انا امشي بعبارة
"عامل الناس كما تحب ان تعامل" و "اللي بيته من زجاج ما يضرب بيوت الناس بالحجر"

يعني اذا انت معروف عنك انه عيونك زايغه و تقول انه المذيعات حلوين المفروض ما ازعل لو خطيبتي او زوجتي قالت نفس الكلام عن رجال هذا شي

و كمان البنت قالت لعمتك ما قالت لك يعني رح تستحي تفكر تقول لك شي زي كذا

و برضو البنت لما تطالع في رجال مو زي الرجال لما يطالع في الحرمه ... هيا تشوف ملابسه ... الستايل حقه ... لباقته

اما احنا الرجال ......... انت ادرى

انا اشوف الموضوع عادي وما فيه شي البنت قالت رأيها صحيح الحياء مطلوب لكن هذي خطيبتك!! و ما اعتقد انها قالت كلام غلط او خارج عن الحياء

الحرمه لما تحب رجال ما يهمها وسامته يهمها معدنه

ملاك انتي حفله

هدي يا وخيتي شوي ولا تتكلمين في خفايا الصدور !!!!!!!!!

---------------------------------


صاحب الموضوع

غيرتك مو في محلها ابدا

مجرد خطيبه لا لها ولا عليها منك

زي ماتهورت وابدت اعجابها فيك وانتو ع البر

تهورت وابدت اعجابها بالممثل


( ولا واحد منكم يحل لها وعموما هي متهوره انها قالت انك مو الشكل اللي تتمناه وعمتك مثلها متهوره علمتك.. مو هم صاحبات اكيد يتشابهون والا ماتصاحبوا ...)

وين فيه الغلط؟

يمكن عادي عندكم سالفة المكالمه والرسايل ولو مافيه عقد شرعي.. حتى لو جماعيه وبخطوط حمرا وزرقا وسودا

بس عموما هو حرام .. وش طبيعي يصير شي من التنغيص لأن ما مشيتوا في الموضوع بشكل حلال تام يعني ربي فوق


وسالفة الحرمه اللي تعجب بشخص هذي عاديه ولو انه عيب .. بس يشفع لها انه مافيه احد مالي قلبهاوعينها.. لكن تعجب وهي متزوجه لا مو عادي

اذا تزوجتها وملكت قلبها بالحلال والرجوله الحقه .. ساعتها لو انك جيكر طولك نص متر اسود مزرق بتشوفك ملاك !!

اشوف زوجتي ولله الحمد .. جربتها في هالأتراك اللي طلعوا فجأه ( ولو انهم اجدادي من بعيد على فكره )

لأني ماشي معها بما يرضى الله كبدها تلوع اذا شافتهم ... وتعيب على كل وحده تعجب بأحد

وسمعتها تتكلم عنهم بدون ماتدري .. ونفس الشي قرفانه منهم ..مع العلم حصلت طلاقات بسبب اعجاب متزوجات بهذول الممثلين

نفس الشي خواتي .. وبنات خواتي واخواني .. وعندي اخواني واصحابي يقهرون زوجاتهم بلميس ومدري شسم الثانيه .. بس في قلوبهم لا ابد بالعكس مايبدلون زوجاتهم ولا بملكة جمال الدنيا


خلك الين تتزوجون .. ونصيحه سيبك من العادات والتقاليد.. خليك في الحلال والحرام علشان ربي يبارك لك في خطوبتك

كانه هذا انا هههه

عموما والله كلامك ذهب ياخوي وانا فعلا بحاجه لنصايح من هالنوع اشهد بالله لو اني ظليت على الردود الاولى كان ارسلت رساله لعمتي وقلت لها تقول للمعنيه انه خلاص كل شي بيننا نتهى لكن انت وبعض الاخوان والاخوات سبحان وصلتوا بالوقت المناسب وانا والله ياخوي رجال اخاف الله واراعيه بكل خطوه ومخافة الله ماتفارق خيالي وعفيت نفسي وصبرت بالوقت اللي كنت اقدر اسوي كل اللي يسونه الشباب لانه كل شي متوفر ورغم ذلك عفيت نفسي عن دروب الحرام وبغيت وجه ربي ورضاه بس وانا الى يومك هذا كل يوم بالليل اصلي استخاره لي اكثر من اسبوعين وعسى الله يكتب اللي فيه الخير

**

اخـوي المتهالك


بعلق على شي بس /

والله انه البنات مسااااااااااااااااااااااااااااااكين !

نطمح للجمال ولرجل الوسيم واذا جانا اقل من طموحاتنا من ناحية الشكل رضينا فيه .. وياقلب لاتحزن

بس وربي ان الرجل الذكي يعرف يخطف قلب المرأه من اول كلمه ..!

تدري ذكرتني قصتك بمين !

ذكرتني بزوج بنت خالتي !

الصراحه مافيه ولا علامه لو نص علامه من علامات الجمال

لاهو وسيم ولا طويل ولا رزه ولا هيئه ولا اسلوب .. ميييييييييييييح

وبنت خالتي احلى منه بمراحل ... وبقووه !

والله ان من اول ماكلمها ايام الملكه والبنت راحت ملح عليه هههههههههههههههههههههه

وربي اتعب اقول عشقته عشق مو طبيعي !

ذكي ذكي ذكي ماشاءالله عليه .. عرف يكسب البنت ويملك قلبها ..

عشان كذا ان شاءالله تكون حلو ومملوح بعيونها وفيه بيت شعر يعجبني دااااااااااااااااااااائما

وعين الرضا عن كل عيب كليلة ..!
ولكن عين السخط تبدي المساويا }~

اذا حبتك صدق وتمت خطوبتكم وملكتكم .. راح تشوف انك فارس احلامها المنتظر وانها اصلا ماتخيلت فارس احلام غيرك بمواصفاتك شكلاً ومضمونا !

وهذي من عندي ومتأكده منها .. بالذات اذا عرفت تكسب قلبها بأسلوبك وحنانك وحبك ..


غير كذا لاتفكر لا بأحمد عز ولا بخرابيط !


وخليك واثق من نفسسسسك .~


،

__________________
{ احبــــ ـــكم بلا استثنـاء ~

انعاد الرد بالخطأ

صح المغترب


صح بدون مجامله !


،

__________________
{ احبــــ ـــكم بلا استثنـاء ~

تصلي الاستخاره وش حسيت فيه؟


انا لما استخرت سبحان الله بعد رابع مره تقريبا جاني انشراح غريب في صدري والله اموت ما انساه

وكررتها وجاني نفس الشي ... لدرجة اني حسيت بنفسي خفيف مره وقمت اخذت امي وخواتي ومشيتهم واشتريت لهم هدايا بسيطه الى الان محتفظين فيها ويحلفون انه ماقد مر عليهم اشياء جميله بهذا الشكل ولا تمشيه برضو بهذي الروعه( الى الان يستخدمون الاغراض ولو انها من قبل اكثر من عشر سنين)

ولا يدرون اني مستخير ساعتها والا كان ما انفكيت من تعليقاتهم

والله يالغالي الانشراح كان موجود لين امس بالليل يوم طلعلي (مقصوف الرقبه) وسمعت بالسالفه
وانقلبت حالي حتى بعدها ماصليت استخاره يعني امس..... اليوم ناوي اصلي مره ثانيه

يابويا بتقلبها تراويح


خلاص هي لحد ماتحس يا انشراح او انقباض في صدرك ...

طالما موجود معناتها هي

وهالمشاكل والمواقف تصير في كل بيت

انت بس خلها لبعد الملكه وعليك بها بلحسة المخ بالرجوله

الرجوله الصح

إإسرها بأخلاقك وتأدية واجباتك ورومانسيتك .. تلقاها تتمنى تكون اكسجين يدخل جميع خلايا جسمك ويخلط دمك للأبد

عاد هي خريجة كيمياء ودمي تاكسد خلاص