السلام عليكم و رحمة الله

اختي اسمحي لي نظرتك للزواج قد تكون رومانسية بعض الشيء حيث انك تريدين الزواج بشخص كبير في السن ..

لكي يحميك و يمثل دور الرجل الفاهم العاقل ...

و لكنك نسيت ان الفرق الكبير في الزواج يخلق نزاعا بين الازواج على المدى البعيد يكفي ان الفرق بينكم ثلاث اجيال .. يعني في عمر أبيك .. لا تحاولي استخدام الزواج لكي تلبي حاجات قد لا تكون قد تم تلبيتها في نشأتك ..

فانت في الزواج تريدين رجلا و زوجا و ابا لابناءك و ليس ابا لك .. هل فكرت انك قد تترملين و انت بسن صغيرة ؟

رأيي المتواضع اليك و اتمنى لك كل التوفيق في حياتك اختي الكريمة

__________________
اللهم تقبل دعاء

اتفهم رأيك بانك تبين رجل كبير بالسن
انا كنت مثلج .. ابغي رجل اكبر مني بكثير .. مو بـ 27 سنه .. ولكن لحدود الـ10 سنين
وكان عمري 19 حينها بعد ! .. صدفه غريبه
لكني الحين اكبر بسنتين .. ولكن والله .. ووالله ان نظرتي للحياه اختلفت 180 درجه
سمعت قصص .. شفت ناس بعيني
اثبتت لي الدنيا ان الرجل الكبير بالعمر مو معناه انه فاهم .. وانه حنون .. وانه راكز وثقيل
في شباب صغار بالعمر وفيهم هذا كله .. على الاقل يكونون من نفس جيلي وفاهميني
واهم شي .. انهم بعز عز شبابهم !

طيب فكرتي لما تنخطبين مثلا
او خل نقول ببدايه حياتكم
تبين تروحين واتيين ... تبين تطلعين حيوية شبابج ..
تهقين راح يكون بمثل حيويتج؟

طيب على افتراض انج تزوجتيه
لما اتييبين عيال لما يكون عمر ولدج 10 سنوات
ابوه راح يكون 57
الولد بهالعمر وده يلعب مع ابوه .. يطلع يروح وايي .. تفتكرين يقدر ؟؟
لما يكون بعمر ال 20 سنه
راح يكون عمر ابوه 67 .. والولد بهالعمر المفروض يخاوي ابوه .. مو جده !

لا تصيرين انانيه وتفكرين بنفسج بس
ولا تصيرين متهوره تفكرين باللحظه اللي تعيشينها الحين وبس
خلج واقعيه
بعدين لما تواجهج مشاكل سواء بالفراش او بسبب فارق السن
راح تناظرين من هن بمثل سنج .. وتتحسرين على شبابج الضايع
تشوفين البنات ياخذون الشباب .. مو الشياب
ويتمشون مع بعض كانهم عصافير
وانتي تتمشين مع انسان اي احد يشوفج معاه بيفتكره ابوج

وبعدين لا تستهينين بكلام الاخوه والخوات
تراهم مايعرفونج .. ولاهم حاسدينج على شي
محد كلف على عمره وكتب رد الا انه يبي ينصحج لا اكثر

ومثل ما انقال في احد الردود انه ممكن تكون نزوه
والرجال معروفين انهم بهالعمر اتييهم هالحاله
ينقلبون مراهقين .. ازمة منتصف العمر يسمونها اذا ماخانني التعبير

وزتي الامور وتريثي

يحفظج ربي

__________________
اللهم اني اعوذ بك من زوال نعمتك
وتحول عافيتك .. وفُجأةِ نقمتك
وجميع سخطك

اختي اذا انتي مرتاحة لي الرجل الي تقدملك تزوجي

انا تزوجت زوجي

عمرة 38 وانا عمر ي20 سنة
والله عايشين حياتنا مرتاحين والحمدالله

__________________
لو كان الحب كلمات تكتب لانتهت كل اقلامي لاكن الحب ارواح توهب فهل تكفيك روحي

اسمحيلي اختي انتي مينونة تاخذين واحد عمره 47

لا تزعلين ..أنا متزوجة ومجربة الزواج ... الزواج أكثر من مجرد اعجاب

الزواج تواصل بين الزوجين وتفاهم ..كيف راح تتفاهمين مع شخص في عمر ابوج او عمج !!! بصراحة شي مو منطقي

صح انه مو حرام ...بس فيه بعض الجنون


الله يوفقج

__________________
الظلال تمد ايديها لنا !
هل يا ترى تكون ارفق علينا من الضوء؟

دحين انا دخلت بس ماابغا اكتب رد .. عقلك براسك تعرفي خلاصك .. صراحه مع نفسك!

وبعدين بعد الموضوع دا انتي فينك ؟ لا رديتي ولا عبّرتي الشعب ..


لا يكون اتزوجتيه..! والله اني مدري كيف تفكري..اصلا مستحيل اهلك يوافقوو .. لو ح تموتي عليه ..

مرحبا
اختي لا تجدمي على هالخطبه لانها ماراح تكون في صالحك والله اعلم
الفرق لكبير بي الزوجين ينتج عنه اختلاف في التفكير وفي اسلوب الحياه
وبعدين حبيبتي فكري لما الله يرزكم بمولود شكثر راح يعيش مولودج مع ابوه ماراح يكون اي اندماج وانتي من المفروض تكون لج نضرة مستقبليه للموضوع
الريال راح يكبر ويشيخ وانتي بعز شبابج في الثلاثين
لا تتسرعين وفكري اكثر
والله يوفقج ويوفق الجميع انشالله

الى الاخت الغالية في امور كثيرة يمكن غابت عن ذهنك منها ..
1- الرغبة في الزواج من رجل كبير هذا دليل على عدم الامان والاستقرار والرغبه بالحنان اقصد الابوي .. أو الهروب من واقع تعيشينه
2- الجنس .. قوة الرجل الجنسية تختلف باختلاف عمره ..
3- المرح وخفة الدم .. الرجل دائما يميل الى الهدوء مع تزايد عمره ولربما تجدين بعض التصرفات البريئة ينظر اليها نظرة استغراب بمعنى ( كبرنا على كذه )
4- الاطفال .. من الجميل جدا ان يربيهم وهو في مقتبل العمر ..
والقرار لك في النهاية

تفكير لمقبره زوجيه هذا مو لعش زوجيه

__________________
ماتهم الي يهمك لو تبي تعيش صح صل فرضك وأقضب أرضك وخلها للي عينه ماتنام ونام


اللهم استر علينا وعلى خواتنا

السلام عليكم ورحمو الله وبركاته

اختي بسالك سؤال واسمحيلي عليه وعلى تدخلي لكن اتمنى يكون السؤال لمصلحتك ... وبعد كذا برجع لاجاوبك


كيف علاقتك بوالدك ؟؟ هل موجود في حياتك او لا .. يعني متوفي " الله يعطيه طولة العمر ان شاء الله ان كان حي " ... مطلق .. عايش معاكم في البيت؟؟

وبعد كذا لي عوده

__________________
يارب فرج كل هموم نساء ورجال المنتدى وارزق كل بنات المنتدى الزوج الصالح ... وارزق من يتمنى الذرية الصالحة .. اللهم آميييين ...

يارب يا رحمن يارحيم يا قادر على كل شي .. يارب فرحني في اختي نايت ... عاجلاً غير اجل ...
يارب نسمع خبر ملكتها على رجل خير طيب صالح فالح يعينون بعض على طاعتك وعبادتك ...

استخيري الله في ذلك ...


بس لمن ولدتي
كان هو 26 على وش زواج ..