على نفس الكنبه اللي هو جالس عليها بحيث اني كنت قريبه منه بس مو لازقه فيه و قعدت أسوي حالي أذاكر و عاد حركات كل شوي أقوم مره أجيب الهايلايتر مره أجيب كتاب مره أجيب ورقه و كل مره طبعا أمشي بدلع و حركات (و طبعا قميص النوم كان يساعد) بس مع هذا كان مطنش آخر مره قمت قلت له: "حمودي تبي أجيب لك شي من المطبخ؟" قال: "لا" عاد رحت و جبت لنا آيسكريم (احنا مدمنين آيسكريم ما نستغني عنه و بيتنا دايم ما يخلى حتى الحين مع إن الجو بارد نسبيا
) المهههم قلت له: "جبت لك آيسكريم" قال: "قلت لك مابي شي" قلت له: "أدري بس ما يهون علي آكل آيسكريم لوحدي" رحت عنده أبي أعطيه بيدي ما شفته غير قفل الكتاب بقوه و طالعني (أخيرا) و قال لي قالوا لك إن حركاتك هذه بتمشي علي؟؟؟؟؟؟؟؟؟؟؟؟؟؟ عاد أنا كنت من جد راح أبكييييي تعرفون معنى فشيلة؟؟ طاح وجهي هذيك اللحظه بس هو أيش سوى؟؟؟؟
قرب مني و همس لي: "اللي قال لك ما كذب"
و الباقي عاد ما يخصكم
تدرون؟ هالسالفه ذكرتني بزوجي
إدعوا لنا ربي يجمع شملنا حتى لو بوز علي أنا قابله
سلام