ياأخوان

اليوم أنا فكرت وفكرت وفكرت

إني أرد عليه وأقول

اني موافقه

لكن بشرط مني

الوظيفه مايمنعني منها

وكذلك بالنسبة للنت افكر اقوله يسمح لي فيه تصفح فقط دون رد وبوقت محدد ماعندي مشكله

ايش رايكم

...؟

خايفه يرد علي رد يحطمني

__________________
حسبي الله ونعم الوكيل

أثقلي لاتستعجلي بالرد

والأحسن أنك لاتردي عليه

أختي هو عارف أنك تبينه أذا يبغاك يجيك ويحقق لك شروطك أنتي مو شروطه هو

أختي ((عزّ نفسك تجدها))

اذا أنتي ماعزيتي نفسك وأعطيتيها حق قدرها بتهوني وبترخصي بعينه هذولاء هم الرجال

وتاكدي اذاربك كاتب لك حياه معاه بتعيشها معاه وبيجيك هو من نفسه

فوضي امرك لله وطنشيه راي من وجهة نظري

ربي يوفقك000

__________________
(سيدة الموقف)
لم ننساك ونسأل الله ان تكوني أنتي وأولادك بخير

الأخ الفاضل(MANET)

أقصد الأمور مجتمعة تعني استعباد وليس النت وليس منع النت لوحده >>> وإلا مو ضوع المنع من النت ممكن المرأة العاقلة أن تتقبله حتى لا تهدم أسرة ...

و وجود الفكرة أصلا عند أي رجل إن الزوجة يمنعها من النت تدل على عدم فهمه لما يدور حوله في المجتمع ,, أو عدم مرونته ,, وربما في بعض الأحيان عدم ثقته بالطرف الآخر وربما تعود لما مر عليه من مواقف ( نتيه) تؤثر سلبا على زوجته ...

__________________
{ اللهم صلي وسلم على محمد وآله وصحبه تسليما كثيرا }

الله يعينك ياخويتي على مصيبتك

شوفي اثقلي وخلي شروطك سنعه .. وشيلي فكره النت .. وين بتقولين قدامه بتصفح نت .. << بيضحك عليك

خلي سالفه النت بعدين بعد ما ترجعون لبعض فاتحيه بالموضوع وصدقين بيكون الموضوع عادي جدا .. < وقولي ملكه قالت

انتبهي واثقلي ...


الله يوفقك ويسهل عليك ..

__________________

ماعدت انا 00هو شايفك ميته على رجعته وقام يتغلى ورجع يتشرط 00عزي نفسك ولاتردينله اي مسج واذا سالك قولي مافي اي وحده حره بتقبل بها الشروط لافسحه ولا لبس مابقى يقول الا لاتتنفسين الا باذن مني 0المفروض انتي اللي تتشرطين موهو هاذا طلاق مولعب000الله يجمع شملكم على خير

اكيد لأنك ما ذقت مرارة الطلاق ,والفراق .. جالسه خلف الكيبورو الشاشة , ولا تستشعرين حالها
بعد ان كانت زوجة فأصبحت مطلقة ..

لعلمك اللي قاعدات يقولون لك تغلي واثقلي , ترى هن جالسات بحضن أزواجهن , ولو أن زوجها أعطاها ظهره مو طلقها
قامت تولول وتبوس الأرض اللي يمشي حتى يرضى عنها .. اعملي بما ترينه مناسب لحالك وأبنائك .. وأما ما فرقت معها
يروح يتزوج غيرك .. وأنت خلي الناصحات يشوفون لك عريس يرضى بك ثانية ..

السلام عليكم ورحمة الله وبركاته..,,,

عزيزتي ماعدت أنا
لاتقلقي فكل ماتمرين به من خوف وقلق وحزن سينجلي
فوضي امركِ لله وحده وبإذنه تعالى سيرزقكِ من حيث لا تحتسبي

غاليتي مشكلتكِ شبيه لمشكلتي وأعرف بما تمرين به من انتظار وقلق من المستقبل المجهول وأفكار ووسوسة قهرية هل سأعود أم لا وووو......الخ!!

من وجهة نظري وما ادري اذا كانت صحيحة أم خاطئة وانتي ادرى بزوجج...!!!
زوجج بما انه عصبي وما يتحكم بأعصابه خااااايف يطلقج للمرة الثالثة....وبعدها تحرمين عليه
خاااايف تكونين مثل ما انتي ما تغيرتي وتخلينه يفقد أعصابه ويطلقج!!
ويمكن حس انه يحتاج وقت يقدر فيه يفكر بهدووووء بعيد عنج ويقدر يرتب اموووره...بس انتي استعجلت بارسال المسج
وسالفة انج انخطبتي خرعته....هو كل اللي يحتاجه الوقت...لاتخافين من الواضح انه مازال شاريج ومايبي بنته تبعد عنه

شوفي اختي وياااارب انج تسمعين نصيحتي...لاترسلينه حاليا اي مسج وانتظري لي ما بعد العيد!!!
لاتفكرين فيه واستغلي رمضان بالتقرب من الله وسوي لج جدول يومي لقراءة القرآن 5 اجزاء يوميا
لاتحاتين اي شي....( ادري ان الكلام سهل ) بس والله اني مثلج وقصتي شبيه لقصتج والانتظار مو بس صعب الا مر ومؤلم
لاتخافين ولاتضايقين روحج...وكل ما احسستي بالهم والضيق لاترسلينه اي مسج...روحي وضي وصلي ركعتين وادعي فيها
الرحمن ان يفرج همج ويصلح امرج وكثري من الاستغفار...وبعدها صدقيني بتشوفين الضيق تبخر وراح ولى..!!

" اسأل الله ان يسخر لكِ زوجكِ ويختره لكِ واسأله تعالى ان يصلح احوالكما ويجمع شملكما ويطهر قلبكما ويجلو حزنكما "

اختي الغالية.....لاتنسيني من دعائكِ في الأسحار

اختي ممكن اعرف .. ليش طالبة منه يرجعك ؟؟

وليش قاعدة تدقدقين عليه وترسلين اشعار .. >> لا تزعلين مني بس ابيك تفككين الأفكار داخلك

وشنو سبب طلاقكم من الاساس >>> إذا مو غلطانه لأنه ما يشتغل .. او يمكن ناسيه .. الله أعلم

وهل تحسنت احواله حتى تعتقدي أن رجوعك له سيحسن من حياتكم

هل الخلل الذي ادى إلى طلاقكم تصلح .. وإلا كل شي على حطت يدك

إذا كل شي مثل ما هو .. انا مو شايفة ان حياتكم بعد رجوعكم بتكون افضل

السيناريوهات راح ترجع مثل قبل و أكثر .. والمعناة هي هي ..

إذا انتي إلى الحين تقولين أن الخطأ راكبه من ساسه لراسه وانه للحين مو راضي يتنازل عن اي شي

وانه للحين يعتبرك خدامه مو زوجه وانه وانه .. ..

وهو نفس الشي .. من شروطه باين انه راسه كابر والاحتقار واضح من كلمته بعد ثلاث سنين لو ما تزوجتي

بخطبك

هذا إذا ما تزوج ولو تزوج بعد بيرجعك .. يعني منكسر خاطره عليك ..

شوفي يا عمري .. أنا ما ابغي اشور عليكِ واقولك رجعي او ما ترجعين

بس خلك عقلانية في تفكيرك .. فكري بعقلك وبس

جلسي مع نفسك وقولي انا ليش تطلقت .. شنو السبب .. 1 \ .... 2 .... 3 ... ؟؟

ليش ابي ارجع الحين ..؟؟

شنو السبب ؟؟ عشان بنتي .. عشان نفسي لأن لقب مطلقة اتعب نفسيتي .. عشان احبه وبستحمله .. عشان

اكتشفت اني انا الغلطانه وهو الصح ... عشان شفتيه تغير وحس بغلطه وانه اصبح زوج صالح ... عشان حسيتي انه يحبك

ومستعد يقدم تضحيات عشان ترجعون لبعض ... عشان شنو ؟؟؟

طيب هل الاسباب هذي انتهت أو هل عندي استعداد اني اتحملها واطنشها عشان كذا وكذا

وفي نهاية تفكيرك إذا اكتشفتي انه في شي في معادلة حياتكم تغيرت أو طرأ عليها شي جديد

يخليها تمشي وتكون أفضل من قبل .. ارجعي له على بركة الله

وإذا لا .. ورافع خشمه .. وما حسيتي أنه شاريكِ .. فـ ..... القرار لك اولاً واخيراً


الله يكتب لك الي فيه الخير

__________________

السلام عليكم

يرجى إحترام العضوات وعدم تسفيه آرائهن دون مبرر
و لعلمك أغلب الموجودات في القسم مطلقات و يعرفن ما معنى كون المرأة مطلقة
و يعرفن مرارة الطلاق و تبعاته
و هن عندما نصحنها بالتريث بيَنَّ أنهن يخشين عليها أن تدخل في سلسلة جديدة من المشاكل

و كون المرأة تجلس في بيت أهلها مطلقة معززة مكرمة هذا أفضل من أن تعود لزوجها السابق و هي
غير مقتنعة بشروطه فتدخل في معمعة جديدة من الخلافات التي تخرج منها بخسائر أكبر

__________________
سبحان الله و الحمد لله و لا حول و لا قوة إلا بالله
.

رغم كل الصعوبات ... استمتع بجمال الحياة ...

::