سالفة الحمام ممكن تكون مقبوله ولكن سالفة العطر والتدقيق على اي نوع تعطرت منه ,,, صعبه شوي

السالفه لما تتراكم من محظورات وارشادات في


الحمام

نوع العطر

ووووووووو والقائمه ممكن تطووول

هي تبدو تافهه وصغيره ولكن مع الاياااام تكون متراكمه وعباره عن مجموعة عقد ,, والشعور بعدم الراحه

وكأنها غريبه في بيت ابوها

__________________
وهل من مصير اخر ؟

برأيي انت بشكل عام مو غلطانة،اعتقد إنّو حتى اولادك تمنعيهم من استخدام حمام الماما والبابا،،م ما حد حيزعلك منك،بس مع بنت زوجك الوضع غير وهو واضح متحسس وبيفهم اي رفض لطلب بنتو قسوة منك،،
لذاك حاولي قدر المستطاع تدلليها وإدا بترفضي شي ارفضيه بأسلوب حلو وقد ما كنتي طيبة مع البنت اذا رفضتي شي ماراح يفكر بأنك "قاسية" وإنما هيك قواعد البيت اللي بتمشي عالكلللل.

ضبطتوا حمامهم؟!!

والا بعده حمامكم انتو بس اللي افرنجي وفيه سخّان؟



وشعورج العام تجاه أبناء زوجج تغير والا بعدج مب متقبلتهم في حياتج؟

__________________


اللهم طِيبَ الأثر .. وحُسْنَ الرحيل.

معليش اسال ..هل حمامك الخاص بغرفتك او خارج الغرفة
وكم عمر بنت زوجك وعمر بنتك
لو كان الحمام بغرفة النوم من حقك اخذ خصوصيتك وتعويد الاطفال قضاء حاجتهم في الحمام الخاص بهم
الا للضرورة الجد قصوى يلجؤون الى حمامك
اما ان كان حمامك خرج غرفتك من حقك ايضا تعويد الاطفال باستعمال حمامهم الخاص
لكن اختي لا تنسي انها بنته فمثلا لو انها كانت بنتك وحدث نفس الموقف لكنتي انت من جرى بها الى حمامك الخاص لانها بنتك نفس الشيء بالنسبة له

غدا بنتك بتكبر الله يحفظها
من الان اذا كنت راح ستتغاضي عن تصرفات لها مثل دخولها حمامك بين فترة و اخري .فراجعي نفسك الان و تغاضي عن ابنة زوجك
لانه زوجك سيتذكر هذا و لن ينساه لك فانتبهي
و الاقسي انه البنت نفسها ستتذكر ذلك و شوفي وقتها الغيرة و المقارنات و النكد من زوجك

__________________

لا تزعلين حبيبتي
في موضوع الحمام منتي غلطانه
عدااااا إذا كان الأمر جداً ضروري

آنه بعد لما تزوجت حطيت مجموعة امور خليت الكل يمشي عليها معاي
ان مجد يدخل قسمي قبل لا يطق الباب
لأن اول ما تزوجت بنات زوجي يدخلون بدون استئذان واكون لابسه ملابس غير لائقه
ومحد يطق علي باب غرفة نومي خصوصا اذا زوجي موجود ابدا ابدا الا اذا موضوع حياة او موت
بس اكلمهم بحنيه ولطف ومحبة ويتقبلون مني وهذي اصلا من حقوقي

بس الاسلوب له دور حبيبتي
هل انتي تقبلتي عياله ؟
هل كلمتيها بلطف و بود وبعيداً عن الجفاء ؟

اذا كسبتي عياله بتكسبين زوجج

الله يحنن قلبج عليهم ويسخركم حق بعض

معاج بكل كلمة

ريتويت 😊😁

زين انتي وضعش مختلف تماما

زوجش معدد ,, وامهم مسؤوله عنهم

اما هي زوجها مطلق وعليها تحل مكان الام وتكون مسؤوله عنهم .. عايشين معاها في نفس

الشقه ,, مسأله الحمام ممكن معاها حق فيها ,, ولكن عند الاضطرار والحاجه الملحه ght

صعبه تمنع البنت من ذلك ,, ممكن تحط الشروط الي تحبها

بس الاسلوب محبب وبطريقه توجيهيه تربويه ,, لا لكرهه وجودهم وعدم اخذ راحتها في بيتها

لازم تفهم انها تزوجت مطلق ورضيييييييييييت بأولاده وعليها تحمل النتايج

بصدر رحب

في النهايه البيت ملك الجميييييييييع

__________________
وهل من مصير اخر ؟

انه معاج باللي قلتيه يا صديقتي
واهم شيء الاسلوب يكون بلطف وتودد
عشان البنت ما تتحسس

وتوني وقرأت مواضيعها السابقة وعرفت ان الحمام مو داخل الغرفة
صعبة تحكرهم وتقول لهم لا تدخلونه
لو كان داخل الغرفة اي سهلة
بس بره صعبة ... خصوصا ان اللي فهمته ان حمام العيال مو مهيأ وايد


صدقيني كل شيء بيكون سهل وامره هين
لما يكون الاسلوب لطيف ومحبب
وتجنبي منقاشة العيال اذا ابوهم موجود لأن اكيد بيتحسس بيقول في نفسه يكفي ان هم بعاد عن امهم هم فوق هذا كله مرت ابوهم تحكرهم

المرة الأولى قلتي مش متقبلتهم !

واليوم متضايقة من دخولها حمامك الخاص !! أخاف إن عدم تقبلك لوجودهم معك هو اللي قاعد يخلق هالمشاكل ؟!

شوفي يا أختي الموضوع أبسط من إنك تعملي منه مشكلة، إذا بنت زوجك متعودة تدخل حمامها وتدخل حمامك بشكل إستثنائي عادي مافيها شيء، مش معقولة تنتظر دورها كأنها جالسة في حمامات الأماكن العامة !! وهي ببيت محسوب عليها بيت أبوها لها فيه مثل ما لك بالضبط !!

أنا مثلك ما أحب أحد يستخدم حمامي الخاص اللي قدام غرفتي ومع ذلك عيال أخواتي إذا جوو عندنا في الويكند أو ناموا عندنا في أي وقت عادي جدا ألاقيهم مستخدمينه وحتى شاور ياخذون فيه عشان حاطة الدش بإضاءات تتغير مع درجة حرارة الموية وعلى الرغم إنهم ضاربين بقوانيني عرض الحائط لكن والله ما أزعل زي العسسل على قلبي وأخذ الموضوع بمزحة وأقول لأخواتي عيالكم نفوسهم شييينة ما يحلى لهم إلا حمامي على الرغم إن عندنا 5 حمامات ! تخيلي أعصب وأهاوش عشان حمام😐

زبدة الكلام إنتي عوديها على حمامها الخاص، وفي نفس الوقت خليك مرنة أكثر عمر الحياة ماتمشي بالمسطرة والقلم يعني إذا انكسرت القوانين كم مرة ماله داعي الزعل تخلقون مشكلة من لا شيء .. لو هي بنتك من بطنك والذي لا إله إلا هوو مارفضتي دخولها !! بس اللي ماعنده أم حاله يغم ..

وعلى سالفة العطر / مدري هي كم عمرها بس تعرفي البنات من صغرهم يحبوا هالأشياء ف إنتي توددي لها وخليك حريصة عليها مثل بنتك واشتري لها عطرين أو ثلاثة وحطيهم لها بغرفتها وخليها هي تختار الروائح اللي تحبها معاك في السوق ياااكثر المحلات اللي عندهم عطورات تناسب الأطفال .. أكرميها الله يكرمك ويرضى عليك وتلمسي إحتياجاتها كل ما تكبر بالسن تحتاج أشياء شخصية أكثر ف إنتي لا تخلين بخاطرها شيء .. أبوها أكيد مابيقصر معها بس ع الأغلب إنه هالشغلات تروح من باله .. ف إنتي مرة وعارفة البنت وش تحتاج في كل مرحلة عمرية

وشوفي الإنسان عشان يتعود على حمام لازم يكون مرتبط فيه، اشتري لهم اكسسوارات الحمام بألوان ورسومات طفولية، ووفري لها كل شيء خاص بعمرها حق أطفال ألوانه وروايحه جذابة من شامبو وشاور جل وبودي لوشن وبيبي أويل ومناديل معطرة ~ عبي لها الحمام حقها من هالأغراض وراح تحبه وتحس بخصوصيتها وتنبسط فيه .. بس كمان الموضوع يبغاله صبر خصوصا إذا كانت صغيرة ما تجاوزت الـ 7 سنين ..

__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔