السلام عليكم ، و صباحكم ورد و ياسمين إن شاء الله


شكرا ً لكل اللي عقبوا ، و لي عودة لمداخلاتهم الكريمة !


طرء في الموضوع أفكار جديدة ( مفيدة ) خلتني أتريث ! لكن ليس ببعيد أرجع و أخبركم شصار


شكرا ً لمتابعتكم و إهتمامكم .

وعليكم السلام

اخي الكريم

ربي يوفقك ويسهل امرك ويكتب لك الخير

ولاتنسى تبشرنا

__________________
حمداً لله على نعمه وفضله

مرحبا أخ سواح

أنا من البحرين..

وعندي لك طريقة سهلة واختبارية لها

قول لها بأنك منذ فترة معجب بفتاة

وقول لها مواصفاتها

كلها

وانت رتب الموضوع بطريقتك

وحاول تقول لها بأسرع وقت

لكي لا يسرقها أحد منك وبعدها تندم وقت لا ينفع الندم

أو طريقة ثانية

قول لأحد الأخوات اللاتي معك بالعمل بأن يأخذوا رأي الفتاة بخصوص تقدمك لها

ما رأيك؟؟؟

أختك من البحرين

غزالة البوادي

__________________

السلام عليكم


أمسي على الجميع ، و تحية من القلب على التجاوب الكبير اللي أحرجني من جد ، و الله حسيتكم أقرب لي من أصدقائي و عائلتي اللي ما قدرت أفتح قلبي لهم و قول معاناتي !


إخواني ،،، قلت في الصباح ان طرأ في الموضوع شيء جديد ، و هو مو جديد حقيقة ، بس لشدة تفكيري و تركيزي في الموضوع نسيت ، انها تدرس و داخلة على الامتحانات النهائية بعد إسبوعين !


الأمر اللي أحس إن عائق كبير في هاللحظة لفتح الموضوع !

حى لو كانت بترفضني ، ما ابي أكون سبب في عدم تركيزها و بالتالي فقدانها درجات ( خصوصا ً إنها متفوقة ) !



أما بخصوص إن غيري يخطفها ، اممم ، أحس اني راح أدري اذا تقدم لها أحد ( لأنها تخبرني غالبا ً ) و وقتها راح أتصرف !


ما أدري الصراحة ، لكن أحس انها مكتوبة لي ،،، أفكاركم أنا رتبتها حسب اللي أعتقد إن يناسب حالتي ، و أعتقد إنها راح تتقبل الاسلوب اللي في بالي ( و أعتقد إنها راح تقبل فيني ) لكن الوقت أحسه غير مناسب حاليا ً

فاللي صبر له شهر راح يصبر شهر ثاني !


اللي يختلف معاي ،، أترجاه يبين لي وجهة نظره ، يمكن أكون غافل عن شي


و هم أنا اذا صار وياي شيء أكيد راح أخليكم في الصورة .



مرة ثانية شكرا ً من القلب للكل و عساكم على القوة !

وعليكم السلام

عين العقل اخوي

انتبه تكلمها طالما ان عندها اختبارات

حرام يتشتت تفكيرها وتضيع درجاتها

وماراح تطير باسبوعين

ربي يوفقك ويسهل امورك يااارب

__________________
حمداً لله على نعمه وفضله

رأي سليـم وفي مـحـلـه ....

وبـقـرارك هـذا تـسـوي بالناس والعـالم اللي تـتـابـع موضوعـك خـيـر عـظـيـم.......!!!!














وذلك بـسـبـب ....





















لأنـك بتـخـلينـا فـي انتـظـار على احـر من الجـمـر ...........!!!

وهـذا بـيدفـيـنـا من بـرودة الشتاء.............!!! .... وأولهم عزوبي....









والله يكتب لك الخيـر ويـرزقـك الزوجـة الصـالحـة




عزوبي بس رجل

__________________

يا حي يا قيوم برحمتك أستغيث أصلح لي شأني كله ولا تكلني إلى نفسي طرفة عين

سلام لأحلى منتدى ،،،

طاير من فرحتي ، و إن شاء الله يكملها معاي !

تدرون شصار ؟

حدي مستانس !


ما بطول عليكم ، اليوم أحداث حلوة صارت ورى بعض ، سبحان الله ( أحسها مكتوبة لي هالبنية )

وحدة من الزميلات عن طريق مزحة ( مزحة ها ) إستغلت عدم وجودي أثناء البريك ( وقت الافطار ) و سألتها عني ...


الزميلة : شرايج في فلان ؟
البنت : من أي ناحية ؟

الزميلة : بشكل عام .
البنت : موفق في شغله ، ملتزم دينيا ً ، أخلاقه حلوة و ولد عايلة ... ( المهم إن قعدتني تمدحني وايد ! )

البنت : ليش تسألين ؟
الزميلة ( بمزحه ) : ليش بعد ، حق زواج .

البنت ( مندهشة ) : جذابة ، هو قال ان مو الحين ، و للحين ما لقى بنت الحلال اللي تعجبه ، ثانيا ً هو قال راح ياخذها عن معرفة ، فأكيد ما بتروح تسأل عنه ،،، يعني راح تاخذه و هي تعرف عنه كل شيء !
الزميلة : شفيش بلعتيني ، أتغشمر و ياج ، بس جفته مو هني ، قلت أسأل عنه ، فجت في بالي هالفكرة ، قلت خلني أسأل عنه ، بس شفيج أكلتيني ؟

البنت ( و بانت عليها علامات الارتياح ) : لا عادي ، بس استغربت ، الله يوفقه ، و انت تركي عنج حركات الخطابات و التفتي لشغلج أحسن ( بطريقة فكاهية ) !



هذا المشهد نقله لي office boy ( الفراش ) ، و قت اللي سألته شصار وقت غيابي ؟

الشيء الثاني و هو اللي كنت خايف منه ، إن تكون حاملة مرض وراثي ، ( لأني حامل فقر الدم المنجلي ) و بالتالي حتى لو هي موافقة انا ما راح أوافق ! المهم اليوم اتصلوا فينه H.R يبون منا يتأكدون من بعض المعلومات الصحية لأن علاجنا على حسابهم ! فسألوها ، هل تحملين مرض وراثي ، فقالت : لا !



آخر شي : إن ليلة السبت الجاي ، المدير العام توه راجع من الحج ، عزمنا كلنا في منتجع سياحي ، كل واحد مع زوجته او زوجها ! فإحنا اثنينه مو متزوجين ... فقلت لها اشلون ؟ فقالت .. تبي الصراحة اذا انت بتروح انا بروح و عشانك بعد لأنك الوحيد اللي ارتاح له !


غير الاشياء اللي انا حاس فيها و ادريها بالعين و الاشارة !


قربت لحظة الحسم ، بعد الامتحانات النهائية !




أدري صدعت راسكم شوي ، لكن بسبب اني وعدتكم اني أحطكم في الصورة في كل حال !


دعواتكم لي بالتوفيق في رحلة حبي الأول و الاخير و بناء قفص الزوجية


أخوكم السواح

اخبااااااار مفرحة بجد

احمد ربك واكثر من الدعاء

ربي يوفقكم ويكتب لكم الخير

__________________
حمداً لله على نعمه وفضله