والله مو حلوه للأسف فكره غربيه بس للأن عندنا بحشمه شويه لا تفتحون علي نفسكم باب إن أنفتح لن يغلق أبدا وممكن يطور الي أشياء بزمان عيالنا فكروا

ولكن الغرب تكرمون تاخذ اسبوع إجازه مع واحد ثاني وأيضا اسمها عندهم إجازه زوجيه
وصدقوني انها بداية النهايه
مبارك عليكم الشهر
وخلج عند رجلج أحسن
عسي الله لا يفرقكم ابدا

بصراحه لا أخفيكم امرا
اني أخاف كثيرا حينما افتح موضوعي هذا
لا اعلم لماذا هذا الموضوع بالذات اخاف ان افتحه او ربما اتردد
لما سينكب علي من الردود هل هي لي ام علي
ولا احزن ان كانت لي ام علي فالكل حسب فكره ورأيه اولا وفي صالحي قد يكون ثانيا ...

يدفعني رد اخي الكريم النور والحنان
ان اجيب علي سؤاله اولا فأقتراحه ثانيا
واتمنى اتمنى ان يقرأردي اقصد جوابي مع خالص شكري له
السؤال مالهدف من فكرتك ...؟؟
الهدف هو اولا معرفة اغلبيه الردود
اي ماهو قد يكون صالحا لي
ثانيا قد يكون محاوله لأقناع نفسي انها قد تكون الاجازه
ليست من صالحي وانها ربما لا تحدث الاشتياق او انها قد تحدثه وتجلب معها التعود على الفراق
لااخفيك حينما طلبت ان يحذف الموضوع
خوفا من ان يقرأه زوجي
وسألتني
ان تحذف عدلت عن الحذف وحتى ان قرأه زوجي
لانه قد يكون نافعا كلما رغبت بالاجازه
قرأت الردود اللتي تخيفني من تلك الاجازه المجنونه ربما
لاني قد اطلب المستحيل خمس ايام
فأعدل عن رأيي
وارجع لصوابي ....
هذا عن سؤالك وربما قد اطلت في الرد لكني احببت ان اوضح الصوره
لا العب والله ولا الهو في الحديث
واسرق وقت الاعضاء في القرأه والرد
لكني احببت ان اعرف وجهة نظرهم التي نفعتني ومنها استفدت
فشكرا لكل من شارك ....
أما عن اقتراحك
هل يمكن ان تكون اجازه زوجيه قدريه ..؟؟
ربما لم افهم بالضبط ماذا تقصد وياليتك كنت وضحت اكثر
لكن ربما تقصد ان الاجازه الزوجيه التي اطلبها
فرضت علي فرضا
لا والله انا التي اطلبها
ولم تصنعها الظروف ولم تفرض علي فرضا
انا التي ارغب بها وربما اطالب بها في نفسي طبعا ....
وان كان قصدك غير ذلك فأتمنى ان توضح .... شاكره لك طبعا ..

loyal heart اخي شكرا لك
((فالإجازة لك ..
والبعد عليك ِ.)) وصدقت في كلماتك تلك ....


خوفني كثير الرد الاخير
وان شاء الله مانتشابه في شيئ مع الغرب

القلب الحيران معي والحمد لله وقف احدا في صفي .... امزح طبعا
محتاجه لجميع الردود

امير الخيال شكرا
وفكره رائعه لم تخطر علي بالي
ربما قد احققها في يوم ما ....

قمرهم وبس شكرا لك اخييتي
ويارب يبعد الخلافات عنا وعن كل المتزوجين ......

اختي هند بصراحه انا لا اؤيد ولا ارفض
لاني متعوده ما اكتب شي الا وقد جربته او حتى شفته في تجارب اللي حولي
انا بصراحه في اجازة زوجيه من اربع سنوات بسبب بعدي عن زوجي
(( الله يلم شملنا يارب على خير عاجلا غير اجل ))
وطبعا ماني حاسه بزواج ولا مسؤوليه ويمكن عدم وجود الاطفال هو اللي زاد الطين بله
انتي تقولي تبي اجازة تبي فراق لا يزيد عن اسبوع
لكن انا اصررررررررخ واقول كفايه غربه وكفايه فراق وكفايه بعد
ارحموووووووني لكن مامن مجيب
ويبقى الحال على ماهو عليه
اختك شوووق

__________________

اختى خذى اولادك وروحى بيت اهلك 0000 مرة بعد مرة 0000 ستجدين ان البعيد عن العين بعيد عن القلب
اختى الزواج ليس فسحة فى حياة الانسان 000 الزواج مسؤلية 000000 انسى احلام فترة المراهقة 00000 انت الان ام ومسؤلة عن بيت واولااد وزوج 00 واتلزوج مسؤل عنك وعن الاولاد 000000

__________________
... ( بالحب نعيش أجمل حياة ) ...

اختي هند سالفة هالاجازه انا جربتها مره ولمدة يوم
وبصراحه كنت زعلانه من زوجي وكملت علي الدوره الشهريه اللي تسبب لي حالة حزن وكآبه ورغبه في البكاء كل هاالضغوط خلتني افكر ابعد عن بيتي وزوجي وعيالي فكرت اعيش ولو ليوم كبنت خاليه من المسؤوليات واكون عند اهلي ويكونون مسوؤلين مني تعتب وانا اراعي زوج وعيال من صغر شليت الهم
قلت بس كفايه ابي ارتاح يوم بيت هلي وكلمت زوجي خاف اكون زعلانه قلت له انا مو زعلانه وروحتي لبيت هلي تغيير جو قالي بتاخذين العيال معاج قلت له لا........... !!
كانت مفاجأه له ولي اصلا انا ماستغني عن عيالي بس الظروف النفسيه اللي سببتها لي الدوره الشهريه مع زعلي من زوجي خلاني اترك عيالي وقلت له ابي اروح بروحي بيت هلي ابي اغير جو
وافق وكان باقي اقنع عيالي وبالعافيه اقتنعوا الكبار اما الصغار ماكلمتهم وخذيت اغراضي في شنطه ورحت بيت هلي وقلت لهم اليوم ببات عندكم ابي اتدلع ابي اكون بنت تخافون وتنتبهون علي وتراعوني ابي انسى ولو يوم اني متزوجه وام عيال استغربت مني امي وقالت لي شلون قدرتي تتركين عيالج قلت لها يوم يمه مايضر طبعا هالكلام كان المغرب لكن في الليل بديت احس بشي غلط شي ناقصني مع اني قعدت اسولف واضحك مع هلي بس في شي غلط وفي شعور بالحزن داخلي ولمن رحت الغرفه انام رغم اني كنت اتمنى انام بغرفه بروحي وليوم واحد
ماحسيت فيها بسعاده وبعدها اشتغل جوالي اتصالات من البيت كل شوي العيال داقين علي مره في هوشه وانا اهدي الوضع واصلح مابينهم ولا كأن ابوهم موجود وانا معاهم حتى وانا في بيت ثاني
ومره اتصال من الخدامه تقولي الصغير مايبي ينام يصيح ويقول يبي ماما كلمته في التلفون وقطع قلبي حتى فكرت اروح البيت بس قلت مايصير الساعه 12 في الليل وهلي نايمين واطلع بروحي هالوقت هونت وقعدت اهدي فيه واقوله اللحين بجيك واشوي يكلمني واحد منهم تعالي خذينا اللحين يماما ارجووووج
والثاني يقولي لحقي علي اخوي يطقني جننوني
وانا تعبت منهم والله مانمت للفجر وهم يتصلون لي حتى سالت نفسي انا شسويت ؟؟
واي دلال اللي ابي اعيشه وانا حتى نومه مثل الناس ماتهنيت ؟؟
اذا ماتصلوا عيالي ضقت وفكرت فيهم واذا اتصلوا يا يعور قلبي الصغير بصياحه او يعصبوني وينرفزوني الكبار بمشاكلهم وهوشاتهم ولين اذان الفجر ناموا ونمت بعدها
وقمت الصبح الساعه 9 من اتصالاتهم وطبعا مع صداع معتبر
وهالمره قالوا لي انهم يبوني اجيبهم عندي ويقولون يالله خلاص انتي نمتي يوم يالله تعالي خذينا نبي نروح عندج ( كانه حرام او ممنوع علي استانس بدونهم )
وفي الصبح استاذنت هلي وقلت لهم انا رايحه بيتي قالوا لا بتقعدين للغداء ماييصير
قلت لهم بجيب عيالي وبجيكم ورحت بيتي وخذيت عيالي ولمن شافني زوجي بين من نظراته كانه يسال وين اللي ماتبي عيالها وتبي ترتاح
وهذي اخر مره افكر اعيش فيها لنفسي وارتاح واغير جو بدون عيالي مالها حلاه ولو كنت بسكن في قصر مافيه راحه ابدا
وبالنسبه لزوجي كان مستانس ان العيال يضايقوني وشكله هو بعد يبيني ارد والدليل ان العيال يتهاوشون ومافكر يتدخل ويحل المشكله بينهم وخلاهم يتصلون فيني علشان اتدخل واصلح مابينهم
والشي الطيب اللي جنيته من هالاجازه ان زوجي صالحني وصار مايحبني افارقه وقالي حسيت اني فقدت شي كبير لمن تركتي البيت
والشي الشين اللي جنيته هو الضيق والقلق وقلة النوم مع الصداع الاسبشل !!
والسيء ان عيالي تعلقوا فيني اكثر وصار صعب علي اطلع من البيت بدون مايسوي الصغير مناحه وصار يشك ان اي طلعه لي ممكن تكون بدون رجعه ماعاد في ثقه فيني حتى وانا بغرفة النوم يشيك علي موجوده والا لا !!!

حبيت اقولج سالفتي مع الاجازه الزوجيه الفاشله معاي واللي اكتشفت ان زوجي وعيالي جزء مني لا يتجزأ
وانج لو فكرتي تجربينها ماراح تكون اجازه راح تعاسه بمعنى الكلمه
الا في حاله واحده بس لو زوجك سيء الخلق وحبيتي ترتاحي منه فتره هنا بس بتكون فعلا اجازه سعيده والله اعلم

__________________

شكرا لجميع من شارك
وشكرا اخي الكريم النور والحنان
واعتذر عن سوء الفهم

واود ان اقول لصريحه جدا
ان يوم الاجازه اللي خذته
ولا في الاحلام ...

2003 شكرا لك بس انا ما عندي عيال
الله يرزقني ويرزق كل محرومه


راح اقولك ماحصل لي يوم الاربعاء
بس فعلا اكتشفت اني خوافه
وما اتوقع اسوي شيئ من اللي قلته

المهم يوم الثلاثاء كنت معصبه على زوجي
لانه من قالو رمضان
وهو صار يتأخر علي بالليل
لانه يتأخر في طلعته من المكتب
ويروح بعد لربعه فما يجي الا متأخر
المهم انا عصبت وارتفع ضغطي وقولوني لان اهلي اصلا ينامون مبكر

يوم الاربعاء هو يوم الفرج راح استانس لانه يوم
جمعتنا خواتي واخواني وامي في وسطهم انا الله يخليهم لي
رحت بيت اهلي وكلي عزم اني راح بس اقفل جوالي
فطرنا ولله الحمد ... انا على طول
بطني صار يعورني وش الحل تعبت
كل مره افطر يصير الم شديد ببطني
تذكرت وقفلت الجوال لان السبب
في عوار بطني هو زوجي وبعد عصبيتي
ظل الجوال مقفل الى الساعه 10
بعدها المجنونه حنت
فتحت الجوال
واذا رساله من زوجي يبغيني ادق عليه
دقيت على طول وانا الي قلت ماراح اكلمه الين يجي
رد قال وش فيك ما دقيتي قلت له هو انت ما تدري اني مقفله الجوال
قال لا انا رصيدي مخلص وما قدرت ادق عليك
بس انتي ليه مقفله الجوال ..؟؟
عني مقفلته ..؟؟
قلت له يقولون لا تكثر الدوس
قال وشو ..؟؟! انتي من امس مو طبيعيه
وقفل الخط
دقيت عليه بعدها وما رد
رسلت له رساله
الليله لك الحريه المطلقه
تجي اي وقت في الليل
ان بغى الساعه 3 او حتى 4 الفجر
لك كامل الحريه
بعدها قفلت الجوال
ولما كملت الساعه 1
وصارو خواتي يتناقصون
الواحده تلو الاخرى وأزواجهم تدق عليهم
الا انا فتحت الجوال وكلي حزن والم
ليه انا بس كذا
صارت في دوامه الين
دق جوالي برساله كادت تفجر قلبي
(( آسفه صايره مره عاميه ومره فصحى )))
الرساله .. اتصل بي
وكان الوقت الساعه 2
لبست عبايتي وطلعت
قلت بتهزأ
قال من ركبت السيارة تسحرتي
قلت بملئ فمي لا
قال انا عازمك على مطعم
طلعنا ورحنا وانا مو مصدقه عيوني وصرت اتدلع
بس ياليتها سعاده تدوم ....


المهم لا اجازه اتوقعها
ولا شيئ الي هذا موقف بسيط وصرت انا كذا
وصار هو كذا ...

الغاليـة .. هنـد

منـذ كتابتك موضوعـك ,, وأنا في حيـرة

هل أتحـدث .. فلا تصلها كلماتـي

أم

أصمت .. والصمت أبلغ من الكلام أحياناً؟

حتى رأيت ما رأيت في مشاركتك الأخيرة

لذا ..

اسمحـي لي بكلمة واحـدة

هنـد ..

كيف لكِ أن تعيشي .. بلا روح ؟

منـذ عقـد القران .. وأرواحكما قـد تلاحمت

رغم اختـلاف أجسادكمـا

فهل تنشـدين انسلاخـاً من روحـك

لتحي يا هنـدُ جسـداً لا روح له ؟

***

أكاد أجزم أنني

لو قلت ما قلت قبل أن يمر بك هذا الموقف

لقلتِ لي ..

عبير .. هو أسبوع واحد بس .. صدقيني بيتجدد الشوق

ولعلمي المطلق بأن الزواج تلاحم .. تمازج .. وانسجام

فإنني أرفض رفضاً قاطعاً .. الانفصال .. مالم يكن قسرياً ..

***

أعذب التحايا وتمنياتي القلبية لك بحياة سعيدة

اشكر لك ردك
واجد الانس حينما ارى اسمك
ربما لانه يذكرني بشيئ جميل
او لان ردودك تريحني كثيرا
فأجد الانس حينما اقرأردك
اشكرك للمره الالف
وابعدت فكرة الاجازه
سوى ان كنت اردت دخلت في احلام اليقظه
لاني بدونه ولو يوم لا اساوي شيئ ....
هذا ما عبّرت عنه نفسي ...

كلامك صح بس اظن انه لو بدي اخذ اجازة اخذها بعيد حتى عن اهلي
حتى هم كمان مايشكوا في حياتي .