بسم الله الرحمن

أختي الفاضلة

بل الإنسان على نفسه بصيرة ولو ألقى معاذيره

حبيبتي أنت تعلمين أكثر من أي شخص أنك مقصرة أم لا ؟؟؟؟؟؟

وكما يقال بلعامية[صاحب الشغلتين كذاب والثلاث حرامي] أمالمرأة فصاحبت 100شغلة

وكما قال الأخ الفاضل صاحب الظل لطويل الدراسة ام حياة زوجية مستقرة

اختاري


وإذا كنت لابد فاعلة اي الدراسة مع أن حياتك الزوجية ستكون هي الضريبة


فاستخيري أولا ماخاب من استخار ولاندم من استشار

و تنظيم الوقت ثانيا نعم التنظيم للوقت

مثلا:كثري ملابسه حتى تقومي بالكوي والغسيل يوم في الأسبوع خصوصا أن عائلتك صغيرة

استعملي الاطباق البلاستك الطبخ جهزي طعام اسبوعي مثل قلي بصل وجعله وقت الحاجه خضار ويمكنك

دخول قسم المنزل والاستفادة من الخبرات في المنتدى

ثالثا ستضعين شهادتك في الادراج وتبقى في ذهن زوجك الذكريات السيئه

رابعا وفقك الله وسأدعوا لك

انتي عندج باكالوريوس..

مكن تشتغلين بها وقت الحاجة .."الله لايقول"

شوفي بيتج..وريلج..

لاتقطعين الدورات..بس لاتقطعين زوجك حبيبك..
هذا اخر كلامي..

مع احترامي وتقديري لذاتك..

__________________

	عجبي على حرفين قد سرقا وقاري... حاء، حريق.. وباء، بت في ناري...

اختي الله يعينك

ما في رجل يشوف شغل البيت صعب

كلهم يشوفونه تافه ويخلص في ساعتين

المهام اللي عليك ..,والله مستحيل حتى لو تجيبين شغاله مستحيل تخلصينا

يعني لازم شي على حساب شي

واللي جالسة تسوينه انتحار ..يا انك راح تخسرين نفسك وصحتك

يا انك راح تخسرين زوجك وبيتك وابنك

اتركي عنك الماجستير ... بامكانك تاخذينها بعد ما يكبر ابنك ..وبعد ما يلين زوجك وتقدرين تتفاهمين معة على انك تحصلين على مساعده ..اما منه شخصيا ..بانه يساعدك في شغل البيت ..او انه يتنازل عن بعض طلباته

او انك تجيبين لك خادمة تساعدك

اما وضعك اللي انت فيه ...مستحيل راح تقدرين توفقين بين كل شي

عيدي حساباتك و رتبي اولوياتك

الله يعينك ويعينا

اختي اسمعيني ززززززززززززززززززززززززززززين شوفي قولي له انت اخدتني وانا ادرس والحين اباكمل دراستي اتحملني وادا ممكن ساعدني يااما شغل البيت مالك صلاح فيه مملكتي وانا انظفها براحتي اهم شي طلباتك تجيك كاملة اما من ناحية نظافة البيت هدا مايعنيك ..
وادا ماتتحمل رجعني عند اهلي لين اخلص دراستي وارجعلك بعدين صدقيني حسيت من اسلوب زوجك كأنه اسلوب تطفيش مايبغاك تكملي دراستك بس مايقولها مباشرة يجيبها بلفة بصراحة ماتوصل لدرجة انه يبغى العشا يجهز في دقايق وكمان في نفس الدقايق هده يبغى الف شغله غير العشا صدقيني انا تزوجت وانا في المتوسطة وبالقوة كملت الثانوي بعد مادبلت السنة سنتين ومنازل كمان لاني سكنت في مدينة بعيد عن اهلي وكان يقولي كملي عادي ماعندي مانع بس كان يضغط عليا بشغل البيت ويحسسني اني مقصرة لين كرهت نفسي وماكملت دراستي وانا الحين ندمانه كل صديقاتي مدرسات ولي عودة



رجعت مرة ثانية حابة اضيف
شوفي حبيبتي بيتك كم غرف اكيد بس انت وزوجك راح تستخدموا غرفة النوم والصالة والمطبخ وحمام اكثر شي باقي الغرف قفليها مري عليها تنظيف بسيط كل اسبوع مرة _ والمطبخ حاولي انك تفرزي في الثلاجة الاشياء اللي تاخد منك وقت في لتحضير وحطيها في الفريزر ممكن تدوم معاك من اسبوع لاسبوعين -
وحاولي مثلا بعد كل وجبة تنظيف سطحي بسيط وغسيل اواني ومسح البلاط وخلاص والحمام كل مادخلتي تتوضي او تتروشي اشطفيه عالسريع وعشان ماتكسلي حطي الصابون والكلور والمطهر في الحمام نفسه - الصالة حاولي تمشي عليها اول باول يعني ينكب شي على طول امسحيه لاحظتي شوية غبرة امسحيها وانت جالسة تداكري امسكي المنفظة ونفظي الغبار وامسحي التلفزيون -
وغرفة النوم اول ماتقومي من النوم على طول قبل لاتروحي الحمام انفظي السرير وفرشيه بعدين روحي الحمام وزي ماقلت لك اول نظفيه على طول ولما تطلعي بسرعة بسرعة امسحي الكومودينات والمرايا واكنسي الغرفة وادا كان سيراميك امسحي بالمساحة ام خيوط علقيها في الحمام وتطلعي من الحمام الا وهي معاك مبلولة بالديتول والكلور وامسحي بعد ماتكنسي على طول وبكدا ترتاحي شوية او على الاقل تخففي عليك الشغل وكل اسبوع الله يعينك او اسبوعين خصصي يوم تنظفي تنظيف كامل من الى-
نجي لابو الشباب حاولي كل يوم وقت ماتحضري الغدا مثلا حطي الفحم عالنار للبخور وممكن تجيبي المبخرة اللي عاكهرباء اسرع وبخري ملابسه في الدولاب ولما تغسلي الملابس حاولي انك تغسلي شراريب وملابس داخليه وبدلات وثياب كثير مرة وحدة او على الاقل على عدد ايام الاسبوع وكل يوم قبل لاتنامي جهزي اغراضه على علاقة الملابس او اي كنبة مع الجزمة وكل شي انت تعرفي انه يطلبه منك -
صدقيني لو تنظمي وقتك راح ترتاحي اعطي نفسك مثلا عشردقايق انظف الصالة واحسبي لنفسك مرة ومرتين لين تتعودي تخلصي بسرعة وبكدا تلقي وقت تداكري فيه وتلقي وقت تجلسي مع زوجك وبنتك وكمان ممكن تشركيه معاك بدلالك في المداكرة مثلا مرة تقولي له تعال سمعلي او اشرحلي هدا مو فاهمة وبسحرك الانثوي تجريه معاك ويمكن ينسى شي اسمه نظافة البيت اللي معقدك عشانها وكمان عاتبيه بتغنج ودلال وقولي له معليش تغاضى هالفترة عن اي شي تشوفوا بالبيت وانا اوعدك اني لما اخلص دراستي مااقصر عليك بشي وانت بعدين ادا شفت مني تقصير لك الحق باللي تبغى تسويه بس هالفترة قدر ظروفي ووضعي ..
اختي اتمنى اني اكون افدتك اهتمي بيتك وزوجك ودررررررررررررررررررررررراستك لايجي يوم وتندمي زي مانا ندمانة اليوم لاني ماكملت دراستي والله ان شاءالله يسخر لك زوجك ويهديه ..

اختي الله يعينيك و يعين زوجك كمان

بس انتي كمان ضاغطة على نفسك
بيت و زوج و اطفل و دراسة و وظيفة

من رأيي عشان ترتاحي .. خذي اجازة من الوظيفة بدون راتب
على بال ما تخلصي من الماجستير
او اجلي الماجستير شوي
لا تكركبي نفسك بالف شعلة
شوي شوي .. وحطي ببالك كمان ابنك له عليك حق
شكله مسكين مو ملاقي وقت تقعدي ولا تلعبي معاه

الله يعنيك صراحة شايفة انسب حل انك تتنازلي عن شي يالوظيفة (مؤقتا) يا الدراسة تأجليها

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

اقتباس:

المشاركة الأصلية كتبت بواسطة noora اختي الله يعينيك و يعين زوجك كمان بس انتي كمان ضاغطة على نفسك بيت و زوج و اطفل و دراسة و وظيفة من رأيي عشان ترتاحي .. خذي اجازة من الوظيفة بدون راتب على بال ما تخلصي من الماجستير او اجلي الماجستير شوي لا تكركبي نفسك بالف شعلة شوي شوي .. وحطي ببالك كمان ابنك له عليك حق شكله مسكين مو ملاقي وقت تقعدي ولا تلعبي معاه الله يعنيك صراحة شايفة انسب حل انك تتنازلي عن شي يالوظيفة (مؤقتا) يا الدراسة تأجليها

أختي نور أنا ماني موظفة ... قبل كنت ادرس تربية عملي ( يعني بلوشي متطلب دراسي للتخرج ) .. والوظيفة رفضتها نهائياً علشانه ...

ولدي والله أجلس معه .... بس بعض الأحيان إذا عندي اختبارات وانشغلت عنه أحس بتأنيب الضمير

جزاك الله خير أختي نور ... دعواتك عيوني ,,