السلام عليكم
انامتزوجه من 5 سنوات وعندي3 اولاد
الموهم توني متوظفه جديد
مع العلم اني كنت موظفه من قبل لكن استقلت لظروف و الحين رجعت وتوظفت
من قبل لاتوظف وزوجي يلمح لي انه بيجي الوقت اللي بيشيل صرفيته عني
وهو كان يعطيني مصروف 2000 ريال وماكان ابدا مكفيني لكن كنت صابره واحوش من عندي عشان ما اطلب منه
و توه نازل لي اول راتب ( 16 الف )>>اول راتب وجاب مشاكل وكان يقولي انه مايبي شي من عندي بس بشرط انه افتح رصيد لكل واحد من العيال واحط فيه 2500 ريال يعني المجموع 7500 وانا كنت مخططه اني اجمع لنفسي لان طول عمري وانا ماجمعت شي لاني بالاصل ماكان مكفيني واصلا حتى يوم كنت اخذ منه المصروف كنت اشتري لعيالي والله ماكنت مقصره في البيت اشياء كثيره كنت اشيلها من مصروفي ولا طالبته بالمبالغ والحمدلله بيتي كان ولا زال مو ناقصه شي كل شي عنده فطوره غداه وعشاه وحتى حلو العصروو شاي و قهوة الدوام واجيب له من بين فتره وفتره هداياوتواجيب كلها عليوما كان عنديخلاف لانها كلها برضاي
يعني انا لما اقعدبين صاحباتي اكون الزوجه المثاليه الوحيده اللي هي السوبر وومن اللي ماتضايق زوجها ولاتنكد عليه وطلباته كلها امرو سم
المهم انا ماعجبني المبلغ
قلت راح احط بس 1500 ريال لكل واحد عشان بالباقي اقدر احوش لي شي و بعد ازياده على كذا اقدر اصرف فيه عالعيال والبيت مثل ما كنت قبل
لكن ماعجبه وو قعد يهددني انه ما يبغى مني شي وانه بيتزوج علي او يطلقني ويقولي روحي تهني ب 16 الف بروحك وحتى العيال بياخذهم
الحين بعد هذا كله واللي سويته يقولي هذا الكلام
والله انصدمت منه لانه كل ساعه يقعد يعيد ويزيد علي انه ما يبي شي من راتبي وانا من الاساس ما قلت اني باتمنن عليه هو الحمدلله راتبه كويس25 الف صحيح انها ماهي صافيه بس هذا حال كل رجال
والحمدلله انا احنا الاثنين مااحنا راعيين فشخره وحياتنا قبل ما اشتغل كانت كويسه
الله يعن الفلوس كانها بتفرقنا
هو ما يبي يقدر اني ابي اجمع لنفسي
وشلون اجمع وهو بيستقطع من راتبي 7500 ريال
والله مره كثير وفي نفس الوقت انا حرمت نفسي كثير في فترة المصروف
اختي وهي اصغر مني مو متزوجه تلبس احسن مني وانا البس من وراها
صرت انحرج اذا رحت اخذ منها حاجه و زوجي ماهو شايف شي ماهو شايف كيف مابي اضغط عليه
المشكله ان اللي حولنا كلهم زوجاتهم معطينهم كوع في كل شي في حياتهم
لا اكل في البيت ولا حياه ولا ريق حلو وانا اللي مدللته ومخليته طاير بالسما جازاني بهالكلام اللي الله اعلم متى بيصير فعل وو على قولته قريب

قولوا لي انا غلط ولا صح
اخاف اوافقه يستغلني اكثر واصير انا ضايعه بين تهديداته بالطلاق او الزواج وبين رضوخي له
مع العلم زوجي جدا طيب و ادري انه يحبني وانا بعد والله اموت فيه