أخ رحل طيب


كيف أغلبها أصبحت للنساء ؟

ألا الأكثر رجاليه حتى في التعليم والدليل التعيين الأخير للمعلمين والمعلمات قارن بين الأعداد وتعال

والنساء وظائفهم أكثرها تعليميه وغلبتوهم فيه

وش بقى للنساء عشان تقول أغلبها نسائيه ؟

يا أخي إذا يبي موظفه ياليت مايخلي هاذا أهم شرط عنده بحيث يكون هو المرجح بين القبول وعدمه

وين معيار الدين ألي حث عليه النبي صلى الله عليه وسلم وقدمه على المال والحسب والجمال

وبعدين الأفضل للمرأة القرار بالبيت وأنتوا تبون تطلعونها منه وبالأخير تصايحون ماخذينا حقوقنا !!!


ثم يكون بعلمك حتى لو كانت موظفه فمن الواجب على الرجل الصرف عليها

وهي ماتصرف على نفسها ولا ريال

لكن ألي يصير العكس والدليل قصص الإستغلال لراتب الموظفه حتى أنها هي ألي صارت تصرف على البيت

الله المستعان

هناك فرق بين المرأة التي لديها مال من استثمار او ورث والمرأة الموظفــة
في الحالة الاولى المرأة غير ملزومه بشيء ابدا ..

لكن في حالة المرأة الموظفه يكون الرجل قد تنازل عن حق من حقوقه وهو بقاء المرأة في البيت مقابل عملها ولذلك افتى القرضاوي أن تساهم بحوالي ثلـث الراتب لزوجهـا .

اذا ما عندك علم في الأمـر لا تشتغلين مفتيــه .

انا عندي زوجتين والزوجتين موظفــات ويساهمون بكل طيبة خاطر بنفقات البيت بدون أن اطلب منهم أي شي .. المسألة مسألة تـفاهم وحب اذا كان التفاهم والحب موجود كل المشاكل تنحل .

مرحبا قزم بس عصبي أنت والأخ سيد الرجال

والله قصصكم تخوف _مسوي يحبها عشان يستغلها_ << يا كرهي للرجال

لكن بقول لكم قصه قهرتني وجننتني

فيه واحد وزوجته أشتركوا ببيت وشروه ثم سكنها تحت وتزوج فوق << تبط الكبد

وفيه قصه موظفة أعرفها كانت مساعده زوجها في بناء بيت له وكان بسمه من زود الثقه وسكن معها أهله

المهم يوم أغتنى الرجال راح أستاجر شقه بنفس الحي وتزوج فيها ثانيه << نذاله


والله إذا الحرمه بوظيفتها وقادرهـ تصرف على نفسها وش تبي بالرجال عشان تصرف عليه وعلى بيته

قال تعاون قال

هلا أختي كل الغلا

ما قلتي رايك أتوظف ولا أدرس << مصممه على السؤال

والله يا وخيتي الرجاجيل ماينعرف لهم

بس الظاهر لي مايحبون ألا أنفسهم

مانبي منهم حب بس نبي إحترام وتقدير يعاملونا بعدل وحق وكثر الله خيرهم




أخ حارس الأزواج << وش معنى أسمك

أتمنى كلامك صح ولو بنسبة 1% من الرجال

معنى الاسم :

حارس : مـن الحراسـة أو يحــرس .

الازواج : الذكر والانثى المتزوجون يسمون أزواج ( او كلمة جمـع المتزوجين ).

طبعا الاسم مجازي بمعنى حارس وحامي المتزوجين من شرور المشاكل من خلال تقديم الارشادات التي قـد تساعدهم وتحميهم وتحرسهم من شر المشاكل

انـتِ متشائمـه كثير من الرجال .. مع اني اشوفهم أفضل نسبيا من نظرتك ورؤيـتك عنهم ( يمكن انـا احكم على الأمـر من خلال البيئه او مجتمعي الصغير اللي عايش فيـه ولذلك ممكن تكون نظرتي بها بعض القصور )

وبكل الاحوال .. تفائلوا بالخير تجدوه إن شاء الله ..
اتمنى لك كل التوفيـق ..

...

مسائك وردي .. أختي عبير ..
قرأت سطورك .. لكن لم أنظر لردود الاخوه والاخوات
سأقول لك رأيي عن تجربه أعتبريها نصيحه أخويه .. وأتمنى أني سمعتها قبل وقوعي ..
شووفي .. كل وحده فينا تطمح تصير في مركز قيادي .. سوء دكتوره او أستاذه .. او خلافه ..
لكن قبل ماتتورطين في حكايه الماستر أنصحك توظفي بعدين كملي دراستك .. تتدرين ليه
الدراسه ملحوقه واذا كنتي مرتاحه نفسياً ومادياً تقدرين تعطين الماستر بشكل أفضل .. لانه الماستر ماهو سنه وخلاص ..!! بتوصلين مرحله تتمني انك فيها موظفه عشان ماتقولين لاي أحد " أبي فلوس " وانتي كبيره وقاده على أعالت ذاتك ..!
نصيحه ياعبير رزقك بيجيك سوء وانتي دكتوره ولا غيره بتتزوجين أن شاءالله .. صح كثير يقولوون يووووه معها ماستر اكيد كبيره .. وصارت لي كثير .. بس الشكوى لله .. ماتتدرين الدنيا ارزاق .. وان شاءالله ربي يرزقنا ازواج لذاتنا مو لمالنا ووظيفتنا .. هذا اذا توظفنا طبعاً .. الله كريم ..,,
واذا انتي تقولين بتاخذين الماستر عشان وظيفه افضل أقولك صارت الحين كلها متساويه أغلب صديقاتي نفس حالتي بماستر وبدون وظيفه .. يعني الشهاده ماسوت لنا شي .. حتى المدارس الاهليه ترفض توظيف حاملات الماستر لانهم يجبرون على دف راتب اكثر . هنا تجي دور الواسطات .. الله يرحمنا برحمته ..
فكل الي اقدر اقوله لك توظفي رسمي بعدين ادرسي ماستر ودكتوراه على راحتك وانتي مرتاحه ومو محتاجه لاحد رغم انهم اكيد الاهل مايقصرون بس نظرتك لنفسك بتكون غير ..
ربي يوفقك .. نشووفك دكتوره عبير .. ( التعبير بالعاميه أسهل واسرع فعذراً )

تحياتي لكِ

أختكِ
عانس بزمن عابس

أخ رجل طيب

أنا ماقلت من عندي ياليت تبحث في المسألة زين

والله يخليلك زوجاتك فإذا المسألة برضاهم فمافيه مشكله وشيء جميل التعاون عن طيب نفس

بس المشكله ان كان من غير رضاهم


حارس الأزواج

ألحين فهمت معنى أسمك الدقيق ... شكرا

وبالنسبه للرجال ماخلاني كذا ألا من كثر ماسمعنا عنهم

الله يصلح الحال

هلا أختي الغاليه

والله أني أفكر مثل كلامك

الآن مالي متخرجه ألا سنه وعانيت أني أطلب من أبوي فلوس

فكيف في الماستر ألي يستلزم صرف أكثر .. الله يسهلها علينا ..

وبالنسبه كوني أتوظف رسمي قبل أدرس فأتمنى هذا لكن مو بيدي حاليا

لأن الوظيفه ماعتقد تجي ألحين يمكن بعد ثلاث سنين أو أربعه فقلت أستغلها دراسه ألين تتيسر

صح أني أحب الدراسة كثييييير بس لو حصلت وظيفه رسميه ماقدمت الدراسة عليها

لأن الوظيفه بوقتنا مستقبلها أفضل

والأهليات ماحبها أبد أبد أبد

الله يكون بالعون وشكرا لك على مرورك الحلو

انا اوافق اختي ((عانس بزمن عابس)) بالراي
اختي عبير تبين تضحكين؟؟
خطبني شخص سامع اني معلمه ولما تمت النظره الشرعيه سألني انتي معلمه؟
قلت له لاء انا موظفه ولست معلمه...
عارفه شنو كانت رد الفعل؟؟؟ انصدم صدمه قويه
امه ترد علي تقولي:14: احسن المعلمه شغلها متعب وما تقدر توفق بين البيت والتدريس وتحاول ترقع الموضوع بس هو منصدم صدمة عمره
انا شفت انه ما يستاهل ... حبيت اغثه لانه غثني على الحركه هذي .. بذمتكم مو عيب عليه ؟؟؟ كأنه ياي يخطب وظيفة المعلمه؟؟؟ ولا احترم امه
طبعا اختك خلته ينغاض ورديت عليه
قلت له :: انا صراحه كنت معلمة واستقلت من الوظيفه ... ما عجبتني ولا يهمني راتبها المهم راحتي
زاد اندهاش الرجال وبدا يلمح بتعابير وجهه لامه انه رافض.
طيب انا موظفه وراتبي مثل راتب المعلمه بس اهو ما يدري و تركت التعليم لظروف

تعتقدون لو يدري ان راتبي مثل راتب المعلمه كان قبل فيني؟
ثاني شي .. انا موظفه .. لو كنت من غير وظيفه راح يخطبوني؟
يا ناس الحين الرجال ما يبي زوجه عندها شهاده وقاعده...
يبيها مقشره وجاهزه .. حتى ما يبي يكلف نفسه يسعى لها على وظيفه...