ان شاء الله

هذا الان مااعمله

احاول اصفي قلبي عليه لكن لاكون صريحة مو قادرة
جرحني كثير ماخلى مجال للتسامح
ومغرور وياريت على شي
انا لي لي حق اغتر ومع هذا ماغتريت عليه وجالسة امثل الغرور
التسلط هو لا اقول اللمبة تصير بيضاء مو صفراء يعتبرها تسلط

يبي وحدة ماترد بكماء

ومع هذا يوم صرت بكماء ماطاقني لانه يغرق بشبر مية

هو مشكلته انه مايعرف اش يبي

هو يبي زوجة متفتحة وقوية ومتعتمدة على نفسها لانه مايقدر يتحمل مسؤولية وعمله عنده اهم شي بحياته
ولو اني سلبية ومااعر فاتصرف كان البيت ضاع من زمان

والمشكلة انه بقرارة نفسه ومن تربيته عارف ان هذا دور كبير ولان شخصيته ومو بس هو اهله كلهم كذا متربين على انهم مايشوفون اغلاطهم ابدا ويغلطون على غيرهم
وماابالغ والكلام هذا ليس رؤيتي الفردية لكن من خلال معظم من يعرفوهم حلوين من بعيد لبعيد لكن لا تقرب لهم

مو قادر يتقبل ان زوجته لها الامر والنهي

بنفس الوقت مايقدر يقول ان زوجتي صارت قوية بسبب اهمالي لها واني رامي عليها الحمل كله

فاش الحل برئيه

تفتق ذهنه على ان يستغل فراش الزوجية اولا لفرض السلطة
العبدة والملك

بعدها انا مارضيت بهذا الوضع لاني مو عبدة له

وبارضى بهدا الدور بمزاجي بكيفي اذا حسيته يستاهل ورضيت له فيه

لكن مو معنى هذا ياخذ علي كل حقوقي واصير كاني وحدة شاريها بفلوس
باقي شوي يحط لي فلوس تحت المخدة لاني اللي امتعه

رغم انه ببالي امسك لي فلوس واقول له متعني وانا احطهم لك تحت المخدة




يحترم نفسه ويعرف ان الله حق
وان هذا الاسلوب مو باسلوب ليعوض به نقصه

واذا هو ناقص بشي يكمله برجولة ومااعني بس الجنس
حتى من الامور العامة من حياتنا
مو يجي يفرد عضلاته ويتسلط وهو لتسجيل ولده بالمدرسة مايعرف يكمل الامر لوحده

لشراء مكيفات اروح معه وانا اللي افاصل ويستغرب كيف ينزلون لي الاسعار مايقول اني شاطرة يقول اني بخيلة ودعلة وتطلعين روحهم وانا واحد برستيج ومااحب انزل نفسي لافاصل واحد على 10 و100
اللي يسمعه كان عنده مال قارون والا وارث الله يخلف على ايام عشت معه فيها ماعنده فلس حمر بمحفظته

والله يااختي جيتي على الجرح

ليس لهذا فقط

لكن لانه يعرف يتسنع ومطلع لي الوجه السيء
وهذا من اول زواجنا فشخرة كاذبة وهو ماعنده ويوم جاء وقت الجد وزواجنا كئيب بمعنى الكلمة وفلوس مافيه

انا لا حت شهر عسل ولا طلعت حتى من البيت وماكنت اعلم احد ماعنده فلوس رغم ان زواجنا يعتبر ولا شي ولا اندفع فيع ومعظم الرفاهيات فيه من عند والدي


يعرف يحلق لانه بيقابل الناس

احد خلافاتي معه الكبيرةوسبب شكوكي به انه مرة قبل لا يسافر سفرة للعمل حلق نفسه ولما جاء من السفر رغم اني مجهزة له امواس وعنده يوم فاضي بعد ماخلص وطبعا مايجي من السفر الا متجهزة له عروس بمعنى الكلمة


قلت له انت تحلق لمن ؟؟

اذا انا زوجتك اللي المفروض الوحيدة تنكشف عليك وماتهتم تحلق لي

قام ينكر واني مجنونة ومن وين هذاالكلام وانا ماسويت شي وانت شكاكة
وانجحت احاسيسه المرهفة لاني قلتها له انه مايحلق وهو صحيح مايحلق

اولا انا مااشك فيه والعكس عاطيته ثقة كبيرة

لكن امور مثل هذه واسئلكم يااخواتي واخواني ماتشكك الزوجة بزوجها


زوج يهتم بعطوراته واناقته ونظافته وكل شي ماركات الا عليها

زوج لو معها اسبوع مايحلق ذقنه ويجلس طول الوقت يحك فيها بطريقة مقرفة ولو بيروح عمله حلق وتنظف وتهندم


حتى للسباحة يكون معرق وحالته حالة ومعي لا يهتم بان ياتيني خصوصا سابقا لما كانت قدراته عالية

وماتسوى علي مرة قلت له غزلا حتى رائحة عرقك تنتشيني صار مايتسبح لي
الوحدة ماتجامل بهذا الزمن


كلام الوحدة تفتشل تقوله وماودي اكتبه ولا اقوله لاحد
ولا حتى له وماقول له وامشي بالتلميح لانه مصخها


ثياب شريت له حتى لمعاشرتي قلت له هذول اعتبرهم قمصان نوم لك او لاتلبس شي
تعجبني بدون شي لكن لا يلبس لي الطقم الوطني قميص نوم وسروال كانه مزارع طالع النخل

هذا الشاور جل والكريم رائع نفسي ياروحي اشمهم على جسمك
وبدخل الحمام احممه وبالاجبار دخلت الحمام وحممته وعملت له حمام مغربي واقنعة

ودعكت اقدامه بحجر الخفاف

حتى اظافره انا اللي اقصهم

لبس للبيت شريت له شورتات وبلايز خفيفة انيقة وكم ثوب مريح


صحيح فيه نطاق للحرية بين الزوجين والواحد اذا مااخذ راحته مع زوجته ياخذها مع من

لكن بحدود ايضا هذه اللنسانة من حقها تشوفك كزوج باحسن حالاتك


لو هذا طبعه عموما وفيه رجال بهذه الصورة عموما يعني بالخارج مثل الداخل مقبولة



وليس بالهندام فقط

حتى بالانفاق لهذا مااحد يصدق ان هذا وضعي

كريم ومسرف واذا احد عمل قطية هو يدفع الضعف
غير البقشيش
غير الهدايا والعزايم وهو لاهل بيته ماعنده

لما نجي للجد مكيفات للبيت
اقساط لمدارس
سفر
اشياء تخص البيت غير المقاضي
ماعنده ولو طلبت منه معناها اني مااراعي ظروفه وانه بضيق

او من تحت لتحت ادفعي وانت ساكتة وبدون ماينتبه احد ومعنى ان ادفع ان اظل اقبل الارض التي يمشي عليها لاجل احساسيه المرهفة التي خدشت لاني دفعت عنه

وبنفس الوقت ولا يستحي وقولها امامي توه دافع لعزومة كبيرة


واي عتاب انه لازم يتصرف كذا لاجل البرستيج وانه هو الشيخ
يبي يصير شيخ والشيخ بوجهة نظره سيارته فارهة وثيابه يفصلهم باغلى الاماكن واحذيته مدري من وين واكسسواراته غالية

الاكسسوارات كلها هدايا من عندي واول سؤال لما اهديه بكم واش ماركتها
ولو هي مو ماركة او تقليد يرميها ولا يهتم بها
وحتى الان ثيابه لاني اصلا من يقوم بالتسوق له وللابناء ويفتخر بذوقي امام الاخرين
كنت اول هبلة وافتكر من حبه لي


لكن بالنهاية هذا جزء من برستيجه زوجتي بنت فلان الموظفة الفلانية التي تعشقني وتشتري لي وشوفوا ذوقها الراقي ماهي اختارتني


تصرفاته كلها عقد نقص

انا مااحترمه

بصراحة اقولها وهو حس فيها مااحترمه
واحتياجي له جسدي فقط لا غير لان لي مطالب جسدية ولانه هو زوجي بشرع الله ومااقدر اخلص نفسي الا به
والا احتياجي ليس له هو لرجل والسلام

وانه والد ابنائي

والا لو عليه مااحترمه

طاح من عيني

كان اول تدريجي وكنت اقاوم هذا الشعور حتى لو خدعت نفسي

لكنه رجل لا اعتمد عليه كرجل بالخارج
وبالفراش ماودي اقول اكثر

مالذي يربط زوجة عاطفيا بزوجها غير اعتمادها عليه او حاجتها له

وانا حتى الحاجة الشرعية مايوفرها لي



ومو عارفة شاسوي

ان تطلقت صعبة

واسبابي مو قوية على الاقل لاجل ابنائي


وان ظليت معه بموووووت او يجن او بيوم باقتله خصوصا انه عنيف ومااعرف لمدى بتحمل ومااقول له نظرتي عنه ولو اقولها يدوس علي بالسيارة


شوروا علي

اغسلوا مخي

ودي ارجع مثل اول احبه وقطة مغمضة وهبلة

نفس يارجع هبلة كنت بنعيم وراضية

الان فتحت ومن فتحت وانا مو طايقة اعيش معه