موضوع شيق ابو فراس كعادتك متميز ..

الله يشفي الوالد يارب ..

__________________

‘‘ بحاجه ماسه لدعواتكم لاتحرموني منها ‘‘

شكراً اختي الفاضلة هند ..
وعلى فكرة تراها الوالدة مو الوالد

طيب ماعندك مشاركة تضيفيها معانا ولو تجربة احد آخر ؟؟؟

__________________
الفضاوة إما تصنع مبدع أو مريض

لابأس طهور وأجر وعافيه على الوالده وماتشوف شر ...


موضوعك ( لماذا طلبت الطلاق)

فهل ذلك مقتصر على من طلبت الطلاق..

فكم من مطلقه طلقت ولم تطلب الطلاق ..أو كانت تطلبه عندتعسر الأمر وعند وصول المشاكل للذروه....لكنهاماتلبث حتى ترجع ..


بالنسبه لي..


لم أطلب الطلاق هو من طلق بالرغم من كونه يعلم بتعلقي به ...



قدر الله وماشاء فعل..


ولعل العقم كان السبب الرئيسي لكونه لايريد ان يكون ذو بيتين وزوجتين وو ..


زينة الغنادير أسأل الله أن يرزقك من حيث لاتحتسبين..

أم السوسه أسأل الله أن يربط على قلبك وأن تنالي ماتتمني..

عقلي ضد قلبي

لعلي رأيت شيء في ردك ربما يكون لزوجك عذرا في الشك

وهو


قلتي أن كان لك علاقه ..فهل كان يعلم زوجك بها...فمثل هذا الموقف لن يمحوه أي شيء خاصه ان كنتي شديده معه..

لن يمحوه إلا مقدار تدينك وألتزامك ...أما أن يعلم بعلاقتك وتريد منه أن لايشك فمن سابع المستحيلات ...هذا والله أعلم


وكونك شديده اتضح لي من ردك على أم السوسه ...


ماهكذا تورد الأبل..

أسأل الله أن يعوضك خير من زوجك ويكتب لك الخير ...


أختي شيهانه وهند وعروس بالأسم ومهزوم أسأل الله أن ييسر أموركم ويرزقكم من حيث لاتحتسبون

__________________

شكراً لمشاركتك اختي الكريمة
وبما انك لم (تطلبي الطلاق) فلن نستطيع سوى ان نقول ..عوضك الله خيراً

__________________
الفضاوة إما تصنع مبدع أو مريض

جزاك الله كــــــل خير ومشكورة أختي على الدعوة
يعطيك العافية وربي يسعـــــدك وينولك ماتتمنين

بعدين فيه بعض الحركات اللي تسويها الزوجه

مثل ما تقول طلقني مو شرط تقولها

__________________
أستغفر الله اللذي لا اله الاهو الحي القيوم واتوب اليه

لماذا طلبت هذا؟؟؟
اذا كان بدون سبب فحرام عليها رائحة الجنة مصداقاً لحديث الرسول صلى الله علي وسلم الذي يشير الى هذا المعنى ..

اما اذا كان بسبب ..فأرجوا ان نعلمه حتى نحذره ونقيمه ونتناقش فيه ..

__________________
الفضاوة إما تصنع مبدع أو مريض

لكن خليني اناقش معك اسباب طلاقك اولاً اذا مافي مانع ..

السبب الاول (الضرب المبرح)
ليش كان يضربك ضرب مبرح ؟؟

هو كان عصبي جداً لدرجة الجنون او كان يضربك لأنك كنتي تستفزيه او كان اصلاً من هواة الضرب ؟؟؟

كان يضرب لانه عصبي وكمان كان يشرب شيشيه وتوابعها وايضا يضرب علىامور قويه مثلا عرفت انه يكلم وواجهته عصب منها ومن هناك صارت هوشه ضربني

ضربني مره علشان الولد مشى حافي يقول انا مهمله ((((لاحظ انه ماكان فيه اي خطوره على الولد والولد هو الي فك جزمته بنفسه)))

يضربني اذا رديت عليه وماعجبه ردي ((( ابداء وجه النظر)))

يضرب لاني صححت معلومه اتهمني فيها (((لاحظ انه راح وحط الاولاد بغرفه ورفع صوت التلفزيون علشان مايسمعون الضرب وجاء لعندي علشان يضربني )))ولكن رحمت الله خلتني اقفل على نفسي

ضربني لانه كان في الليله الي قبلها ضاربني لين بغيت اروح فيها وماني قادره اتحرك

وقام من النوم مالقي اكل ؟؟؟؟وضربني

وبعد يوم اضطر يوديني المستشفى لاني اصريت عليه يوديني والا هو مادور

وغيره وغيرها وغيرها



السبب الثاني (الخيانة)
طيب سؤال
كيف كان يخونك ؟؟؟
هل كان يكلم بالهاتف ام كان يزني والعياذ بالله ..؟؟؟
يعني ايش درجة الخيانة اللي كان يمارسها ؟؟

كان يكلم كل فتره بالساعااااااااااات وايضا اتوقع يخرج ويقابل لاني كنت اشوف هدايا وشغلات

اكتشفته كثييييييييييير واعترف لي كم مره بس ماصرح لاكن قالي انه كان بجلسه نسائيه رقص والخ

وفي السفر فيه اثباتات انه جلس بجانب امرأه وحصل بينهم شي؟؟؟؟ولاكن لا اتهمه بالزنى

السبب الثالث والرابع
(الاهانه وايضا عدم وقوفه جانبي في الازمات والافراح والاحزان)
طبيعي ان الانسان اللي يضرب يهين ..لأنه قليل ادب اساساً ..
لكن هل كان يجد اهانات منك انت ايضاً ؟؟؟

والله مالقي الا ناااااااااااادرا يعني افتكر مره واول مره في حياتي

اهينه قالي بعد سب وضرب بكم يوم انتي كلبه قلت مثلك ويالله ضرب
انا اعرف بعض النساء السنتهم طويلة على رجالهم جداً جداً ..ا

لا ابد اساسا انا كنت احبه بجنونه واخاف منه بجنون ولا احب اسب او اشتم

لاكني اتنرفز من تصرفاته بسرعه واكتم في نفسي اكتم اكتم واخرتها انفجر واصرخ واقول الي كان في قلبي كل الفتره الي عدت ومايهمني الوقت يعني ممكن وهو جالس يقول لاتدخلي ادخل واطلع كل اي بقلبي وبعدها يضرب وانا الخسرانه لاكني بجد اكون مقهووووووووره

يااخي الفاضل كل منا له عيوب ولايمكن ان اكون 100%
عيوبي ((اعصب --افضفض لاحد صديقه اخت --ماني صريحه معاه في اخطاءه يعني لو سوى غلط ما اعالجه تجيني صدمه فيه واجلس ابكي وبعدين احاول احلها اذا ماقدرت وصارت مشكله قلت له كذا وكذا

وكمان رجل بعد كل هالمشاكل الكثيره يرجع عند ابوي ويقول بنتك ماقصرت باي شي وانا السبب في كل الي صار

واتمنى ترجعني قال اعطني عيب في بنتي قال والله ما اقدر اقول فيها شي

الا انها تعصب بعض الاحيان((وغلب زعلي على اشياء قويه مو تفاهات
حتى اهله كانوا يقولوا لو يلف الكون مايلاقي مثلك
ماهو غرور ولاكن الحمد لله حاولت اني اكون له كل شي
واكبر دليل لين هالحين يتمنى انه يرجعني ((لكن في الفتره الاخيره امه تغيرت علي لاني كنت اشكي لها وتشوف المشاكل قدامها وتوقف معاي بس مهما صار هذا ولدها واخرتها ماصدقت الظاهر ان فيه وحده طيبه بغباء مثلي اتهمتني اني حيه والعب على البيت كله من تحت لتحت بصراحه بكيت بجنون لاني اول مره اسمع احد يقول عني كذا ومين الي كنت معتبرتها امي

يعني ماذكرتي عن نفسك ولالالالالاحاجة ماشاء الله
كده صارت قصة (الجميلة والوحش) يا ام السوسة الله يهديكي ..

اما سببه الغير مبرر فهذه قصة ثانية ..
مادام كان فيه خيانة منه وعدم ثقة منك فهذا يعني عدم وجود احترام او صداقة ..
يعني مستحيل تسمحيله يسافر بدونك

..((اساسا مايستاذن علشان اسمح والا ما اسمح

واذا سافر فأكييييد انه رح يخونك .

.الله العالم وحده سبحانه
هذا شيء كان بعلم الغيب ولا يعلمه الا الله سبحانه ..
ورفضك لسفره لوحده كان ردة فعل لأفعاله ..
والا انا اشوف ان سفر الرجل لوحده مع اصدقائه مافيها حاجة اذا كانت النفوس طيبة ..

ومو معقول كل وحدة تطلب الطلاق اذا زوجها سافر لوحده وما اخذها..
والا كانت البيوت فضيت وماصار فيه متزوجين بالدنيا ..

الرجال لمى يجي يسافر للمغرب ويقول لزوجته عندي مهمه وتتصل عليه ومايرد طول الوقت وتكتشف انه في اجازه وفي مدينه غير الي قال

مدينه فواتيره فيها بالساعات؟؟؟؟ وتساله يجي يحلف وهو كذاب

اما مسئلة الكذب المستمر ..
فهل الكذب من طباعه اصلاً ام كان مجرد ردة فعل على عصبيتك ؟؟؟

ك1به كان علشان يتهرب من اي فضيحه راح تواجهه

كذبه اكثر شي في الخيانات يالف سوالف وتطلع كلها كذب

كذبه كان في وعوده لي وحلفه انه ماراح يمد يده على وانه ماعاد يخونني ولكن لاحياه لمن تنادي

اتمنى اكون وضحت لك الامور

__________________

اختي ام الغاليين

وضحت الامور بارك الله فيك وعوضك خيراً ..

اذن اهم اسباب طلاقك برأيي المتواضع هو (الزوج المستهتر اللامبالي)
وكم من ازواج فقدوا زوجاتهم بسبب استهتارهم وتعاليهم على زوجاتهم ..
وربما يكون السبب في ذلك في بعض الاحيان الزوجة نفسها حين يرى منها الزوج تعلقاً كبيراً وحباً وعشقاً الى ابعد الحدود ..
عندها يصيب الرجل الغرور والاستهتار ويعتقد بأن زوجته لت تستطيع ان ترمي بطوبته الى ابعد مدى ..

اختي ام السوسة ..
ربما اثارت حفيظتك طريقة حواري معك واتهامك بأمور من هنا وهناك ..
ولكن للحق اردت ان استشف من قصتك الاسباب الوجيهة التي جعلتك تتركين فيها منزلك واطفالك الى غير رجعة ..
هل تذكرين موضوع (معاناتي مع اطفال المطلقين) الذي تبادلنا فيه الردود المحزنة ؟؟
كان ذلك الموضوع الشرارة الاولى لإنطلاق هذا الموضوع حتى يكون دعامة نفسية لك ولي ولكل من جرب وذاق مرارة الطلاق والحرمان من الاطفال ..

اردت ان تكتبي معاناتك بشكل اوضح حتى تتبلور لديك الرؤية المستقبلية لحياتك ..حتى لايأتي يوم تندمي فيه على قرارك ..
لااستطيع غير الدعاء لك بأن يوفقك الله الى مايحبه ويرضاه ..
وآمل ان يأتي الرجل الذي يقدرك ويرعاك ويعوض عليك كل ماسبق من معاناة وآلم ..
اما بخصوص اطفالك ..فلا تحزني ..فهما طفلان سيكبران وسيصبحان (رجلان) بإذن الله ..تضعين احدهما على يمينك والآخر على شمالك وتفخرين بهما كثيراً ..

__________________
الفضاوة إما تصنع مبدع أو مريض

اشكرك اخي الفاضل على الموضوع الي من قرات العنوان عرفت انه امتداد للحوار الذي داربيننا

وتوقعت ان ترد علي فيه بالتفصيل

اخي الفاضل ابنائي هم رجال المستقبل باذن الله ولم اتركهم برغبتي انما غصب عني وهم اغلى مافي حياتي

وانا عارفه انهم بخير ولكن قلب الام دائما مشغول

تطمن عليهم ولله الحمد وكتبت موضوع في قسم التهاني والتبريكات

ولاكن ولدي الكبير هو الي شاغل تفكيري وخصوصا من قراءت كلامك في الموضوع الاطفال

لاني حتى لمى سمعت صوته حسيت انه متغير علي

ولاكن مابقولك اني انا الي رفضت الحياه وسعيت في الانفصال

انا اكثر من مره قالي لمي اغراضك وانا بوديك ومره اجبرني ولمى شاف الاولاد وخصوصي الكبير
اقسم بالله من الخوف نشفت شفايفه قال ارجعي وبكره بوديك

لاكن انا ماعاد سمعت له جلست علشان هالمنظر الي كل ما اذكره انهاااااار

اخي الفاضل الطلاق كان قرار جميع الاطراف

يمكن هو وافق عليه وبسرعه اصدره وندم وتراجع وانا ماتركت البيت واولادي فيه بل كنت محرومه منهم وانا في بيتي جلسوا بعيدين عني وكل ماقلت متى تجيبه يقول طيب يسير خير لين صارت المشكله وحدث الانفصال

هو شاف من اهلي شده ورفض للمحاولات وكان هذا نتيجه المشكلات الكثيره

ولكن في اخر مره قرر الوالد يعطيه فرصه اخيره وبدى يختبره ولمى حس ان فيه احتمال للرجعه

وتطمن فجاه اصدر الحكم بالطلاق للمره الاخيره

وماكمل كم يوم الا وهو ندمان

يعني مو انا الي اصريت انا مجرد قلت وهو بسرعه البرق نفذ

ماكان مصدق على الله

والله العالم بحاله

موضوع مفيد للجميع

واشكرك عليه

ولاكن ياخي الفاضل لا اتوقع ان تعيش ام بعد طلاقها وحرمانها حياه مريحه سيبقى قلبها با ابنائها

وبالنسبه لي خوفي لا يجي يوم ويقولوا انتي السبب

لاكن املي بالله عزوجل سبحانه

__________________