أحس بعض الأحيان بأفرازات-تقدرين أتقولين مره كل شهرين إلى ثلاث شهور,فهل هذا طبيعي مع أني زرت الطبيبه وأكدت أنه طبيعي.بس انا مو مرتاحه لأن بدأت هذه الحاله معي بعد الولاده الأخيره يعني قبل سنه سؤال: أني أقوم بعمل التمارين التي ذكرتيها(للبول)الله يعزك بس بين فتره وفتره والحمدلله كل شي تمام,بس وسبع شهور.فما رأيك أنت؟؟؟؟
**أستعملت شيئ يسمى(الملحه)عندنا في البحرين,وعوعباره عن الملح الفارسي مع بعض الأدويه الشعبيه وتتحمل بها السيده في فترة النفاس والحيض للتنظيف,وأناأستعملته في النفاس ومازلت أستخدمه في فترة الحيض. فهل سمعتي عنه وما رأيك فيه؟؟؟؟
الافرازات زي ماقلتي طبيعي بس مو تتعدى المعقول يعني يوميا اما اذا كانت هذي اول ولاده فطبيعي بتحسين باختلاف شوي بس مع الوقت والاهتمام بنفسك كلشيء يكون طبيعي
اما الملحه الفارسيه ماتضر ولكن انتبهي لاتكون (شبه) لانهم بعض الاحيان يغشون
سؤال: اللي ماتطهر من الاربعين بسرعه يعني خلص الاربعين وهي ماطهرت هل هذا يعني انها مااهتمت بنفسها كويس؟؟
ايش ممكن تاخدحتى يتوقف الاثر البسيط اللي الوحده تشوف مابين فتره وفتره بعد انتهاء الاربعين (خاصه اذا كانت الدوره جت في نهايه الاربعين)؟؟
زي ماقلتي عدم الاهتمام يسبب عدم النظافه بسرعه
سؤال: انا استخدمت الاعشاب والكبو الدوره اللي فاتت .. بس ماحسيت أي تغيير أبداً .. يمكن لأني ماستمريت عليها تمام وكانت الدوره من قبل ماتبدا ومن قبل استخدم العلاج ..
وانا احس بألم زي البرق بالطول على الجانب الايمن والايسر واحياناً من النص من داخل وهذا الألم كان يجيني .. بس المره هذي أكثر واقوى .. عندي إفرازات مستمره .. وأحياناً زي فقاعة الهوا الصغيره تخرج من الأمام ..وينتفخ بطني وتبدء آلام الدوره من قبل الدوره بأسبوعين ثلاثه .. أصير كني حامل .. وإذا نزلت تكون قليييله .. أحياناً أحس اني تماااااام ..وأحياناً كلمة خربانه قليل .. من كثر الافرازات ..
التغير الوحيد اللي لاحظته .. المويه اللي نزلت بعد استخدام التحميله .. كانت كثيره .. مع إني ما حطيتها الا مره واحده .. آخر يوم ..مادري وش الحل .. وهل يكفي استخدام العلاج وقت الدوره بس ..
لأن رمضان على الأبواب الله يبلغناه وإياكم .. وصعبه أفطر على السفوف
الالم اللي زي البرق اذا ماني غلطانه فانتي داخلك هواء على برد واذا الدورة ماتنزل الا قليل وزي التراب فعندك بعد سدد وكذلك التحميلات اذا لقت مويه كثيره بتسحبها لهذا السبب تلاقين معك مويات كثيرة ولذلك انصحك انك تسوين النظام وقت الدورة وبعد رمضان (وبعد ماتقضين الايام اللي عليك) اتبعي
النظام لمدة اربعين يوم واذا نزلت الدورة اثناء النظام اقلبيه على نظام الدورة وبعد ماتخلص الدورة ارجعي وكملي على نظامك السابق وان شاء الله بتشوفين الفرق ولكن اهم شيء ماتيأسين وغير كذا يمكن يبيلك فترة مع الاستمرار على النظام لحد ماترجعين زي اول يعني ممكن اكثر من دورة وافضل شيء للوحدة اذا كان سبب خرابها بعد نفاس ماتتعدل
الا بعد نفاس ثاني وتستخدم النظام السابق(وهذي معلومه اكيدة)
سؤال: ممكن اكل كاكاو لاني امووووووت عليه ؟؟
ثانيا ممكن استغني عن العنزوروت لاني دخت مالقيته ؟؟
هل ممكن استخدم غسول قشر الرمان لانهم امدحوه لي ؟؟
حبيبتي كولي كاكاو على راحتك اما العنزروت مهمه حاولي تدورين عليها
اما قشر الرمان انا شخصيا ماعمري جربته وعشان كذا ما اقدر اقولك هو زين
ولا لا يمكن اذا احد مجربه ونفع معه زين بس والله ماادري
سؤال: -1 هل لا بد من استخدام الحلبة في الدورة وليس في النفاس(اليست الحلبة لتقوية الظهر فقط واعطاء قوة جسمية للوالدة)فهل لي ان استغني عنهالان صراحة ريحتها بتنفر زوجي مني والناس بعد
-2 لقد قلتي ان الحلبة تعمل على تطرية الرحم فهل اذا كملت المدة اربعين يوم لا تعمل على تطرية الرحم في هذه الفترة وانا طاهرةاي ليست في وقت الدورة
-3 انا دورتي ما تنزل من اول يوم تنزل يوم ثالث وفي اليومين الاوله تكون سوداء وكأن معها تراب ثم بعدذلك تنزل الدورة وتأتيني الام الدورة وتكون دورة طبيعيةأي حمراء فما السبب في ذلك.
-4كم كمية التمر الذي يؤكل في الصباح
-5 يصلح اني اسوي الكبو ثم اتحمم بعده بساعة (علشان ريحته قاتلة)
الحلب يستخدم في الدورة والنفاس وزي مافهمت انك ممكن تنفسين عند زوجك وخايفه من الريحه لاتخافين مع النظافه ومزيلات العرق النوعيه الممتازة او الطبيعيه بتروح المشكله خاصه اذا حرصتي على تنظيف منطقة الابطين كل يوم وكذلك لبستي ملابس كامله نظيفه كل يوم واذا كانت ملابسك مبخرة (بعود اصلي) مو معمول لان العود ياسبحان الله مايشم كل ماجلستي.. وكل ماقمتي متطلع منك الا ريحة العود . كذلك الحلب ماتستخدمينه الا في الايام الاولى من النفاس او الدورة يعني مو كل الاربعين , اما ان الدورة زي التراب فعندك سدد استخدمي(الحبه السوداء +المرة)في عسل طبيعي بتنزلها وانا شرحت الطريقه قبل , اما التمر كلي على حسب رغبتك وازين شيء التمرة مع الرشاد وهى بعد سبق اني قلت طريقتها . اما الكبو لازم تسوينه قبل النومه وتنامين عليه ولاراح ينفع اذا تروشتي بالعكس تضرين نفسك وزوجك اذا يحبك اذا شرحتيله الوضع انك في فترة نفاس او دورة ولازم تسوين كذا وانه اذا ماسويتي العلاج بتضرين نفسك اكيد بيتفهم وممكن انك تعتزلينه في النوم بس هذي الفترة.
سؤال: انا توي طلعت الاربعين وعلطول اشتركت في نادي رياضي مع نظام رجيم فهل هذا يااثر على
الرياضه ماتضر بس مو العنيفه اما اذا كنتي والدة بعمليه ياليت تصبرين على الاقل اربعة اشهر
سؤال: شريت كل الاشياء ماعدا الارطا لقيته مطحون ناعم لونه ترابي فاتح فهل ينفع ؟؟؟
ايضا الحزاه لم اجدها فهل هي ضرورية ومافائدتها ؟ هل لها اسم ثاني ,,
الوصف السابق للارطاء اذا كانت مطحونه واستخدميها وان شاء الله بتنفع اما الحزاة مفيده وتشد اللحم ولكن اذا ما لقيتيها ميخالف وللاسف ما اعرف لها اسم
سؤال: ولادتي بعد شهرين وجمعت الاعشاب ولكن لم اجد (الارطاء -الحزاة- جنبة البر- فلفلة الهواء ولا عود الهواء ) هل هناك بدائل ام ان هذه هامه ونافعة اكثر من غيرها
ايضا اختي ماذا عن الكلى هل ستتاثر من هذه الاعشاب وهل الاعشاب ثقيلة على الكبد ؟؟وهل ستؤثر في الرضاعة يعني هل ستنتقل بالحليب للمولود ؟
كما فهمت لايوجد بخور للعشرين اليوم الاولى فهل هذا صحيح ؟
ممكن تستغنين عن الارطاء بعرن بس تريه مو زي الارطا ممكن تستغنين عن الحزاة مع انها مفيدة ممكن تستغنين عن جنبة البر ولكن فلفل الهواء وعود الهواء ضروريان, اما الكلى والكبد باذن الله مايتأثرون بهذه الاعشاب
وبالنسبه للرضاعه لاتخافين رضعي ولدك وخليه يتعود على هذى النكهات وان شاء الله ماراح تضره بالعكس يمكن تزين صحته اكثر, اما البخور(الكبو) مايعمل في الايام الاولى يعمل في الايام الاخيرة العنبره اذا كنتي تقصدين اللي تستخرج من كبد الحوت فكنا اول نستخدمها لوجع الرأس وكنوع من المنشطات للجسم ترفع الطاقه وتقوي الجسم على التحمل ولاامراض القلب ممتازة وتفتح السرايين من الكلسترول ولعلمك الاصليه لونها رمادي وريحتها مو زينه ابد واللي كبر حبة الحمص تسوي 300 ريال والحين من الصعب تلقين الاصليه الا عند ناس تثقين فيهم وهي ممتازة لكل شيء تقريبا اما زيادة الوزن
ماادري هي تنفع ولا لا لكن فيه عدة اسباب تمنع الوزن ممكن (خشه او دود) واذا عرف السبب بطل العجب ان شاء الله .
للموضوع بقية