الله يعينج حبيبتي
الله يعطيج الصبر

__________________

شووووفي حبيبتي اهم شئ صحتك مو تحسرين وتبكين وبكرة بسم الله عليك تجيك امراض والله مااحد ينفعك وشكرا

السلام عليكم ورحمة الله وبركاته..

عزيزتي.. يبدو لي والله اعلم انكِ لم تحبيه كفاية لأن المرأة بطبيعتها
اذا احبت رجلا بأنوثتها وذكائها العاطفي تحببه فيها حاولي ان تبدأي
معه من جديد وان تريه من منظار وزاوية اخرى لعلكِ ترين فيه شيئا
تحبينه لآجله ولو كان فقط الطفلة الجميلة التي بينكما.. اخلقي السعادة لكِ
وله في غربتكما وانسي الزعل وفوضي امركِ لله وتجاوزي عن اخطائه الصغيرة
جربي لفترة شهر مثلا ان تدلليه يوميا بوجبة لذيذة من صنع يديك بحب وزيني
نفسك ومنزلك واعملي له مساج وجهزي له الحمام وكل ماتستطيعين ولكن لاتنتظري مقابل
او ان يبادلك وانتظري فقط ان يلاحظ حبك له لأنه قد يكون احس انكِ لاتحبينه وانه مهما فعل
فهو لاشي في نظرك ..هذا كله مع الدعاء بأن يسخر الله لكِ قلب زوجك..
اعذريني للاطاله واتمنى اكون افدتك ..

اختي هذي مشكة ازلية عند كثير من الرجال وخاصة الذي ساعات دوامه طويله شوي وهذا النوع من الرجال يصبح لا يرقب في اشيا كثيرة ومن ضمنها العلاقات الحميمة والحمدالله ان لها علاج مع الوقت والصبر والدعاء وكثرة الاستغفار وسوف يفيدونك الاخوان والاخوات

شوفي أختي أنا أتوقع والله أعلم أن كل تصرفات زوجك متعمدة

يعني الرجال شكل راسه مليان قبل يتزوجك من الفاشلين في زواجهم

ما قصروا ملوا راسه لين قال بس .. وبدأ يطبق الكلام عليكِ

لأن في حاجات غير طبيعيه .. في تصرفات شكلها مصطنع

وهذا غلط مافي شك لأن الانسان ممكن ياخذ نصائح من غيره لأن في حاجات مشتركة بين جميع المتزوجين

لكن في الجانب الآخر في حاجات كل الانسان متفرد فيها ..

يعني المفروض يتعامل معك بشخصيته هو مو بشخصية ربعه .. ويتعامل معك كأنسانة مختلفه

عن باقي النساء ..

الانسان متفرد بذاته رغم التشابه بينا كبشر .. وخير دليل البصمة التي من المستحيل أن تتكرر مرتين

وعلى هذا أقول كل الناس يتزوجون بنفس الطريقة لكن حياة كل شخص مختلفة لأنه انسان متفرد

زوجك مشكلته أن حاط في راسة فكرة محددة .. وقاعد ينفذها وانتي تساعدينه عليها رغم أنها خطأ

هو قرر من البداية يتخذ موقف الجزر .. وانتي تتخذين موقف المد على الدوام ..

وهذا اكبر خطأ وهذا الي مخلي حياتكم مالها طعم

مخه مليان بأفكار الفاشلين والمعقدين من الزواج .. لذلك ضروري يتخلص من هالاعباء

وساعات دوامه الطويلة ماهو مبرر لكل هذا الجفاء والتجاهل .. أنا أعرف وحدة زوجها يشتغل دوامين

ومع ذلك حياتهم مليانه حب ورومنسية .. رغم بساطتهم وامكانياتهم المتواضعه ومشاكلهم المالية

لكن الانسان الطبيعي يعرف كيف يوصل مشاعره ولو بأقل شي

لكن الي مخه مليان بكلام غلط مهما كان في وقت مراح يبادر .. لأنه خايف تستغلين حبه خطأ

ياختصار كلام التجريح متعمد .. شعرك انتبه له .. بس القصد تكسير المجاديف ..

وذكرتيني بواحد كذا .. قعد يكسر مجاديف زوجته لين قال بس

تخيلي من الفترة الملكة يشتغل عليها .. مرة اهدته عطر وكتبت اهداء في بطاقة

تدرين كيف رد عليها .. قالها : العطر هذا انا شاريه من زمان .. عندي .. والبطاقة مافيها اسلوب ادبي

شفتي هالعقد ..

لكن زوجك يمكن يكون اهون .. عقده اقل .. لأن ذاك عنده عقد كبر الكرة الارضيه

وبسبب تصرفاته وعقده فشل مرتين في زواجه والحين التجربة الثالثة .. وما يندرى عنه تعلم من أخطأه والا لا



الحل من وجة نظري وعشان تكسرين هالروتين الممل .. وعشان تحفزينه يعيش شخصيته هو

أنك تتخذين موقف الجزر .. يعني إذا هو عاجبته حياة الجمادات أنتي صيري صحراء قاحلة

وبلاها استجداء العواطف .. وإذا هو مستخسر عليكِ كلمة أحبك .. لا عاد تقولينها له

وإذا متعودة تستقبلينه وتعملين حركات .. بطليها أو قلليها .. حياتكم الخاصة طلب اوكي ما طلب

عادي كل واحد ولا تلمحين ولا يحزنون .. جمدي وخلك ثلللللللللج

هالاشياء تسوينها حق اللرجال الي يقدر قيمة الاشياء

ومثل ماهو مشغول عنك بجرايده وشغله وتلفزيونه .. انتي بعد شغلي نفسك عنه باي شي

روحي المكتبه اشتري كتب .. وإذا ما تحبين القرأة اشتري قصص .. في قصص روعه تحملك من مكانك

إلى مكان أحداث القصة وتنسيكِ الوقت وكل شي ..

حاولي تشوفين لك هواية وتنمينها في البيت

حاولي تتعلمين لغة جديدة .. أشتري كتب تعليميه .. أو دخلي مواقع في النت وتعلمي منها بتشوفين تفاعل

شغلي نفسك عنه على طول .. واذا كان ما يحس بجلوسك جنبه لا تجلسين على طول حنبه .. بعدي

شوفي لك حجرة ثانية ذاكري فيها .. او اقري فيها .. استمري كذا شهر .. شهرين .. ثلاثة

إذا كان فعلاً هذا طبعه بتعرفين .. وإذا كان مخه مليان بكلام ربعه بعد بتعرفين

واذا كان يحبك بتعرفين .. واذا ما يحبك بعد بتعرفين

كل هالاشياء بتوضح لك وبتفهمين إذا ابتعدتي عنه وظهرت شخصيته الحقيقية مو املائات ربعه

__________________

زوجها جافي في تعامله معاها لانها هي جافة في تعاملها معاه لو اعطت بتاخذ وكان بدل الطقم اللي ب5000 اشترالها بعشرة ...

اصبري عليه واحتسبي اجرك عند ربنا وحاولي تزيدي اهتمامك فيه من اول لحظة يدخل فيها البيت واساليه كل يوم عن يومه وشغله وايش جديد الجرايد اليوم لانه يمكن تكون اهتماماته محصورة بشغله وحسسيه انك فعلا مهتمة واتمنى لك التوفيق

للأسف دايماً اللوم على المرأة مهما كان

يا ليت ترجعون ردكم لما يجي رجال يشتكي جفاء زوجته

عشان تعرفون أن اول من يظلم المرأة هي المرأة ذاتها

الرجل يدافع عن الرجل

والمرأة تدافع عن الرجل

شوفو ردودكم ..

في هذا الموضوع

اعاني من زوجتي اللامبالية

http://www.66n.com/forums/showthread.php?t=183974


ليش ما نصحتوها نفس الشي .. رغم انها 4 سنوات تعاني منه وتعطيه حب وتحاول معه

لكن هو ولا معطيها وجه .. 4 سنوات مو مثل الأخ كم شهر وزوجته حامل بعد

ومع هذا الكل قال له اثقل عليها

ليه ما قلتو له دور في بوصلة الشخصية .. ليش ما قلتوا احتسب

وهذي 4 سنوات وهو حالته حاله ومين انتي اشتري لك بالهلمبلغ .. وحتى كلمة وحدة ما تطلع منه

تستجدي العواطف منه استجداء كأنها تطر منه .. حتى علاقتهم غير طبيعيه

طلعه من البيت ممنوعه منه 4 سنوات ممنوعه بين اربع جدارن .. الشمس ما تشوفها

بعيده عن أهلها وممنوع تتعرف على أحد .. كل شي ممنوع ممنوع

المرأة مثل الوردة اذا تحرمها من الماء والهواء والشمس تموت

وهو حضرته حارمها من كل شي .. لا كلمه ولا تمشيه مثل الناس

وبعد هي الغلطانه .

بالله عليكم خلكم عادلين ومنصفين .. هذا انسان طبيعي ؟؟

اذا الله أنعم عليكم برجال عاقلين وما عندهم عقد نفسيه ومريحينكم

لا تنظرون لكل رجال ظرتكم لأزواجكم ..

واذا المرأة نجحت في حياتها الزوجيه وكان في حياتها توافق ورمنسية وحب

هذا لأن زوجها عطاها فرصة تتقرب .. ولأنه هو يبي هالشي

مو لأنها شاطرة وبس ..

الزواج السعيد يتكون من طرفين كل واحد منهم يعطي وياخذ

اذا اقتصر العطاء على شخص معناته خلل في العلاقة وظلم لطرف سواء الرجل أو المرأة

تراها مو مثلكم .. إذا ابتسمت في وجه زوجها .. زوجها ما يبتسم هذا اذا طالع وجهها

اذا اطبخت ما يقولها يعطيك العافية

إذا قالت أحبك .. قالها وانا كمان مستخسر يسمعها الكلمة

ما يطلعون مثل الناس .. ما عمره فكر أنه يتمشى معاها

ما عمره فكر يعزمها بره على غداء او عشاء



وبعد كل هذا اهي الغلطانة !!!!!!!!

تقول لكم ابتسم واضحك واكون خفيفة الظل .. تقولون لها انتي غلطانه

تقول لكم اهتم بنفسي البس و اكشخ .. تقولون هم انتي الغلطانه

تعمل جو رومنسي .. تقولون بعد انتي غلطانه

اقولها كلام حلو انتظر رده .. ايييييه غلطانه بعد

شنو تبونها تسوي اكثر ..

خلكم منصفين معاها



.

__________________