انا موظفة اصرف على نفسي وياخذ مني ثلاث ارباع راتبي وساكتة من القهر

اختي كأننك تتكلمين بلسان كل معلمة سلم لسانك نطقتي الحق



واعتقد ان الزوج الرجولي يجب عليه لا ينظر الى فلوس الزوجة ومن حقها ن يصرف عليها

__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً

من الذوق إنه الرجل يحسس المرأة بأنوثتها ..ويعطيها مصروف حتى لو مبلغ بسيط ..
و الله ما تتخيلوا الفرحة لمن الزوج يعطيك مصروف أو أي مبلغ حتى لو عندك كنوز الدنيا كلها..


الناس اللي تقول عن التقصير أو إنه الوظيفة على حساب الزوج و الأولاد..
الموظفة أكيد عاملة أمور و تنظيمات تخليها مهي مقصرة مع زوجها و أولادها..يعني بالنسبة للغداء ..ممكن تستعين بالمطاعم ، بالشغالة ، تطبخ قبل الدوام او بعد الدوام أو تعمل تجهيزات من الليل..يعني موضوع التقصير في حقوق الزوج و الأبناء ما له علاقة بأنها زوجة ربة بيت أو موظفة ..المقصرة مقصرة حتى لو كانت ربة بيت..وساعات العمل هي نفس الساعات اللي يكون فيها الزوج في عمله و الأولاد في المدارس..

__________________
أدعوا لي ربنا ينور لي دروبي..و ييسر لي أموري..و يفرج لي همومي..و يبارك و يوسع لي في رزقي..

طبعا أكيد لازم يكون الغدا جاهز بس كيف وضع الزوجه في هالوقت متعبه ومرهقه عكس ربة البيت

أكل المطاعم معليش خليه على جنب لأنه يختلف تماما عن أكل البيت صحيح انه حلو كتغيير أو في الزنقات بس انه ممل لأني كنت أدرس وشفت الفرق بين حياة الموظفه وربة البيت

وحتى الطبخ من الشغاله مو مثل اذا كان الطبخ من يدين الزوجه

وبالنسبه للطبخ قبل الدوام أو بعد الدوام ما يعارض كلامي انه يخلي الزوجه مرهقه

وأنا ياأختي اقليم مو مع الزوج الي ياخذ راتب زوجته أو يخليها تصرف على البيت وذكرت هالكلام في ردي الأول بس معارضه للي تطالب بأن زوجها يعطيها مصروف وهي عندها راتب وتذكر حديث الرسول النفقه على الغنيه

وانا معاك ان التقصير ماله دخل بالزوجه الموظفه أو ربة البيت

بس أنا ما تكلمت عن التقصير تكلمت عن وضع الزوجه بدوام أو بدون دوام

ما فهمت قصدك ..وأي حديث تقصدي؟؟

ليش يأخذ منك الراتب؟ ما يشتغل؟

__________________
أدعوا لي ربنا ينور لي دروبي..و ييسر لي أموري..و يفرج لي همومي..و يبارك و يوسع لي في رزقي..

بصراحه انا توظفت بعقد بعد ما ارتحت في البيت سنتين من الدراسه وارتحت هالسنتين عشاني
جبت طفل
بعدها حمدت ربي اني ماترسمت بصراحه تعب ومسوليه دبل
اجي من الدوام وطفلي محتاجني ولا لي خلق عليه
والله من التعب اطبخ اي شي وانام
وتقصير فضيع من ناحيه الزوج
ولكن لما جاني الراتب اول مره
صحيح ارتحت من اني اطلب زوجي بس حسيت انه كل كلمه والثانيه
يبغاني اشاركه في كل شي مع ان راتبي كان ضعيف
لاني متعاقده
وصار فيه بعد بيني وبينه
وبعدها حلفت مااجدد عقدي

اختي الحبيبة ...حب مفقود..
لا شك بأن المرأة تفرح كثيرا حينما ينفق عليها زوجها ويشعرها باهتمامه بها .......ولكن يجب ان لا نكون انانيات
بمعنى اذا كان الرجل في حاجة فلماذ نتركه دون مساعدة ....يعني ان الحياة مبنية على التعاون ثم التعاون ثم التعاون عن طيب نفس .....
ولكن اخي الزوج ان تزهد عما في يدها تحبك اكثر...................

1- عندما خطبك زوجك هل تشعرين انه اشترط في البحث عن عروس ان تكون موظفه لتسد مصاريفها عنه وتساعده ماديا ؟

لا لم يشترط انا التي اشترط لان وقتها كنت ادرس بالجامعة
2- بعد الزواج هل يقوم باعطائك مصروف شهري ثابت ؟

كان يعطيني مصروف 200 ريال شهريا ثابت
3- بصراحة هل طلب منك مساعدة مادية ؟

يطلب بس بطريقة غير مباشرة ^_^
4- اذا كانت هناك شغالة في البيت هل تدفعين راتبها من جيبك؟

في البداية ما عندنا شغالة وللحين ما عندنا الا شغالة الي تجي بالساعات بالبداية هو يدفع واللحين انا الي ادفع
5- مستلزماتك من عطور ومكياج و ملابس وفساتين هل تقومي انتي بدفعها ؟
أكثر شي أنا اشتريها واحيانا حتى ملابسة انا اشتريهم

6- بعد الزواج بفترة سنة هل قمتم بالسفر الى بلاد بالطائرة ؟؟ في حالة الاجابة بنعم هل ساعدتيه ببعض تكاليف السفر والرحلة ؟
نعم وأول مرة اسافر بعد زواج دام ست سنوات والحمدلله انا تكفلت بجميع مصاريفي من تذكرة ومصروف جيب بالسفر
هل يقوم زوجك بسداد فاتورة الجوال عنك ام انتي من يقوم بسدادها من راتبك
لا انا اسددها
ماهو شعورك لجارة او قريبة لك لا تعمل ويقوم زوجها بدفع كل شيء عنها وترفيهها
بصراحة زوج وملزم يصرف على زوجتة


صح لسآنك أخي حب مفقود الرجل هو الملزوم بالصرف على زوجته وهو محدد بالقوامة

وانا بصراحة احب وظيفتي وما عندي شغالة بالبيت على طول وكل شي انا اسويه من طبخ وتنظيف وعندي عيال والحمدلله
بس والله حسيت قبل الوظيفة فرق وبعدها فرق يعني قبل اتوظف لما اطلع مع زوجي ويصير خاطري بشي لازم احاسب على ماديته وعنده ولا لا وساعات يكسر خاطري من الصرف مع ان كان مصروفي 200 ريال بالشهر بس اهم شي عندي يوفر اغراض البيت وطلبات العيال اما انا اقدر اتنازل عن الي ابيه ومو ضروري بس لما توظفة اي شي خاطري فيه أخذه والهم السيارة لان سيارة زوجي مرة تعبانة وللحين ما طلع اله سيارة ولا غيرها مع ان الحمدلله تحسن حاله كثير وخلص القرض الي عليه

انا احس حلو لما يكون عندك مبلغ تتصرف فيه من حالك وتصرف وقت الي تبي


ودمتم بود

حقيقة خروج المرأة للعمل فيه كثير من التقصير حتى لو كانت مهتمة في التوفيق بين العمل والبيت لابد يكون فيه تقصير ...
والزوج مو ملزوم يتحمل التقصير بدون مقابل .. لا اقصد انها تصرف عليه لكن على الاقل تشيل نفسها ومصاريفها الشخصية كدة يكون في توازن .. لكن يتحمل الزوج غياب الزوجة عن البيت ساعات طويلة .. واكل اي كلام كله على السريع او بايت او من المطاعم ... وانشغالها بالتحضير واحيانا يقزك بتوصيلها من والى عملها .. وحرمان اولادها منها خصوصاً لمن دون سن المدرسة ... وعند عودته من العمل ربما تكون لم تصل او يصلون سوياً وبدل ما يلقى الاكل جاهز يقعد ينتظرها تجهز الاكل ولا يضطر ينام وهي تكون هلكانه وحالتها حاله وماطه بوزها شبرين ولا يشوف منها وجه حسن لا في وداع ولا استقبال وفي النهاية ما تساعده في شي .. انا اشوف انو شغلها في الحاله هادي ماله داعي ...
الرجل عليه ان يتحمل مصاريف بيته كاملة ولكن على الزوجة ان تتحلى بالذوق ولا تطالبه بالصرف على احتياجاتها الشخصية وجوالها ومكياجها وهي صاحبة راتب قد يكون في بعض الاحيان اعلى منه...
ودمتم بود

على قولتهم *ياحيف عرجااال*
ماتتحمل التقصير إلا اعطتك الراتب
واذا ماعطك الراتب لايمكن تصبر عالتقصير
شالحل؟؟
إي...إي بتقول أتزوج ثانيه

__________________
اللهم احفظ لي زوجي وسخره لي واحفظ لي اولادي