اقتباس:

المشاركة الأصلية كتبت بواسطة همس 2009 الله يهديك انتي مستفزه وهو العاقل ؟؟ مهما كان فاانتي خربتي كل شيء بسب مشكلتك الاخيره !! وهو ذهابه للديؤانيه ......

ادري ... والله ادري

حتى عصبيتي زادت عن قبل !!

من كثرة الضغط والمشاكل ... صرت عدوووانية وهَـ الشي امسبب لي ارق !

قبل كنت اعصب واصارخ اي ..

ألحين اي شي في يدي اقطه على الأرض

ل درجة إن البارحة لما طلع للديوانية قطيت تيلفوني على الطوووف وتفكك !

حتى سويت عمري بابوسه وآنه قربت من خدده وقرصته فيييييييييه بكل قوة

وخذيت ايده وضغطت عليهااا

ابي افرغ شحنات الغضب اللي فيني

حتى قمت طقيت روحي ب علبة الكلينكس !!

اعصابي جداً مشدودة وصرت اخاف على روحي من هَـ الشي من عدوانيتي وعصبيتي

اللي بدال ماتنقص صار اضعاف !!!!!!

عسى الله يصبرني !!

حبك لزوجك لا يغنيه ولا يسمنه من جوع طالما انك انت كما أنت لا تريدين التغير

أعتقد أنه لا يوجد رجل في الدنيا كامل الرجولة يرضى أن يقبل بزوجته كماهي

من بيت اهلها .. فالمثل يقول .. المراة تتربى مرتين في بيت أهلها وفي بيت زوجها

فأنا طلقت زوجتي الأولى لهذا السبب بالتحديد تريدني أن أقبلها كما هي من بيت اهلها

وكنت أكره كثير من طباعها وحاولت أغيرها فترة خمس سنوات فكانت تصد مثلك

فطلقتها وأبدل الله خير منها .. وشعرت برجولتي معها وأشعرتها بانوثتها

فإذا كنت تريدين أن يقبل بك زوجك كما انت , فبيت أهلك خير لك .. لأن حياتكم ستضطرب

ولن تستقر ..

اقتباس:

السلام عليكم ورحمة الله وبركاته فديتك يا زينب .. قطعتِ قلبي بكلامك .. أنا أتذكر يوم أول ماسجلتِ وقصيتي قصتك مع زوجك .. وإنكم تزوجتوا عن حب وقريت مواضيعك مع أهل زوجك ومع غيرتك وغيره وغيره

فديتج آآنه .. -)

اقتباس:

شوفي يالغالية .. أنا أحس إنك رح تكونين له مثل مايبي ومثل ماتبين .. إشلون ؟

شلوون ؟

اقتباس:

إنتِ مجرد مارح تخلين هالشي هدفك .. اللي إهوا الأشياء اللي تعجب زوجك .. رح ترتاحيــــــن وايد لما تتحقق فيك وتقدرين تنفذينها له وبتحقق رغبتك ورغبته

اتهقين جذي ؟ اتهقين لو اسويله كل اللي يبيه بيكون مثل ما ابي دايركت من غير ما اطلب منه هَـ الشي ؟

يا خوفي اذبح روحي ..,. وفي النهاية اغنيله " ما بين بعينك على كثر ماجاك لا واحسافه ليتني ما عطيتك "

اقتباس:

سالفة الغيرة كل ما أقرا كلامك وشعورك أحس ودي أصيح .. لأني أعاني نفس الغيرة وبنفس القوة .. بس أنا طبعي كتوم .. أحرق نفسي من داخل .. ماحب أظهر غيرتي أحس إني بنكسر قدامه لأني بصير كأني مو واثقة بعمري !!

-) ياحظج ... اتصدقين هذي نعمه ؟ الله يتممها علييييج يارب ..

والله الواحد يكتمها ويحرق ب عمره احسن مما يطلعها ويبين ضعفه !

آآنه حتى لو اسكت ... والله الشي يبين في ويييييييييهي

ويهي جنه منظره " مرايه " تعكس اللي ب داخليييييي !

سوى فرحانه زعلانه امعصبه غيرانه كارهه حابه و و و إلخ

وحتى عيني حتى لو مابغيت اصيح غصباً عنيييي تصير حمرااا والدموع تترس عييييييني

لو اغمض عيوني تطيح كل الدموع لحظتها !

اقتباس:

فـ إنتِ خلي هالشي بعد عندك إذا تقدرين .. كل ماحسيتي في هالشعور إقتليه بداخلك وقولي لنفسك أنا واثقة بنفسي وكل شي عندي .. ليش أخاف يروح عني وأنا مسعدته !

اتمنى اقدر اسوي جذي ... لأن والله العظيم .. اعيش القلق والتوتر والخوف والشك والغيره

ساعاتها اتمنى لو القتل حلال جان اقتله واقتل روووحي

بذذذمتج كل بنت في اول سنة اتمر بهالكم من المشاكل ؟؟؟

تعبانه آآنه تعببببببببببببببببانه

ليت امي ما يابتني !

اقتباس:

ولو حسيتي إن قلبك خاف شوي من آخر جمله وحس إنها مو صحيحة وهي " أنا مسعدته " معناها هذي هي النقطة اللي تشتغلين عليها

ولو اسعدته وخليت حياته نعيم ... وراح ل غيريييييييييي ؟؟؟ شاسوي آآنه ساعتها ؟ وين اطق بعمري ؟

=( لا تلوميني والله احس الشيطان امعشعش في افكاااري !

اقتباس:

شوفي أنتِ شنو فيك مو عاجبه .. أو شنو فيك اللي مو مريحه أو متحاجه منك وماتوفر فيك .. وتدربي عليه تدريجياً لين ماتتقنينه وتتطبعين عليه غصب .. حتى يطمئن قلبك إنك أسعدتيه وحققتي مراده مثل الطبـاخ .. إبتدي بداية صح .. وحطي هالهدف قدامك وخليــه شغلك الشاغل وتخيلي شنو الإيجابيات اللي بشوفها من رجلي لو صرت طباخة أطبخ الوجبات بفن وإبداع ؟ وفكري فيها وتخيليها وشوفي نبض قلبك حزتها .. رح تحسين بفررح وودك اليوم تتحقق عشان يرتاح قلبك هالشي بيعطيك قوة وإندفاع عشان تحققين له سعادته = سعادتك يالغالية هذي أول نقطة

هذا اللي رااااح اسسسسسسسسسسويه ان شاء الله ..

واذا مامليت عينه ساعتها ..,. او دور غيري او كلم غيري ..

ساعتها الله يفتحها عليه بفتح له المجال يكلم كل بنات العالم

لأني وقتها باكون ببيت اهلي ..

آآنه باسوي اللي علي والباجي على رب العالمين

اقتباس:

ثانيـها .. الغيرة ..عطي نفسك مجال ثقة فيه أكثر ومن تشوفينه يتكلم مع بنات بمنتدى أو موقع .. قولي حق عمرك هالبنات مثل خواته .. الرجال مايقصد شي .. أعوذ بالله منك يا أبليس .. أنا حلاله وأعطيه كل حبي وإهتمامي وحناني وإهوا مايستغني عني .. يعني بالمختصر عطي نفسك كلمات ترضي الغيور بداخلك .. وتحسسه بالأمان من حبيبه ..

مثل خواته ؟ صعبه اقنع نفسي فيها !

بس ماباحاجيه في الموضوع ، باسوي روحي مو جايفته

وبعطيه نظره او كلمه اتحسسه إن آنه دريت بس ساكته

عشان لحظتها بيخاف من ردة فعلي وبيحاول يرضيني ... شرايج ؟

اقتباس:

وصدقيني يا زينب .. إنتِ أول خطوة ناجحة لك في هالمشوار هي إنك حاسة بالمشكلة وبكبرها وبعظمتها وجاية تدورين حلول لا تخلين أبد السالفة تصغر عندك .. لأن رجلك هذا حبيبك وهذا اللي يستاهل التضحية ويستاهل التعب خلاص .. إبتدي صفحة جديدة .. وصيري تلميذة تدرسين مادة " زوجك " .. تعلميه وإحفظيه وذاكريه دايم وحلي الواجب .. ولا تتأخرين بالتسليم .. لأنه ممكن تخسرين درجات .. ويقول عنك مهملة .. وترسبين في الإختبار لا توصلين لهالمرحلة من اليأس يا زينب .. وحطي النقاط المهمة قدامك .. مثل الطبخ => تعلميه حبة حبة .. وإبتدي في الأصناف اللي يحبها

إن شاء الله .... باسوي كل اللي اقدر عليه ، عسى ربي يقدرني

اقتباس:

صديقيني مو شي صعب أبد أبد أبد أبد .. خصوصاً طبخ العيش .. نقعيه => غسليه => حطي قدر نصه ماي مع ملح وزيت وإنتظري ليما يغلي الماي وحطي العيش وخليه 10 دقايق وبعدين صفيه بالمصفاية .. وعاد إنتِ بعدين رح تبدعييـــن شنو تسوين بجانب العيش .. حمسة لحم بالصلصة ووووإلخ .. ربيان مع بصل وأعشاب وصلصة .. دجاج مقلي مع بطاطس وجزر وكوسة .. وغيــره يعني لا تخافين الشغلة سهلة يازينب وفيها أشياء متكررة وايد .. مثل حماس البصل والثوم والفليفة والطماط .. سوا العيش .. سوا الإيدام .. يعني بتحسين بتعب بسيط بين الطبخة وغيرها مارح يصعب عليك تتعلمين أي طبخة والكبسة أو المجبوس أسهل عليك وأغلب الأكلات الخليجية ترى إعتمادها على العيش عشان كذا زوجك مهتم فيه لأنه أهم شي في أكلنا

اليووم تعلمممت طبخه .... واول الغيث قطره

ههههه ادعي لي بفيضانات مو بس ب قطررررره

اقتباس:

لا تيأسين زينب أبدددددد.. أنا أقولك رح تتعلمين هالأشياء بسهولة لأنك رايدة تسعدين زوجك ..

بتخلص من كل روووواسب مشاكلي اللي راحت ..

وبعتبر اليوم بداية يديده .. وباحاول ارضيه واداريه .. وفي نفس الوقت بثقل عليه حبتين

وباحافظ على هدوووئي ..

ردييييييييييييييييييتوا لي الأمل كلكم ... خصوصاً انتي يا " الصفح الجميل " و أختي " نور الايمان "

[ تهدينا الحياة اضواءاً في آخر النفق .. تدعونا كي ننسى ألماً عشناه .. نستسلم لكن لا مادمنا أحياء نرزق مادام الأمل طريقاً ف سنحيااااااااااااااااه ]

اقتباس:

الله يوفقك يارب ويسعدك قولي آمين إنتِ وبو الشباب

آآآآآآآآآآآآآآآآآآآآآآآآآآآآآآآآآآآآآآآآآآآآآمين

|

الصفح الجميل :: باقولج شي بعيد شوي عن الموضوع ..

تدرين إن تكرار اسم الشخص اثناء الكلام معاه ... يريحه نفسياً ويبعث في داخله الطمأنينة

ويحسسه ب قرب الشخص منه حتى لو ابدا ابدا ما يعرررفه

وانتي في ردج كنتي اتكررين اسمي ... وهالشي عطاني طمأنينة وخلاني احس بقربج مني ولو إن اول مره

اجوف لج رررد او يمكن جافيت من قبل وما نتبهت - العتب على النظر

=) والله يوووفقج ويسعدج ويسخر لج عيال الحلال وين مارحتي ووين مالتفتي

وعسى ربي مايحرمج من غالي ويكبرج في عين ريلج واهلج وناسج والعالم كله

ونفس الدعوه ل كل اللي ساندوني وساعدوني نفسياً ..

عسى ربي ايحفظكم

اقتباس:

المشاركة الأصلية كتبت بواسطة إحساس أربعيني أختي الكريمة .. حزاك الله خير على صبرك ، وما بعد الصبر إلا الفرج .. زوجك من نوع الرجال اللي ينتقدون أي الناقد ولكن للأسف ما يعرف أن كثرة النقد تفقدك الثقة في نفسك . و يمكن هذا مو قصده ، أو يمكن بسبب عدم الثقة في نفسه و يشوف نفسه أقل منك أو أنك حتى كثير عليه وهذا سبب نقده المتواصل لك .. و يعتبر هذا مرض نفسي .. إذا أنتي تحبينه حسب قولك أصبري عليه و حاولي تفهمينه بهدوء أن كلامه لك و إنتقاده الدائم يأثر بنفسك و يعدم الثقة داخلك ،، و حاولي أنك إذا فيه أمور هو مو عاجبته فيك أنك تعالجينها ،، و ياليت تحاولي تكتبي له رساله إذا هو من نوع الرجال اللي ما يحب النقاش و تقولي فيها اللي في خاطرك و إنك تعملين المستحيل علشان يكون راضي دائما و تذكرينه بانك أخترتيه من بين كل الرجال لأنك تحبينه و راضيه فيه بكل حالاته بس المهم أنه يحاول يبطل النقد الكثير و إذا فيه شي أنتي مقصره فيه يكلمك بهدوء و إذا شاف شي حلو منك يمدحك فيه علشان يرجع الثقة فيك .. أصبري عليه و أكيد بالتفاهم الهادئ تقدرين توصلين معاه لحل لمشكلته ..

هَـ المره خلاص ... بعتبر الشي طاف وراح

مره ثانية ^^ بعيد الشر ... راح اكتبله نفس الحجي اللي قلت لي عليه ب وورقة

ومشكور ... وعسى ربي يوفقك

اقتباس:

المشاركة الأصلية كتبت بواسطة علوالنفس حبك لزوجك لا يغنيه ولا يسمنه من جوع طالما انك انت كما أنت لا تريدين التغير أعتقد أنه لا يوجد رجل في الدنيا كامل الرجولة يرضى أن يرضلا بزوجته كماهي من بيت اهلها .. فالمثل يقول .. المراة تتربى مرتين في بيت أهلها وفي بيت زوجها فأنا طلقت زوجتي الأولى لهذا السبب تريدني أن أقبلها كما هي من بيت اهلها وكنت أكره كثير من طباعها وحاولت أغيرها فترة خمس سنوات فكانت تصد مثلك فطلقتها وأبدل الله خير منها .. فإذا كنت تريدين أن يقبل بك زوجك كما انت , فبيت أهلك خير لك ..

آآنه مو ب صدد ادافع عن نفسي ..

بس ياخوي باقولك شغلة ..

آنه لو ما ابي التغيير ولو ما ابي ارسي بنفسي وبحياتي وبه على بر جان مالقيتني هني ابي حل وابي نصيحة ..

آنه عندي قابلية ان اتغير ... بس اشتبي ب وحده 19 سنة في بيت ابوها واهيه على نفس الطبايع

تبيني خلال سنة وحدده اغير طبايعي اللي تعلمتها واكتسبتها خلال 19 سنة ؟

احاول ابذل جهدي كثر ما اقدر ... وفي المقابل ابييي

آآنه اعطيه ولكن هم ابي منه !

اعطيه حب ابي بمقابله نفس الحب

اعطيه طمأنينة وحياه هادئه ومستقره وثقة ب النفس ومراعاة ل شعوره ب كل كلمة اقولها ابي منه ذات الشي

آنه انسانه ماني ملاك نازززل من السما بجنحان !

آنه ممكن اغلط واهوهـ نفس الشي

بس الشاطر اللي يعترف ب غلطه ويبي يصلحه ويبي يوصل بحياته لمكان هادئ ومستقر

آنه توني بسنتي الاولى وتغيرت وايد عن اول

وللحين جدامي حياة طويلة ان شاء الله اقدر اكون افضل وافضل

اصلاً حتى الارض قبل لا تزرعها مو تحتاج تصلحها وتنظفها وتحط عليها سور؟

وبعدين لما تعطيها البذور تعطيك بداية ل نبته خضرا

وهالنبته كل ماعطيتها ماي وهوا وضوا الشمس كلما كبرت وعطتك ثمار

آنه نفس الشي بعطي بس لما اعطي ابي من يعطيني

ولولا حبي ماظليت معاه ..

آآنه ولله الحمد صبرت على اشياء وايده معاه

واهوهـ يشهد لييي

بس لما اصبر ابي نتيجة ..

اموفق

اقرأي قصة الأعرابية مع ابنتها وستعرفي عن أهمية تهيأة الفتاة نفسها مع حياتها الجديدة ..


وصية إعرابية لابنتها في ليلة زفافها:


" أي بنيه انك فارقت بيتك الذي منه خرجت ، وعشك الذي فيه درجت إلى وكر لم تعرفيه ، وقرين لم تألفيه فكوني له أمة يكن لكي عبدا واصحبيه بالقناعة ، وعاشريه بحسن السمع والطاعة ولا تعصي له أمرا ، ولا تفشي له سرا ، وكوني أشد الناس له إعظاما .
واعلمي أنك لا تصلين إلى ما تحبين حتى تؤثري رضاه على رضاك وهواه على هواك " .
فالرضا بالقناعة وحسن السمع له بالطاعة والتفقد لمواقع عينه وأنفه فلا تقع عينه منك على قبيح ولا يشم أنفه منك إلا أطيب الريح والاجترار لماله و حشمه وعياله .
فلا تعصي له أمرا ولا تفشي له سرا فإنك إن خالفت أمره أوغرت صدره وإن أفشيت سره لم تأمني غدره.
إياك والفرح بين يديه إذا كان محزونا والحزن بين يديه إذا كان فرحا.

غاليتي اسعدك الله

اولا ياقلبي ... قولي الحمدلله انه انتقاده لك ... جاء بشكل راااقي و متحضر و هادي
مش احسن من اللي ينتقد زوجته بالتهزيء و المعاير او الصراخ و العصبية و قلب الاكل عليها ؟؟؟

فالحمدلله زوجك طيب .. و انت شوية مدلعة

خففي من الدلع

اذا كان على الطبخ .. عادي ماحد ولد طباخ على رايك ..

ادخلي المنتدى في قسم الطبخ في اشياء سهله وحلوة .ز ابتدي بالسهل

وحبة حبة راح تضبط معاك .. الموضوع محتاج صبر و حب


وعن سبيستوون .. للاسف ماعندي ولا كنت اتابعها ..
لاتابعيها قدامه .. زوجك حابب يحس انك ناضحة و عاقلة .. فا لا تتفرجي قدامه

اول ما يطلع افتحي عليها .. وخلاص انتهينا

الشي الثالث الظلمة .. زوجك محق .. لازم تتغلبي على مخاوفك ..
غاليتي زوجك حابب يوصل لك و الله اعلم انك تنضجي شوي .. يمكن يشوفك طفلة قدامه
ماتعرف تطبخ تخاف من كل شي تتفرج رسوم .... وقاعد يفكر لبكرة اذا جاكم اطفال كيف بتتعاملي معاهم .. اذا لساتك عايشة بدور الطفلة ((هذا تفكيره ))

وهو صادق .. تربية الاطفال محتاجة ام قوية .. راح تمري بمواقف كثير محتاجة جرأة و قوة
ومواجهه .. ايش بتسوي ..

فياحبيبتي .. رايي انك تقعدي اليوم مع زوجك بهدوء و تفهيمه انك فكرتي بكلامه و ان شاء الله بتحاولي تسوي اللي تقدري عليه و انك حابه منك يشجعك
و اهمها موضوع الطبخ .. قولي له ابيك تشجعني مو تكس مجاديفي و ان شاء الله بتعلم ..


ربي يوفقك حبيبتي و يسهل امورك ...

ما ادري هذي بداية " تكسير مجاديف " ولا اعتبرها شي واطوفه وبداية يديدة !!

-) ، قبل لا اقولكم شصار معاي ... احس في داخلي شي يعورني

جنه احد ضاغط على قلبي بيددده

واحسن ان قلبي بينفجر .. احسه تعبان

وعيوني خلاص ذبلت ! ... الدمعه على طول في عيني

ومع هذا شاقول ؟ ماعليه والحمدلله

وآآنه اكتب يديني يخونوني من التعب من القهر من الضيق من الألم اللي احس فيه

احس ان آنه نكره إني ولا شي ... إني امحطمه جنه احد امقطعني ودايس فووقي !

روحي تألمني ... روحي من قلب اتألمني تعبانه يا ناس تعبانه ..

||

اليوم إجازته وامواعدني إن نروح نوصل بنت حماتي بيتهم ... ونروح ناخذ فساتيني

آآنه قلت له بما إني قاعده امبجر روح بروحك .. قال لي لا ابيج معاي

قلت له مافيه فرق .. وبعدها قلت له خلاص بايي معاك

بس انطرني نص ساعه ارتاح فيها

وغفيت ونمت ... اتصل فيه رفيجه < وقت اللي كنت نايمه

قال له ابيك اتوديني هَـ المكان وقام وطلع وياه

آنه اتصلت فيه قلت له متى بترد ؟ قال احتمال اتأخر

قلت له مهما يكون ... اذا ييت بنروح قال احتمال مو اكيد

نطررررررررررررته وايد ومايه طرشت له مسج " يلا " !

يه بعد أذان المغرب .. وقلت له ها بنروج ؟

وكان يبين علي امعصبه بس اميوده نفسي !

بس ويهي فاضجني ..

وكلمه منه وكلمه مني ... وتهاوشنا

بعدين تحجينا عادي ... < واهوهـ كان يتجهز بيروح عرس رفيجه >

قال لي جوفيني مو جني متنت ؟

قلت له شوووي .. قلت له وآآنه اضحك يمكن من النكد اللي امعيشتك اياه

قال لي واهو جااد صدددقتي من نكدددج وضيقة خلقج

قلت له آآنه خبري اللي يمتن يمتن من الراحة والعيشه الهنيه

قال لي آآنه العكسس امتن من النكد

قلت له ادعي ربي يخلصك مني ومن نكدددي ليل نهار

وقمت بسته فووق راسه وطلعت عنه

تالي ياني وظل يكلمني في نفس الموضوع وقلت له معقولة نسيتلي ايام الهنا وتذكرت نكدي ؟

قال لي ايام نكدج اكثر من ايام وناستج واتغطي عليها بعدد

المهم اهوهـ خلاص كمل كشخته وتوه بيطلع رحتله قلت له ..

آنه احبك وابيك وابي اسعدددك بس انت لا تعيشني في قسوتك

قال لي اذا شفت السعاده مابتشوفين قسووتي وانتي اتعرفيني

شرايكم ؟؟

وإن شاء الله الخطوه اليايه بتدرب على ان اكون هاددديه

وبنسى كلامه عن نكدي وبتخطاه ..

محتاجتكم آآنه ادعووولي