أحسها سبحان الله مراحل
لي عدة سنوات مطلقة
الندم متى أحس فيه ؟ لما أحس بحاجتي له , وأفتقد دوره في بعض الأمور
بس بصراحة ؛ في الفترة الأخيرة اعتدت على وضعي هذا وحسيت براحة , حرية على كيفي أروح وأجي وأتصرف , ماني ملزومة بمسؤوليات ووجع راس , أروح للمدرسة أنا وبنتي ونرجع للبيت وناكل وننام على راحتنا , ليش ماأشوف مميزات وضعي واستمتع فيها ؟
تدرين أذكر وأنا متزوجة جتنا معلمة جديدة مطلقة , وكنت أقول بنفسي ياحظها مفتكة من غثا الزوج
جيت في وضعها الآن وفقدت اللي عندي من مميزات الزواج , وقعدت وقت حزينة وأوقات ندمانة ...
وعلى نفس الوتيرة قريبتي وصديقتي بنفس الوقت تتمنى وضعي الحين وتحسدني كل مازارتني , ماهو لسوء زوجها بس تنقهر منه وتبي الحرية اللي أنا فيها وهكذا , وأنا أقول لها عندك مميزات ماراح تحسين فيها لين تروح انتبهي لنفسك
الحين والحمد لله قلما أتندم , ماأدري عشاني مبسوطة ولاإيش ؟ الحمد لله الله يديم الوناسة في كل الأحوال
وأقولها لك صريحة لو يرجع الزمان لما قبل الزواج كان ماقبلت فيه من الأساس واستنيت , ماهو لسوء فيه لا أبدا هو رجل عملة نادرة هالوقت , بس هو ماحبني ولا ارتاح لي بداية الزواج , وببساطة طلقني , يعني ماكان ودي أخذته من الأساس , حتى إني كثيير أتذكر نفسي قبل الزواج وأتمنى ترجع هالأيام , ولو يرجع الزمان لوقت كنت معاه أعتقد إني بحاول أساير الأمور وأبتل معاه , لكن ماأدري قد تكون بلوى جلوسي أعظم من بلوى طلاقي , خاصة وأني قعدت شهر أستخير ليلياًقبل طلعتي من البيت , ومن طلعت يسر ربي طلاقي بكل سهولة , وماحاول أبد يرجعني ..
22-10-2007, 11:35 PM
ضوابط المشاركة
العرض العادي
