عزيزتى فكري زين
بس سؤال هو من شهر ماقرب منك ؟

يالله الله يعينى ويعينك انا بعد بملكه وحالى يعلم فيه الله

اختي نوران
الله يعطيك العافيه ماقصرتي معاي واحسن الله لك النيه والذريه
ايوه رجعتي معاه لها ضريبه بالنسبه لي
يانوران كل شي ممكن اتحمله الا النقد والله مانسيت كلامه اللي قاله لي وشلون ابتحمل اكثر
مدري هذا طبع فيه؟ ماعجبته؟ابفهم ليش يحطمني يستمتع؟
على النقيض الكلمه الحلوه مايعرف يقولها؟ ما استاهلها؟
بعض الاهل قالو يمكن فيه مشكله نفسيه والله اعلم

الأخ او الاخت كاثرين
هل بنظرك ان عمري 27 ومايسمح يخليني اجبر نفسي عليه؟؟
ويوم طلب يردني هذا معروف يعني منه؟يعني انا رحت كذا بدون اسباب وله الفضل انه يردني بعد
وينتقدني وتبيني اصبر؟ الى متى؟لازم اصبر لان عمري مايسمح يعني اتنازل عن كرامتي وارضى الانتقاد
عذرا ردك لي غير مقنع ابدا

ما شاء الله على كلامك , موزون و عاقل وفقك الله

نطقتِ حقا بالفعل
فمن بدئها بالإنتقاد و السخرية لن تجعله العلاقة الزوجية ينظف لسانه
ياريت البنات كلهم مثلك لا يخجلون من ترك البيت و هن في بداية الزواج
تعرفي في وحدة خانها زوجها أمام عينها في ليلة عرسها و لم تستطع العودة لبيت أهلها خوفا من كلام الناس

بجد كلام الناس و نظراتهم هم السبب في معظم البلاوي اللي بتحصل
المرأة تعيش سنوات ذليلة خايفة من مجرد لقب , كلمة تقال و هي مطلقة

أهم شيء مشاعرك حبيبتي و نفسيتك
فأنتِ لم تتزوجي لتبدئي حياة نكدة تعيسة و إلا فالبقاء في بيت أهلك معززة مكرمة أفضل بكثير

أخبري رجال أسرتك بقرارك النهائي , ربنا يوفقك

__________________

و هو لما يروح بيت اهلك و يتكلم مع اخوك بحياته مو ينزل من كرامته!

شوفي مشاكل غيرك يا حبيبتي في المنتدى و احمدي ربك

توكم في بداية المشوار حتى ما عطيتي الرجل فرصه و لا حاولتي تغيريه
زوجج لا هو اللي ضربك و لا خانك و اكل حلالك و لا سبك من الكلام اللي يتعرض بشرفك و لا يشرب و لا راعي مخدرات ولا يشوف هني و هناك.

اوكي اقولك شي

دام حاطه ببالك الطلاق و متهيأه له شنو المشكله انك تصبرين سنه او سنتين بعد يمكن يطلع فيه شغلات حلوه و اذا شفتي ما في حل اطلبي الطلاق.

يعني اذا من البدايه تبين تتطلقين هذا دليل انك ما تبين حتى تتفاهمي ... انتي فاكره الرياجيل بيجون لك كرتون جاهز حسب المواصفات. لأ لازم تصبرين و تجربين لما هو يعرفك و انتي تعرفيه و تعيشون متأقلمين مع بعض.

احمدي ربك نص بنات الديره يدورون رجال مو لاقيين

المطلقه لأ ما فيها شي يا حبيبتي ... بس تظمنين تلقين رجال و انتي عمرج 27 و مطلقه!

و اذا تبين تطلقين كيفج اظن انج كبيره و عقلج براسج
بس باجر اذا شفتيه جاب غيرج و بنا حياته بسعاده راح تندبين حظج و تندمين و انتي قاعده ببيت اهلج و تقولين المفروض اني اكون مكانها يا اختي.

و اذا مو مقتنعه بكلامي ... نص الردود تقولج اصبري.

__________________
"اللهم إنى أعوذ بك من الهم والحزن و أعوذ بك من العجز والكسل وأعوذ بك من الجبن والبخل وأعوذ بك من غلبة الدين وقهر الرجال"

ياحبيلك يايتيمة نجد

صدقيني بعد ماتستقيم حياتك تقعدين تذكرين هالموضوع وتموتين على نفسك من الضحك

بس انا مااقدر ابدا معك باللي تسوينه الا اذا دريت انك ناويه ترجعين وتبداين حياتك صح

اسمحيلي انا اسمي هذا دلع فاضي لانه ماصارلكم شهر بس هذا مجرد دلع حريم

وما ادراك مادلع الحريم صراحه هو اللى الله يعينه عليج تقولين الزواج موكله جنس وانا اقولج

الزوج مايصرف هالمصاريف كلها للزواج الا برغبه جنسيه ملحه للرجل صح الاستقرار وغيره وغيره مهم

لكن الجنس بالنسبه للرجل اهم شي ....

اعتقد لو تسألين الاستاذ ابراهيم الخليفي او اي استشاري اسري ممتاز ومتخصص اريحلج عشان ترتاحين

طيب الطفل مو تقدرين تربينه على كيفك وتشكلينه زي ماتبين
طيب الطفل مو تقدرين تاخذين بعقله حلاوه وتحصلين اللي تبين
طيب الطفل ماتقدرين بحبك وحنانك ودلعك تكونين انتي كل عالمه ولايستغني عنك في اي شي
انتي وش خسرانه زوجك احسن مافيه انه يجلس بالبيت ولاهو راعي طلعات وخرابيط
زوجك والله اعلم مربي نفسه بنفسه ماعنده احد يوجهه والدليل مايعرف كلام المزح متى ينقال والجد متى ينقال
زوجك يحتاجك تعيدين تركيب حياته كلها وبتكسبينه صدقيني
زوجك سهل الصياغه الله يسهل اموركم يارب

__________________
من توكل على الله فهو حسبه

لا يحس بالنار إلا واطيها أنت أعرف منا بشؤؤنك وأمورك /فاءن كنت تستطيعين تعديل سلوك زوجك الى الأحسن خاصة وأنت فتاة مثقفة وعاقلة ورزينة فلك ذلك وتوكلي على ربك ,وأستعين بمن يستطيع أن يؤثر عليه

وإن كنت تعرفين داخل قرارات نفسك أن زوجك يصعب تغييره الى الأحسن وأن صاحب طبيع لا يتخلى عن طبعه فلك حق الطلاق

على الرغم من أن الطلاق أبغض الحلال وعواقبه وسمعته سيئة على الفتاة

وعليك بكثرة الاستخارة والاستغفار والدعاء في هذا الشهر الكريم وخصوصا عند الافطار وقبيل السحور وربي يوفقك لكل خير

__________________

	لادار للمرء بعد الموت يسكنها**إلا التي كان قبل الموت بانيها فاءن بناهابخيرطاب ساكنها**وإن بناهابشرخاب بانيها وأعمل لدارالبقاء رضوان خازنها**الجار أحمد والرحمن بانيها أرض لها ذهب والمسك طينتها**والزعفران حشيش نابت فيها

اختي يتيمة نجد
انا راح احكيك عن فترة بداية زواجي
انا تزوجت برجل معاق واعتقد الأغلب عارف الصعوبه بالتعامل معهم فما بالك بزواج وأسره وحياة
في ليلة الدخله اكتشفت مدى الصعوبه في تمضية حياتي معه واقولها وبكل صراحه
ولكن كان هذا اختياري وحاربت لأجله
لأني وجدت فيه رجل يستحق الثقه
تخيلي تتزوجي شخص عكسك تمامآ
بس لسانه طيب وحنون وهذا شجعني اكمل معاه
ومع الأيام استطعت ان اتأقلم معاه وجذبته لي بألف طريقه وطريقه
ولا انا انسانه عصبيه جدآ وحاده بالنقاش
ولكن تغيرت لأنه اذا عصبت مايجاريني ويسكت وكنت اعتقد اني انتصر ومع الأيام اصبح يبعد عني وفترت علاقتنا كثيرآ
فغيرت من طبعي فأصبحت اشد وارخي معه واحاوره واناقشه ومع الأيام كسبته بالطيبه والحوار والأخذ والعطا
انصحك نصيحه قد تساعدك ابحثي بماضيه
دراسته اصحابه طباعه علاقاته الأسريه
وصدقيني راح تلقين مفتاح لمشكلتك
انا عرفت اشياء عنه من أهله وهو عمره ماتكلم معي عنها
فاكتشفت اسباب بعض تعامله فصرت التمس له العذر واحاول اتجنب كل شي يذكره بماضي تعيس
ومع الأيام نجحت مو بسبب ذكائي ولكن بسبب اني اريد ان اعيش سعيده
نصيحتي الأخيره ارجعي بيتك وحاولي معه وكوني حازمه وقوليله لو سمحت لاتنتقدني و و و وضحي له كل مايعجبك ومايغضبك
وهو نفس الشي
اما توك لك شهر صعبه
عالأقل اعطي نفسك فرصه علشان ماتندمي
وشكرآ