08-09-2006, 02:37 PM
|
المشاركة الأصلية كتبت بواسطة شوبارد
الحين ليه معصبين يا الأعضاء؟
طيب الحين كل البنات اللي هنا ومتأخرات عن الزواج وماعاقهم المهر ...عاقهم الرجال!! ذبحتونا كل شوي والثاني مهور غالية فشلتونا عند الله وخلقه يحسوبنا ناخذ ماوراكم وقدامكم أسألكم بالله هذا سبب للعنوسة! وتشرطكم وحركتكم الجديدة الواحد اذا خطب قال انا مارتحت ..اه يالقهر اللي يشوف وجهيهم يقول كلها مريحة  والله انتم السبب الرئيسي بكل شي.. انا مثال واقع لبنت في المجتمع لااتشرط مهر ولايحزنون مع العلم ان المهر يهمني << صريحة جدا وتقدم لي مرة واحد وسأل ابوي عن المهر قال ابوي نشتري الرجال وجاب المهر من نفسه 50 الف وقال أنا مابغى زواج كبير وحفل.. وانا ماتفرق معاي أبدا بالعكس أأيد الزواج العائلي جداا بس ربي ماكتب بينا نصيب. ولاعندنا ذهب وهدايا وخرابيط ...شبكة وبيت وبس! وحتى البيت ماهو لازم الرجال يأثثه بالكامل المهم مطبخ وغرفة نوم والباقي بعد الزواج بالتدريج سهلوها وتتسهل وعلى فكرة أسعارنا هنا نار كل شي عندنا غالي ومكلف في الأسواق والمهر وش بتسوي فيه بتساهم فيه مثلا لنفسها؟؟ كله تزين لحضرة الزوج وأعيد وأزيد الواحد اذا بغى يخطب يدور على وحدة حوله في مستواه ..على الأقل يكون هناك نوع من التوافق وانا اعترف بكل مافيني ماأقدر أخذ واحد فقير تعودت على نمط معين من المعيشة وممكن انزل لكن بشي بسيط لكن لدرجة الفقر لا لأني بتعب وبتعبه معي وأغلب المتقدمين لي كلهم من مستواي وأعلى.. |
08-09-2006, 02:37 PM
|
المفروض هذا يروح لناس بمستواه أكيد راح يقبلون فيه مايروح لوحدة عيشتها ومستواها أفضل ويقول شرطو علي صح ولالا؟ خلونا نكون واقعين مع بعض |
08-09-2006, 02:40 PM
|
أخي الفاضل عبدالله هل الرجل ملزم بتكاليف الزواج؟؟ الآن او بالأصح من كم سنة صار الزاوج العائلي مرغوب في بيت البنت يسوون حفلة صغيرة فيها عائلة العريس والعروس < والتكاليف على العروس لأنه في بيتهم! |
08-09-2006, 02:44 PM
08-09-2006, 02:48 PM
08-09-2006, 02:49 PM
|
المشاركة الأصلية كتبت بواسطة الأب الحنون
اخواتي الفاضلات انا تزوجت وراتبي قبل 6سنوات 3200ريال وبعد الزواج لا يبقى من راتبي الاالشىء البسيط يعني /انا اكبر اخواني
اصرف على عائله لكن مانسيت رحمة الله قبل كل شىىىىىىىىىىىىىىىىىىىىىىىىىىىىىىء ام العيال الله يخليها مهرها بسسسسسسسسسسسسسسسسسسسسسسسسسسسسسسسسسسسس 70000ريال حتى السياره بعتها يعني يا ا تزوج وانفقر او الجاْ الى الحرام .................................................. ...............؟ وهذه مصيبه لكككككككككككككككككككككككككككككككككككككككككككككككن الحمد لله تزوجت وتوكلت على الله والان الحمدلله عندي 3بنات وولدوراتبي يزيد على 7350ريال واملك منزل ولله الحمد ولو اني جلست من ذلك اليوم الىىىىىىىىىى اليوم وانا اردد لولولولولولولولولولولولولو كان ماعملت شىء ولكن هي رحمة الله جل وعلا وفضله يبحانه واخذنا بالاسباب قال تعالى((((( ومن يتقى الله يجعل له مخرجا)))))) وقال تعالى(((((( ومن يتوكل على الله فهو حسبه)))))وكم من فقير اغناه الله وكم من غني افقره الله وسبحان من يغير ويبدل وهوعلى عظمته |
08-09-2006, 02:53 PM
08-09-2006, 03:57 PM
|
المشاركة الأصلية كتبت بواسطة شوبارد
أخوي ساري
انا ماراح ارفض عشان المهر؟؟ برفض اذا كان فقير << فيه فرق ولاتقول هذا سبب للعنوسة لأن هذي وجهة نظر شخصية اخوي انا تنازلت الحين عن أشياء كثيرة.. لكن ليه اتنازل عن شي أنا متأكدة نهايته الفشل ليه اقول والله موافقة بتزوج واحد راتبه2500 مثلا وعارفة اني بتعب مرررررة وبتعبه ليه؟؟ من اولها ارفض أحسن ورحم الله امرئ عرف قدر نفسه انا عارفة نفسي.. وفي المقابل انا لا من بيت اغنياء ولاشي لكن الحمدالله كل شي موفر لي وقلت لك عندي استعداد انزل تحت مستواي وعادي جدا ومتقبلة الوضع كونه شاب وعلى قد حاله في بداية عمره لكن فقير لاااااااا ماأقدر ليه احول حياتي جحيم وليه أعذب ولد الناس معي صح ولالا؟؟ واعرف وحدة تتمنى واحد لو عاطل عن العمل اخلاقو دين وكل شي << وشف نصيبها ليه ماتزوجت وانت قايمين قاعديم عالى المهور وبالنسبة لموضوعي انا في السابق كانو اهلي رافضين الزواج لما كنت ادرس باقتناعي وبعد التخرج يتقدمون لي ولكن يتراجعون ليه ماأدري!! واحيانا خطبة رسمية ومهر ودنيا ومرة قبل الملكة باسبوع وتكنسل الموضوع وحنا لاقلنا نبي مهر - نبي عروس وفنادق- ولاشرطنا ولاشرط وسبحان الله مايكتبه ربي.. عشان أكد لك شي واحد ماأنكر المهر وتكاليف الزواج تعتبر مكلفة لدى الشاب لكن ماهي لدرجة يقول سبب للعنوسة امامك بنات المنتدى كلهم ماشالله تبي دراسة ودين وأخلاق وشكل من كلامهم يبين ولاشرطو ولاشرط ومع ذلك ماتزوجو!!!!!! <<< ابي اجابة حبيت أضيف نقطة.. لو اغلب اللي يتقدمون لي حالتهم المادية ضعيفة بوقتها بقول هذا اللي ربي قدر لي ومحد يجي ني الا هم وشي طبيعي راح اتنازل. ------------------------ أخوي عبد الله الدراسات اكيد للمملكة كلها.. والمملكة تضم مدن وكل مدن ولها عادات وتقاليد لكن عذرا اذا كنت اتكلم عن مجتمعي فقط المنطقة الوسطى بقول كلمة لو الرجل انا اعرفه وعارفه افكاره قبل الزواج مثلا << طبعا مستحيل بس اقولكم مثلا ومرتاحة له وضامنة انه مرتاح لي والله لو انه عاطل بوافق عليه لكن حالنا الحين ..يجي واحد ماعرفه يجي ابوي يقول فلان ولد فلان ولد حمولة يشتغل في المكان الفلاني يقولون رجال واجودي ويصلي هاه يابنيتي وش رايك؟؟ وين اتنازل معه وانا مادري عنه الا اسمه ووظيفته!! |
08-09-2006, 04:08 PM
08-09-2006, 04:21 PM
|
المشاركة الأصلية كتبت بواسطة شوبارد
راعية منتديات
صادق انت؟؟ لما قرأت هالكلمة قلت مافي امل اخذ واعطي ابدا اخوي انا ماشارك غير بهالمنتدى ومنتدى نسائي بس!! وش فيها كاتبة المنتديات وعلى فكرة مااقول لأحد اني مشتركة! مو لأني اسوي شي غلط الحمدالله لاغلطت ولاشي بس ماأحب أحد يتابعني ويعرفني والنت ماعرفته الا من فترة بسيطة جدااا ابي اكتب كلام وماقدرت من كثر ماني متفاجئة.. الله يسامحك وهذي وجهة نظرك وبكيفك ماشالله هذا اللي ربي قدرك في المساعدة |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
