بسم الله الرحمن الرحيم

طبعا انا عانيت معاناه مابعدها معاناه عشان موضوع الزواج
الى درجة اني كنت راح ابطل .. ولكن الحمدلله في اللحظة الحاسمه ربي كتب النصيب
ربنا حنين << واحد مصري دايم يقولها

-----------------------------------------------------

من صغري و انا كنت احب زوجتي <<< حب براءه طفوله
كنت اقابلها كل عيد .. ونعيد سوا .. وكانت دايم تجي عند الرجال
عشان تلعب معاي .. كانت صغيره

المهم مع الوقت و الزمن .. صرنا ننتظر كل عيد << تخيلوا :: كل عيد
على ان والدها ابن عم الوالد
وانا كنت مره معجب فيها ..

المهم .. كبرنا و كبرت الاحلام معانا
الين ماصرت في الثانوي و صارت هي في اخر الابتدائي و صارت تتغطى عني ..

وصرت اكلم اختي و اقول لها ( قولي لامها ) ان محمد ان شاء الله ياخذ رهام
اثر البنت نفس الطريقه توها بلغت و صارت تفكر فيني <<<

المهم ..
على اخر ايام الثانوي
كنت دايم مع اخوانها .. وكنت دايم ازورهم << نص للاخوان ونص عشانها
ارتاح لمن اكون قريب منها ..

وبعدين .. توظفت و انقطعت عنها كثير .. وعن اخوانها كمان
ولكن كانت في قلبي على انه وقت ما تتيسر الظروف و تتحسن احوال العمل اتقدم لها


قبل سنتين من الان .. تقدمت لها
ولكن رفضت .. عاد انا وقتها تحطمت وقفلت اخلاقي
ليه <<< اثر البنت صارت تفكر في الدراسه اكثر من الزاوج

المهم .. جلست سنه شلت فكرة الزواج من راسي
الين ما كلموني اهلي و قالوا خلاص .. ارضى بالنصيب يمكن البنت ما تبغاك << يا ادراة الموقع حطوا صورة واحد يبكي

المهم .. مالكم في الطويله
تقدمت لـ 10 بيوت
الطريف في الامر انه ولا بيت راضي يوافق ..
مره انا ارفض ومره هما
والاغرب ان الخطبه تتكنسب لاسباب غبية مره

واحد يقول المهر 80 الف <<< قلت والله لو اني شاري سيارة ما اخذت بننك
واحد يقول ادفع 10 مقدم <<< قلت : ليه انا ماخذ ارض في مخطط الفلاح ؟؟
واللي يقول خلاص ماعندنا مانع بس الزواج مو اكثر من 3 اشهر
واللي شفتها ووافقت و خلاص .. وتطلب صورة لي .. ويوم يكفشها اخوها يخرب ابو الموضوع كله
يقول ( حرام ما تتزوجينه )

المهم
كنت وقتها مجمع 40 الف حق المهر .. وشفت الموضوع ماجاز لي
قلت بلا زواج وبلا خرابيط

راح اسافر نيوزلندا ادرس واترقى في العمل ..
وفعلا .. هذا ماصار

طبعا كان فيه تحسس من زوجتي حاليا عن اخباري

سافرت و ارسلت رساله لاخوها و انا في المطار اني راح اكمل دراستي برى

فعلا .. سافرت ... وجلست فتره ماهي طويله حيل
في اخر الفتره هذه كانت اختي تتواصل معي بالايميل
وتقول .. عندي لك مفاجأه ,, قلت وش هي ..
قالت ( البنت وافقت عليك ) قلت من هي فيه 10 بنات
قالت ( اللي كنت تحبها )

عاد وقتها من الفرحه اخم لورانس صاحب البيت اللي ساكن عنده وقوة حضن
شوي قمت استوعب ,, قلت سوري بس اليوم عازمك على العشاء
وهو فاغر فمه مو عارف ايش راح يصير ..

المهم ..
رجعت للسعوديه و تقدمت لها و شفتها و شافتني والحمدلله تمت الخطوبه
وبعدها ماطولنا والملكه و الزواج ان شاء الله في شهر الحج


وتوته ياتوته خلصت الحتوته

__________________

ياحياك ربي يامحمد .. ياهي حتوته صحيح ..

رقم ( 1 ) ذكرتن بنفسي كنت أحب أجلس مع أي واحد من أقارب حبيبتي ولو عمها أو حتى

ولد عمها .. سبحان الله ..!

رقم ( 2 ) فطست ضحك ..

رقم ( 3 ) .. الحمدلله جالس وحدي موتن ضحك صحيح ..

كنت أتخيل موقف لورنس هذا وانت قاعد تخمخم فيه .. يقطع بليسك .. !!


رقم ( 4 ) .. دعوة من أعماق قلبي إن الله يوفقك ويتم زواجك على خير .. وابشر بالعونه

ولاتنسانا من دعوة على الفرح نجيك وين ماكنت ..!

__________________
كيف اقاوم الهم والألم. بالسجود راحة واطمئنان.

نهاية نوال..!

تسلم تسلم
ماتقصر حبيبي ( ثنيان )
تصدق .. الظاهر كل معازيمي معارف من النت
بس رجال شرواك ياغالي ..

على فكرة زوجتي كانت لها عضويه هنا ..
وكانت تشارك .. وفي يوم من الايام
لقيت موضوع عن ( هل تحب زوجتك او زوجك )

انا رديت و قلت احب زوجتي قرة عيني
وهي ردت بعدين وكتبت وانا امووووووت فيه

طبعا انقلب الموضوع فوق تحت ..
كل العضوات يقولون ( هذا مو مكان تتصارحون فيه بحبكم )
طيب انا ايش دخلني الموضوع طالب كذا ..

المهم .. انحذف الموضوع و المنتدى خسر زوجتي .. قالت يوه يالحريم << ماني عارف ايش تقصد

__________________

الله يخلي السفره والدراسه لولا الله ثم هي ماتزوجتك لكن مصلحتها بدتها عليك .... لكن الله يوفقكم ترا على فكره الحين البنات ياخذون اي شاب يبي يطلع برا يكمل لانها صارت الدراسه مــــــــــــاركه مسجله والسلام عليكم

الله يهديك بس..
على كيفك تقرر داخل قلب البنت ولا ايش؟؟
لاتقعد تشكك الناس في بعضهم
ورايك خله لك..
وححقدك على بنات حوا حاول تبعده

__________________
لايقدر على رفع بلواك إلا الله متى تحرر في قلبك أنه لايرفع البلوى إلا الله
فاعتبر أن البلوى رفعت
(صالح المغامسي)

اذا كان كلام الواقع ما اثر فينا و في حبنا
راح يأثر فينا كلام عبر ( النت )

اشكرك على اهتمامك . ودعواتك
من جد ( كل يرى الناس بعين طبعه )

__________________

ياغالي .. كان سبب الرفض اكمال الثانوي و صغر سنها
والان .. الحمدلله .. صرنا قدوة في مجتمعنا للحب الحقيقي
الذي يكون تضحية و تنازلات من اجل الحب ..
تصدق انه صارت مشاكل في اسر بس عشان يقارنون انفسهم فينا ..
اللهم احفظ حبنا و ثقتنا في بعض
يازينك يارهومي لمن تقولين ( والله ياعمري لاسعدك )
ولمن اشوف المفاجأت الحلوه منك .. ربي لا يحرمني منك
ولا من حبك الصادق

ويحفظنا من العين

__________________

جميلة قصتك أخوي ما يصير إلا المكتوب ( الله يجمعكم على خير )

و الأعضاء قصصهم روعة سبحان الله على النصيب

عن نفسي كنت في رابع إبتدائي و جاء زوجي لبيتنا و هو كان صديق خالي و معرفتهم قديمة

جيت المجلس أبي ألعب << ما نسيت أبدا

المهم أول ما شفت الرجال صرخت في خالي قلت ليش ما علمتني إن في رجال << تستحي البنت

جلس يضحك و قال يا حرام و هو يدري إني ما أحب أشوف الرياجيل من أنا صغيرة

بس سوى فيني مقلب << قاصدها الأخ

و من بعدها تم تخزيني في ذاكرة المخ و بس خلصت متوسط و تقدملي وافق أبوي و تم الزواج << مستعجل مررررررررررة ... خاف لا أروح منه :14:

__________________
ليتني طفلة أكبر همي لعبتي

‏~‏> عاشت الأجوآء
قصص ولآ أحلى .. سبحآن الله محد يآخذ في الدنيآ سوى نصيبــه ...
ولو كان الشخص مرفوض وإذا ربك كتبـه راح يجي النصيب ...
حآليآ ~> عزباء وإذا صار خطبه بإذن ربي أسرد ماحدث خلالهآ

موفقيــن وحيإة سعيدة بقرب من تحبون ،،

__________________
اللهم أرزقني زوجآ صالحآ تقيا نقياً ؛ وممن ترضآه من الرجال عندك ..
واحفظ لي ياإلهي (أمي وأبي) ف هم اعز ماأملك ،

يؤ انا اتزوج ولا في الاحلام انا كنت خلاص عنست على راي الكل وما حد طق بابنا ابدا الا ومرة انا راجعة البيت شافني في الطريق اجا خطبني طبعا فرحت لانه اول واحد يخطبني رسمي وكان جدي وطبعا فرحت من غير ما احبث ولا ادور عن الايجابيات ولا السلبيات الاهم اني اتزوج وبس:14::14: واتهنى من لقب العناس ويا فرحة ما تمت تطلقت بعد خمس شهور تصوروا
المهم
الله يمهل ولا يهمل بعد عناء وهم وغم من لقب المطلقة خصوصا في مجتمعنا اللي ما يرحم وخصوصا اني لست بالجمال الفائق اللي يدور عليه كل رجل
و بعد مدة طلاق دامت 9شهور اتخطبت عن طريق العائلة وزوجي حاليا شاف صورتي عند عمي وخطبني نزل لبلدنا وخطبني رسمي ووافقت يا ناس خوفا من لقب المطلقة والمعانات اللي كنت امر بها خصوصا كل النساء كانوا يخافوا لما يشوفوني وكاني شبح المهم اتزوجت والان عندي اطفال وحامل بالثالثة وصابرة على الحلو والمر وربنا يرزق كل واحد وكل واحدة فيكم المهم عدم التسرع في اتخاذ القرارات الإنسان بطبعه عجول يستبطئ الثمرة يريد قطفها بسرعة لكن الحذر معقول ودراسة القرارات مطلوبه

بالتوفيق ان شاء الله

__________________
اللهم اني اعوذ بك من درك الشقاء وسوء القضاء
اللهم اني اعوذ بك من زوال نعمتك وتحول عافيتك و فجأة نقمتك ومن جميع سخطك امين رحمتك يارب ان لله وان اليه راجعون