12-12-2010, 12:04 AM
12-12-2010, 08:56 PM
|
المشاركة الأصلية كتبت بواسطة نسيم الوسم
اشوفي اختي حبيبتي لانك غاليه وشغلتي تفكيري
واعتبرتك مثل اختي حابه اقدملك مساعده بس انتي لازم توضحين اكثر مشكلتك وتشرحينها مع اني مشغوله جدا باطفالي والبيت والطبخ مع ذلك اقول ((الناس للناس والكل بالله)) ابسئلك ليه ماتحبين تجتمعين بالناس وماهي نوع المضايقه التي تتعرضين لها منهم؟مدري ما احب اختلط بالناس راسي يسير يعورني هم يرمون كلام يمكن مو قصدهم بس انا على طول ازعل اذكري لنا مثال من الناس اللي قاعدين يضايقونك اهلي عامه حتى امي وابوي عشان نعرف نحكم عليهم هل هو شئ عادي او فعلا هم يضايقونك وقبل كل شئ احسني الظن يمكن مالهم قصد في كلمه قالوها او حركه سووها لك يمكن ماخذينها مزح وانتي خليتها جد انا لما كنت بعمرك كنت حسااااااااااااااااسه بمعنى الكلمه اتحسس من كل كلمه من اي موقف مثلا تلعثمت بالكلام امام الناس اجلس ايام ونفسيتي تعبانه وطفشانه احيان افسر النظرات انها سخريه وارى هالمواقف اللي مريت فيها انها ماتستحق التعب والطفش والانطواء يعني ماتستحق اعطيها من وقتي طيب سؤال انتي عندك صديقات؟؟لا ليه ماتخاوين بنات المصلى؟؟ما احب اختلط بالبنات انتي عندك خوات؟؟عندي وحده متزوجه وساكنه في دبي (واذا عندك) ليه ماتفضفضين لهم؟ ايش الهوايات اللي تحبينها؟ما عندي هوايه انتظرك يااختي الحلوه |
انتظرك
12-12-2010, 09:14 PM
|
المشاركة الأصلية كتبت بواسطة حلم وتحقق....
حبيبتي بما انج تحبين الوحدة وفي هالسن هذا بالذات
فأكيد في مشكلة مضايقتج بقوة...في شي داخلج سلبي وقاعد يأثر عليج كان ودي اعرف تفاصيل أكثر عن حياتج..وسبب الانطوائية كل شي له سبب..وامية بالإمية في شي مو راضية تقولينه هو السبب اللي انتي فيه قريت مشكلتج..ولفت نظري رغبتج في انج تصابين بمرض علشان اهلج يتعاطفون معاج ويدارونج واضح انج فاقدة شيء من حنان الأهل والكلمة الحلوة منهم...صح حبيبتي الصغيرة...كثير بنات مثلج ما يحسون باهتمام وحنان ابهاتهم ودلعهم لهم..فيتمنون المرض علشان يلفتون انتباههم ويحصلون على اللي فاقدينه من حب وعطف ومشاعر جميلة بخل الأهل في مشاعرهم لأولادهم..يسبب اضطرابات في سلوكهم اختي الصغرى..لا تكثري الجلوس وحيدة حاولي انج تتقبلين واقعج وترسمين لمستقبلج نجـــوم ملونـــه تنور لج الدرب اول شي لابد انج تستعينين فيه هو الله سبحانه وتعالى وتطلبين منه ان يساعدج في جميع امورج يمكن هالضيقة ربي ارسلها لج لأنه يحبج..ويبيج تلجإين له علشان يسمع صوتج ويستجيب لدعـــائج ثاني شي العزيمـــة ومحو كل الأفكار المتعبة من راسج ورميها لأبعد مكااااان لا تحاولين انج تهربين من اي مشكلة تواجهح...الهروب ماراح يفيدج او يمنعها عنج واجهيها وحاولي قد ما تقدرين انج تقتلعينها من جذورها وتحلينها اذا مثلا احد تكلم وقال شي يضايقج..خليه يعرف انج تضايقتي من كلامه وحديثه وشوفي ردة فعله علشان تعذرينه او لاء..ولاتخبين ضيقتج وزعلج علشان ما تكبر داخلج وتسبب لج الم وحزن..طلعيها كلها الله يوفقج حبيبتي ويرضى عليج ويبعد عنج كل هم وضيقه |
15-12-2010, 01:50 AM
17-12-2010, 12:17 AM
|
المشاركة الأصلية كتبت بواسطة كنت أنثى
السلام عليكم ورحمة الله وبركاته حبيتي وصغيرتي من زماااااان قريت مشكلتك وكنت برد عليك بس انشغلت كثييييير انتي تذكريني بأختي الصغيره وعشان كذا اهتميت اني ارد لأنها لما تتكلم عن معاناتها تحسس اللي قدامها انها مضطهده. مع اننا والله والله والله كلنا نموت فيها وامي همها وشغلها الشاغل هي بس طريقتها غلط مع امي مثلا امي تمدح فيني وفي بعض اخواتي عندها هي تظن انها تحبنا اكثر منها مع ان قصد امي تحريضها على المنافسه هي متقلبه مره تخدم امي وتحطها بعيونها ومره زعلانه وتعصب لما تطلع مو دائما تستأذن من أمي انا وأختي لازم نتستأذن ولو مارضت خلاص ننسى الموضوع هي لا لو استأذنت وما رضت امي تقلب الدنيا على اهل البيت احنا نهتم كثييييير بدراستنا وحريصين على جدولنا الاسبوعي وما نطلع من البيت الا في الاجازات وعلى العكس اختي مهمله جدا. كلنا نحبها بس فيه بعض تصرفات تسويها تخلينا بسرعه نعصب ونتنرفز منها . انا عن نفسي امووووووووت فيها لأنها طيبه جدا وخدومه وحبوووووبه وعفويه بتصرفاتها وهذا اللي مخلي امي تحاصرها اكثر مننا لأنها كانت تقول لأمي قصص عن صديقاتها والله شي غير طبيعي مع انها كانت بالمتوسط عن شباب وتلفونات وطلعات وارقام. فصارت امي تخاف عليها كثير ودايما تطل عليها بالغرفه تشوف ايش تسوي وهي تزعل وتتضايق مع ان كل هذا من خوفنا عليها وعلى مصلحتها. فأنتي يا غاليتي لازم تتقربين لوالدتك سلمي عليها بوسي راسها يدها قولي لها انك ما تستغنين عنها وانك تحسين بتعبها ومحبتها لك امدحي اخوانك وخواتك عندها وبيني لها انك تحبينهم وتهتمين بأمرهم سوي لها عشاء, سوي لها مساج لرجولها او لراسها او ليدينها لما تطلعين مكان قولي لها انك تحبين تطلعين معها دائما اسأليها عن رايها في لبسك في دراستك واي مشكله تمر فيك وحسسيها انك اقتنعتي برأيها وطبقيه رتبي غرفتك واطلبي انك ترتبين لها غرفتها تقربي منها احضنيها ورددي انتي اجمل شي بحياتي وما ارتاح الا لما اكون قريبه منك مو مره ولا مرتين ولا ثلاث لا دايما وللأبد لازم تحس ان انتي صرتي كبيره وتغيرتي خليها تثق فيك وتعرف ان ما ينخاف عليك حافظي على صلاتك واكثري من الدعاء لوالديك. الله يحفظهم ويحفظك ويصلحك وجميع بنات المسلمين. ( ترى هذا بعض اللي اسويه مع امي الله يحفظها قبل لا اتزوج وبعد ما تزوجت ) |
17-12-2010, 01:07 AM
|
المشاركة الأصلية كتبت بواسطة همي داخل فمي
وربي حاولت مع امي وابوي بكل شي مو عاطييني وجه والحين ابوي يقولي
نهاية هذي السنه بتتزوجي ولد عمتكي وكملي دراسه عنده بالله هذا سن زواج؟؟؟؟ |
17-12-2010, 09:23 PM
|
المشاركة الأصلية كتبت بواسطة كنت أنثى
يا حبيبتي لا يضيق صدرك ولا تشيلين هم الزواج قسمه ونصيب يعني اذا ربي كاتب بتتزوجين بتتزوجين واذا ربي ما كتب ماراح تتزوجين الان. المهم انتي تكلمي مع ابوك بعقلانيه وهدوء قولي له ان هذي الايام الرجال متهورين وما يتحملون مسوؤليه والطلاق سهل عندهم وانا ابي اضمن شهادتي, قولي له انا مو اعتراضي على ولد عمتي انا واثقه من اختيارك بس التوقيت هو اللي مضايقني بس اخلص دراستي نفتح الموضوع. انتي كم عمرك الان؟ ماشيه في ال 14 الله يكتب لك اللي فيه الخير ويوفقك دنيا واخره. |
18-12-2010, 03:33 PM
18-12-2010, 03:36 PM
وغالبا هي الي تستمر
18-12-2010, 04:39 PM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
