ياحبيبتي ياقهر


معليش اتحملي واصبري وشوفي نهايتها معاه


صدقيني لا شافك يومين مااتصلت بيتصل هو ويسأل



بس يمكن معند شوي وعارف انك بتتجنني عشان يرد عليك



انبسطي مع اهلك ياقمر وإن شاء الله ربي بيهدي النفوس



وحاولي تتكلمي معاه بهدوء ان شاء الله لا رجعتوا بيتكم مبسوطين




وقولي له لازم تكون واقف معاية لما اخاصم واعاقب اي واحد من أولادك عشان يعرفوا غلطهم



ولا تتدلعهم...........بس امسكي نفسك ولا تعصبي بسرعة......لأنه باين يحب يستفزك وانتي ماتقصرين



ترى أنا مثلك............بس لاحظت لما نتكلم بهدوء ولوحدنا وطبعا يوم يكون حلو بينكم بيسمع كلامك.....فاهمتني





بس انتبهي انتبهي انتبهي ......لا تحاولي مرة ثانية تردي طلبه لك أبدا مهما كانت الأسباب


نومي الأولاد وانتبهي لزوجك ودلعيه



بيلين معاك صدقيني





الله يهدي سركم ويبعد عنكم الزعل


ويهدي زوجك ويحنن قلبه عليكِ ويهديك وتخفي من عصبيتك






تحيـــــــــــــــــــــــــاتي

__________________

الاخت اميرات وفت وكفت رد جميل جدا جدا وعين العقل اوافقها سواء بالشطر الاخير انا من رائي لا ترسل له لانه بذلك سوف يعاند اكثر تتركه فتره يراجع كل منهم نفسهه ليرجع للاخر بدون عيوب والله يهدي سرهم أأأأاأأأأأأأأمين

[quote][بس الي قاهرني ليش ماترد علي وانت غلطان /quote]

لو كان يرى نفسه غلطان لرد على مكالماتك لذلك فتشي بنفسك اختي الكريمه واسلوب تعاملك معه


وستجدي من الغلطان وتعرفي سبب عدم رده

واياك ان رد عليك ان تقابليه بالعتب والزعل انسي ماكان

ومثل ماقالت اميرات لايجب ان تردي عليه كلمته وان امرك بامر

سم وابشر وبقية الامور تصلح اهم شئ رضاك

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..

الله يعافيكم ما قصرتو انا طبعي اعصب اذا احد استفزني ما اقد امسك نفسي واجيب كل الي عندي واذكره اني كذا ووكذا وكان ممكن اني اخذ افضل وان هذي العيشه مو عاجبتني بس كل ها الكلام لانه يقهر ويسوي اشياء ويقول اشياء ناتتنتسوى ولا تنقال ففي ذذاك الوقت اتحسف واقول لو ولولو وانا عارفه انها تفتح باب الشيطان بس ارد كرامتي



المهم

يعني با العقل لما يسوي اشياء تضايقني وينرفزني هل تتوقعون اني بقبل عليه لما يطلبني بنفس با العكس بتنسد نفسي انا اشوف ان الشي هذا مايصير الا اذا كانت النفس صافيه ما اقدر امثل


عموما

تنصحوني اطنش اجل

وتنازلي اختي شوي عشان المركب يمشي .. حرام اولادكم يعيشون وسط هذا الجحيم ..

الواحد يتزوج عشان يستقر و يكون اسره سليمه مو عشان يعيش في صراع ..ويربي اولاد بشخصيات مهزوزه

مثل ما انت تريدين ان تأثري لكرامتك ايضا زوجك يريد ان يثأر لكرامه .. اذاً انتم تدورون في حلقه مفرغه لا

تنتهي .. واحد منكم لازم يتنازل .. ولتكوني انت البادئه في التنازل عشان اسرتك ..



يا عزيزتي مهو المشكله اني انا دائمة التنازل وهو لا يعني المركب ما يمشي الا اذا كان التنازل مني

الصراحه الحق معك وش يزعله اذا انفلتي عليه .... ومافيها شي اذا قلتي كان ممكن تاخذي افضل ... والصراحه هو مايعذر ولا يقدر انك معصبه بسبب انه اذا احد استفزك تجيبينها على راسه وتجيبين عاليها واطيها مافيها شي ابداً الواحد اذا توتر يمسح باللي قدامه البلاط شي عادي وغلطان اذا زعل ويبقى انسان مايفهم ولا يقدر لازم يقدر التوتر اللي انتي فيه ....
بس سؤال : لو رد على كلامك وقال انا اسأت الاختيار وحظي الأقشر بلاني فيك ويوم اسود يوم عرفتك ولو تنشرا الأيام اشريها ولا اكون ارتبطت بوحده مثلك ... وش ردة فعلك ؟ والا هل بتعذرينه وتقولين معصب ولا هو داري وش يقول ... والا بتقولين هذا هو اذا عصب واحد استفزه يجيب كل اللي عنده ... والا بتردين على كلامه بكلام اكبر ؟
اذا كنتي شايفه انك اذا توترتي وعصبتي يكون لك الحق انك تنفلتي وتسمي بدن اللي قدامك بكلامك يبقى تتحملي ردود الافعال اللي تسببتي فيها .... ولا تنسي المثل اللي يقول الكلام الهين يغلب الحق البين والمثل الثاني اللي يقول بالهون احسن مايكون .... وحديث الرسول عليه الصلاة والسلام ... (( ماكان اللين في شيئ الا زانه ومانزع من شيئ الا شانه )) أو ( بما معناه )
بقولها لك بكل صراحه ... الله يعينك على نفسك والله يعينه على طولة لسانك وكلامك اللي مثل السم ... ادري كلامي ماراح يعجبك تبينا نقول الحق كله معك وهو غلطان من راسه لرجوله ... لكن صدقيني انا اعرف نوعيتك اللي ياخذوا الأمور بشراسه وعذرهم انا اذا احد عصبني واذا توترت واذا احد استفزني .... مدري شسوي ومدري شقول .... مستحيل النوعية هذي تقول انها غلطت ولا 1% ولو انقال يبقى كلام للاستهلاك العام وبأول مشكله جايه ولو كانت ماهي منه وانتي السبب فيها تحطي لنفسك اعذار ومبررات وتقنعي نفسك انك صح وهو غلطت وكل الحق معك باللي انتي قلتيه ... لكن تأكدي صبره عليكي ماراح يكون الى ما لا نهاية ... لا مرده يهرب عنك وعن المكان اللي انتي فيه اذا مالحقتي نفسك وعدلتي مزاجك اللي تجعلي كل من قدامك تحته ... واللي ممكن يعكر مزاجك اتفه شي يعني ممكن كنت ناويه تنامي الظهر ساعتين ولكن تنكد عليكي ونمتي ساعه ونص يكون ياويله اللي بوجهك او تحلمتي حلم مزعج وقمتي من النوم الصباح ياويله وسواد ليله اللي يكون قدامك ... انا اقول الكلام هذا من واقع تجربتي في الحياة اللي اعتبرها ماخلت جنس مخلوق الا ما مر علي على اختلاف عقلياتهم ونفسياتهم ... الحقي نفسك الحقي نفسك الحقي نفسك .... لكن صدقيني اقولها لكي بكل اسف ماتقدري لكن تذكري كلامي هذا ماهو الان لا اذا خسرتي وعرفتي ان لكل فعل ردة فعل ... وان ردود الافعال ماهي حكراً عليكي .... ازيدك من الشعر بيت اصدقي مع نفسك قبل لا تصدقي معي ... ماقد حصلت معك مشاكل واذا اقنعك الطرف الاخر بأن الغلط منك يكون ردك ... انا ماقصدت ... أو انا ماكنت اقصد كذا وتحاولي بأي طريقة تبرري غلطك ....
طولت بس لأجل اقول لك اني اعرف كيف تعالجي مشاكلك الا اغلبها منك .

يا الولهان انت تحسب انه يسكت يدعي ويتلفظ ويقول شي ما ينقال وانا ارد عليه يعني ماعمري سكت وعظيت على لساني

وهو يا يرمي كلام والا يفتعل مشكله ويتلفظ علي وبعدها يلتفت على عياله هاه ياحبيبي وش تبي طيب اذا لهدرجه خايف على مشاعرهم تتلفظ علي قدامهم والله ورب الكعبه يا انه سوى معي موقف مره وقدام العالم وانتبه عليه اولدي قال انت سويت الماما كذا قال لا يا حبيبي قال الا شفتك قال لالا وضيع الموضوع قال ما اقصد امك با العربي هو ما يحترمني وانا ما اقدر احترمه لانه انسان غريب في وقت الرضى اقول وش ها النعمه واذا زعل والله اني اقول اخذه وحش اعوذ بالله لذالك اقولكم انهيعرف يستفزني بمواقفه معي وما بي من دهاء الحريم الي الوحد تتمسكن لحد ما تتمكن ما اعرف هي مره وحده غلط علي وسكتت ما رديت بس عجزت انام ذيك اليله احس بقهر غير طبيعي وبان علي وانا ساكته قلت وشوله احق بنفسي لا غلط علي ياخذ جزاه وابدا ارمي من ها الحكي

اشربي يانسون

يهدي الاعصاب


حبيبتي

بس تحسي نفسك معصبه ابدئي بالاستغفار ومهما تكلم ما تردي

قولي له مهما قلت مش رح رد
اشغلي نفسك بآية الكرسي

مره واثنان رح يستغرب ليش ما ردت عليي مش من عوايدها


وكله بيتصلح

انما الآن اذا بتحبي ترسلي له مسج صغير

مثلا مشغول بالي عليك وثاني يوم مثلا يا رب تكون سعيد او اشتقت لك


وان شاء الله بس يرجع ما تعاتبيه وانسي

اهم شي اليانسون واي شي يهدي الاعصاب


الرجل يتلذذ عندما يرى زوجته منرفزه بيفرح انو قدر يكسرها




ابدءي حبيبتي بآية الكرسي حاولي تقرائيها 100 او 150 مره باليوم

وشوفي كيف رح يرجع وهو يتصل فيكي


انا من وقت ما بدئت اقرأ آية الكرسي والحمد لله رب العالمين

وبس يعصب اقول في نفسي الحق عليي وارجع اقرأ فورا

واصلي على النبي

جربي وخبريني