السلام عليكم ورحمة الله وبركاته
هذه اول مشاركة لي فالمنتدى ارجوا من الله التوفيق والقبول --ابقولكم قصتي باختصار تقدم لخطبتي شاب من قرابتي وبعد السؤال والتحري الكل يمدح فيه حتى امه تقول انه ملتزم وسيارته مليانه محاضرات!!!!!!!
حتى اخواني --المهم انا استخرت او وافقت وكنت فالبداية مترددة لاني اكبر منه بثلاث سنين!!! والكل كان يهاوشني وش فيها إذا كان اصغر منه طبعا هو عارف هالشي حتى بعدين يقولي فالمكالمات ان الرسول عليه الصلاة والسلام اخذ خديجة وهو اصغر منه المهم --تم عقد القران :14:واستمرت الملكة ست شهور وكان كل يوم مكالمات ويمكن تستمر المكالمة ساعة كاملة طبعا كان دايم يمدح نفسه انا ما ازعل احد وانا راح ادلعك وانا مايهمن الشكل ابد اهم شي تصبرين على ظروفي!!!!لانه راتبه قليل وانا ارد عليه لو تسكني بخيمة اهم شي انك تصلي--وكنت دايم اسأله انت وش تحب وش تكره ويرد علي اهم شي انتي مرتاحة ماعليك مني يعني باختصار خلال هالفترة خلاني اتعلق فيه!!!وتم الزواج وهنا الي ماتوقعته بالبداية كان عادي بعدين تغير حاله 100درجة صار مايطيقن وكنت مستغربة ياربي وش فيه واستمر شهر يعني نمارس حياتنا عادي بس مايطيق يتكلم معي سألته وش فيك متغير قال انا ماني مرتاح معك بصراحة زي الصدمة انهرت وبكيت كثير ودايم يقول خلاص ابوديك اهلك وخلال هالفترة كل يوم يصدمني في شي يعني ينام طول اليوم وإذاقام يجمع الصلوات واكتشفت انه يكلم بنات بالماسنجر كلام ماينقال ويناظر مشاهد إباحية يعني بدت الصدمات وانا مانسيت نفسي قايمه بجميع حقوقه --بس كان كل يوم يبعد عني--وبعدين ماتحملته واحهته بسالفة النت--وطبعا حط رمز شخصي--(انا قاعده اختصر بالموضوع
وبعد ست شهور معاناة طلقن انهرت وبكيت بس كنت ابعرف السبب الحين لي ثمان شهور ماني قادره انسااااااااااااااااااااااااااااااااااااااااااااااا اااااه تعبت كل يوم وهو على بالي انا رافظة تصرفاته بس ماني قادرة اقنع نفسي احبه بكل مل تعني الكلمه من معني ياليت بس اقدر اكرهه-----------
ساعدوني من مرة بها التجربة وقدرت تجاوزه ساعدوني بكلمات تريح صدري---
الله يرد عن وجهه النار الي يرد علي------

الإشراف / تم تعديل العنوان بما يناسب المضمون