لا أقصد كم صار له متغير عليكي من قبل المشكلة.. مو انتي تقولي انه صار عصبي ويزعل بسرعة مو مثل أول

الله يعينك اختي حاسه فيكي.. أكره الجو المكهرب بين الزوجين

أهم شي لا تقصري في واجباتك تجاهه ولو حسيتي منه أي مبادرة للاعتذار بشكل غير مباشر لا تصديه مثل لو سألك تبغين أوديك مكان أو جاب أكل من برا استغلي الفرصة واشكريه بابتسامه وصدقيني راح يطيح الحطب

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

إذا تحبين زوجك جدا ومتعلقة جدا فيه
العني ابليس همه التفريق لا تعط الشبطان فرصة يغرح،،
بادري وكلميه بحنااااااااااااااان ،،، وافتحي باب الحوار اللطيف،،
لا تشدي ولا تتنازلي عن حقوقك،، (مدري هذه كيف أوصلها لك بس إن شاء الله فهمتي قصدي)

لا تخلين مناقشاتك في المادة منطقية عقلانية بحتة،،لا،،، امزجي في كلامك العقل والعواطف،،،والله يا أختي حاسة إني توهتك

الزبدة اتفاهموا واتغقوا بالشي اللي يحفظ لك كرامتك،،،وماتعيشين مثل الدجاجة اللي تبيض ذهب وماتستفيد منه...

المرحلة اللي تمرين فيها صعبة اسألي الله تيسير الأمور والتوفيق وأن يسخر لك زوجك،وأن يزيل من قلبه الطمع والبخل ويبدل مكانه السخاء والكرم وكل شي بيد الله.

صار له يمكن 3شهور .. لان صارت مشكلة وتطورت وكانت بتوصل للانفصال لولا اننا جلسنا وتفاهمنا وحطينا النقط علي الحروف وقلت له اني ماني ملزومة باي شي غير اغراضي الخاصة .. في البداية زعل وتضايق وقال تعرفين وضعي المادي .. قلت منت قادر تصرف علي حياتنا كل واحد يشوف حياته .. المهم في النهاية اعتذر ووافق علي طلبي .. ومن بعدها حسيته تغير..

والله يا اختي ياليته يبادر باي شي .. لدرجة اليوم جينا من الدوام طبعا متعود ياكل بعد العصر بعد مايصحي من النوم فصحيت كالعادة اسوي له كبسة وطلع جاب له غرض ياكله علي الكبسة ولا فكر يسألني تبغين اكل لان يعرف ما احب الكبسة ولا اكلها وعارف بعد ان البيت مافيه شي من الحواضر .. بالرغم من كذا جاء وحطيت له غداه تغدا وقام رمي الصحون في المجلي .. بالعادة قبل كان يغسل صحنه واحيان يغسل القدر اللي طبخته من باب المساعدة لي .. وقلب لي البيت وطلع ولا فكر يقولي تبين شي او اجيب لك شي .. كنت بتكلم بس قلت في خاطري حسبي الله ونعم الوكيل وسكتت..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

ادري انه الشيطان اللي داخل بيننا بس يااختي انا ماغلطت في حقه عشان اكلمه بحنان .. واذا كلمته راح يتعود علي الوضع .. هو اللي ملزوم يعتذر ويطيب خاطري مو انا ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

ياعمري لا تعتذري برإيي تفاهمي وأزيلي مافي النفوس،،وإذا تقدرين احرجيه خليه يعتذر..العبي علئ عواطفه وحسسيه بالذنب وتأنيب الضمير،،
الله معاك يفرج همك ويدلك للخير.

كلمه ما لها دااااعي بقوووووة

انا انقهرت منها وانا رجل وما اعرفك.. كيف هو المسكين !...

ياما حريم رضو ينامو بالحصير على الارض وتحملو,, هذا وانتي موظفةد تقولي الكلام لزوجك عشان وضعه المادي مو مضبوط..
والله كلمة تهز النفس من جد !


هل قصر بهذي ؟؟

الاكل والشرب الشهادة لله لا .. لكن اللباس نعم .. انا اللي اشتري لنفسي في اي مناسبة حتي في العيد..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

وانا ماقصدت باللي قلته له اهانته لا والله .. بس قلته حتي اخليه يتحرك ويحاول يحسن من وضعه .. وانا عرضت عليه اشتري له سيارة يكد عليها بس احسه متهرب ومسوف .. في دوامات جزئية يداوم في المساء عشان يحس وضعه ايضا لاحياة لمن ينادي .. كل همه الجوال والاجهزة والنت .. حتي التخطيط لحياتنا متواكل علي في كل شي انا اللي ابحث واخطط وهو منتظر راتبه اخر الشهر اللي يروح كله مايبقي منه شيء..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

أخذت نظرة سريعة على مواضيعك السابقة

اختي عندك مشكلة حقيقية وهي الحساسية الزايدة

انتي حساسة زيادة عن اللزوم وتطلبي الاهتمام من زوجك بشكل مبالغ

بناء على موضوع قريته لك في قسم المقبلين على الزواج, زوجك لاحظ هالنقطة فيكي من أيام الملكه وتعمد يغير معاملته معك عشان تتركين حساسيتك

تصرفاته معك تدل على حاجتين:
1-انه طفش من حساسيتك ومن كثر مايراضيك
2- انه يشوف بما انك شلتي يدك من المصاريف فهذا يعني انك أنانية وماهمك إلا نفسك وبالتالي هو بعد صار مايهتم إلا في نفسه وماعاد يدور رضاك

وفيه نقطة بعد لاحظتها في مواضيعك تكررين كثير انك وقفتي مع زوجك.. اذا انك تكررين هالكلام أمام زوجك فما ألومه صراحه على تغير مشاعره تجاهك خصوصا انك كمان تشعرينه انه مو قادر يأمن لك حياة كريمة

زوجك فيه صفات حلوه بشهادتك انتي انه طيب وكريم ورومانسي.. وانتي ساعدتيه ماديا على أساس انه يستاهل.. سواء تصرفك كان صح أو خطأ انسي هالشي تماما الآن وافتحي صفحة جديدة

بعدما تنحل مشكلتكم الحالية وتتصالحون, تقربي من زوجك وادعميه معنويا وفهميه أن علاقتكم أسمى من أن تهدمها الفلوس ووضحي له انك مستعدة انك تعيشي معاه على حسب استطاعته (وافهمي انتي بعد هالشي كويس) عشان مايكون تحت ضغط نفسي

واضح ان زوجك يعاني من ضغوطات نفسية بسبب قلة المادة والإنجاب

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

القيت نظرة على مواضيعك السابقة.. صراحة معك حق نوعا ما وواضح انك صابرة كثير ونعم الزوجة. بس الظروف يعني تكالبت عليكم.. ومافيه احد مرتاح الدنيا ما تصفو لاحد .. .. بس قبل ما تقولين اي كلمة ان شكيتي انها راح تجرح.. لا تقولينها افضل..
....

بالنسبة للانجاب.. روحو المستشفى الجامعي بالرياض او جدة او الشرقية.. وحدات العقم فيها ممتازة ومجانية.. وفيه حالات كثيرة نجحت.. مو لازم تروحو الخاص وتصرفون اذا كان زوجك يتحسس من النقطة هذي..