حــديــث عــزوبــية عــــن ال........ ( مــمنــوع دخــول النـــساء قــطعـــياً )
.
.
.
.
.
.
.
.
بعد التحية و السلام
والقهوة و الشاي
وكان يمكن يكون فيه عشاء لولا
كلمتي الاثيرة ( والله ما يقسم لنا شي عندك غير القهوة و الشاي )
و في منزله دار بيني و بين احد الزملاء هذا الحديث
صديقي: كيف الدوام
انا : فكنا من الحديث عن الدوام و همه
صديقي: صدقت و لكن ياخي نطلع من هم الدوام الى هم الاجازة
انا : هم الاجازة!!!
صديقي : يافهد لما تكون الاجازة شهرين ايش اسوي فيها , ياخي تعودنا على الدوام.
والا تبغانا نسوي زي هالشباب اما في كوفي او كازينو
والا رايح جاي مع شارع يعاكس او يفحط
طوال اليوم بدون هدف او فائدة يضيع وقته و اذا كلمته قالك انا ماني فاضي!!
خلها على الله مشغول!!!
انا : افا انت تقول هذا الكلام وانت معلم؟؟
ياخي ادخل دوره في مجال عملك او في الحاسب الالي او اللغة الانجليزية فهما لغتا العصر ( والمغرب كمان 
)
و ستحتاجهما في حياتك العامه و الخاصة.
او خلها اجازة داخلية
صديقي : داخلية ليه مليونير !! و بعدين يرددون الكلمة المأثورة : ممنوع دخول العزاب!!
انا : طيب خلها خارجية
صديقي: خارجية ماتحمل المناظر اللي انت خابر!!
بعدين ابغى شي مافيه دفع فلوس فانا مفلس
انا : عندي الحل و بدون ولا ريال
صديقي: هاته
انا: اعمل برنامج رياضي بسيط نص ساعه او ساعة مشي او ركض كل يوم.
او غيرها من الرياضات ففيها فوائد بدنية و راحه نفسية.
صديقي: غيره.
انا: اقرأ عندك كتب كثيرة لم تقرئاها ابدا بقراءتها الان
ولكن ركز ليس المهم ان تقرا كثيراً
بل المهم ان تفهم ماتقرا
لذلك ركز وانت تقرا و دون بعض ملاحظاتك على الموضوع
و لخص الكتاب بعد قراءته لكي يسهل لك الرجوع الى الموضوع فيما بعد.
صديقي: يافهد ماعندي كتب و قلت لك ما عندي دراهم اشتري
انا: ياخوي المكتبات العامة ملي البلد تنتظر من ياتي اليها ليستعير كتاب.
صديقي: اعطني اللي بعده اذا فيه!! ( ليه في محل تميز حنا )
انا: طيب يابو فلان عندك اجازة شهرين يعني ثمانية اسابيع
صديقي : يعني
انا : اصبر يارجل الصير زين!!
ايش رايك تعمل جدول في كل اسبوع تزور اثنين من جماعتك اللي انت من زمان مازرتهم يعني في شهرين 16 زيارة.
صديقي: والله هذي زينه
انا : ولكن ابدا بالأكثر حق و لا تنسى زور بعض اللي قاطعينك
صديقي :ليه ميت انا عليهم خلهم لا يجوني ولأني جايهم
انا : لا منت ميت و لكن الرسول صلى الله عليه و سلم يقول ( ليس الواصل بالمكافئ ، ولكن الواصل الذي إذا قطعت رحمه وصلها ) رواه البخاري
بعدين انت دايم تشتكي من ضيق الحال صلة الرحم من اسباب سعة الرزق يقول المصطفى صلى الله عليه و سلم (من أحب أن يبسط له في رزقه ، وينسأ له في أثره ، فليصل رحمه)رواه البخاري
صديقي : ان شاء الله بحاول اعملها
ولكن ودي اسالك ؟؟
انا : تفضل
صديقي: انت تسوي اللي قلته لي؟؟
انا : والله اللي قلته لك حالياً اعمل بعضه و بعضه الاخر لا
ولكني ناوي اطبق اكثره ان يسر الله
اخيراً:
اخواني و اخواتي الاجازة وقت كبير جداً للفائدة و التغيير و اكتساب المهارات و التواصل الاجتماعي لا تضيعوها
كيف ستقضون الاجازة؟؟ دعونا نستفيد من تجاربكم؟؟
آسف على الاطالة تحياتي اخوكم فـــــهـــــد
__________________
سبحانك لا آله الا انت استغفرك واتوب اليك
29-05-2006, 11:55 AM
ضوابط المشاركة
العرض الشجري