الانسان مبتلى

كرر اللهم لك الحمد حتى ترضى ولك الحمد اذا رضيت

اللهم اجرني في مصيبتي واخلفني خيرا منها

طيب حبست نفسك يوم يومين ثلاثه وبعدين تغير شئ !!!!

من باعك بيعه وانساه وعيش حياتك

وابدأ من جديد الوقوف على الاطلال ماراح ينفع

ولاتفكر تتزوج الحين علشان ماتظلم بنت الناس معاك وتكون ضحية

الله يعوضك خير وصدقني ماتدري وش الخيره في الامر

اختك بالله
جينز

__________________

اخوي انت تشوف ان مشكلتك اكبر مشكله صدقني مافي اكبر

من البلاء الي وقع فيه الانياء ولد الرسول اللهم صلي وسلم عليه يتيم ...

ايوب عليه السلام المرض نهش لحمه بس بلائهم زادهم ايمان ..

صدقني انت تقدر تنساهاوتقدر تبداء من جديد ومو بس كذا تقدر تنجح بعد

بس الموضوع يبي شوي ايمان..

قرب من ربي واطرح كل همك عليه وهو سبحانه كفيل بأنه يحل لك كل مشاكلك ...

وهذا الي وعدنا فيه ربي في الحديث القدسي ((إذا تقرب العبد إلي شبراً تقربت إليه ذراعاً،

وإذا تقرب إلي ذراعاً تقربت منه باعاً، وإذا أتاني يمشي أتيته هرولة)) رواه البخاري

والله يوفقك ...

__________________

‘‘ بحاجه ماسه لدعواتكم لاتحرموني منها ‘‘

يالله موضوعك حززز بقلبي
لأني قرأت موضوعك الي قبل وقلت معقولة فية زوجة كذا تسوووي
لا تحززن على وحدة ماقدرت تعيش على الحلوة والمررررة
ولاتحزن على وحدة ماخاافت الله في زوجهااا وحبيبها وولد عمها
ولا تفكر فيها كثير لأنك انت الي بتتعب

ولازم ترووح طبيب نفسي
وتجدد ثقتك برب العالمين وبعدها ثقتك بنفسك
وانا عاارفة ومتأكدة انك مارااح تاخذ وقت الا وانت حسيت انك اتخذت القرار الصحيح
تقول ياربي كان من زماان لأنك كنت مظغوط نفسيا وما تفكر الا فيها الان لك مجال تفكر بنفسك اكثر
واتزوج بأقرب فررصة بس اهم شي لاتظلم زوجتك الجديدة بمشااعرك
ومحبتك لطليقتك لازم تتخلص من التفكير فيها نهاائيا وبعدين تزوووج
وان شاء الله ربي بيرزقك على قد نيتك
ويااما في بناات نااس متزوجين رجاال حالتهم اصعب من حالتك وعايشين حيااتهم
انا ما ابغى اتكلم بطليقتك لكن الصراحة بينت على حقيقتهاااااا
والحمدالله الي ربي خلصك منهااا قبل ما تجيب عيال ويصيرون زيها

اتمنى لك التوووفيق
وان شاء الله قريب تبشرنا بخبر زوااجك

لكل الاخوات اللي هاجموا الزوجة.. ما يحق لكم تهاجمونها..

ما تدرون عنها.. هي صبرت 4 سنوات من عمرها..

لاهي اخذه حقها الشرعي.. ولا هي اللي عندها طفل ..

هي انسانه..لها رغبات.. وفيها عاطفة امومه..

ويحق لها تطلب الطلاق.. وهي ما باعت.. بالعكس 4 سنين صابرة..

مو صار الحادث وثاني يوم طلبت الطلاق.. واحنا سمعناه لكل هي ما سمعناها.. ولا ندري ايش اللي صار معها..







اخوي صاحب الموضوع.. قرأت موضوعك وردودك...

نصحيتي لك.. لا تتزوج حاليا.. غير اثاث البيت.. اذا فيك تسافر سافر وغير جو .. ورح لمكة اذا انت بالسعودية..

طليقتك.. طلبت الطلاق لامر انت تعرفه..

طيب اخوي ليش ما حاولت تتعالج بالمستشفى.. ..كل مرأة هدفها من الزواج الانجاب..

خصوصا اذا ما هي ام.. وعندها اطفال..

راجع نفسك وحساباتك..

وفكر خطوه خطوه.. وفكر في حياة مستقبلية جديدة..

انت يحق لك تكون اب.. يمكن اللي صار الان يكون سبب للعلاج.. وتصير اب..

وهي يحق لها تكون ام..

لا تفكر وش اللي صار امس.. فكر ببكرى..

وان شاء الله هذا دافع تتعالج.. وتتهيئ نفسيا.. وتتزوج.... وربي يوفقك..

__________________

قال رسول الله صلى الله عليه وسلم:
(سورة البقرة أخذها بركة ,تركها حسرة, ولا تستطيعها البطلة)
البطلة= السحرة..
من فوائدها سرعة اجابة الدعاء

شكر للجميع على الردود

دلوعه ومنحوسه لا تتكلمين كلام انتي ماتعرفيه ولا تشككين برجولتي فقط لان زوجتي طلبت الطلاق
انا انسان قادر على اعطاء زوجتي حقها ولكن هي التي كانت تتمنع بستين الف حجه الى ان ظهرت على حقيقتها
وهي صبرت الاربع سنوات تحت ضغوط من اهلها وهي بنفسها اعترفتلي بكذا
انا شللي بالساق فقط يعني وش علاقة الساق بالجماع ؟
اعتقد واضح الموضوع

لن اذهب للمستشفى الا في حاله وحده ان زوجتي المقبله طلبت ذلك00فهذا من حقها

تدرين ان زوجتي الان ناشره اشاعه اني عنيين وانا والله زي الحصان بس هي خجلت تصرح بالسبب الحقيقي
وانتوا يابنات اليوم ماتحبون الا تستعرضون بالزوج وتتنافسون بيه امام زميلاتكم وبس
اصبحتوا مدلعات ومترفات ولا تقدرون الحياة الزوجيه ابد

حتى اختي الكبيره قالت انا اخاف اخطلبك وحده اكون سبب تعاستها؟!!
قلت اجل والله مابتزوج عن طريقك
بتزوج عن اي طريق اخر
حتى اختي مصدقه طليقتي؟!!

انا الان جالس افكر ما اتزوج لا سعوديه ولا خليجيه ولا عربيه
باخذ اجنبيه لانهم اطيب منكم وارحم

لو خليت خربت

لاتعمم الي صار لك على البنات كلهم فيه كثير من بنات الحمايل الي يبن الستر والزوج الصالح بس

على العموم الله يعوضك خير

__________________

ماشااااااااااااااااااااءالله


كل هذا حب لزوجتك


سبحان الله ...دنيا غريبه

رجاااااااااال يتعلقون بنساء ونرى على الشق الآخر رجاااااااااااااال يرمون نسااااااااااء بلا ذنب


حسبنا الله عليه توكلنا ...

أخي الكريم مهزوم

أسأل الله أن يرفع عنك وأن يرزقك من حيث لاتحتسب

وأبشر أخي ففي الهم تكفير حتى الشوكه يشاكها المسلم إلا ويكفر الله به من خطاياه


أصبر ووسع صدرك واختك صدقت طليقتك فلاتخاف هناك من يدافع عنك فأري الله منك ماتحب أن يرى الله

فالرسول صلى الله عليه وسلم صبر على الأذى ولم يشكو قومه بل نسب ذلك إلى ضعفه...في الحديث( اللهم أني أشكوا إليك ضعف قوتي ...وقلة حيلتي...))


قال تعالى ( أن الله يدافع عن الذين آمنوا)


أخي تذكر دائما أن كلما أشتدت وأشتدت فليس ذلك إلا دليل على قرب الفرج ..فأري الله منك حسنا ....ولاتيأس


دام ان اختك حتى صدقت ...فأعلم أن الفرج بات قريبا ..وأشكوا ضعفك وقلة حيلتك إلى الله..ولاتقنط ولاتزمجر ولاتتلفظ بألفاظ العجر والضجر .................وأذكر الله دائما وسبح ......لطفك ياااااااااااااارب

__________________

اختي جينز

انا اسف مو قصدي اعمم بس استفزني كلام الاخت دلوعه
لا تزعلين والله مو عارف ايش اقول؟
انا ادري ان في بنات حمايل واصول ولكن انا الان اشوف الحريم كلهم زي بعض
لا تلوميني والله ييسر الحال

بشائر
اي والله اني احبها بس الله يستر عليها
مابي احد يعيش معي بالغصب

ولن تصدقوا ان زوجة اخي وجدت لي عروس ولكن؟؟؟؟؟؟؟؟؟؟؟؟؟؟؟؟؟؟؟؟؟

اخوي انا تكلمت بناء على ردك..

انت.. انه ما يصير....................

من بعد الحادث الا نادر..


من غير ما توضح..


وهي تكلمت عليك من بعد الحاادث..

صار ربط ببالي بين الحادث.. وتغيرك معها على حد تعبيرها. وندرة ال..........

انه ممكن يكون سبب في طلبها الطلاق..

انا تكلمت معك اذا هو سبب تعالج... ولا اقصد ابدا اني انتقص من رجولتك.. انا اعتذر لك..

اذا الحمدلله سليم.. ثق أنه خيره لك من رب العالمين..

البنات مو كلهم بنفس الصفات اللي ذكرتها في بنات اصل وحمايل..

اذا على الاشاعات.. لاتكترث لها أبدا.. صدقني راح يظهر الحق واضح جلي..

وانا مثل ما قلت لك.. لاتستعجل بالزواجة الثانية..

انسى الماضي بكل مافيه..واعتبره صفحة وانطوت.. لاتتذكرها ابدا..

فكر بكرا.. انت رجل الغد.. مو الامس.. وانت لبكرا بتعيش.. والصدمة ياخوي تبدأ كبيرة.. وبعدين تصغر.. والله له حكمه بكل شئ..

والحين مقدرة شعورك..ولكن ان شاء الله تهدأ وصدقني مافيه مثل بنت البلد.. والاجنبية ابتعد تماما عنها..


وبما إنك بالسعودية..

خلاص واحجز على اقرب مكتب حج وعمره.. وخذ لك عمره يومين في مكة.. وادعي ربي عند الكعبة..ووأنت تشرب ماي زمزم..

وادعي الله يفرجها عنك.. وتصدق.. باللي تقدر عليه... واصبر واكثر الصلاة.. ولاتنسى ان الله مع الصابرين..

أهم شئ الان اخرج من النت روح لمقهى روح لاصدقائك.. وتعوذ من ابليس.. هو مبسوط بجلستك حزين..

والله يفرجها عليك.. ويوفقك للخير.. ويعوضك.. باللي تسعدك...

__________________

قال رسول الله صلى الله عليه وسلم:
(سورة البقرة أخذها بركة ,تركها حسرة, ولا تستطيعها البطلة)
البطلة= السحرة..
من فوائدها سرعة اجابة الدعاء

اهلا اخي الكريم اسال الله الكريم رب العرش الكريم ان يسعدك دنياواخره ويرزقك زوجه تسعدها وتسعدك يارب والاخوه والاخوات كفوا وفوا