يا اخي والله احيانا زوجي يطلب مني شي واسوي نفس حركة زوجتك
يعني اقول اللحين وما اقصد فيها شي واروح على المطبخ على شان اسوي اللي يبيه
وانط في شغله ثانيه وانسى من شغلته بسبب الارهاق ويرجع ويذكرني فيها
يمكن زوجتك مثلي
خذ بقول ام جمانه لانه عين العقل

ياخي يمكن تكون فعلا تعبانه ومو قادرة تسوي لو انت اللي صاحي من الصبح وتكرف في شغلك وراجع البيت تعبان وطلبت منك زوجتك اي طلب حتى لو كان تغير لمبة او تمسك واحد من عيالك على ماتخلص شغلها او طلبت غرض تجيبه لها من برة كان على طوووووووول من غير تفكير اجلت الموضوع وقلت بعدين بعدين تعباااااااااااااااااااااااااااااااااان خليها وقت ثاني لكن هي حرام تقول تعبانة والله ياخي احس انك قاعد تدور لها الزلة والا تبغى تمسك عليها شي عشان لا تقع موقف الملام الله يهديك اخوي الحياة مهي كذا صراع بينك وبينها الحياة تفاهم وتعاون وحب واعتقد ان هذا الشي مفقود بينكم وايضا [color="red"]التفاهم[/color]
اخوي صحح الخلل اللي في بيتك وابدا بنفسك فانت اساس البيت وعموده اذا صلحت راح يصلح وخذ الامور بسهالة زي موضوع القهوة كان ممكن لما قالت لك الحين قهوة كنت على طول قلت لها معليش حبيبتي نفسي اشربها من يدك الحلوة والله اني طول الطريق وانا تذوق قهوتك اللي لايعلى عليها ياناس مافي وحدة في الدنيا تسوي زي قهوتك ومن هذا الكلام المعسول صدقني راح تبرد قلبها بهذه الكلمتين وتروح جري على المطبخ تسويلك قهوتك ومعاها حلى كمان بس اللي مو بخيل ماديا يكون بخيل عاطفيا هذه زوجتك حلالك تبخل عليها بكم كلمة حلوة ..
ولنفرض ياخوي انها ماسوت قهوة سواءا نسيت ولا ماتبغى تسوي لانها تعبانة او في بينكم موقف وعتبانة عليك .,,
ياخي خذ لك عشر دقايق وروح لها المطبخ وقول لها ها حياتي اخبار القهوة وايش صار عليها تحبي اساعدك تبغي شي عالقهوة حلى شوكولا اروح اجيب لك مع كم كلمة حلوة, ضمة, بوسة .. صدقيني مع الايام راح تلقى نتيجة معاملتك هذه وتكون حياتك حلوة وسعيدة ومستقرة لانك مخلي نفسيتها مستقرة ..
والله يسعدك ويوفقك اخوي طولت عليك في الكلام بس اتمنى اني افيدك ...

وردد(اللهم سخر لي زوجتي واجعلها سكنا لي وسخرني لها واجعلني سكنا لها واجعل بيننا مودة ورحمة )

أخي انا اللي فهمته من موضوعك انه انت متضايق منها لأنك طلبت منها فنجان قهوة و هي مشيت و طنشت

هل هذا صحيح ؟؟

اذا كانت هذه هي المشكلة فلا أرى أنك تكبر الموضوع أنا هذا الأمر يحصل عندي كتير

زوجي مدمن قهوة و كثيراً ما يطلب مني أعمله قهوة في الليل أقوله الآن بقلي ايه

بقله اوكي

و كتييييييييييير صارت معي اني بعد ما روح للمطبخ بنية عمل القهوة أجد ما يشغلني و أنسى

و زوجي بقلي شو صار بالقهوة

المغزى من كلامي هو لماذا افترضت انه زوجتك طنشت كلامك و ما افترضت انها نسيت ؟؟؟

و على فرض انه زوجتك ما عملت لقهوة أكيد هي مخطئة و لكن ربما تكون انت الذي أخطأت أولاً

فلا أرى أنك تعمل مشكلة لأنها طنشت طلبك بالقهوة لأنها فقط أرادت أن تنبهك أنها غاضبة بدون أن تتكلم (الظاهر طبعها السكوت عند الغضب متلي !)

و انت بدورك روح لعندها و قل لها انا فهمت من تطنيشك لطلبي أنك غاضبة ممكن حبيبتي أعرف السبب ؟

و اجلس معها جلسة صراحة و لكن لا تتوتر و انت تتكلم و تعتبر موضوع فنجان القهوة اهانة او ما شابه

وان شاء الله بتنحل الأمور بينكم انت بس خلي زوجتك تفتح لك قلبها و تقول اللي فيه و انت بالتالي انصحها و اشرح لها ظروفك

بالتوفيق

__________________
.
.

استودعتك أهلي في سوريا يا من لا تضيع ودائعه

اخي لا تزعل مني هذا كله زعلك ليش ماعملت قهوة كل الرجال كذا لو مرة شالوا عن الست حاجة بدات الطبيخ لو جاب لها من بره خلاص لازم تعمل وتعمل انا ريحتها من الطبيخ حرام عليكم انا زوجي اذا قلتله بدي غذاء من بره تغير يقولي ليش غداء من بره انا هذا الاسبوع ماشفتك تتعبي في البيت كانه لازم اتعب واعمل عشان ليش بيجلب لي غذا من بره

بعد اذن صاحب الموضوع

اتوقع اخواني انكم فهمتوا الموضوع خطأ

هو كتب هذا الموضوع ليبين لكم مثال على كيفية تعامل زوجته معه حين يطلب منها اي طلب

و مثال على كيفية ردة فعله اتجاة اي تصرف تتصرفه زوجته

طبعا هذا استنتاجي من خلال مشاكلة القديمة المستمرة

يعني اللي ما يعرف موضوع الاخ ولهان راح يفهم انه مكبر المسألة ...مع ان المسأله من خلال كتاباتة كبيرة جدا

هذا والله اعلم

كل يوم ازيد اتاكد ان هناك نعم لايقدرها اصحابها وكما يقول المثل الصحة تاج فوق رؤس الاصحاء لايراها الا المرضى

__________________

ام جمانه استهدي بالله ولا تفهموني غلط ... السبب في تأخري بالرد هو لقلة دخولي النت لا أكثر ... بسبب تغير الشفت عندي فعملي حالياً فترة مسائية وصاير مره مضغوط ...


احترم وجهة نظرك ولو كنت اعتبر نفسي صح مليون بالمية لماذا المعاناة اذا ولا تنسي بأن الصراخ على قدر الألم قد لايكون ألماً أعاني منه الآن فهو قد يكون ألماً أخفيته أو تجاهلته لعل السنين تنسيني اياه ألم سنين راحت ... وكان الأمل لعل وعسى ولكن ثبت أن الأمل بالنهاية هو الألم لأنني لم أتمنى إلا زوجة بحنانها تغمض عيني عن سواها زوجةً تكون كلماتها الرقيقة ناقوساً يدق في فكري وقلبي يستحثني للعودة اليها زوجة تتجمل لي ولا تتجمل لمناسبة ستحضرها زوجة اذا اهديتها ان لم اسمع شكراً بإذني أحسستها شكراً بقلبي أو قبلةً على شفتي زوجة اذا جن الليل وسكن أسكن اليها اضمها واحتضنها اشبع رغبتي بالحلال ولا أكون عرضة لهفوة نفس تصادف لحظات جوعي الطويلة زوجة تحسسني بالتفاؤل وترى جميع ألوان الحياة من الأبيض للأخضر للأزرق للزهري ولا تكون الحياة في عينيها ونظرها مجرد سواد كالح حتى انفجرت في وجهها يوماً من الأيام صارخاً هييييييييييييييييه كرهتيني بالحياة هل الدنيا مافيها الا السواد اللي مو شايفه الا انتي وبتنقلينه لي والحياة بنظرك ان الواحد بس يعيش عشان ينتظر ملك الموت متى يجي زوجة اذا تعبت حست فيني ما هو تقول لي ايه انت مرضت شفت ماخليت مستشفى مارحت له وهو كذب اقول لها مارحت لمستشفيات رحت للصيدليه بس تقول رحت لصيدليتين ماهو وحده قلت الدواء هذا ماكان موجود بالصيدلية الأولى ومريت الثانية على طريقي والا اثناء ماكنت اتلوى من المغص الكلوى واستعجلها بالاتصال على اخوتي لأنني لم اكن قادراً على الوقوف تفتح محاضرات وتذكير بالموت وانها هذا اللي هي خايفه منه انه يصير فيها وعلى الأقل انا اخواني يودوني لكن لو كانت هي من كان بيوديها زوجة تحس ان احترامي لأهلها والأحساس فيهم من امها لين خواتها هو عشانها هي ولأجل عين تكرم مدينة .... تقولون ليش لما بغيت القهوه ماجيتها بالمطبخ واحتضنتها ... ورب الكعبه اني احتضنتها وكان ردها والله انك فاضي !!!! وبعدها طلبت القهوه وقالت قهوه بها الوقت وعديت الليله الأولى على خير .... وبالليلة الأولى كنت طالب القهوه الساعه 10 الليلة الثانية طلبتها 11ونص وقالت قهوه بالوقت هذا قلت ايه بالوقت هذا والا الساعه 1 والا 5 الفجر القهوه متى ماحبيت اشربها اطلبها وماعلي من الوقت اذا كنتي تشوفي انه مو مناسب للقهوه الوقت هذا انا ماطلبت منك تتقهوى انا طلبت قهوه وبس ولا سألت عن وقت وغيره ... وراحت سوتها ... انا مايخفى على اسلوب الرد والا الجدال والا القوة لكن انا ما احب الطريقة هذي فلو ماكنت ابي القهوه ماطلبتها ولا يلغي رغبتي عدم اهتمامها ولكن بدل ماكانت بطيب خاطر ونفس وش ابي فيها أما مايخص اني اعلمها النت زوجتي مستحيل تتعلم النت ... لأنها أولاً غير متعلمة وتقرأ ببساطة ... اما ما يخص الثقافة الزوجية كنت احضر لها كاسيتات وكتب عن الحياة الزوجية ولكن لا تعيرها أي اهتمام ....
انا كتبت الرد الطويل هذا لأجل بس اوضع اني لست جلف أو متعالي أو على قولتكم انشغل وقت القهوه بجريده والا نت الا جالس بينهم ساكت احيان اذا سولفت معاها عللكن انا اريد والله يريد ويفعل الله بنا مايريد ....

بالله هذا حل

وانت انتبه لاتسمع كلامها

لا حظت انك لما اتهموك الاعضاء بالضعف رديت عليهم وقلت انا اضرب زوجتي وكأن الضرب هو القوه في نظرك

قوة الشخصيه بالحزم وليست في الضرب الضرب يولد العناد

بسم الله الرحمن الرحيم ايش فيكي معصبه وايش اللي (بالله هذا رد ) و( انت انتبه)اصغر اعيالك حنا؟؟مخليه المشكله وما نصحتي وداخله فقط عشان تنقدي سطر في ردي بهذا الطريقه سبحان الله في شي اسمه اسلوب في الحوار والنقد وهذي وجهت نظري والزوجه اللي اطنش زوجها لابد يطنشها حتى تتوب واللي مايشوف التصرف الغلط انه غلط يكون ماهو بعيد تصرفاته عنه ..ولكن كل إناء ينضح بما فيه من تطور أو هماجه.والرد لايمثل الا صاحبه ولا يضر الاخرين

صراحة
حالة عجيبة
انا أقول ممكن الرجل يكون كذا لكن حرمة
اسمحي لي انها جاهلة بالنعمة إلي عندها
وانها غير متعلمة هذا عامل كبير جداً
الله يعوضك خير