احنا مقتنعين بهذا الشي الوظيفه ابدا شي مو مهم وهو بعلم الغيب هل راح الاقي وظيفه محترمه .؟؟ هل راح اقدر اوفق بين بيتي ووظيفتي ؟؟ الوظيفه ابدا مو مهمه ولاتقارن بالزواج والستر ..

لكن ..

كل هاذا الكلام تناقش ابويا معاه ووافق .. لكن اليوم الثاني اتصل وقال لا انا ابغاها ربة منزل .. ابوي وقتها قال هاذي واضحه وضوح الشمس انه يبغالك مربية وخادمه لعياله .. ومااهتم احنا ايش نبغى .. وكان كل كلمة والثانيه عيالي وعيالي .. وقال لي امس مااتطلقتي من زوجك السابق عشان نخرجك من الظلم والذل اللي كنتي عايشته عشان ترجعي له مره ثانيه

واحنا معجبين فيه من ناحيه اهتمامه بعياله وكلامك صحيح .. لكن كمان يحترم مشاعرنا ..يعني برضو تحز بالنفس انه يبغى يتزوجني بس عشان احد يمسك له عياله .. وخصوصا انه يقول انه ماسك على زوجته الثانيه ورقة طلاقها عشان يساومها على التنازل عن حضانه بنته الرضيعه .. يعني مافكر هاذي الرضيعه تحتاج لامها كل همه ان اطفاله يكونو حواليه ..


اشكرك اخي على كلامك وجزاك الله كل خير

الله يطون معاك حبيبتي صدقني الوظيفه مهمه جدا ما تضمنين الظروف بكرة ...
الله يوفقك ان شاء الله ...

اللهم امين .. صحيح الوظيفه مهمه لكن الستر والزواج بالمرتبه الاولى .. لكن فين اللي يقدر ..


اشكرك على ردك ودعواتك الطيبه

وعليكم السلام ورحمة الله و بركاته

اختي الكريمة..

بالنسبة للوظيفة فكما تفضل بعض الأخوة ليست أهم من الارتباط..

إلا أن هناك أمر آخر استوقفني..

عصبيته و اساءة الظن بالآخرين..

أعتقد وعلى الرغم من كونك قلتِ بأن تجاوزتِ هذا الأمر..

إلا أنني أجد أهمية التفكير فيه بطريقة جدية..

فلا تعلمين لعل هذا ماكان السبب في انفصاله في المرة الأولى..

اختي تريثي و فكري على مهل..

ولا تتخذي قرارا متسرعا فقط بسبب تأخر ارتباطك..

وقبل كل شيء..

استخري و استشيري أهلك وناقشيهم و ما سيكون فهو خير..

حتى و ان لم يقدر الله تمام الأمر..

فكل شيء من بعد الاستخارة خير..

__________________

والله يااختي بالبدايه انا خفت من هاذي الصفتين .. لكن قلت مافي رجال مهو عصبي .. والاساءه يمكن كانت بسبب موقف حدث بينه وبين الشخص اللي قال هاذا الكلام .. وكنت اهون على نفسي واخفف ..

لكن سبحان الله بعد الاستخاره .. ظهر هاذا الموضوع .. وهو عدم موافقته على الوظيفه .. بعد ان كان موافق عليها .. واتضحت لنا امور مااهتمينا فيها وكنا نريد انا واهلي الزواج لمجرد الزاوج فقط وليس للاستقرار والاختيار الحسن .. حتى لانعيد تجربة الطلاق مره اخرى

اشكرك اختي على رأيك والله يقدم الله فيه الخير ..

والله حرام يالعام تضيعين نفسك وانتي توك صغير العمر قدامك

واعتقد ان كلام اخي في الله هو الصح .... البدايه غلط << يبغاكي مربيه لابنائه ،، شكل اهله متورطين في هالاولاد ويبغون الفكه منهم ،،، وبعدين ليه غير رأيه بعد ما كان موافق على الوظيفه

اسمحيلي يالغلا شكله متردد يعني ما تاخذين عليه

الله يكتب لك الخير وطمنينا عليك

اللهم امين ..

حتى انا اقتنعت برأي الاخ ( اخي في الله ) جزاه الله كل خير ولا يهونو باقي الاعضاء جزاهم عني كل خير ..

اي اهله متورطين لان عمته هي اللي تذاكر للولد وهي المسؤوله عن الولد ..

وكلنا استغربنا ليه غير رأيه وليه سبق الاحداث .. يمكن يقنعني بعدين بترك الوظيفه بأسلوب حلو .. يمكن ماالاقي وظيفه يمكن احمل واستغنى عن الوظيفه .. لكنه على طول قال لا .. واحنا فسرنا انه فيه نوع من الانانيه والتسرع .. بعد انا قال انه بياخذ طفلته من حضن امها وهي مااتمت السن القانوني لااخذها ..



مشكوره على دعوتك الطيبه .. وجزاك الله كل خير ..

إفتقدت وجودك يالعام عساك بخير يــارب

شوفي ياقلبي عادةً ماأحب أرد بالمواضيع اللي فيها قرارت لأني أرحم كاتبها من كثر الآراء اللي فيها

وكمية الحيرة بعقله تجاهها خاصة إذا كان يتأثر سريعاً بها لكن لأنك غير وصديقة عشنا معها أيام مش قليلة

بقولك أشياء خارجة عن موضوعك الآن .. ألاحظ عليك إنك تتنازلين كثير وعاذرتك وعاذره حالتك وموقفك

لكن خايفة عليك يكون هالتنازل خطأ كبير بحياتك ، لاتغضي بصرك عن أشياء كبيرة وتعللين ذلك بأنه راح يتغير

أو إنه حياتك ماتستحق إنها تاخذ الأفضل لأنك مررتِ بتجارب سابقة ، برأيي المفروض أن تكون تجاربك

سبباً للبحث عن المناسب والأقرب لراحتك وليس عائقاً آخر يضاف لها

وووالله يالعام حاسة فيك وودي اليوم قبل بكره تكونين في بيت زوجك مرتاحة ومبسوطة لكن إنتبهي لا تقولين

أنا أقبل وأبوي هو اللي يرفض لأني متأكدة أبوك يرفض لأنه يعرف بنته واللي يناسبها وإنتِ شايفة إنه أي

واحد يتقدم لك إنتِ تتنازلي لأنك تبحثي عن الإستقرار لكن أبوك ينظر للموضوع نظرة أكبر منك وأشمل ويرفض

من أجل راحة إبنته حتى لو أحسستِ بغير ذلك ..

في خطبتك هذه إنتِ ركزتي على أشياء سهلة وأهلمتِ أشياء قوية وصعبة !!

مسألة العصبية وسوء الظن بالآخرين هذي بحد ذاتها أكبر عيب ومشكلة ممكن تواجهك مع التعامل معه

ولو إني أتوقع سبب طلاقه هالصفتين وليس لدراسة زوجته للماجستير

إنتِ ماجرتبي معنى أن يكون رجل يسوء الظن بالآخرين ومؤكد بأن زوجته ستشملها هذه الصفة !

حتى وإن تغاضينا عن العصبية لكثرة الرجال العصبين لكن الصفة الأولى برأيي أصعب

الحمد لله يالعام بأنك إستخرتي ورأيتِ نتيجة إستخارتك برأي والدك وبإعادة إتصاله لوالدك ورفضه من البداية

لوظيفة قد تحصلين عليها أو لا

لاتحزني ولا تندمي على ذلك فالله أعلم وأحكم وأكرم وأرحـــــــــــم

بإذن واحد أحد سيعطيكِ قريباً رجل يضيف لك حياة سعيدة مستقرة هانئة وأطفال تسعدين بهم ويسعد بكم

ولا ألومك بحالتك النفسية الآن فالكل هنا يشعر بك لأنها مرّت بنا ومازالت لكن أملنا بالله أن يعوضنا كل خير

أسأل الله العظيم رب العرش الكريم أن ييسر أمرك ويفرج همك ويكشف ضرك ويرزقك من حيث لاتحتسبي

إنه سميع مجيب الدعاء .

أوافق أختي "غالية" الرأي تماما
وما ألومك يا اختي على شعورك لأن الوحدة تفرح وتظن بأنها فرجت
ولكن لا يعني هذا أن أتسرع وأوافق وأغض النظر عن العيوب في الخاطب
واللي باعتقادي من أبرزها سوء الظن وربما كان سبب رفضه لعملك هو سوء ظنه وشكه
ولا تتحزني حبيبتي فطالما انك استخرتي الله فثقي أنه لن يخيبك
ووفوضي كل أمورك لله فإن تيسرت فهو الخير لك وإلا فلا تحزني لأنه الخير لك أيضا
اسأل الله أن يكتب لك ما فيه الخير والصلاح والسعادة
ويفرج عنك كل هم