لحظة ام مودي مافهمت كيف اسجل ولادتي؟؟

يصوروها يعني؟؟ وايش يصوروا بالضبط ؟؟ يصوروا الشوشة وهي طايرة وانا اصرخ خخخخخخخخ

والله نفسي اخلي زوجي يحس بمدى معاناتي في الحمل والولادة عشان يصير حنون معايا ،،، شريرة صح

بس في الالماني مايخلوا احد يدخل معاك حتى وقت الطلق ماخلوا احد يدخل الا خمسة دقايق جلست معايا امي بعدين خرجت اما زوجي مرة ما رضيوا يخلوه يدخل

صراحة كل اللي قلتوه خلاني اتشجع اروح له وبقوة وانا متطمنة

اصلا والله حاسة ولادتي مرة قربت حاسة انه هدا شهري رغم اني لسه بالاسبوع الثلاثين

وفعلا كل الحريم اسمعهم يرورحوا لدكتورة تشكر

صراحة ام مودي ما ادري فين اروح من جميلك ربي مايحرمني منك ويوفقك ويسعدك ويحقق لك كل اللي تتمنيه في حياتك يارب

حبيبتي انا كانت ولادتي قيصري عشان كده صورتها

بس لو كانت طبيعي ما اتوقع اني راح اصورها

وتصدقي والله لمن زوحي شاف العمليه حس بمعناتي اكتر

معاك حق في الطبيعي ما يخلو احد ابدا يدخل

انا كنت فيها لحالي لمن كنت استنى الطلق يجيني

والممرضات مره حنونين اكتر من الدكاتره نفسهم

حتى الدكتور قعد يضحك لمن دخل عليا

لان حزنت عليا الممرضه وقفلت لي النور والستاره عشان انام

وربي يولدك بالف سلامه ان شاء الله

بالنسبه لتشكر انا كنت اتابع عندها في اول حمل ليا

وما ارتحت لها لانو اول حمل وماكانت تفهمني شئ

كل اللي تعمله انها تقيس وزني تشوف الجنين وتعطيني الحبوب

وبس حتى ما انتبهت انو بنتي كانت مقلوبه زي حالتك

ولاكنت اعرف ايش معناته ولاحاجه

ما انصحك فيها لانو اخلاقها ضيقه ممكن اللي متعود عالولاده اكتر من مره يروح لها

بس زي حالتك ابدا لا تروحي في عفاف كمان حنونه وشيجان بنت خالتي ولدت عندها

تقول مره ما حست بشئ

حبيبتي احنا اخوات وانا حاسه فيكي لانو كانت بنتي زيك واول حمل وكنت خايفه

ربي يتمم لك بخير ولا تشيلي هم واقراي القران وامسحي على بطنك

__________________

أللهم إنك عفوا كريم تحب العفو فأعفو عنا

الله يسعدك يارب ويريح خاطرك دنيا وآخرة والله ادعيلك من قلبي يا ام مودي وقفتك معايا ماراح انساها ابدا

وباذن الله اول وحدة ابشرها بولادتي هي انتي وعاد استناكي تجيني وجيبي معاكي الهدية

السلام عليكم اخواتى الافاضل عايزة اراسل دكتورة لميس ومش عارفة اعمل اى حاجة دلونى اعمل ايه لانى تعبانة جدا
ولكم منى جزيل الشكر اختكم ام سارة

اختي هتون الهتان

ساضطر الى اغلاق الموضوع لانه قديم ...

اذا عندك اي استفسار او تساؤل اخر ارجو وضعه في موضوع مستقل في قسم النسائيه والتوليد..

تحياتي..

__________________